وصلنا الاتي : من شاطئ الراحه الله لايريحه والا يوفقه

[الجوباحي]

من مصدر نصف موثوق وصلنا الاتي

نسبة التصويت المسربه حتى ظهر الجمعه

الاول الشبرمي 34%
الثاني الحيدر 32%
الثالث العتيبي 27%
الرابع الرشيدي 7%

هذه النتيجه غير مشرفه ابدا ومخلفة الهقاوي ستخلف هقاويها

بعد ان فرطنا بالحويماني والعصيمي ارجو ان تبتعدوا عن الاتكاليه

اقسم بالله العظيم وبالله الرحيم
اذا لم يأخذ خالد المركز الاول سنندم ياعتيبه الهيلا ندما لا حدود له

استنفروا طاقاتكم استنفروا امرائكم استنفروا تجاركم استنفروا كل ماتملكون فانتم الهيلا اذا جفن الارياق

لاتهاون لاتكاسل لا اتكاليه ولكن سحقا لا حدود له بالتصويت حتى نكون او لا نكون -- خالد العتيبي يشرف التصويت ويشرفه التصويت

انا اخو العيال وين فزعتكم ياعتيبه اللي مورخه بالحاضر وبالقدم

اخواني : شايفن ما تشوفون ولكن حد السيف وصل رقابنا والعز والهيبه لعتيبه

لا تقهرونا والا تصدمونا يوم الثلاثاء القادم -- تكفون وتكفون لاتذخرون ياعتيبه -- تكفون ياعتيبه اظهروا للعالم هيبتكم وكثرتكم

اااااااااااااااااااااااااااه من كثر الفزعه والحميه -- كثيرين القول وقليلين الفعايل

القريحه انفتحت على بكرة ابيها ولكن الخيال يلجمها بحدودها

تكفون

تكفون

تكفون

تكفون خالد

يوم الثلوث هو اليوم النهائي لكم ياعتيبه الهيلا
اما مجدا لاحدود له -- واما ضعفا لا نهاية له

اخوكم الجوباحي الدعجاني

[عبدالرحمن الهيلوم]

الغالي اخوك والله شاهد 200رساله

[@ـايل]

افىىىى خبر مؤسف والظاهر انه تلاعب بالاصوات

لكن معليكم ياعتيبه شمرو عن سواعدكم وانزلو ساحة الوغى

هذا يومك بل اسبوعكم وراكم وقت طويل الله الله

نبي بياض الوجه ........

[القرناص 999]

يالجوباحي وش ذالخبر الاقشر الله يهديك بس الحين كيف نرقد

كثفوا التصويت تكفون وياليت يالجوباحي تذكر لنا مصدرك اللي جبت

منه هالمعلومات القشرى

[الجوباحي]

شرفني مروركم يابرقا ويا روق

تكفون --- يارجال المجد الذي حصلنا عليه من مزاين عتيبه يتسرب بين اصابعنا -- استنفروا طاقاتكم

بيض الله وجيهكم

[عمر الدغيلبي]

ربما تصدق الاشاعات احيانا

فالله الله بالتصويت

ولا نريد كلام فارغ

وفلان يقول صوت 10 والثاني 30 وغيره 50

نبي تصوووووووووووويت لأن الكلام ما يفيد

صوتو ولا تذكرووون كم صوتو لأن الفخر والعز لا تأهل شاعرنا مهب كم صوتنا

تكفوووووووووون يا الهيلا

[البال_مرتاح]

الجوء أباحي أسمع

أنا متابع جيد لاستفتاء اللي في منتدي شاعر المليون من بداية الحلقات


ودائم اللي يحصل على المركز الاول ( أما يطلع الاول حسب توقعات أو الثاني ) في الحلقات اللي كان يتاهل فيها أثنين ( ويطلع شخص يكون ترتيبه الثالث أو الرابع للمركز الاول )

خالد حاليا قبل دقيقه الاول .. 198 ... الوايلي 196 .. الشبرمي 164

شدو حيلكم ولا يهمكم قال وقيل ( وأهم شي لاحدن يصوت بالشات فقط رقم 10 وبس بدون أى أضافه )
واللي الله كاتبه بيصير وأبشر بالسعد

[تركي النخيش]

تكفون يا عتيبه لا تخلون خالد

[راعي(البراق)المارج]

الله يهداك يالدعجاني

والله ان جت في صدري حرقة

وين التجار

الناس تدعم

وحنا على خمسين ولا الف

نبي تصويت قوي

ياناس التصويت مهم

لا للاتكاليه

[بـنـدر]

والله خالد يبشر بعيوني

لكن برنامج سرقة الفلوووس والله ليبطي

[محب الهيلا]

نرجع ونقول


((((حسبي الله ونعم الوكيل ))))

[Man من العتبان]

احنا مع خالد قلبا" وقالبا"

نبيهاا اعصار فلوريدا يا الهيلا على شاطئ الراحة

حتى بطاقة العبور مانبيهاا خلها لهم نبيه الاول وبدون منازع

[محمد البام]

إذا كثر الكلام قل الفعل


الحين كل واحد يرسل إلى يوم الثلاثاء

وترى مابقى شيء

كلها يومين


مانبي


الرابع

ولا الثالث

ولا بطاقة عبوور

تكفوووووووووووووووووووووووون

[عبدالله الجـــذع]

والله انكم غريبين ياخي ..

الجوباحي الله يهديك بس والله ماتوقعتها منك..

ياخي اي مجد اللي يبي يجينا مع شاعر المليون ..

ياخي مجدنا في سابق الزمان ماهو مجد نشوى وشلتها ...

بصراحه كلامك آسفني ..

على العموم شكرا على الحماس وانا اخوكـ..

[عبدالعزيز البرقاوي]

انشالله خالد الاول باذن الواحد الاحد بس نبي تصويت يالله يابرقا يالله ياروق لايوقف تصويتكم خل القطري واليامي ورانا ابك حنا عتيبة ماحد جا قدامنا تكفون يالهيلا

[عاشق القوافي]

اصلا العتبان اللي مشاركين في شاعر المليون سبايك
مع احترامي لهم
وش يوديهم وهم خابرين برنامج شاعر المليون لعب في لعب
واللي ماهو مصدق يشوف برنامج ((سهره مع نجم )) ويشوف الشاهين وش قال عن المليون فضيحه
ياعتيبه البرنامج مادي ولعب
وانا اقول للمسكين اللي صوت انه معروف الاول من الثاني ومعروف منه صاحب البيرق هذا السنه

[راكان أخو شقران]

اولا / اللة يوفق كل عتيبي مشارك

ثانيا/ لو ماشارك عتيبي في هذا البرنامج اكيد بيلغونة ويبطلون مرة


ياالربع العام الماضي واحد طالب جامعي فاتورة جوالة 20000 الف ريال وفي الاخير فازبها فطيس باالرغم والاكيد ان تصويت يوسف تجاوز التصويت بفرق كبير جدا


اخيرا / عتيبة بيرق بحد ذاتة




تحياااااااااااتي للجميع

[بو جنا]

انا عن نفسي لحد الان قطييت 100 دينار كويتي ويوم الاحد ينزل معاشي لا اقط خمس اميه دينار كويتي

وفالك البيرق يا الشبرمي

[عبدالله بن دبيس العتيبي]

الله يعطيك العافية ياخوي الجوباحي

وان شاء الله يفوز خالد بس انتم صوتوا


لاتقولون صوت واحد ماراح يضر

بالعكس صوت على صوت يساوي كثير


وتقبل تحياتي

[الاحنف بن قيس التميمي]

فعلا وصلت اخبار متسربة بنفس النسب اللتي وضعتها و الله اعلم عن صحتها ، نتمنى لجميع الشعراء التوفيق و النجاح ، شدوا حيلكم يالعتبان ، هناك جيش عرمرم من بني تميم يصوت لخليل الشبرمي :)

[عبدالله المسعودي]

بعض الردود وصلت

الى قلت الادب

نرفع نفسنا شوي

عن الالفاظ السيئه

تحياتي

[الجوباحي]

اشكر الجميع على مرورهم الكريم

شاكرا لكم حميتكم ونخوتكم والا هي غريبه عليكم ياعتيبه الهيلا

موضوعي كان لشحذ الهمم والفزعه ومخالفة الهقاوي ديدنكم ياعتيبه

اخواني الكرام:

هذا الموضوع يمثل وجهة نظر كاتبه وليس هناك اي داعي لبعض الردود المحبطه للتصويت او الخارجه عن لب الموضوع فالسالفه ومافيها ندا لرجال عتيبه الهيلا للتصويت للشاعرنا خالد العتيبي -- والتصويت امرا اختياري لمن اراد وهي قناعات خاصه بكل شخص

خالد العتيبي ينتظر فزعتكم ياعتيبه الهيلا والا مكان للمتخاذلين

اخوكم الجوباحي

[سمران]

طيب وفاز خالد وش يصير يعني
المهم في الاخير مافيه عتيبي بيفوز وفروا فلوسكم لعيالكم احسن من تروح لنشوى
كل شاعر دخل البرنامج كان يفكر في نفسه مافكر في القبيله
انتوا شفتوا كيف خلوا خالد في المرحله الاولى تصويت علشان ياخذون فلوسكم
إلى متى حنا نفكر هذا التفكير
فتحوا وتبصروا
لاحول ولا قوة الا بالله

[مناحي الخامس عشر]

المهم في الاخير مافيه عتيبي بيفوز
قل قسم :)

[راعي البلهـا]

أقوووول يرجال..
قالو الرجال: من حصل له شيء يستاهله
وغير ذالك ......... بنسبه لي أرا غير ذالك

لاكن ان أدفع من مالي لرجال مليووونيــر
لا وألف لا.


الا متا ستخفون بعقولنا
الا متا ستخفون بعقولنا
الا متا ستخفون بعقولنا
الا متا ستخفون بعقولنا
الا متا ستخفون بعقولنا
الا متا ستخفون بعقولنا
الا متا ستخفون بعقولنا
الا متا ستخفون بعقولنا



لاتصووووووووووووووووووتون لحد .........>>> مقاطعه لهذا الذي يستفز مشاعرنا لمصلحته الشخصيه.. ونهديه أمولنا وحنا مانبا

[المسـ عبدالله ـعودي]

ابشرووو بعزكم و اقولها و انا صادق

[الشامخ.العتيبي]

الله يوفقك ياخالد

[ابومشارى الجعيد]

يبشر والله بالتصويت

[طاوي الشوق]

خالد الدعجاااني وفاااز ورااح يفوز دااايم

في قلب كل شخص متذوق لشعر

مهو لازم يشيل بيرق النهب والسرق

خالد كريم ابن كريم ويستاهل كل خير

وترا خالد ماايرضى لكم الخسااره

خاالد فااز ياااجمااعه