سلام يا أهل الديرة

[طــارووق]

سلام يا أهل الديرة اللي لا دمار ولا عمار = و القبة الخضرا بكت فرقا القلوب المومنه
الارض يبست وادهرت ماعاد يغشاها الخضار = لو السما تلعج ابروقه والرعود مدندنه

[سلطان بن مقعد]

كرهت ديره الي مسكنها اكرار=القبه معاد ينفع فيها لكن ولكنه


تعال بغيتك ليتك توخر لليله الابحار=شف برقها ورعـــاد له دنه

[قادح شرار]

كفو يابن مقعد . وصح لسان الطارووق .

واصلوا ومتابعينكم .


أخوكم/قادح شرار.

[عبدالله بن دبيس العتيبي]

صح السنتكم جميعا

وفي انتظار الرد



وتقبلوا تحياتي

[سلطان بن مقعد]

كفوك طيب يامسندي ابشر من يواصل


صح ابدانكم جميعن ياالغالين


لكن استني راعي المده يرد علي البيوت

[طــارووق]

عقب العواصف ثورت ضاع المدرج والمطار = ويضيع فيها الكبتن اللي مايعرف الكبتنه .
كله سبب غض النهود ارخى عن الصدر الزرار = وبيض الطواقي والغتر شبت زقاير و إدخنه

[سلطان بن مقعد]

وقت المصايب مايفيد ياطاروق الفرار=ظربت زمن مثل رمح منسنه

لاتجيب العذروب لاتنذبح وقت نهار=قالوها قبل لاتخلط صوت مع الخنه

[سلطان بن مقعد]

كفوك طيب يامسندي ابشر من يواصل


صح ابدانكم جميعن ياالغالين


لكن استني راعي المده يرد علي البيوت

[عبدالرحمن الهيلوم]

صحت السنتكم يالغالين ((( متابعين )))

[سلطان بن مقعد]

هلا ابو دحم ربي حيه صح بدنكــ وبدن المتابعين


والي ردوو اكبر فخر ياوجيه الخير

[طــارووق]

ما أحتاج اقيس الزيت فالددسن واعاين فالعيار = اطرف مهندس يعرف الدخان عقب الكربنه
لو كان ننفخ بالمنافخ فالرماده ماش نار = عميت عيون اللي يقالبها ولا فيه حسنه

[سلطان بن مقعد]

انا داخل الحشاء موقد نار=وبعض العرب ماحيلته غير الونه

اركد دمك لايفور اشعل زقار=ظاهر انك من ربع طباع المنه

[سلطان بن مقعد]

اخووووي طارووق اكبر شرف لعبت معك ياالغالي


هذا شعر كلنا رجال جد واحد المعلبه كلها مزوح والقلوب صافيه



الف شكر من رد ومن تابع

[عبدالله الجـــذع]

صحت السنتكم ودمت مبدعين يالغالين..

[سلطان بن مقعد]

صح لسانك ياابو عابد منور ساحه شعر