لاعاد احد يقول لأحد

[مناحي الخامس عشر]

قالوا فلان مدعوم من الاسرة الحاكمة في الدولة الفلانية وبيتاهل

قالوا فلان بتصوت له كل الدولة الفلانية

قالوا القبيلة الفلانية ميب مصوته لشاعرها الفلاني


قالوا النتيجة محسومة خلاص لاتعبون انفسكم

قالوا ................. قالوا ...........
يقولون الين يشبعون


مناحي الخامس عشر يقول

خالد خالد وبيتأهل غصبا عن القيل والقال
وغصب عن كل التوقعات ارجوكم بلاش تحبيط

وترا محبي خالد مب بس من عتيبة

من كل القبايل

وكثير ناس حضر وبدو معه
ويشوفونة الشاعر الاجدر

ولا احد يقول ماني بمصوت كلها غش

كل واحد يسوي الي عليه وربي مايظلم احد


والله لو اجتمعوا كلهم عشان يخسرونة مايقدرون بدون مشيئة الله

يعني لاتعطونهم اكثر من حجمهم حتى لو البرنامج برنامجهم ربك فوقهم

انا واثق برب العالمين انه بينصر الحق

خالد خالد غصبا عن القيل والقال

شعار كثيرة مجنديلهم من يطبلهم من قبل مايطلعون
ومسوين زحمة وازعاج
وهم اقل من عاديين

يشتغلون على الفقاعات ..... وخالد خالد
يشتغلون على انا وانا..... وخالد خالد

والله كل عتيبة ميب مقصرة غصب عن كل مشكك

السعودية كلها ميب مقصرة غصبا عن كل مشكك

خالد بيتاهل غصب عن كل مشكك
وانت ياخالد دايما خالد

رجاءا لاعاد احد يقول لأحد
حنا لنا عقول ونشوف

[مندوب قوقل]

الي يقول قطر بتأهل شاعرها ال مانعه ماعنده سالفه

الدليل السفياني امس فارق كبير ..وكان القبيله لها دور

مابين عنزه والحجاز قاطبةً الا 1%

[مناحي الخامس عشر]

مندوب قوقل ياعيني عليك
شفتوا
ولا عاد احد يقول لأحد

[القرناص 999]

شدوا الهمه وشوفوا اذا مافاز وانشاءالله يبي يفوز

وترون الفرق مع الشبرمي نسبه يعني ماراح بعيد

واللجنه اعتقد اعطت خالد نسبه كبيره والشبرمي

ماتعداه الا لان ولد عمه مع اللجنه يعني تلقونه دفه

بالدرجه الكامله وهذا اللي خلاه يتقدم واعتقد ان باقي

اللجنه انصفوا خالد وال حيدر لان مستواهم كان متقارب

واخذوا نفس الدرجه والشبرمي زي ماقلتلكم مارفعه الا

ولد عمه لكن ماهو بعيد نسبه بس يعني اذا شديتوا الهمه

ورجعتوا ايام يوسف والله ليفوز وبفارق كبير بعد

[مرزوق حمدان العتيبي]

..
.الامل بالله كبير وخالد بالتأهل جدير ..
.. دعواتنا وما نستطيعه ..
سنقدمه للعملاق وكلّ ٍ حر في حلاله
واعتقد لو ان كل واحد ارسل 5 رسائل
اعضاء المنتدى 30000الف
150000الف رساله غير مكلفه تدفع بشاعر الرساله للقمه ..
.
..

[ابو ناصر المقاطي]

مناحي عتيبه كبير و متذوقين الشعر واجد والله مع الي يستاهل

بس الي يقولون المر منتهي هذولي ما عندهم سالفه

والدليل امس عيضه ابدع ونال وخالد ابدع وان شاء الله بيتاهل

بس يبي وقفتنا وياه

وهذي رساله انا بدزها الحين

ارسال......

[مناحي الخامس عشر]

القرناص 999
الله يبيض وجهك يوم ذكرتنا بيوسف صدقونا نقدر

مرزوق حمدان العتيبي
صدقت الامل بالله كبير


ابو ناصر المقاطي

صدقت وبيض الله وجهك

شفتوا لا عاد أحد يقول لأحد

[سعود الدعـــجاني]

ابشروووووووووووا بسعدكم

انشاء الله بيتأهل خالد

لأنه الشااعر الأجدررررررر

بصراحه

[عبدالرحمن الهيلوم]

لافض فووووووووووووووك يبشر

[وزن وقافيه]

كلامك صحيح القبيلة فوق كل شي كل واحد يسوي اللي عليه والباقي على الله

[مناحي الخامس عشر]

سعود الدعـــجاني
سلمت يالغالي


عبدالرحمن الهيلوم
مشكوووور عل المرور


وزن وقافيه
ياعيني عليك الواحد يسوي الي علية

[رمح برقاا]

كفوو يا مناحي الخامس عشرر

ويستاهل خالد يقولون ولا ما يقولوون عتيبه انشاء الله هي بتقول

[عبدالله بن دبيس العتيبي]

كلامك صحيح ياخوي مناحي


بس ماهو معناة انا نقلل من جماهيرة الشعراء الباقين


يعني شدوا حيلكم واتذكر ابيات الشاعر الرائع / يوسف العصيمي



مادام الموقف شديد وحامي ** مافيها الا اشد احزامي
ماعاد فيها ودي ولا ودي ** الموت خلفي والبحر قدامي


وتقبلوا تحياتي

[راعي(البراق)المارج]

مناحي يامناحي

تكفون لاتخلون خالد

نبي دعم نبي دعم

تذكرو البلوي يوم فزع له رئيس نادي الاتحاد

في فرق بين محمد بن فطيس والشبرمي

ابن فطيس كان شاعر وفزعو اهل قطر كلهم

وسالفه تصويت بالمجان والله مافيه السنه اللي فاتت خفضو سعر الرساله

السنه هاذي ماصار شي لاتخفيض ولا شي

التحدي بين تميم وعتيبه ماهو بين قبيلة ودوله

تكفون الهمه الهمه

[مناحي الخامس عشر]

رمح برقا
حياك ياخوي
ويقولون ولا مايقولون عتيبة ان شاء الله بتقول

[مناحي الخامس عشر]

مادام الموقف شديد وحامي ** مافيها الا اشد احزامي
ماعاد فيها ودي ولا ودي ** الموت خلفي والبحر قدامي
تسلم ياعبدالله

[مناحي الخامس عشر]

راعي البراق المارج
تطمن عتيبة ماهيب مقصرة
والي مطمني اكثر ان كثير من السعودية والكويت مع خالد
ودايما الحق ينتصر ف الاخير

[مناحي الخامس عشر]

تكفون لا عاد احد يجيب كلام يحبط
لا عاد احد يجيب كلام انهزامي
تكفون اتركو الضعافة
صوتتتتتتتتتتتتتتتتتتتتتتتتتتتوا

لاعاد احد يقول لأحد:)

[بـرق الـذيب]

إذا كذب البرق اللموع لشائما***فبرق حسامي صادقا غير كاذبِ

خلك من القيل والقال

وبرق سيف العتبان بيقسم الإشاعات نصين

[مناحي الخامس عشر]

إذا كذب البرق اللموع لشائما***فبرق حسامي صادقا غير كاذبِ

خلك من القيل والقال

وبرق سيف العتبان بيقسم الإشاعات نصين

ونعم بهالكلام
تسلم ياولد العم

[محب الهيلا]

كلامك صحيح

ولكن لابد من التصويت

[مناحي الخامس عشر]

ولكن لابد من التصويت

هو فية احد قال غير كذا
لازم ولابد :)

[عيد العازمي]

لافض فووووووووووووووك يبشر

[أبن الجزيره]

عزيزي مناحي شكراا على حماسك وحبك لشخص خالد محمد وحب رفع أسم القبيلة وغيرتك الواضحه وكلامك الذي لايخلو الكثير منه على التوكل على الله سبحانه رغم المكائد ولكن تعليق بسيط على قولك لاحد يقول لأحد أعتقد أسلوبك حماسي شوي ولست ممن يفرض رايه او يستعمل الوصايه على الجميع فليتك خففت من حدة كلامك شوي وبدون دكتاتوريه فلكل شخص حق الحرية والتعبير عن رايه بدون المساس بالغير ربما ان من يقول لاتصوت يرى ألامر بعين أخرى وليس قصده خذلان القبيله أو خذلان الشاعر والأختلاف شي مجبول عليه البشر ولكن يجب أن نبتعد عن الترهيب وفرض الوصايه على الغير ودمتم

[ابو كتيفه المحياني]

الهيلا الهيلا الهيلا مخلفت الهقاوي والفوز اعتيبي والبيرق اعتيبي

[البريماني]

اقوووول يابني عمي شدوا الهمه

[مناحي الخامس عشر]

ابن الجزيرة

حرام عليك:confused:
دكتاتورية:confused:
فرض راي:confused:
وصاية:confused:
ترهيب:confused:
كل هذا :confused::confused:

ياخي انا اقول
لاعاد احد يقول لأحد
لاعاد احد يقول
تحبيط انهزامية كلام وفقاعات في الهوا بدون ادلة
يعني لاتفصلونا عن الواقع
ياخي شكثر الاشاعات الي تحطم وتثبط من العزيمة
اخرها ان دولة خليجية فتحت التصويت مجانا للشاعر الفلاني
وف الاخير طلع برا <<<<<لا يفوتكم فلننه خايف من الونش صار عندي رهاب ونشي:D
المهم نرجع لمحور هرجتنا:D
انت شكللك ماقريت كلامي زين ارجع اقره وبتكتشف اني غلبان وماقصدي:cool:
طيب الي يقول لاتصوت
مهو من حقة يجيب اشاعات وكلام منفصل تماما عن الواقع
ويبث بين الي بيصوتون كلام كله تشائم ويمطرنا برسائلة السلبية
ياخي الي مايبي يصوت لا يصوت الله يوفقه بس مايقول كلمة الاوهو عارف زين مصدرها ويجيب الحقائق مب الاشاعات

وبعدين جملة لا عاد احد يقول لأحد
عجبتني مختصرة وتفي بالغرض:cool:
وخير الكلام ماقل ودل:cool:
تراها زي ماهي لاتفسرها وتعطيها اكبر من حجمها
مشكوووووووووووووووووووور على مرورك وابداء رأيك لاعدمنا ردودك:)

تكفون صوتوا صوتوا صوتوا
ولا عاد أحد يقول لأحد

[الدعجاني محمد]

مشكوور اخوووي

[الشامخ.العتيبي]

الله يوفق خالد ... يارب

[محمد الدهمشي]

السلام عليكم


والله أن شاعركم ياعتيبة فــحل ويشرف الدار والقبيلة اللي يمثلها وهذا أهم شي


والله يوفق الجميع ويكفية إنة بدا البرنامج بالدفاع عن النبي صلى الله علية وسلم


والله يوفق شاعركم وشاعرنا

[مناحي الخامس عشر]

شكرا لكل من سير علينا هنا :)

ولاعاد أحد يقول لأحد هههههههههههه :)