اطرف شاعر سداااااااااد

[المعتصم بالله]

سلام يالهيلا وانا راعي محل=من ضامري تشمل جميع اللي قرى

المعتصم جاكم ويمشي في مهل=راع الرديه لا يجي يرجع ورى

[عبدالله حبيٌب الزراقي]

يامرحبا وانتم لنا مثل الاهل = والله يحيكم وفا ماهو زرا
انا معك والطيبه فعل وعمل = ولا الردا ماله معي بيع وشرا

[المعتصم بالله]

دام البقى والصبر بالتالي عسل=يا تاكله وإلا قبيلك به سرى

موروثنا وشبه تراجع وإضمحل=قلي علامه صار في قاع الثرى


استأذنك ولنا عوده بعد المغرب ان شاء الله

[عبدالله حبيٌب الزراقي]

خذ راحتك يالطيب اللعب على حسب الظروف
لكن ان شاء الله موجود بعد المغرب ان ربي اراد



ان كان عندك وردةٍ جاك النحل = واخذ العسل صافي معك للمعصرا
موروثنا هدٌوه شعٌار الغزل = ولا من اول مثل ضلعان الكرا

[المعتصم بالله]

العلم عندي صاحبك ضد الجهل=اقرب نبا نختار لك مما نرى

يعني غدا به ذاك صياد الحجل=والا غدا به من بغى به يشهرى

[عبدالله حبيٌب الزراقي]

ان غرزت فوق الجبل عطها الدبل = وان بوشت كل الامور مدبرا
من يلقح الناقه بعد مات الفحل = ياصاحبي والله تراها مسخرا

[المعتصم بالله]

عندك جبل عندي ترى يصبح سهل=ومعودٍ نفسي على عس القرى

احدٍ فتل واحدٍ على همه بتل=شرواك يظهر ما يجي خلف الذرى

[عبدالله حبيٌب الزراقي]

خابرك ماتزرع مع الكادي بصل = ماتزرع إلا مسك عود وعنبرا
ياليت للشعٌار سجن ومعتقل = الروس تخضع تحت حدٌ الابترا

[المعتصم بالله]

اعبر ما دام الدرب قدامك عدل=واللي طرا بخاطرك عندي ما طرى

يا فكرتي منهم ومن شيٍ حصل=والجيب منهم يا عميلي انفرى

تشرفت باللعب معك يا عبدالله والقادم احلى

ان شاء الله والختام عندك طال عمرك

[عبدالله حبيٌب الزراقي]

بعض المخاطر مالها صنف وبدل = والنفس تشقى والدروب مسكرا
الله يخارجنا ليا صارت هزل = ياصاحبي ماتعتدل بالسمكرا


الشرف لي طال عمرك وتشرف وتنور في اي وقت

صح بدنك لاهنت يا الذيب