روق وبرقا

[ماجد الدعجاني]

سلام الله سلام آلاد روق إليا نصوّ برقا=سلام من صميم القلب يجري داخل عروقه
أشوف المسلمين بقاعة وسط البحر غرقا=ولابه من جدى لإنقاذهم والسفن مخروقه

[محمد العتيبي]

حـــجــــز
...
صح لسانك ياماجد وانتظر الرد

[ماجد الدعجاني]

صح بدنك
وياهلا ومرحبا

[محمد العتيبي]

هلا يامرحبا ترحيبة ٍ باهل الوفا ترقا = واخص بها ولد مفلح بعدغنى على طروقه .

ياماجد اكرب حزامك ووجه شامٍ وشرقا = ورح للديار اللي بها الاموال مسروقه .

واسف على التاخير واجهت مشكله فالاتصال ..

[قادح شرار]

ماجد الدعجاني :صح لسانك .

أبو مشعاب : لله درك .

واصلوا ومتابع بتمعّن .


أخوكم /قادح شرار.

[بدر الديحاني]

صح السنتكم يالشعار

متابعين لكم والليل لايطفي سراجه

[ماجد الدعجاني]

يدوم إلك البقى يامن عن الأحرار به فرقا=كما حرّ براس النير ماحطّوا به سبوقه
ولا ياللي تبى تزرع وكل أشجاركم حرقا=تنادي للمياه وأرضكم ياشين ممحوقه
ماعليك يالغالي

[ماجد الدعجاني]

يامرحبا وغلا
صحّت أبدانكم

[بدر الديحاني]

ماجد صح السانك يالغلا

أنتظار الروعه (( ابومشعاب ))

[ماجد الدعجاني]

مرحبا وغلا يالغالي
صح بدنك
وأتشّرف باللعب مع الشاعر أبو مشعاب
عساي أتجمّل أمامه وأمامكم

[بدر الديحاني]

وانا كذلك تشرفت معاكم بالمنتدى هنا

وعساني ضيف خفيف عليكم يعيش معاكم

افرحكم هنا

[ماجد الدعجاني]

ياهلا ومرحبا
أنت المعزّب وحنّا ضيوف

[محمد العتيبي]

توصيني وانا اوصيك باهل الجرم والسرقا = تجاهدهم وتحفظ للوطن ياماجد حقوقه .

ترى الارزاق مكفوله من الله رازق الخلقا = يغيث الارض خير وتنبت الربله ورقروقه .

[محمد العتيبي]

الاخ الغالي قادح شرار
صح بدنك ومرورك يشرفني طال عمرك ..
..

الاخ الغالي بدر الديحاني صح بدنك
انت اخو عزيز وغالي ولا انته بضيف ..
..

[ماجد الدعجاني]

انا ماني نبي ياصاحبي لاغنّت الورقا=بإعجاز الإلاه تسبّح الورقا بمنطوقه
غني القوم من ماباس به قد طق به عرقا=يشب النار في ماله والأعضاء منه مفتوقه

[عبدالله الجـــذع]

محاوه قمه وقاف رائــع..

لاعدمناكم شعرائنا ماجد وأبومشعاب ..

متابع ..

بدر حياك الله ..والله نتشرف بأنتسابك لهذا الصرح الشامخ ودمت بخير يالغالي..

[ماجد الدعجاني]

ياهلا ومرحبا يالغالي
الروعه بإسلوبك الرائع
مسرور بردّك الكريم

[محمد العتيبي]

الله الله
استلم ::)


نبا نبعد عن الشبهه قبل لا تحصل الفرقا = سببها زلةٍ فالهرج ماثمنت منطوقه

ليا حصلت لك مثله دواه تكثّر الحرقا = تجيب الميسم الحامي وتكوي الراس وشقوقه ..
..

[محمد العتيبي]

عبد الله الجذع
مرحبابك يالغالي وشرفتني بمرورك ..
...

اخوي ماجد الدعجاني
بيض الله وجهك على الطرق الرائع يارائع
وصح لسانك ..
والختام عندك اذا ودك ..
...

[ماجد الدعجاني]

أبو مشعاب:
وجهك أبيض يالغالي
وصح بدنك
تشرّفت باللعب معك وزادني شرف إطرائك
مابعدك قولك قول
مودّتي وإحترامي

[محمد العتيبي]

الله يبيض وجهك وماقصرت ..
...

[سلطان بن مقعد]

كفوووووووووو ابو مشعاب كفووو ماجد


هذا شعر المعني سلم يمينكم الله يقويكم يعلي شانكم


صح لسان شعارنا عساهم علي القوه

[عيد العازمي]

كفوووووووووو ابو مشعاب كفووو ماجد ابداااااااااااع غير مستغرب منكم