شاعر مصحصح

[معجب العتيبي]

سلام يا اصحاب القصيد اللي سهرتوا للقصيد=والشاعر اللي يضبط المعنى نحقق له مناه
واشرط عليه يكون عنده في الصبر وزن ورصيد=وان كان جاب شروطنا ياهل القوافي ماعلاه

[عبد المحسن الحلحلي]

يا مرحبا يا مشرف الأقسام يا سارح بعيد=دامت لك الأفراح واللي دوّر لشيٍ لقاه

شاعر قصيده من ذهب شاعر قصيده من عصيد=مار البلا جمهور ما يفهم وقاصر مستواه

[معجب العتيبي]

دام البقالك يامرحب ياعسى عمرك مديد=والضلع مايتعب من العالم ياكود اللي رقاه
لاصار بيت العز يارجال بالعزه مشيد=يالحلحلي ماطالع الجمهور رجالن بناه

[عبد المحسن الحلحلي]

يا ناقل البندق علامك بندقك عيّت تصيد=لكن جرّب فالجبل لعل تاقع في حصاه

أزريت أميّز فالزمن صنعه ذهب وألا حديد=سيفه يقّص وكل راسٍ من على متنه رماه

[معجب العتيبي]

مانخطي الصيده وصيد اليوم عيا لايفيد=ماغير عظم وجلد والقناص ماحصل مناه
كم لك مع اهل السيف ياسياف ياعبدالحميد=عشان تعرف نوع سيفك قبل لانبحث خفاه

[عبد المحسن الحلحلي]

يا اللي بغيت العيد بدري يا عسى عيدك سعيد=كلٍ وعقله يحكمه لا قلت لي عقله معاه


من غابر الأزمان وأنته يا الصعيدي فالصعيد=واللي سكن نجد المسمى ماكلٍ زاده وماه

[معجب العتيبي]

المسح للسبوره اصبح فالزمن عذر البليد=والعقل فالانسان نعمه دام خلاقه عطاه
مايفهم المقصود رجال امتلا بطنه ثريد=وسكان مكه تدري بشعب البلد واللي وراه

[خالد المقاطي]

الله الله





ولا زالت المتعه والفتل والنقض .. موجوده



ياعسى الطيب من ربعنا


شعار الهيلا




ازهلوووو الصفووووف الليل الليل




متابع بصمت













اخوكم :

[عبد المحسن الحلحلي]

لا صرت منته من هلا الطالات والراي السديد=وش خانتك لا صرت ماتعرف طويق من السراة=

يا مل قلبٍ من بلا الأيام عيّا لا يهيد=دام السبب ما يكسب الحسنة ولا صلى الصلاة

[معجب العتيبي]

المسلم اللي في صلاته لايزيد ولا يعيد=وان كان سواها سجد سهوٍ يكفر عن خطاه
لاصار همك وسط قلبك من عنا وقتك يزيد=ابحث عن الأسباب واطلب ربك يعجل شفاه

[عبد المحسن الحلحلي]

يا راكب الحمرا عجل في رجلها يا هيه قيد=لا فزّت الحرة لابد يضيّع البير وغطاه


اللي مشى درب السنع ما يمكن بدربه يحيد=لكن حذرا من بليس يدّلكم درب العصاة

[عبد المحسن الحلحلي]

أستاذي معجب العتيبي(سارح البال)

سعدت والله بمحاورتك

وأنا شاكر لفتح المجال لي لمحاورتك

لك مودتي

.الحلحلي.

[مرزوق الجعيد]

محااااااااااورة في قمة الابداع

ولم ياتي الابداع الا من مبدعين

بيض الله وجيهكم

[قادح شرار]

سارح البال , الحلحلي : صحت ألسنكم , محاورة جميلة جدا .


تقبلوا مروري



أخوكم/قادح شرار.

[عبد المحسن الحلحلي]

أخوي مرزوق الجعيد

ووجهك أبيض

يا غالي

لك مودتي

الحلحلي

[عبد المحسن الحلحلي]

قادح شرار

أخوي صح بدنك

ولا عدمناك

تقبل احترامي

الحلحلي

[عبدالله الجـــذع]

محاوره في قمه الروعه والجمال...


صحت السنتكم ودام لنا ابداعكم

[مرزوق حمدان العتيبي]

..
.
صح لسانك يابو سلطان ..
وصح لسانك يالحلحلي
شعار مبدعين ماشاء الله علاكم ...
..

[نواف العصيمي]

معجب يعطيك العافيه وصح لسانك


إبداع × إبداع




يا ناقل البندق علامك بندقك عيّت تصيد=لكن جرّب فالجبل لعل تاقع في حصاه

أزريت أميّز فالزمن صنعه ذهب وألا حديد=سيفه يقّص وكل راسٍ من على متنه رماه

الله الله الله

:)

إبداع × إبداع

[معجب العتيبي]

محااااااااااورة في قمة الابداع

ولم ياتي الابداع الا من مبدعين

بيض الله وجيهكم
مرزوق الجعيد شكرا على الاطراء الجميل والمرور الاجمل
سارح البال , الحلحلي : صحت ألسنكم , محاورة جميلة جدا .


تقبلوا مروري



أخوكم/قادح شرار.
صح بدنك ياغالي
محاوره في قمه الروعه والجمال...


صحت السنتكم ودام لنا ابداعكم
الروعه كلماتك وحظورك شكرا

..
.
صح لسانك يابو سلطان ..
وصح لسانك يالحلحلي
شعار مبدعين ماشاء الله علاكم ...
..

يكفينا مرورك وتعليقك

[معجب العتيبي]

أستاذي معجب العتيبي(سارح البال)

سعدت والله بمحاورتك

وأنا شاكر لفتح المجال لي لمحاورتك

لك مودتي

.الحلحلي.

اسعدني اللعب معك ياغالي

والفرصه كانت لي وشكرا على رحابة صدرك

[نايف بن ملحق الثعلي]

معجب العتيبي صح السانك

الحلحلي صح السانك

محاوره رائعه

[عبد المحسن الحلحلي]

عبدالله الجذع

صح بدنك


منكم استفدنا

احترامي


الحلحلي

[عبد المحسن الحلحلي]

مرزوق العتيبي

صح بدنك


مرورك تشريف لنا

مودتي


الحلحلي

[عبد المحسن الحلحلي]

نواف العصيمي

صح بدنك يا ابن عاصم


مرورك تشريف لي


احترامي


الحلحلي

[عبد المحسن الحلحلي]

نايف الروقي


صح بدنك


منكم استفدنا


احترامي


الحلحلي