اطرف واحد حياه الله

[عبدالله حبيٌب الزراقي]

الليلة الليله بدون انذار = نبا نسريها على الشعار
الثوب مايصلح بدون زرار = واطلق شنب مفصول جواله




مرحبا ياكريمين السبال = يارجال ٍ تحكم اشوارها
العمامه يثبتها العقال = والمعاني على شعارها

[ابو بندر]

حياك الله يا عبد الله

دقايق ويجيك الردود

[عبدالله حبيٌب الزراقي]

حياك الله شرفت ونورت

[ابو بندر]

الليله الليله علوم ارجال=سلام يالصاحب وكيف الحال
ياللي بدعت القاف با الموال=وطلق شنب مفصول جواله

ا
البقا عد ما هل الخيال=يا رجال توقد نارها
ودنا نصرف اريال ابريال=كل سلعه نشوف اسعارها

[الطويل]

عبد الله الزراقي ابدعت وصح لسانك بس مفصول جواله هذه حكاية ;)
ابو بندر صح لسانك يا مبدع

[سلطان بن مقعد]

صح لسانك عبدالله ياالمبدع

صح لسانك ياشاعرنا ابو بندر كفوووو


عساكم علي القوه يارجال

[عبدالله حبيٌب الزراقي]

انته وانا في ساحة الميدان = في منتدى الهيلا مع العتبان
ماينكفي فاضي على مليان = وانطلق شنب مفصول جواله



لو ندربل علي روس الجبال = جرٌتك مالقينا آثارها
خابرين التجاره راس مال = كل سلعه لها تجارها

[عبدالله حبيٌب الزراقي]

الطويل

شرفت ونورت صح بدنك وهي جات على اللسان قلت بلاش نغيٌرها ههههه


سلطان بن مقعد

صح بدنك شرفت ونورت يالذيب

[ابو بندر]

يابن حبيب للبحر سباح=ونا اعرف المضوا من المسراح
لاكن با لكف افرك المسباح=وطلق شنب مفصول جواله


لو تشوف الجبال اللي طوال=او تحق العيون اسرارها
كان شفت النمور الها عوال =والذياب اتعوي بجوارها

[الغبيوي2]

الليلة الليلة قاف ومعنى
وبالله يارجال العب معنى
وش معك وش اللي بعد معنى
وأطلق شنب مفصول جوال

اسمعوا ياوسيعين القبال
ربعي الطيب دوم شعارها

المعاني كثيرة يارجال

يابن زراق جاك اعصارها

[عبدالله حبيٌب الزراقي]

ياصاحبي قصٌر على الرادي = وارقى الجبل لاتنزل الوادي
من لا يصيد الذيب ينصادي = واطلق شنب مفصول جواله




ماتضيع الحقوق امع الرجال = كل لحيه لها مقدارها
قد ربطنا عليها بالحبال = يوم جينا السباع فغارها

[عبدالله حبيٌب الزراقي]

الغبيوي

انت وين ناقز في حلوقنا ههههه

يالله في الخراج من ابو بندر

[ابو بندر]

الذيب يسر الليل ما نامي=ما هابها في سود الاظلامي
يا شجرة يومي لها نامي =وطلق شنب مفصول جواله


دن رعادها والسيل سال=والمعاني رفيع اجدارها
بعد ماذن على المنبر بلال=شف صلاتك وصل ميحالها

[عبدالله حبيٌب الزراقي]

لو صاحبي حيله فرس وجياد = مايسبق البٌراق والرٌعاد
لو صفر الطبلون والعداد = اطلق شنب مفصول فنجاله



المطر لاح برقه فالشمال = يالله انك تجيب امطارها
ماش كامل ولله الكمال = كل نشره نشوف اخبارها

[عبدالله حبيٌب الزراقي]

ابو بندر

معاد اشوف من النوم

صح لساانك واعتلا شانك استمتعت باللعب معاك والمعذره على القصور

[ابو بندر]

الاخ عبد الله حبيب الزراقي
صح لسانك
وبيض الله وجهك وتصبح على خير