اللهم هل بلغت اللهم أشهد ( العتبان الاحرار)

[فيصل بن دحيم]

السلام عليكم ورحمة الله وبركاته


اللهم صل على محمد وعلى آله وصحبه أجمعين ،، وبعد ,


سائنا ما سائنا وأغضبنا ما أغضبنا ولكن


قل له تعلمنا على الصبر عتبان=بدنا وبيدنا دروب الجزيرة

نعم الصبر فنحن أكبر من أن نسقط من أول ضربه ويخسأ من يسقطنا

أين ذو البأس الشديد أين مخلفت الهقاوي أين شوقكم لطلوع النوايف

خالد أدى ما عليه ونحن أدينا ما علينا والنصر لا يدوم الا لله حتى نبي الله

صلى الله عليه وسلم هزم ولم يثنيه ذلكـ عن أتمام دعوته فنحن أمة

محمدنقتدي به ونسير على خطاهـ وليعلم الجميع أننا لا ولن نثني العزوم

بل هي كبوهـ والنار من شباها والخيل من خيالها


ومن شب نار الحرب للحرب يصطلي=كثر مقابيسها وزاد أشتعالها


عبدالله السميري بندر ابن محيا

أنا معكم حتى مرادكم لو أكون الوحيد علوها العزواي وأبشروا

من كان معي هذا أقل ما يقدمه وهذا أقل واجب ومن أكتفى يقوله شليويح


وأضوي ولو صكت علي النوابيح=واللي قعد عند الركاب مخدومي
جنى مراجلنا على هبة الريح= لاخالف الواجب عيال الرخومي



كتبه / العتيبي الحر سمي عمهوج

[القرناص 999]

انا ماراح اصوت لو تحط عشرين موضوع ياناس خالد 600 رساله جاته بس

انتم اشبلاكم والله ساحرتكم نشوى

[فيصل بن دحيم]

انا ماراح اصوت

أسدكـ وأنا ولد روق


لو تحط عشرين

ما راح أحط عشرين موضوع

أقراء عنواني اللهم هل بلغت اللهم أشهد

كل الموضوع للأبلاغ

ياناس خالد 600 رساله

ما قصرت

[عبد الله الشجعاني]

مقصروووو عتيبة لكن الى الآن ما أستفدنااامن الدرووووس


الى الآن يا اخي عتيبة تدفع اللي وراها واللي دونها


يا أخي أنا طالب في الجامعة مكا فئتي كلها لخالد وقبله يوسف والى اللحين في غيبوبة


لكن للأسف هالصفعة فوقتني ولن أصوت بعد اليووووم

أخوكم / عبد الله الشجعاني العصيمي

[نايف عريب الجد]

صوت لحالك والله لو تصوت بيديك ورجليك
المقصد كله مادي ولااحد راح يصوت انسى
الموضوع هذا قمار

[فيصل بن دحيم]

ولن أصوت بعد اليووووم

أسدكـ وأنا ولد روق

[فيصل بن دحيم]

صوت لحالك

أبشر بعزكـ

[نجر بن هاجد]

اسمعو يالربع الفضيحه اذا خلينا عيال عمنا ماصوتنا لهم وش بيقولون علينا القبايل الثانيه والله ماودي اصوت لكن عتيبي ذابحتني الحميه

[طاوي الشوق]

كفو يااولد روق

والله اني معك واناا ابن مكرز مزبنين الجلاوي

الجيل اللي راااح فعلهم بالسيوف

ام عصرناا برساايل الجوااال

داام هذيه هي

والله اني معك ياااولد العم

اعيااال عمناا في حااجتناااا

مثل ماااقمنااا مع خاااالد انقوم مع غيره

[العود حبيب]

اللي ذابحتهم الحمية وينهم عن عجب..
أقول.. بلا تصويت بلا هم.. هذا شافط المليون..
وهناك مستفيدين من هالشفط.. ويمكن تكون انت واحد منهم..

[فواز العتب]

تدرون شنو مشكلتنا خنا يااخوان مو بس العتبان العرب كلهم انه مانتعلم من اخطائنا ونستمر عليها واقسم بالله انه انا ومن حولي ماوقفنا التصويت حق خالد بس هل يعقل انه اقل نسبه انا عن نفسي اقول لالتصويت بعد اليوم واتمنى منكم احترام رأيي

[محب الهيلا]

والنعم فيك ياسمي عمهوج والله انك كفو

لكن وناأخوك لو بنشوف فايدة من تصويتنا والله انا لنحط اللي ورانا ودونا

لكن مثل ماشفت مانطلع بنتيجة اللي بيأهلونه يأهلونه على كيفهم ماهو

من التصويت ولا يعني معقوله هذا التصويت كله وخالد ماأخذ الاهذي

النسبة

شعارنا اصبح


لاوالف والف لا للتصويت

لاتصويت بعد اليوم

[فيصل بن دحيم]

اسمعو يالربع الفضيحه اذا خلينا عيال عمنا ماصوتنا لهم وش بيقولون علينا القبايل الثانيه والله ماودي اصوت لكن عتيبي ذابحتني الحميه

باركـ الله فيك

[فيصل بن دحيم]

كفو يااولد روق

والله اني معك واناا ابن مكرز مزبنين الجلاوي

الجيل اللي راااح فعلهم بالسيوف

ام عصرناا برساايل الجوااال

داام هذيه هي

والله اني معك ياااولد العم

اعيااال عمناا في حااجتناااا

مثل ماااقمنااا مع خاااالد انقوم مع غيره




ما عليك زوديا كفو

كثر الله من أمثالك

[عتيبـــــ ولد ــــــــة]

اسمعو يالربع الفضيحه اذا خلينا عيال عمنا ماصوتنا لهم وش بيقولون علينا القبايل الثانيه والله ماودي اصوت لكن عتيبي ذابحتني الحميه



ريح عمرك يبو عتب ..

الناس والقبايل صاحية ولاهم بهالغباء وبهالعقلية المحدودة .. عشان يضحكون على العتبان ليه ما صوتوا ..!!!

همه الحين يضحكون علينا عشانا صوتنا .. ويقولون .. شوفوا المهبل .. لعبت عليهم نشوى الله ينتقم منها ..

فلا تناظر الناس بعقليتك .. فالناس عقلاء ..



العطاوي ,,,

[عتيبـــــ ولد ــــــــة]

شعارنا :

لا للتصويت لا لعتيبي ولا لغيره


ودعائنا :


حسبنا الله ونعم الوكيل

[محب الهيلا]

شعارنا :

لا للتصويت لا لعتيبي ولا لغيره

ودعائنا :


حسبنا الله ونعم الوكيل

[عبدالرحمن الهيلوم]

مشكوووووووووور يالغالي

البرنامج مكشوف 00واقسم برب الكعبه ان البيرق لللشبرمي

ليه الخسارات والكلام الكبير 0الي في راسه احميا 0عجب باقي عليه 3مليون يالغالين !!!!

[نواف البرقاوي]

أسمعوا ياعتيبه

والله ثم والله ثم والله ثم والله

أنه لو يطلع (( بندر بن سرور )) وهو (( بندر بن سرور )) من قبره

أنه ماراح يأخذ البيرق (( السبب معروف ))

لكن يا سمي عمهوج ( ريح بالك ) والله ( مايفوز عتيبي )

اللبيب بالأشاره يفهم


وخلوا رايكم لاللتصويت (( لبرنامج حاقد على العتبان ))

يقول الشيخ والامير والفارس والشاعر /

من لايدوس الراي من قبل ماديس ** عليه داسوه العيال الرخومي


(( لاتلعب عليكم نشوى وتلاميذها ))





ولد عمكم / نواف الشيباني

[ابو براك]

لا للتصويت

وأنت تقول بيضحكون علينا القبايل الثانيه علشان مانصوت لعيال عمنا


أنا أقوووووووووولك نعم بيضحكون علينا ولكن ليس لأننا لم نصووووووووت

لعيال عمنا

ولكن ............. علشان أخونا وولد عمنا عجب بن مترك العتيبي

عليه دم ومطااااااااااالب بديه لعتق رقبته من السيف

وأنتم نسيتوه ورحتو للتصويت وخرابيط نشوى وكذبها

على العاااااااااالم

فأنا أقول لكم المواااااااااااااااااقف ألي تبين الرجااااااااااااااااااال

والحمييييييييييييييه هي فزعتناااااااااااا لأخونا عجب

[الخليفي]

والله ثم والله اني ماصوت الا ليوسف العصيمي لانه نخانا وماكنا نعرف سياسة البرنامج

اما الحين والله لو يشارك ابوي في البرنامج والله ماصوت واتمنى من عبدالله السميري وبندر انهم ماينخوننا

[عبدالعزيز البرقاوي]

شباب ياعيال عمي صدقوني والله والله والله ان اللقب ماياخذه السميري ولا ابن محيا لاتعبون حالكم وتصوتون كفانا استنزاف من غير فايد لاحد يصوت قاطعوهم والله ماكسبهم الا انتم ياعصابة راسي مقاطعة لا للتصويت

[رائد السباعي]

أما أنا فقد خصصت مبلغاً من المال لعجب وأنتظر الأجر من الله،
وسأخصص مبلغاً من المال لبندر ولعبدالله السميري حتى وإن كان زهيداً، لكنني أفتخر بوقفتي مع رجال وشعراء يمثلون أمتداد لنا، كما فعلت مع خالد.

ولو رسالة! لن أتركهم.

[الروسان فرسان]

احتفظ بفلوسك وتصدق فيها
فالبرنامج مرسوم من قبل بدايته وشاعر المليون محدد قبل بداية البرنامج
لذا صوت لحالك
ولا تقول حميه وما حميه
الحميه موب بالتصويت

لا للتصويت لا للتصويت
نعم لمقاطعة شاعر المليون وسارق فلوس العتبان

[فيصل بن دحيم]

ولو رسالة! لن أتركهم.

الا والله أن هذا هو الثبات حتى وإن كنا نعلم أنه لا يفيد بشيء

لكن الانسحاب لا والله ( اللي ما طرا)

والتخاذل والرجوع عن ( فزعتنا ) لا والله

باركـ الله فيكـ يا رائد وكثر من أمثالكـ

[محب الهيلا]

لاللتصويت



نعم لتحرير عجب

[فيصل بن دحيم]

لاللتصويت



نعم لتحرير عجب

محب الهيلا

من متى وحنى نخاف الضلم من متى قلي


من متى ونحن نخاف الكثرهـ

لا والله لا نهابها


نعم لتحرير رقبة عجب ونعم لفزعتنا لبني عمنا

لا ولن أتركهم

لو أكون العتيبي الاخير

[عتيبـــــ ولد ــــــــة]

لاللتصويت



نعم لتحرير عجب

[محب الهيلا]

من قال حنا خايفين حنا حكمنا عقلنا بعد ماشفنا الأستهتار بعقولنا وامولنا


الأولى المبالغ هذي تذهب لعتق رقبة عجب


كنا ولازلنا مع عيال عمنا ولكن بعد الضحكة الأخيرة



لا والف لا للتصويت

نعم لتحرير رقبة عجب