دهـــــــــــام
04-Nov-2003, 04:00 AM
هاذي سالفه من يومنا صغار نسمعها والسالفه لاهنتو هي
يقولون ان ابه رجال شجيع ولايخفاه من علوم المرجله شي مناسبله ناس على حده ولامثله بعد من قبيلة ماهيب من قبيلته بس انهم جيران والمره اللي هو ماخذها يقولون يالله من فضلك الزين والضفاره والسنع كامله والكامل وجه الله سبحانه---المراد انه ومر الله وحصل بين القبيلتين مايحصل بين القبايل وغزى بعضهم بعض وشانت الانفس وبعضهم معاد يبي طاري الاخرى ولاعاد به جيرة مثل منول كلن ضرب فجوج الله الواسعه وابعد عن الاخر
ومري يالسنين ودوري ياالايام ودق في قلب رفيقنا ذكرى زوجته وتردى حاله وذبحه الشوق ولاعاد يذوق العيشه يبيها باللي هيبه
ويجي يوم وهو يركب فرسه وناوين يروح يم شوقه قام يدور بين العربان وينشد عينتو الفلاينه وين اتلا العهد ابهم
المهم انه لقاهم وهو يجي ورى هاك الضلاع لين امساه الليل وهو يقرب عند بيوت انسابه وهو يقعد يعوي ولامنه اخذ شوي عوى مرةً اخرى
اثر المره (حرمته) ماهيب على شي اعرفته ....؟صوت الغالي وقومي ياهابت الريح واخذي العشا واسريله وعشته وسولف بعضهم على بعض الوكاد ان الرجال اخذ منها ماياخذ الرجال من حرمته وجلسو على هاالحال يجي نص شهر كل لليل يعوى وهي تجيه...
عود الرجال لربعه وهي جلست عند اهلها ومرت الايام وظهر بطن المره ويخمونها اخوانها ابك انتي علامك فضحتينى يالفاجره يالي فيك مالافيك قالت ياعيال ابوي والله اني ماسويت الا حلال وان الي في بطني ولد فلان نسيبكم وعلمتهم بااللي صار كله...
قال اخوها الكبير وروح اخوهم الصغير وقال رح وعطنى العلم هو صدق ولا كذب (وهو يوم روح اخوهم الصغير علشان نسيبه مايعرفه كبر الغليم ولاعاد هوب على خبر نسيبهم)
راح الغليم لين وقف على اهل نسيبهم يوم جاهم ويقلطونه ويكرمونه ويقعدون يتناوبون الربابه واحد ورا الااخر يوم جا الدور عند الغليم قال ::::
ياذيب يالي تالي الليل عويت------ثلاث عويات قويات وصلاب
ابنشدك عقبها ويش سويت----يوم الثريا دلجت والقمر غاب
هاه والنسيب يعرفه وياخذ الربابه وهويرد:::::::::::
انا اشهد اني عقبها قد تعشيت -------واخذت شاة الذيب من بين الاطناب
على النقا ولا الردى ماتهقويت----ردو نسبنا ياعريبين الانساب
عود الغليم لاهله وعلمهم بعلومه وهم يروحون لنسيبهم قالو تعال اخذ حرمتك وورعها ووفقهم الله ....
وهاذي سالفتي يالربع يااااااوك ياطيب العرب منول ياحلالاه والله الي به اوادم
وسلامتكم-----
يقولون ان ابه رجال شجيع ولايخفاه من علوم المرجله شي مناسبله ناس على حده ولامثله بعد من قبيلة ماهيب من قبيلته بس انهم جيران والمره اللي هو ماخذها يقولون يالله من فضلك الزين والضفاره والسنع كامله والكامل وجه الله سبحانه---المراد انه ومر الله وحصل بين القبيلتين مايحصل بين القبايل وغزى بعضهم بعض وشانت الانفس وبعضهم معاد يبي طاري الاخرى ولاعاد به جيرة مثل منول كلن ضرب فجوج الله الواسعه وابعد عن الاخر
ومري يالسنين ودوري ياالايام ودق في قلب رفيقنا ذكرى زوجته وتردى حاله وذبحه الشوق ولاعاد يذوق العيشه يبيها باللي هيبه
ويجي يوم وهو يركب فرسه وناوين يروح يم شوقه قام يدور بين العربان وينشد عينتو الفلاينه وين اتلا العهد ابهم
المهم انه لقاهم وهو يجي ورى هاك الضلاع لين امساه الليل وهو يقرب عند بيوت انسابه وهو يقعد يعوي ولامنه اخذ شوي عوى مرةً اخرى
اثر المره (حرمته) ماهيب على شي اعرفته ....؟صوت الغالي وقومي ياهابت الريح واخذي العشا واسريله وعشته وسولف بعضهم على بعض الوكاد ان الرجال اخذ منها ماياخذ الرجال من حرمته وجلسو على هاالحال يجي نص شهر كل لليل يعوى وهي تجيه...
عود الرجال لربعه وهي جلست عند اهلها ومرت الايام وظهر بطن المره ويخمونها اخوانها ابك انتي علامك فضحتينى يالفاجره يالي فيك مالافيك قالت ياعيال ابوي والله اني ماسويت الا حلال وان الي في بطني ولد فلان نسيبكم وعلمتهم بااللي صار كله...
قال اخوها الكبير وروح اخوهم الصغير وقال رح وعطنى العلم هو صدق ولا كذب (وهو يوم روح اخوهم الصغير علشان نسيبه مايعرفه كبر الغليم ولاعاد هوب على خبر نسيبهم)
راح الغليم لين وقف على اهل نسيبهم يوم جاهم ويقلطونه ويكرمونه ويقعدون يتناوبون الربابه واحد ورا الااخر يوم جا الدور عند الغليم قال ::::
ياذيب يالي تالي الليل عويت------ثلاث عويات قويات وصلاب
ابنشدك عقبها ويش سويت----يوم الثريا دلجت والقمر غاب
هاه والنسيب يعرفه وياخذ الربابه وهويرد:::::::::::
انا اشهد اني عقبها قد تعشيت -------واخذت شاة الذيب من بين الاطناب
على النقا ولا الردى ماتهقويت----ردو نسبنا ياعريبين الانساب
عود الغليم لاهله وعلمهم بعلومه وهم يروحون لنسيبهم قالو تعال اخذ حرمتك وورعها ووفقهم الله ....
وهاذي سالفتي يالربع يااااااوك ياطيب العرب منول ياحلالاه والله الي به اوادم
وسلامتكم-----