ياذيب منهو صنفّك في قائمة شهب الذياب ؟؟ ذيب العوازم

[زبن الدخيل]

ياذيب منهو صنفّك في قائمة شهب الذياب = عز الله انه انصفك وانا اشهد انك صدق ذيب ..!!
زد شفتلك ياصاحبي طاروق واثرك ماتهاب = امطالبي وقت الطلب .. ومحاربي لاجاء حريب ..!!

[قادح شرار]

زبن الدخيل: بداية موفقة , وفالك التوفيق , وصح لسانك .

ذيب العوازم : ما فيه حيلة , وماهو بهين , ماشاء الله تبارك الله عليه .



صح لسانك يا زبن , ولسان الذيب مقدما .




أخوكم/قادح شرار.

[مرزوق حمدان العتيبي]

زد شفتلك ياصاحبـي طـاروق واثـرك ماتهـاب
امطالبي وقت الطلب .. ومحاربي لاجاء حريب ..!!





ارحب يابن العم بداية شاعر جزل .. والله يحييك
وننتظر ذيب العوازم وصح لسانه مقدم ...

[زبن الدخيل]

قادح شرار
صح بدنك وفالك الطيب
ولاهنت على المرور

[زبن الدخيل]

مرزوق حمدان العتيبي
الله يبقيك ياابن العم
غمرني كرم مرورك وشهادتك
ودي

[معجب العتيبي]

زد شفتلك ياصاحبـي طـاروق واثـرك ماتهـاب
امطالبي وقت الطلب .. ومحاربي لاجاء حريب ..!!





ارحب يابن العم بداية شاعر جزل .. والله يحييك
وننتظر ذيب العوازم وصح لسانه مقدم ...

[نواف العازمي]

ذيب العوازم يازبن يكرم عزيزين الجناب
.........................................ويصامخ الشعار في الميدان واشرب ياشريب
اعرف دروب الغابه ومالي ورى طرد السراب
.................................................. ..أميز الصيده وكلن له مع الدنيا نصيب

[زبن الدخيل]

مدري حبيّب شايفك والا جهل زبن الصعاب = غطيت كرته ياولد ماعاد له شي يجيب ..!!
تعرف وانا اعرف والولي عارف بشي مايجاب = واكيد مالك حاجةٍ فالعمر ياكود القنيب ..!!

[زبن الدخيل]

ابقاك الله يامعجب وصح
بدنك ولاهنت على الحظور

[نواف العازمي]

قادح شرار
مرزوق العتيبي
معجب العتيبي
حياكم وصحت ابدانكم

[نواف العازمي]

ذكرتني يازبن في مشي الحمامه والغراب
.................................................. .انته زبن منته بزير ولاتحامي عن كليب
اللي مايشرب من ذراعه عايشن عيشة عذاب
..........................................يشيب راسه يازبن ماوصل في حل المشيب

[زبن الدخيل]

وانته بعد ذكرتني ياذيب في فعل العقاب = اليا لقى حر وحدر من فعل من لاقا الشعيب ..!!
تعيد في هرجك والك ساعه على هذا الكتاب = غريب فعل تفعله ياذيب والخالق غريب ..!!؟؟

[زبن الدخيل]

ذيب العوازم عن اذنك
الصلالالاة

[نواف العازمي]

اذنك معك يالغالي
بس كيف الخالق غريب!!!!!!!!؟؟؟؟؟؟؟؟؟

[نواف العازمي]

منته بو زيد الهلالي ولا معك شلفا ذياب
............................................ماهمني لو هو سرا ليلك وجيب اللي تجيب
ان جيت مازاد العدد وان غبت مانقص الحساب
............................................هذا الصحيح ولايصيب الا الكلام اللي مصيب

[زبن الدخيل]

والخالق غريب بمعنى والله غريب
لكن الوزن اجبرني على الحلف بكلمة
الخالق

[نواف العازمي]

وضح المعنى يازبن
ولاااااهنت

[زبن الدخيل]

اثنينهم الهم عقاب خاص وانا لي عقاب = وابغا أعلمك الشغل واضهرك منيّا صويب ..!!
مدام فاهم بالحكي ياولد عاصي والصواب = فالشمس بالغربال ياذيب العتيبي ماتغيب ..!!

[زبن الدخيل]

اي انني حلفت بكلمة الخالق
بدال ماقول انت والله غريب
قلت انت والخالق غريب

[نواف العازمي]

لاصار قدمك حيه ام جنيب وخلف منك داب
.......................................والشمس مالت في شفقها يازبن صوب المغيب
اليا ثبت زبن الدخيل بموقفه نال الاعجاب
...........................................واليا انقرص زبن الدخيل افزع وانادي للطبيب

[زبن الدخيل]

صح لسانك يالذيب والختم من عندك
سعد باللعب معك


كلمتك هاذي مالها منزال في وسط العراب = سويت فيك اللي يقول الذيب في وسط القليب ..!!
اليا ثبت زبن الدخيل اتطيح من هوله رقاب = والثانية ماهيب له ياللي غدا امرك مريب ..!!

[نواف العازمي]

انته تبا تسمع خلف وناس تبا تسمع حجاب
..........................................وبه ناس تطرب لاسمعت رهيب والله يارهيب
ويالله ياللي دون بابك ماوقفت بكل باب
..........................................انك تعاوني على الشدات في اليوم العصيب

[نواف العازمي]

حياك يازبن وصح لسانك ولاهنت
وانا سعدت باللعب معك ومنكم نستفيد

[العود أبو موس]

اي انني حلفت بكلمة الخالق
بدال ماقول انت والله غريب
قلت انت والخالق غريب

السلام عليكم

صحت ألسنتكم , ولم أدخل لكي أعلق على الشعر , إلا أن إستدراك الأخ ( زبن الدخيل ) بخصوص ما تشاكل عليه بين النظم والمعنى .
أقول :
أن حروف القسم ثلاثة وإليك تطبيقاتها على العبارة الواردة في المحاورة :

1) الواو : ( والله غريب ) أو ( والخالق غريب )
فهي غير مقبولة بلاغياً قد تصح هكذا ( غريب والله ) أو بدون حذف الضمير ( والخالق أنه لغريب ) .
فلا تتم على هذا النحو حسب ما يظهر لي .
2) حرف ( التاء ) :
تكون العبارة ( تالله غريب ) وفي سياق البيت هكذا ( غريب فعل تفعله ياذيب [تالله فعلك] غريـب ) طبعاً مع تعديل مايلزم وفق رؤية الشاعر ليستقيم المبنى على المعنى .
ملاحظة مهمة جداً :
حرف التاء لا يستخدم للقسم إلا في لفظ الجلالة (الله ) على هذا اللفظ فقط ( تالله ) وغيره لا يجوز حسب ما أعرفه والله أعلم .
3) حرف الباء : كقولك ( بالله ) و( بالخالق ) . وهي مستقلة وكما يبدوا دارجة في صيغة تعجب .

4) وايضاً يمكن إستخدام ( أيم ) للقسم بهذه الصيغة ( وأيم الله غريب ) إلا أنه أستخدام غير مستقر والقسم بـ أيم , تشديد وتوعر لا يناسب مقام المحاورة والشعر الأخواني بشكل عام كما يبدوا .

بشكل عام لا تجعلو الله عرضة لأيمانكم , فلا يوجد مبرر أو طلب يدعوا شاعر المحاورة للقسم . هذا بشكل عام .
ومن المعروف أن هاجس الدين عندما يتملك الشاعر يضعف في متانة الشعر الذي يبدعه .

ومن جهة أخرى : يلتزم الشاعر حين يحاور بتوصيل المعنى لفظيا إلى محاوره الذي أمامه ويتحمل مسؤلية ذلك .
فلا يغرب ولا يتوعر لفظياً بل يستخدم تراكيب وألفاظ مشتركة .
والقسم في المحاورة لا معنى له إطلاقاً . وإن كانت بعض الكلمات تستخدم حشو لإستقامة الوزن . فإن لفظ الجلالة له تنزيه وإجلال .


عسى أن تكون مداخلتي إضافة مقبولة للجميع للفائدة ودمتم بخير .

[زبن الدخيل]

حياك الله يبوموس وجزاك الله
خير على مااقلت وجعله في
موازين حسناتك

شررفت

[شبيب شافي الملعبي]

العازمي اللة معاك

[نواف العازمي]

مع الجميع يالملعبي