اللي يتحدى يقرررررررررررررب ؟

[مؤرخ محايد]

انا احمد الله يوم ربي عطاني = حب الطليعه لا غدى الراس راسين
اهجد الشعّار واللي عصاني= والله يرحم من توفى على الدين

[محمد العتيبي]

مؤرخ محايد اتشرف بالعب معك ..
...


وانا احمد الله يوم ما الله بلاني = مع اكثر الشعار ولا المساكين .

مثل الجبل يا صاح ثابت مكاني = ثابت مكاني لا يسارٍ ولا يمين .

[محمد العتيبي]

ذيب وايل
صار ارسالنا مع بعض ولكن اتركك لتكمل
الطرق ..

[ذيب وايل]

أبو مشعاب ..

.

.


تسلم يالقرم .. وصح لسانكـ ...

.

.


وواصل مع أبن عمك/..



أخوك / فايز العنزي

[مؤرخ محايد]

أخوي ذيب وايل

صح لسانك واذا تسمحلي ابي ألاعب ابو مشعاب ولاهو قصورّ بك


استلم يابو مشعاب



شفت النجوم وشفت برق اليماني = اهلا هلابك يا رفيع الجناحين
صعب ارتفاع النفس عقب الطماني = الله يسامحنا على الزين والشين

[محمد العتيبي]

مرحبا بكم جميع وصح لسانكم
..
ذيب وايل والله ونعم فيك
ولكن مادام الطلب جاء من صاحب الطرق لا مفر ..:)
..
والعوض فالمقبلات ..
...

مؤرخ محايد صح لسانك وانتظر الرد ..
..

[السميــــــري]

مورخ ..
صح لسانك ..



أبو مشعااب على القوووة وصح لسانك ..

متابع ..

[محمد العتيبي]

ان كان ودك بدع زين المعاني = آنا معك فالدرب بالعسر واللين .

انته تبا السيّات ولا الحساني = سولف ورد العلم ياشين يازين .

[محمد العتيبي]

اخوي السميري
مرحبا مليااااااااااااااااار
متابعتك تشرفني يااستاذ بارك الله فيك ..
...
ولا تغيب .:)

[مؤرخ محايد]

خلك عصامي وخل عندك تفاني = ربي خلقنا يا عزيزي من الطين
ومنهو يخون العرض غير الزواني؟ = ما تنفعه ركعه ولا ينفعه دٍين



طبعا الدين في البيت هذا غير معنى الدين بالابيات الاولى وانت ادرى

الاولى تعني السلف
الثانيه تعني دين الاسلام


للتوضيح فقط؟

[محمد العتيبي]

انا بعلم الدين ربي عطاني = واعلم بأ سما الله تسعه وتسعين .

ياشيخ صل وصوم شهر رمضاني = وفي خطبة الجمعه لك الناس موحين .

[مؤرخ محايد]

عمر الرجل لو طال يبقى ثواني = وينك ووين المجد يا صاحبي وين
عن شوفت اهل الحقد ربي عماني = وعن شوفت اهل الحق ما غمضت عين

[محمد العتيبي]

عساك للجنه وانا ادعي عساني = والمجد كسب النا من اول وذالحين .

باقول لك كلمه تراود لساني = ياصعب قطف الورد جوف البساتين .

[محمد العتيبي]

الاخ الغالي مؤرخ محايد
صح لسانك يالغالي والختام عندك ..
استمتعت معك فالطرق الرائع وبيض الله وجهك ..
...

[مؤرخ محايد]

انا بديت القول والله حماني= وترى البيارق وارثينه من سنين
ونهايت الموضوع والعمر فاني = اهجد الشعّــار بكل الميادين

[محمد العتيبي]

انا بديت القول والله حماني= وترى البيارق وارثينه من سنين
ونهايت الموضوع والعمر فاني = اهجد الشعّــار بكل الميادين




الله الله ..
صح لسانك يامؤرخ وماقصرت .. :)