صبــــاحي .........

[مؤرخ محايد]

عندي دوام وخاطري مابعد طاب = وودي اكسر خشم منهو تحدى
عندي مخاليبي وسيفي مع الناب= واللي نوى كسر القوافي تردى

[قادح شرار]

ودنا باللعب معك يالمحايد , لكن سرى الليل ما عادبها مقعاد.

تصبح على خير .


أخوك/قادح شرار.

[عبدالرحمن الهيلوم]

صحت السنتكم يالغالين

[ماجد الدعجاني]

عندي دوام ولاعن الّلعب مجناب=بعطيك حكمه يالزعيم المفدّى
ماكل من هاز المحاحيل جذّاب=ولاكل من طب الميادين ندّى

[محمد العتيبي]

الله الله
مؤرخ محايد صح لسانك وما تترك التحدي :)
....

المبدع ماجد الدعجاني صح لسانك على
الرد الجزل و الوافي ..
غير مستغرب منك ..

[ماجد الدعجاني]

صح بدنك يالمعلّم أبو مشعاب
صحيح مايستغرب من تلاميذ المعلّم

[مؤرخ محايد]

انا أقابل صقر ما اقابل اغراب = وقنابلي لا شك ماهي تصدى
ألزم يمينك واحتزم وامسك الباب = الله يعين الصاحب اللي تعدى

[عبدالله الجـــذع]

صحت السنتكم ..

محاوره ناريه من بدايتها..

واصلوا الابداع..

متابع.

[سلطان بن مقعد]

ألزم يمينك واحتزم وامسك الباب** الله يعين الصاحب اللـي تعـدى


كفوو رايتكم عاليه دووووم صح لسانكـ مؤرخ انا اشهد انك شاعر


وانا اشهد انك شاعر ياماجد ولانتحاقر احد مثل بعض البعض

[ماجد الدعجاني]

الشعر ماهو لعبه بين الألعاب=بزيد حكمه مار علّك تقدّى
ترى الشبح ماهي كما سوق دبّاب=ماقيل شاعر كلّ رجّال ردّى

[ماجد الدعجاني]

صحّت أبدانكم يالغالين
شرّفتونا بردّكم
مودّتي وإحترامي

[عيد العازمي]

صحّت أبدانكم يالغالين