كبتن عتيبه من زمان فات مثل ابا الحصين

[سفير الدوله]

كبتن عتيبه من زمان فات مثل ابا الحصين=ماتطرحه ياكود في جحره ليا شكمتله
يبى يسوي لي سوات الليث في وسط العرين=حرام لأنتف شاربه لو كان عندي يفتله

[خالد المقاطي]

مسيت بالخير ياسفير الدوله .. نيابه عن (( كبتنا )) جميــ ع .. دامه طلع

والله يفكني منـــه

:)

استلم



كبتن عتيبه منصبه (( يشفع )) على مر السنين = سبعً ليا شاف الثعل يطرده حتى يقتله
ماقد قنص في واديً مافيه صيد ولا معين = مثل الرياح ان هب ماخلا حبوب السنبله

[نواف العصيمي]

مسيت بالخير ياسفير الدوله .. نيابه عن (( كبتنا )) جميــ ع .. دامه طلع

والله يفكني منـــه

:)

استلم



كبتن عتيبه منصبه (( يشفع )) على مر السنين = سبعً ليا شاف الثعل يطرده حتى يقتله
ماقد قنص في واديً مافيه صيد ولا معين = مثل الرياح ان هب ماخلا حبوب السنبله

الله الله

صح لسانك ...

وأزهل الصف ..

ولك التقدير والإحترام

[خالد المقاطي]

نواف العصيمي


ارحب مروركــ .. محل اعتزاز ...


لاخلا ولا عــدم



/ /

[سفير الدوله]

مرحبا ياخالد البارح طلعت ماشفت ردك

استلم


ياخالد انته لاتعرض قدم خشم المارتين=ان كان عظمك مايساعد من حليب النستله
حنا ليا منا حضرنا ما نحسب الغايبين=أما نطحت الخصم ولا لا تعود تختله

[سفير الدوله]

نواف العصيمي


لاهنت على المرور في متصفحي


ياعزوتي عزو الصفين


تحياتيييييي

[محمد العتيبي]

سفيرالدوله & خالد المقاطي
ياسلام على الابداع الرائع ..
صح لسانكم جميع ..
وااااصلوااا..
...

[زيزوم مدركه]

كبتن عتيبه منصبه (( يشفع )) على مر السنين
سبعً ليا شـاف الثعـل يطـرده حتـى يقتلـه




ان غاب نجم النجم الاخر ضهر


صح لسانك ياخالدوبدون قصور في سفير الدوله

[خالد المقاطي]

ارحب ياسفير الدولــه من جا مابطاء :)


استلم




فالاوله بقول لك انا ( كعامين المعتدين )= والثانيه : خشمك ليا رزيت جتك مفلفله
ماشفت سيفك يوم سيفي طاحن فغزوة حنين = خل الدعاوي : واخذ لك ركعه وعد البسمله

[خالد المقاطي]

زيزوم مدركــــه


ياحيـــه وحي الطرق اللي جابــه


منور يابن عمي



:)

[كبتن عتيبه]

سفي الدوله>>>حسبي الله عليك

المعذره توي رجعت مير اخوي خالد موجود


وصح لسااانك


خالد المقاطي>>>بيّض الله وجهك حماي ماقف


وكفيت وفيت


ولا اوصيك على سفير الدوله...


وازهل الصف

[سفير الدوله]

كبتن عتيبه
هههههههههههههههههه
بغيت اتمازح انا وياك بس خيرها بغيرها

خالد
طيب طيب


نعمين بألاد الكريزي يوم دورات السنين=لاكن ياصياد صيدك فالشرك طاح اشتله
ياصاحبي خالد زحول قريش اثرهم مشركين=غاضوا من القراءن يومن النبي يرتله

[سفير الدوله]

ابو مشعاب

صح بدنك
الابداع هو تواجدك ومروك يابن العم



زيزوم مدركه

صح بدنك
الله لا يهينك على المرور

تحياااااااااتي

[عبدالله بن دبيس العتيبي]

الف شكر لكم جميعا وصح السنتكم


ابيات رائعة


وتقبلوا تحياتي

[حمد بن جوباح]

.
..

الله الله يا الشعـّـار

تسجيل حضور وإعجاب

صحت ألسنتكم

ومتابع

:)

.
.
.















تحياتي لكمـ ،،

[راع العلطا]

سفير الدوله×خالد المقاطي



مبدعين ولاهو مستغرب منكم الابداع


واصلو واصلو...الله لايهينكم