يشهد الله علي ... اني احبكم [الأرشيف] - الهيـــــــــــــلا *** منتدى قبيلة عتيبة

مشاهدة النسخة كاملة : يشهد الله علي ... اني احبكم

برقاوي شقرا

13-Feb-2008, 03:01 PM

السلام عليكم ورحمه الله ...

اولا قبل اقول اللي بخاطري ..

وقبل ابداء معكم في مشاركاتي ,,,

حبيت تكون احد مشاركاتي في بدايه مشواري معكم عباره عن مصارحه ..
نعم مصارحه ..

انا ماادري بعد ان اصارحكم هل الموجودين بالموقع وخارج الموقع من ابناء قبيلتي يحسون بما احس به اما انه شعور ينتاب اشخاص دون اشخاص اخرين ..

على بلاطه وبدون مقدمات ...

والله يارجيل اني احب قبيلتي حب مهب طبيعي حتى لدرجه ان اللي حولي من ربعي دايم يقولون لي اترك يامازن الحميه الزايده .. ومع ذالك اقول ايه والله ترى زود الحميه احيان مايكون في محله ولا اخذ فتره الا ويرجع ابو طبيع لطبعه ودايم تلقاني في النت ادور شي عن تركي بن حميد ادور قصصه ادور قصايده ادور مواقف فرسان عتيبه .. ادور اي ملحمات قديمه ومغازي .. احفظ القصايد .. واللي اعبر من هذا كله يالربع ... احيان لاسمعت قصايد مؤثره ( اعيش بجو ثاني ) سواء حماسيه او حزينه مثل قصيده خالد العتيبي في نفود السر اللي يوم سمعتها بغت ( تروح المدامع اربع اربع ) اشوا اني مسكت عمري ....

... اللي بقوله اللحين ... واللي اهم من اللي ذكرته في الاسطر السابقه ...

يالله يالله يالله ...

انك تدوم عز هالقبيله وتعلي قدرها وتوفقهم لكل مافيه خير وتجعل كلمهم في نصرتك وتجعل ابناء هذه القبيله وابناء الوطن عاامه اعزاء بدينهم اولا وبطاعه والدينهم وبالصفات الحميده الطيبه اللي من شانها رفعتهم وعودتهم للحق ..
وانك تكفيهم شر ماقصد به الشر .. من قنوات فضائيه وماجاء مع الجوال من شر .. يارب العالمين ..

وفي نهايه كلمتي تقبلوا تحيات اخوكم ومحبكم ..
مــازن العتـــــيــبي ..
( ولا تنسوني من دعاءكم تراني في مرحله مهمه من دراستي ))
وادعوا لي بالمعدل الطيب ..

محب الهيلا

13-Feb-2008, 03:22 PM

حياك الله يامازن

بالنسبه لحبك لقبيلتك هذا الشي انا شخصياً مثلك فيه شعور لقبيلتي

ماهو طبيعي والحمد لله لقيت شخص مثلي انا حتى اللي يمي يلوموني

احياناً كثيرة بسبب جدالي في مواضيع تخص القبيلة ودفاعي عنها

بشكل مستميت

وما الومك في حب عتيبة الهيلا ويدل على كلامي اسمي هنا

موضوع جاء على كيفي صراحة علشان اطلع شي من اللي في صدري

بحبي لقبيلتي

ولا يهمك حب عتيبة قد ماتقدر مانت خسران وتستاهل عتيبة كل هذا

الشعور والحب

عبدالرحمن الهيلوم

13-Feb-2008, 03:40 PM

مرحبا مليار يالغالي في منتدي الهيلا هل العوجا

وفالك طيب وفي انتظار ابداعاتك ومشاركاتك يالغالي 0

WELCOME

نجر بن هاجد

13-Feb-2008, 05:00 PM

حياك الله اخوي مازن يامرحبا فيك بين اخوانك

برقاوي شقرا

13-Feb-2008, 06:55 PM

شكرا شكرا محب نجد على هذا المرور وشكرا لمن اطربنا بمروره بعد مرورك ...

ويعطيكم الصحه والعافيه ...

محب الهيلا

13-Feb-2008, 07:37 PM

شكرا شكرا محب نجد على هذا المرور وشكرا لمن اطربنا بمروره بعد مرورك ...
ويعطيكم الصحه والعافيه ...

انا محب الهيلا فقط ولست محب نجد المكان

انا محب عتيبة اينما حلت وارتحلت

القادم بقوة

13-Feb-2008, 10:32 PM

الله يحييك
ووالله انك ما تلام على الحب وعتيبة تستاهل اكثر
تصدق والله تو ما دريت ان فيه احد يضيع مع عتيبة مثلي
حتى بعض اللي حولي يقولون يا مقرن ارفق ترا مهي عتيبة كل شي
وانا ما تغيرت ليومك

وبعضهم يتكلم من ناحية الدين والعصبية القبلية

لكن ماش ما اقدر اخفف من حبي لعتيبة

واليا فكرت بالعقل لقيت اني احب عتيبة على سنع وتستاهل وشرف لي اني احبها
وانا اعتبر كل انسان عتيبي مهما حاول يخفي
لازم تلقى انه يحب عتيبة غصب عليه
ولا يلام
والله يا اشرطة ملفي المورقي وتركي بن حميد وخلف بن هذال
ما تنزل من السيارة ابد ولا يعرف المسجل غيرها
لا وابشرك
لقيت شريط فيه سلك وتشبك السلك فالجوال وتحط الشريط فالمسجل وتشغل مقاطع الجوال في مسجل السيارة
وعلى هالحال
خذ محاورات
خذ شيلات وموالات
خذ انواع واشكال

شكل فلاح المورقي راح حلقه من كثر ما اشغله هههههههه

عبدالله بن دبيس العتيبي

14-Feb-2008, 12:06 AM

بسم الله الرحمن الرحيم

مشكور على شعورك تجاة قبيلتنا العزيزة ولاهي غربية من ابناء هذة القبيلة العزيزة

وان شاء الله تدون المحبة بين ابناء الهيلا

وتقبلوا تحياتي

عتيبـــــ ولد ــــــــة

14-Feb-2008, 03:01 AM

تبون الصراحة ..

والله إن اللي حولي يبدوا ينقدون علي الشي هذا ( ومنهم الوالد وناس عتبان ) ..

يقولون من وراي لبعض : " فيه حساسية لعتيبة وفيه تعصب زايد " ..

ولا فيه جلسة إلا وادخل عتيبة في السالفة ..!!!

وأنا الحين أحاول أقلل من الشي هذا وعسى ربي وربك يعينا جميعا ..

لأني أحس إنها زي الإدمان .. كلماله يزود عندي .. خير إن شاء الله ما اجلس مجلس إلا عتيبة الهيلا وعتيبة الهيلا ..!!!

فيه ناس زبدوا لي وفيه ناس مجاملين ..

بس .. خلاص .. إن شاء الله أترك هالعادة السيئة ..

أما انت يا محب الهيلا .. ما قد دخلت المنتدى ولقيت تحت لقبك ( غير متصل ) ما شاء الله عليك ..

محب الهيلا

14-Feb-2008, 03:07 AM

بس .. خلاص .. إن شاء الله أترك هالعادة السيئة ..

ولد عتيبة

افا تترك حب عتيبة الهيلا

ليه ياخوي اللي يحب قبيلته يعيبه شي

والله اني لو الهوى هواي اني لمشي في الشوارع واغني

ليا جا طاري الهيلا ***يفز القلب فزة شوق

محمد العتيبي

14-Feb-2008, 03:44 AM

ابو عطا

14-Feb-2008, 03:54 AM

اخواني وعيال عمي ...ابناااء عتيبة الهيلااااااااا ..زمن فرسان عتيبة

ومعارك عتيبة راحت.. الان المعارك مع العلم .. اذا انكم تحبون عتيبة

لازم تشرفون قبيلتكم بالشهادة والعلم الغانم .. وترفعون اسم عتيبة في

المحافل ... وتفيدون عتيبة .. ..

والحاااااال من بعضة ياعيااااااااال العم ..

محمد العتيبي

14-Feb-2008, 03:56 AM

كلام سليم يابو عطا بيض الله وجهك ..
...
ولا زال البحث جاري عن المقطع ..
please help me <<<

ابو عطا

14-Feb-2008, 04:02 AM

المقطع لعيون ابو مشعاب
http://up.m5zn.com/139RZO1J3Y67/السيحاني.ra

ابو عطا

14-Feb-2008, 04:03 AM

http://up.m5zn.com/139RZO1J3Y67/السيحاني.ra

ابو عطا

14-Feb-2008, 04:04 AM

السيحاني.ra - 590.5 Kb (ابو مشعاب دز هنا

محمد العتيبي

14-Feb-2008, 04:08 AM

الله يسلم عيونك ياخوي ياغالي
يابو عطا ..
...

محب الهيلا

14-Feb-2008, 04:16 AM

حب عتيبه عظيم ..
...

وعلى طاري القصيده يالربع ابي هذي القصيده
ليا جاء طاري الهيلا = يفز القلب فزة شووق

تكفون اللي عنده المقطع للجوال يرسله لي ضروري
ادوره من زمان ولا حصلته ..
...
please help me <<<

يابو مشعاب

اتصل على 902وقلهم ابي نغمة لياجاطار الهيلا

وهم يقولون لك الخطوات انا حاطها

محب الهيلا

14-Feb-2008, 04:18 AM

ابو مشعاب انا قلتلك على 902 اذا كان تبغاها

نغمة اللي يتصل عليك يسمعها على طول

محمد العتيبي

14-Feb-2008, 04:24 AM

مشكور يالغالي
ولكن الظاهر انك نسيت اني فالكويت ..:)
...

يعني ماعندنا 902 ..
...

محب الهيلا

14-Feb-2008, 04:49 AM

ايه صح
والله اني ناسي

عبدالله الجـــذع

14-Feb-2008, 05:09 AM

يالبا قلوبكم كلكم..

الف حاشي مايسدك يالبرقاوي..

حياك في محلك يالغالي..

برقاوي شقرا

14-Feb-2008, 06:14 AM

انا محب الهيلا فقط ولست محب نجد المكان

انا محب عتيبة اينما حلت وارتحلت

ههههههههه المعذره يامحب الهيلا ...

انا متعود على محب نجد .. زميل لي في منتدى الدوادمي نت وكتبت اسمه لاشعوريا ...