كل معناً يفتشه تفتيش

[صاهد الشيباني]

كل ماهبت هبوب النود=حرك الهاجوس عند الشيش
وين ابالقا شاعرٍ نمرود=كل معناً يفتشه تفتيش

[عبد المحسن الحلحلي]

كل ما جا حاوي ومردود=والزناد إليا انفهق ما نيش

شاعرٍ ينحت من الجلمود=وشاعرٍ ما غزّه ألا الطيش

[صاهد الشيباني]

القعاطة والصخا والجود=ويش يفرق بينها ياعميش
ورثنا اللي بعد مات العود=شاركونا به سمرمد بيش

[عبد المحسن الحلحلي]

الكلام اللي بليا فود=مثل بردانٍ ويلبس خيش

ورثنا بالرمح والعبرود=والبناخي صفوةٍ لقريش

[مرجح الميزان]

الله الله يالشيش

ورثنا اللي بعد مات العود
شاركونا به (سمرمد بيش) ;)


صح لسانك..وصح لسان الحلحلي



,,,


متابع

[صاهد الشيباني]

الضوامي صادره وورود=والمزاهب بين سمن وعيش
ادري انك تبذل المجهود=لوتسل السيف ياحتيش

[صاهد الشيباني]

صح بدنك يامرجح الميزان

[عبد المحسن الحلحلي]

ذا زمان القرد فيه يسود=وانتهت سطوة سباع الهيش

ويش خابر والجموع شهود=حرٍ أشقر ما بقا له ريش

[صاهد الشيباني]

الله انه يرحم ابن سعود=والف الصعصوع والخريش
كل شيٍ فالورق مجرود=وش تعد ووش تخلي ويش

[عبد المحسن الحلحلي]

من نشد ما ضيع المنشود=وأنت جاهل والجهل تخييش

ما تفرّق بين بيض وسود=ما ركبت مضمرات الجيش

[صاهد الشيباني]

فيه ناسٍ فكرها محدود=ياعميلٍ مبتلى ودفيش
الليالي بالسنين تزود=مار ماتدري بها الحشيش

[صاهد الشيباني]

النهاية من عندك يالحلحلي وصح السانك وبيض الله وجهك

[عبد المحسن الحلحلي]

ليه شلت الخرج يا مقرود=ما سمعت إن فيه حس حنيش

مرجعك يا الشيش بيت الدود=خالقك ربك بها درويش

[عبد المحسن الحلحلي]

صح لسانك يا الشيش

قاف ممتع مع شاعر جزل

سعدت بمحاورتك


تقبل مودتي

.الحلحلي.

[بوينق بي52]

ياسلام
هنا شعر بمعنى الكلمه
وهنا ابداع استغرب عدم متابعته
ابصم لك بالعشره وابشر انك تحت المجهر:)