العازمي بعد ما توّبته و تاب !!!!!

[علي فلاح العضياني]

العازمي بعد ما توّبته و تاب =ثمّ قال انا تايبٍ توبه نصوحي
اليوم ينكث و يفتح للخطر باب= و يشبّها بين مزحم و الطلوحي

[عيد العازمي]

عزالله انك تدور قرصة الداب = لاتحسبنّي معك دايم مزوحي


لا تحرث الارض يظهر قدمك نصاب = باسبابك المشكله قامت تلوحي

[أبو نجر النفيعي]

..

الله الله ,

صحة السنتكم .... واصلوا وحنا معكم ..

:)
أخوكم

[معجب العتيبي]

طاروق يبداه العضياني علي
والطرف الاخر العازمي

لا مافيها كلام من اراد الفائده والمتعه فليتابع

صحة السنتكم

[سداح الحافي]

طاروق يبداه العضياني علي
والطرف الاخر العازمي

لا مافيها كلام من اراد الفائده والمتعه فليتابع

صحة السنتكم
ولاهنتم وصحة السنتكم

[علي فلاح العضياني]

لا جالك شعيل يهدر شامخ النّاب = خلك معه لا هبود و لا رموحي
الصقر يشهر و يبدي كلّ مرقاب=لو ناحت الورق لا يمكن ينوحي

[عيد العازمي]

اشعيل ماعاد يلقي عد مشراب = واصبح عن ديار رعيانه نزوحي


اثر المخالب تجي حتى مع غراب = لكن من طبعه اقصيّر شبوحي

[غازي غالب]

الله الله

ابو فلاح والعازمي

وطاروق غير وليلة غير بحضوورهم

صحت الالسن والقلووب

متابعين للأبداع والجزاله

[علي فلاح العضياني]

العازمي يوم ندحم عنه الاجناب =إمربعٍ فالمضير و فالصبوحي
الله يخلّي لك ابو زيد و ذياب=و لاّ انت عن حالتك ......( يا وجد روحي )

[عيد العازمي]

ان كان حنّا نصير اجناب نصاب = والنار شبت عسى قدرك يفوحي


ام اليتامى بنت غرفه بمرزاب = وانته عن الحق بعيونك تشوحي

[محمد بن ثعلي]

صح لسانك يالفالج
وصح لسانك يالعازمي

وانا في صفك يابن عاصي ولايهون الفالح

الليل الليل

[عيد العازمي]

محمد بن ثعلي الصف يفتخر بشرواك لاهنت وصح بدنك

[علي فلاح العضياني]

النار لا عاد تلحقها بمشهاب=و أطرحك فالنار قدم إنّك تروحي
بلشت بالعازمي من بدّ الاصحاب=سوات عنتر مع الثور النطوحي

[عيد العازمي]

اهرج بعلم الحقيقه قدم ا لاقراب = قدام لا زيد في نفسك جروحي


اشهودكم نصهم موتى وغياب = لا تشترون الذمم بالمال .. توحي

[علي فلاح العضياني]

يستغرب اللي ما يدري ويش الاسباب!!!=هو ما عرف مدّة الكفّ الشحوحي ؟؟؟؟
ما انته بلاقي عن الموضوع مجناب=لو طرت و إلياك من فوق السطوحي

[عيد العازمي]

يالقاضي اقرب وحضّر جنبك عقاب = ترى علي مايمثلّي طموحي


مطاوعه فالمساجد ناس شياب = وان جات للحلف لليمنى جموحي

[علي فلاح العضياني]

الله يخلف على اللي صبرهم ذاب=يبغوك تنجح و لا حولك نجوحي
حطّيت لك يا جحا فالدّار منساب=واشغلتنا وانت رجالٍ شفوحي

[عيد العازمي]

ياعلي بالسمر انا للنار شباب = وانته تليّم سلم مدرى سروحي


اللوح ماعاد باقي فيه مضراب = والصاحب ال صاحبه دايم سموحي

[قادح شرار]

فعلا ً محاورة جميلة , من العيار 21 , والشعّار لا أستطيع أن أوصفهم بكلمات لمستواهم العالي.


ماشاء الله تبارك الله عليكم .


تقبلوا مروري.



أخوكم/قادح شرار.

[علي فلاح العضياني]

قادح شرار



مشكور على مرورك يالغالي

[بندر المرشدي]

اثر جاين ليل البارحة وانا مادريت


صحت السنتكم أجمعين

[عيد العازمي]

بندر وقادح شرار صحت ابدانكم

[السميــــــري]

العزمي والفالح ..
أبدعتم .. بصراحة ..

[بارود عازمي]

من جد الكبار كبار صحت الالسن والقلووووووووووب