الشبيرمي يقتبس من قصيده ويحصل على اعلى نسبه ..!!!!!!

[المعتاد]

الحق يقال ...خالد العتيبي يستحق الدرجة الاعلى ...بلا منازع ...
مع احترامي وتقديري للشاعر الكبير خليل الشبرمي ... واللجنه الموقره..((الظالمه في القرعه والواضحه في اهدافها ))ولكن ...شاعر يقتبس من هذه القصيده..بعض النقاط المهمة لقصيدته... ولو كان شاعر اخر لقالوا هذا اقتباس...

قصيدة للشاعر...مساعد الرشيدي..

كيف أطفي الريح بثيابك وكيف اشعلك
كيف اتنثر على جمـرك وكيـف احتويك
نقضت ليل الحرير وجيت ماانت لهلك
سمّيت باللي فتني بـك وقلت ابتديـك
هذا اول الدرب او هذا الطــريق اولك
جيت آتوقّا عذابات المدى 00واهتديك
شوقـي مسافـة وهمساتـك مـدار وفلك
ان ماظميتك غلى 00ياعلني ماارتويك
إية اعرفك واعرف اني من غلاك اجهلك
مرات اضمّـك واخـاف اني مشبة عليك
مـرات اشوفـك بنفس الوقت واتخيـلك
وانشد كفـوفي عن اخر سالفة من يديك
أعـنّ لك لـو تصّـب المـوت 000واتهيّلك
واجـوع لـك وآتمـنى خنجـرك واشتهيـك !!!!!!!!!!!!!
ماقلـت لك عمر سيـف العشق مايقتلك
ماتشوفني حي قدامك وانا امـوت فيك
اشتقت لك قبل اجيك وجيت واشتقت لك
البارحة طول ليلي بين هذي 00وذيـك
مليت جمـر انتظارك واستحيت أسألـك
واحسبتني ما بعد جيتك وفكرت اجيـك
اثرك بقلبي من البارح وانا استعجلك
واثري نسيتك من الفرحة وقمت احتريك

[سعود الدعـــجاني]

كلامك صحيح يا المعتااااااااااااد

لكن الشكوى على الله

من جد واضح ميول اللجنه لشبرمي

[هامة مضر]

ما هي مصلحة اللجنة من الشبرمي........كل الكلام الي تقولونة كلا م فاضي مع احترامي لكم .....اما با النسبة للقصيد ة لا يوجد فيها ذاك الاقتباس ...... لو نبحث في القصائد لقينا ولقينا اولهاقصيدة الفراعنة قد قيلت قصيدة قريبة منه للشاعر الكبير القاضي ولا عذربنا في القصيد ......لا ن الفراعنة شاعر كبير

[عبدالرحمن الهيلوم]

الاقتباس حق مشروع 0والشبرمي شاعر من تميم ومليار نعم

والله ايوفق شعاراعتيبه

[عبدالله بن دبيس العتيبي]

ونعم والله بالشبرمي شاعر ولا علية قصور

والله يوفق شعار عتيبه




وتقبلوا تحياتي

[:: الغــربــي ::]

التميمي تراه سعودي الأصــل وأنا متوكد



تحيتي

[محب الهيلا]

مشكور وماقصرت

[وليدغازي]

ا
لشبرمي شاعر جزل لا تخذكم الحميى

[عتيبي وافتخربربعي511]

مشكور وماقصرت

[عبدالله الجـــذع]

حمد السعيد يقول له التميميه تجري في دمي .وش تبونه يعطيه ..يعطيه صفر يعني ..

فعلا اذا لم تستح فأفعل ماشئت..

شكرا يالغالي..

[الاحنف بن قيس التميمي]

اولاً / ان أتاكم فاسق بنبأ فتبينوا أنه الحقّ ، و لست أعنى "ناقل" الموضوع ؛ هذا أولاً .
ثانياً / كان الأولى بأن تطلبوا القصيدة الأخرى للشبرمي التميمي حتى تحكموا بالحق .


و الآن لم لا نضع القصيدتين لكم و ترون بأم أعينكم أهناك تشابه أم لا ؟!


قصيدة الشبرمي


يامن دهتنـي عيونـك واحتوتنـي يديـك=الله يسامحْك كيـف تقـول مـاذا دهـاك
ماتدري انـي متيّـم بـك وكلـي لديـك=مملـوك مأسـور مسبـي مستهـام بهـواك
أموت كلي معك .. واموت فيك وعليـك=واغليك لكـن عسـى الله مايبيّـن غـلاك
واحنّ اليك .. وعليك احنّ مـن والديـك=ومن لهفتـي عيـن قدّامـك وعيـنٍ وراك
أشتاق لك واشتكي لك منك واشكيك اليك=كلك ملكني .. وكلك فـي عيونـي مـلاك
جادلك جيدك جبينك خنجـرك حاجبيـك=اسمك سماتك سمّـوك سِسْتِمِـك مستـواك
جوريْك جمرك لجينك عسجـدك وجنتيـك=ذرابتِك رقّتِـك روعـة حضـورك بهـاك
وجهك وهج مبسمِك بسمَتْـك غمّازتيـك=براءتك .. خالك اللي لاذ بايسـر شفـاك
سِجِنّجِلِك جلنارك نرجسِـك كركديـك=كاديك مسكك نسيمك شمس صبحك مساك
سلهام عينك .. نَعَس طرفك .. حَور مقلتيك=بوهَتْك ملحك حلاتك خف دمـك حيـاك
ما اعرف اداري ولا اهدّي ولا امسك بريك=لاجيت اجي كلي .. وكلي عسانـي فـداك
أقدّم الروح كاش .. وباقي العمـر شيـك=باسمك مصدّق ولا يصـرف لحـيٍ سـواك
يامن دهتنـي عيونـك واحتوتنـي يديـك=الله يسامِحْك كانك قلـت مـاذا دهـاك



قصيدة الرشيدي


كيف أطفي الريح بثيابك , وكيـف أشعلـك=كيف أتنثر على جمـرك , وكيـف أحتويـك
نقضت ليل الحرير , وجيت ما أنت لـ... هلك=سميت باللـي فتنـي بـك وقلـت أفتديـك
هذا أول الدرب , أو هـذا الطريـق أولـك=جيت أتوقـى عذابـات المـدى وأهتديـك
شوقي مسافـة , وهمساتـك مـدار وفلـك=إن ما ضميتك غلا ... يا علّنـي مـا أرتويـك
إيه أعرفك , وأعرف إني من غـلاك أدخلـك=مرات أضمك وأخاف إني ... مشبـه عليـك
مرات أشوفـك بنفـس الوقـت وأتخيلـك=أنشد كفوفي عن آخر سالفـة مـن يديـك
أعـنّ لـك لـو تصـبّ المـوت وأتهيّلـك=وأجوع لـك , وأتمنـى خنجـرك وأشتهيـك
ما قلت لك ... عمر سيف العشق ما يقتلـك=ما تشوفني حي قدامـك وأنـا أمـوت فيـك
مليت جمـر انتظـارك واستحيـت أسألـك=واحسبتني ما بعد جيتـك وفكـرت أجيـك
أثرك بقلبـي مـن البـارح وأنـا أستعجلـك=وأثري نسيتك من الفرحة وقمـت أحتريـك

[مناحي الخامس عشر]

انا ماشوف الي تقولونة
وبعدين معاني وكلمات الغزل
دايما غصب تجي مشتركة بين الشعار


لا يوجد تشابة

وخلو عنكم هالكلام

وصوتوا للكبير خالد

[أبو مرحبا]

يعطيك العافيه

[الاحنف بن قيس التميمي]

حمد السعيد يقول له التميميه تجري في دمي .وش تبونه يعطيه ..يعطيه صفر يعني ..

فعلا اذا لم تستح فأفعل ماشئت..

شكرا يالغالي..


فعلاً قول يثير الإنتباه ، و لكن ما يثير إنتباه ذوي الألباب أيضاً ، أن حمد السعيد ليس بغبي و يستطيع أن يمتنع عن مثل هذا القول و يساعد ابن عمه من تحت لتحت .

لكن التصريح هو قول شجاع ، يتحدى به نفسه أولاً ثم الآخرين لمن يشك في نزاهته ، و اللعب فوق الطاولة احسن من تحتها ;) .. و اذا هي على لجنة التحكيم فيهم المطيري و الظفيري و كلن له اهوائه يابعدي .

تحياتي

[صقر نايف العتيبي]

يعطيكم العافيه كلكم ماقصرتوو بعضكم(ههههههههه) مير حمد السعيد باين ميله مع الشبرمي................تحيااااااااااااتي

[بصراحه]

وش هالبلشه

التميمي مقتبس وارهابي
والفراعنه سارق وفيه جن
والعنزي سب دوله الكويت
والسميري سكران
وسعود مناور مفحط
و..... و.... بصراحه بلشه ليه ما يحطون لهم اربع وعشرين بيرق وتنتهي السالفه ...

طيب ناس يقول حمد السعيد يقول ان التميميه تتدهر فيني وماكمل بقيه كلامه يوم قال ولكن البرنامج حيادي ..
وناس تقول اللجنه تكيل بمكيالين وهم 5 حكام كل واحد عنده عشر درجات والمجموع 50 يعني مثلا يوم تاهل اليماني من اللي ااهله ....ووووو .. الخ

والله بلشه خلونا نتابع هالبرنامج نبي نشوف وش يصير .... لا نرجع للدوري السعودي وقضيه حكام الساحه وجاء الهلال راح النصر ......... خلاص نبي نطلب يجيبون لنا حكام للبرنامج من الهند ..

[صنهات المحياني]

اولاً / ان أتاكم فاسق بنبأ فتبينوا أنه الحقّ ، و لست أعنى "ناقل" [/poem]


أكتب الآية صح قال تعالى (( يأيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين ))

[يوسف عبيد]

الله يوفق شعراء عتيبة

[الاحنف بن قيس التميمي]

أكتب الآية صح قال تعالى (( يأيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين ))



جزاك الله خير ، و لكن لتعلم أني لم أكتب الآية و لا طرفاً منها ، و لو تأملت لن تجد علامةً للتنصيص ولا أقواس حتى! لأكون بذلك قد نويت كتابتها و أخطأت فيها ؛ و لكني كتبت جملةً موافقةً لمعنى الآية المشهورة ، و لا مشاحة في ذلك .