الشاعر مخلد القثامي في احدى روائعه

[الشاعر القثامي]

حنا عتابه كم حريب لطمناه
دقلاتنا مثل الخيال الرزيني

غربينا فالحجز واعلىقراياه
وشرقينا يم الحسا مردفيني

جنوبنا وادي الدواسر ملكناه
وشمالنا صوب المدينه يميني

يافاطري نجد المسمى رعيناه
وخابت حضوض ملوكه الاوليني

تمذهي في حمضته واشربي ماه
تمذهي يامقرعات الحنيني

الحرب جا فاربع سنين مسماه
لين اودعوا سمو القبايل طنيني

يوم على جال العويند فعلناه
على الدويش مشيب المرضعيني

منه نهار على الضال واقصاه
ومنه الهضاب العلط عيت تبيني

والله لولا شاخ وطتنا زكاياه
ماناخذ القصرى من الحاربيني

شيخ تجيله سبق الخيل مهداه
ابن رشيد مروع الغافليني

يجر ساراته وذروات تبراه
من كثرهم ياراحم الراحميني

[/ALIGN]

[ابن فرحان]

الشاعر القثامي ..

بارك الله فيك يا الطيب على هذه القصيدة الرائعه ..

ورحم الله مخلد القثامي فهو احد شعراء عتيبة المعدودين ..

[الشاعر القثامي]

شكرا على ردك اخوي بن فرحان
وهذا من طيبك وانشاء الله اعد بنشر قصائد
اكبر للشاعر مخلد القثامي

[ابن مشيب]

مشكور اخي الشاعر القثامي , على هذة القصيدة الشهيرة التي قالها الشاعر الكبير مخلد القثامي في حضرة ابن رشيد الشمري , ولكن هناك بيت قلت فيه:
جنوبنا وادي الدواسر ملكناه
...........وشمالنا صوب المدينه يميني

والصحيح:
جنوبنا وادي الدواسر قرياة
............وشمالنا يم المدينه يميني

وايظن ذكر الشاعر وقعة على دلعة , وايظن وقعة طلال العظيمة في قصيدته يوم يقول:

ومنها نهار فوق دلعه عبيناه
...................مع ايسر الهضبه عساها سنيني

وعلى طلال الدم الاشقر نثرناه
....................يومنهم جونا الضحى سارحيني


هذا مااحببت اظافته , وتسلم على هذة المشاركة الرائعة يابن العم.

[الشاعر القثامي]

شكرا اخوي بن مشيب على الاضافه
وشكرا على مرورك الكريم

[سقم الحريب]

لا هنت يابن مشيب ويالقثامي
صحت البيت عندي:

يمينا وادي الدواسر حديناه
ويسارنا عن المدينه يميني

[ابو وعيل]

يعطيك الف عافيه على القصيدة المعروفة والمشهورة

لدى الجميع ....

تحياتي لك