مرحبا ..... وينك يابو طارق!!!

[طلال الثعلي]

مرحبا ترحيبة سلمها سلم الرجال= سلمها سلم الرياجيل في تقديرها
يابو طارق لد عينك لبراق الخيال=والعلوم الطيبه ماندور غيرها



مساك الله بالخير يابو طارق

وكل عام وانت بخير

[وصل العطياني؟؟؟]

الله الله


بداية جيدة ....


ننتظر أبو طارق..




ولا شك أنها سوف تكون محاورة ممتعة..


وللجميع تحيااااااتي.

[ابو طارق]

اخوي العزيز// طلال الثعلي

الله يمسيك بالخير وكل عام وانت بخير

استلم لاهنت

الـبـقـا ياربـعـنا ياكريـمـين السبال
========= ربعي العتبان والله يكثرخيرها

والجواب ايجيك مني على قد السوال
======== جيب الايه كامله ثم اخذ تفسيرها

[ابو طارق]

مراقبنا العزيز وشاعرنا المميز
وصـــــــــل العطياني
كل عام وانت بخير
شكراً جزيلاً لك وللجميع
تقبلو تحياتي

[وصل العطياني؟؟؟]

طلال:

مرحبا ترحيبة سلمها سلم الرجال سلمها سلم الرياجيل في تقديرها
يابو طارق لد عينك لبراق الخيال والعلوم الطيبه مانـدور غيرهـا

أبو طارق:

الـبـقـا ياربـعـنا ياكريـمـين السبال
========= ربعي العتبان والله يكثرخيرها

والجواب ايجيك مني على قد السوال
======== جيب الايه كامله ثم اخذ تفسيرها



كلااااااااااااااااااااااااااام!!!!!!!!!!



واصلووووووووا...

الليلة أبى أصابح معكم ....

الله يعفي عني!!!!



تحيااااااااااااتي

[ابو طارق]

تحياوتدوم
الحقيقه انك اسم على مسما
وصل( نعم ) وصل

تحياتي

[طلال الثعلي]

ياهلا حييت والكيف في صفر الدلال=عندنا دله يبي يعجبك تبهيرها
والله انا ياولد مانبي غير الحلال=وربعنا لو قصرو نحتمل تقصيرها

[ولد روق]

السلام عليكم ..
ياهلا حييت والكيف في صفر الدلال .......... عندنا دله يبـي يعجبـك تبهيرهـا
والله انا ياولد مانبي غيـر الحـلال ......... وربعنا لو قصرو نحتمل تقصيرهـا


الله ،،،،،،،،،، الله
الليل ..

[وصل العطياني؟؟؟]

هلا والله يا ولد روق..

أنا وأنت نبى نتابع ...



لكن إنتبه تفكى ليا قرب موعد السحور علمني!!!!!



لاكود ننسى ثم نجيب العيد باكر!!!!!



تحيااااااااااااتي

[ذياب المرشدي]

طلال الثعلي
وابو طارق
ووصل العطياني
وولد روق

مساكم الله بالخير

والمحاوره قمه فالابداع

صح لسا الشاعرين والجميع

ولشاعريتا المبدعين

واصلوا لاهنتوا

والله يعافيكم جميعااااااا

[وصل العطياني؟؟؟]

مسيت بالخير يا ذياب

[طلال الثعلي]

وصل العطياني

ولد روق

ذياب المرشدي

لاهنتوا

تحياتي....

[ولد روق]

السحور عندي ياوصل ..
انت والربع قل تم ..

[وصل العطياني؟؟؟]

ولد روق:

راعي وفاء ولا فيك قصور..


تسلم والله.

[ابو طارق]

استلم لاهنت

البقاء ثم البقاء مانبي طول الجدال
========== اسمع النشره قبل تستلم تقريرها

ان وصلت الحبل والوصل وصلناالحبال
========== وان قطعت الحبل عندالولي تدبيرها

[وصل العطياني؟؟؟]

الله الله



واصلووووووا



عز الله إنكم مبدعين

[طلال الثعلي]

استلم:
كان عندك يابن الاجواد خبره فالقتال
=================== والعلوم الثانيه للولي تيسيرها
مير وجه يم بغداد ثم شد الرحال
================== الحرايب وسط بغداد دقت زيرها

[ولد روق]

زيرها ،،،،،،،،، الليل

[وصل العطياني؟؟؟]

يا سلام سلّم!!!

[ابو طارق]

خلوووووووووووهـا

النجوم تبين بعدين ويبين الهلال
=========== وان فتحت ابوابها ياصعب تسكيرها

كيف اروح لديرةٍ ماللي ابها راس مال
========== مستحله وانته ازريـت في تـحـريـرها

[وصل العطياني؟؟؟]

الليل يا بو طارق


يا سلام عليك..


خلوكم على هالمنوال..



تحياااتي

[طلال الثعلي]

خلوووووها

ياجماعه ميزوا ويش قلت ويش قال
=================== والعلوم إن طولت عندنا تقصيرها
انت مسلم واجب انك تفك الاحتلال
================== مهب اتدل الاعادي وتدهن سيرها

[ابو طارق]

كفويابومشهور
ابن حياد يبلغك السلام تراه معزوم على السحور عندي واعزمكم كلكم الله يحييكم
على الشبب وعلوم الرياجيل يارياجيل
انتظرمنكم الموافقه
زين

[وصل العطياني؟؟؟]

أبو طارق


تسلم ويسلم أبو حياد..


وله منه التحية..


وأنت راعي العلم الغانم ...

لكن للضروف أحكام ...



وبعدين إذا كان أبو أوان عندكم بلّغه نص سلام!!!!!




تحيااااااااتي

[وصل العطياني؟؟؟]

الليل الليل

[طلال الثعلي]

يابو طارق

وينك السحور قرب

عساك سالم

[وصل العطياني؟؟؟]

على العموم بيّض الله وجيهكم


وكل الإخوة المتابعين..


وبإمكانكم المتابعة فيما بعد....

أنا أبى أروح أتسحر!!!!!!



تصبحون على خير.

[ابو طارق]

استلم لاهنت

الزعل يالاجودي بيننا ماله مجال
======== نستشيراصحابنا فى لاامرونشيرها

بارك الله فيك والله يبارك فالعيال
======== والعلوم موجهه وانت لـيـش اديرها

[ابو طارق]

الشكر للعموم

وتقبلو تحياتي

[أبوسلطان]

مساكم الله بالخير

بيض الله وجيه الشعراء

على هالطاروق الممتع والمفيد

وبيض الله وجيه الحاضرين

على المشاركة وعلى مسك الصفوف

ولكم مني اصدق التحايااااااااا

[صنيتان قرداحي]

الله الله قمة يابعدي

طلال الثعلي غني عن التعريف شاعر متمكن

اما ابو طارق اعتبره مفاجأة وبدايه قويه تنبئ عن شاعر متمكن ايضا
ومكسب للمنتدى

تحيااتي لكم

[مدركة]

محاورة ممتازة


على القوة

طلال وأبو طارق متمكنين