خالد المقاطي = على طاري الشرهه

[عيد العازمي]

يالمقاطي حاضرين ال مثل شرواك النشاما = مار دير الفكر فالايام من ناقص وزايد


لو تقول انّي مع العتبان ملحك الملاما = شرهتي تاقف على اهل الطايله علمن وكايد

[خالد المقاطي]

اولآ يالعازمي مبروك تقليد الوساما =ثانيآ مجهر صحيبك ضابطينه للورايد
عام الاول جيت والمقصد نبا كشف الغماما = شرهت الاخوان بين الناس مافيها نقايد

[قادح شرار]

صحت الألسن , شعار كبار مميزين .





أخوكم/قادح شرار.

[عيد العازمي]

شاعر الصفين والميقاف مافيها كلاما = بارك الله فيك ياخالد على الجزلات قايد


المزوح اللي مابين اخوان مافيها حراما = مثل ابو فيصل وابو تركي وسيعين البنايد

[بعيدالهقاوي]

بيض الله وجيهكم جميعا

شعار متميزين

[خالد المقاطي]

ماش نار بدون جمر .. ولاش ظلعآ دون هاما = مانبا نتْرك في كيفك وتقبسها وقايد
قبل وسط المحكمه مالك لموضوعي خطاما = مار ذا الليله لك الموضوع .. ماعنك نحايد

[الرأي الآخر]

صحت ألسنتكم جميعاً يالشعارر ...


المقاطي صح لسانك ...

[الرأي الآخر]

العازمي ..

صح لسانك ...

[نواف العازمي]

العازمي وخالد المقاطي
صحت السنتكم ابداع

[مالك لوى]

حوار بين عمالقه في غاية الروعه
صحت السنتكم جميعا .

[نواف العازمي]

العازمي وخالد المقاطي
صحت السنتكم
ابدااااااااع

[مالك لوى]

واصلوا بس الظاهر انا نبا مترجم :)
الليل الليل

[عيد العازمي]

دقة امحيسن عقيمه جنب قصاص العظاما = لاتقول العلم هذا قد قريته فالجرايد


لا مشينا يالمقاطي للخطر شد الحزاما = من يفكر بالطموح ايعاف من حلو الوسايد

[خالد المقاطي]

قادح شرار




بعيد الهقاوي




الرأى الاخر



مالك لوى



اشكر جميـــ ع من مر وعطر المتصفح بمروره العطر


وعلى راسهم خوي الجنب ( ذيب العوازم ) :)


والبركه لبو طلال اللي خلانا نشوف الوجيه السفره



والشكر موصول





لاخلا ولا عدم

[عيد العازمي]

قادح شرار




بعيد الهقاوي




الرأى الاخر



مالك لوى

ذيب العوازم



كلكم غالين ك خالد المقاطي


شكرا لكم

[خالد المقاطي]

كل حرً ياخوي الجنب فوقه حر حاما = والغراب يهد مار بهدته ماعاد صايد
الحزام يشد مايرخا عليه بالحراما = الفكر يقدح شراره واللسان اله الفرايد

[عيد العازمي]

بالجناحين الصقور اطّير قدام الحماما = وان هبدها الصقر بالمخلاب خلاها حرايد


العلوم اللي تقال ابعيد عن جوف الزحاما = ليش راعيها يغيب اليا احتمت وقت الشدايد

[خالد المقاطي]

لو ينوض البرق شرقا .. لاتسوق البوش شاما = والحمامه مالها في عزوة عتابه عوايد
قبلكم سليت سيفآ .. قد قسم راس السناما = مار راع الحق مايعطي حقوق اهل الردايد

[عيد العازمي]

لو مخيّلة البروق ؟ ابعيد عنّا ياغلاما = الضعن محدن يسوقه غير قدامه فوايد


احتدى عن مقصدي مدري سرى ليله حلاما = سلة اوجاعه جديده والهدف حبك القصايد

[عيد العازمي]

خالد انت شاعر مبدع وشهادتى اقل من مستواك


لاهنت وصح السانك والختام عند ك ياخوي الجنب ههه


تصبحون على خير

[راع العلطا]

العازمي × المقاطي خالد




صحت ألسنتكم وبيض الله وجيهكم

على هالأبداع الغير مستغرب عنكم




لاهنتوا ودمتم,,

[خالد المقاطي]

الفعل !! يبغا صبر والعلم هاما تلو هاما = والشكوك ان جاوبة بالراس تسبيه وتعايد !!
الطموح من الخيال .. ولا تجي لم الزماما = همنا فالعلم الاول .. غيرها مانيب رايد

[خالد المقاطي]

العازمي



والله انت المجرم .. والمخلاص منك مكسب

:)

صح اللسانك واسمحلنا انجا فيها قصور


والساعه المباركه



...



راعي العلطا

حي والله هالطرح اللي جابك


انت حي :)


لك وحشه يابو كايد اسعدني مرورك







اخوكم ::

[ابو بندر]

صحت السنتكم يشعاناالمبدعين

العازمي والمقاطي
والنعم والله

واصلوا متابعينكم

[خالد المقاطي]

ابو بندر



صح اللسانك .. والله ينعم بحالك





اخوك ::






..