المؤرخ المحايد وتحدياته للبشر .

[قادح شرار]

يا سلامي على العتبان روق ٍ وبرقا === درعنا فالزمان اللي يجيله طواري

المحايـد يبـا يطلع جبـل كيـف يـرقـا === ينطح القوم ما يعرف يصيد الحباري

[سلطان بن مقعد]

المحايـد يبـا يطلع جبـل كيـف يـرقـا === ينطح القوم ما يعرف يصيد الحباري

اقسم بالله بيتك كايف ماشاء الله

كفووووو صح لــســانكــ ولا يهون المحايد

[فهد النفيعي]

..الله على الابداع..

.صح لسانك.

[قادح شرار]

سلطان بن مقعد: الكيف والله يا ولد عمي بشوفك تمر على هالصفحة .

فهــــــد النفيعي : مرورك درع على صدري.



صحت أبدانكم , ومجال الرد مفتوح إنكان المورخ المحايد ما جاء أو ما رد .


أخوكم /قادح شرار.

[نايف بن ملحق الثعلي]

قادح شرار صح السانك وصح السان قبيلك

[عيد العازمي]

..الله على الابداع..

.صح لسانك.

[قادح شرار]

يا هلا بالمحايد أبك وين غبت يا رجال , الموضوع ينتظرك له أسبوع .:D

[مؤرخ محايد]

احرق القاف وألعب واحتزم فوق زرقا = منت صاير مثل سلطان ولا مشاري
ليه قافك شحيح وليه تبقا وتبقا = الله يلعن فلوسّ ما تسمى مصاري؟

[عبدالعزيز نايف الدلبحي]

صح لسانك ياقادح بدع جزل وقوي وصفك ازهله وصح لسانك المؤرخ مقدما

[قادح شرار]

يالمحايد نبا نطردك شام ٍ وشرقا === ليـن تـركد وتـترك عنـك كثـر الهذاري :D

ودكم بالمفارق مير مافيـه فـرقا === وأنت تدري وغيرك يا أحمر العين داري

[قادح شرار]

عبدالعزيز الدلبحي : مرورك والله إنه أسعدني , وسواتك أفخر إنه يمسك الصف.

مشكوووووور على المرور الكريم .



أخوك/ قادح شرار.