العازمي (لاحظوا اسمه قدامه حركات)

[معجب العتيبي]

لا اعلم ما اقول هل مبروك الوسام ام مبروك للوسام ان يأتي بين يديل



سلام ردة وفا بحروف وارقام=اقولها من ظميري للحظوري
العازمي بعد ماحطوله وسام=اصبح وجوده على الصفحه ضروري

[أبو نجر النفيعي]

العازمـي بعـد ماحطولـه وســام
اصبح وجوده على الصفحه ضروري



يا سلام عليك .. صح لسانك ولسان العازمي مقدما ..

:)
أخوكم


متااااااااااااابع

[سلمان الروقي]

العازمـي بعد ماحطوله وسام اصبح وجوده على الصفحه ضروري

الله الله

ماله عذر


صح السااانك يامعجب(سااارح) مبدع
وصح الساان العازمي مقدمآ ليكتمل الأبداع

تحياااتي,,,,

[معجب العتيبي]

ابو نجر النفيعي

وسلمان الروقي

مروركم يكفيني عن الف مشاركه وزياده

شكرا

[سداح الحافي]

يسسستاهل
وصح السانك ياستاذ معجب ولسان العازمي مقدماً

[عيد العازمي]

يامرحبا يالمسلم حسب الاسلام = ترحيبتن تكفي العالم شهوري


انا وجودي يشرف خط الاقلام = جمب الرجال الكريمه بان دوري

[معجب العتيبي]

يسسستاهل
وصح السانك ياستاذ معجب ولسان العازمي مقدماً

صح بدنك ياغالي وعقبال عندك

وطاروقنا ورا ماتكمله؟ تراه جاهز ههههه

[سداح الحافي]

بشر ياستاذ معجب وستلم

[عيد العازمي]

ابو نجر --- سلمان ------ سداح


بارك الله بكم ولكم


وشرفتونا

[معجب العتيبي]

دام البقا والليالي حظها قام=بوجود مثلك تبا تفرح عصوري
لاصار بعض العرب لاجيت ينظام=انا لياجيت يامكثر سروري

[علي فلاح العضياني]

العازمـي بعـد ماحطولـه وســام
اصبح وجوده على الصفحه ضروري

العازمـي بعـد ماحطولـه وســام
اصبح وجوده على الصفحه ضروري



العازمـي بعـد ماحطولـه وســام
اصبح وجوده على الصفحه ضروري




الله لله درّك يابو سلطان ولا يهون ابو طلال

[عيد العازمي]

ترى حروف القلم للفكر خدام = يالشاعر اللي يزيد النور نوري


يامعجب الليل والماقف وشد الحزام = شاعر والك منزله بين الصقوري

[معجب العتيبي]

حرف القلم تالي الايام صوام=مدري حقيقه كذا والا شعوري
صاحبك ياصاحبي صاحي ولانام=وقت اللوازم يشرفكم حظوري

[عيد العازمي]

اليا بنيت الجدر ماني بهدام = اعز بالفعل والصوت الجهوري


كفولّها ياعميل الخير قدام = في ظلك الوارده تصدر صدوري

[معجب العتيبي]

اسف والله النت اليوم كل شوي يفصل



ليا بنيت البني منته بصدام=صدام بعثي واضن الحزب ثوري
احذر وخلك على ماقيل عزام=واياك واياك من حب الظهوري

[عيد العازمي]

صدام فالقبر ماباقيله اعظام = وش عاد لو قادهم ذالحين ( نوري )


لو النصيحه مابين الناس عيّت تسام = نصيحتك شلتها وسط التجوري

[معجب العتيبي]

اذا القمر غاب نور النجم مادام=والصيت يبقا لراعين القبوري
بعض العرب ياوسيع العرف ينلام=مدام جدانه طوال الشبوري

[عيد العازمي]

الصيت لمحمد المبعوث ياغلام = ماهوب للشيعه اعظام النحوري


اللي ترك درب جده واحد خمام = ماهوب منّا تعشاه النسوري

[معجب العتيبي]

سجيت عن مطلبي واعماك الاعدام=خليت وجهتك كتب النيسبوري
ياللي تبا الحج وينه لبس الاحرام=عليك فدي وتبا تصبح صبوري

[عيد العازمي]

اخطيت لكن جنّب غبر الاوهام = يامعجب اعجبك ابو حظ معثوري


ان كان ابه فدي قلّي غير الانعام = ماهي كما مخالفه عند المروري





شرفتنا يامشرفنا الغالي

وعن اذنك عندى دواام

[معجب العتيبي]

ابو طلال انا من اسعده اللعب معك

والفائده من توجدك

شكرا على اتاحة الفرصه

[السميــــــري]

محاورة راقيه ..
بوجود شعراءها العملاقة ...

صحة السنتكم أمتعتونا