مرزوق ولا سارح البال

[كبتن عتيبه]

مساكم الله بالخير..


سلام ردّيه وراها علوم قصار وطوال=ياربعنا اللي تعرفون الطويله والقصيره!!
من شاف الي يالربع مرزوق ولاّ سارح البال=واحد من الاثنين تحت الرحاه المستديره!!

[السميــــــري]

من شاف الي يالربع مرزوق ولاّ سارح البال
واحد من الاثنين تحت الرحاه المستديـره!!

الله الله يالكبتن ..
صح لسانك ..

[غازي غالب]

من شاف الي يالربع مرزوق ولاّ سارح البال
واحد من الاثنين تحت الرحاه المستديـره!!




من شاف الي يالربع مرزوق ولاّ سارح البال
واحد من الاثنين تحت الرحاه المستديـره!!




يالله دخيلك


كبتنا صح لسانك حتى ترضى


شاعر جزل تطربني بيوته



متابع وبشده للأبداع :)

[مرزوق حمدان العتيبي]

..
.
يامرحبا ياعلم .....
نور المنتدى بعودتك .. اترك الفرصه للجزل معجب
.. لاني بلشان بكارثه اللي يخارجني منه ..
:)

..
صح لسانك
...

[كبتن عتيبه]

السميري..

قبلان


مرزوق




مرحبا ياعيال العم


كيف الحال؟؟


اسعدني حضوركم

[معجب العتيبي]

كبتن عتيبه يشرفني اللعب معك

بس بخلص حاجه بيدي بربع ساع اذا تقدر تنتظر

مرزوق انت الابداع ياغالي والجزاله في كلماتك

[خلف العتيبي]

الله على الأبيات يا كابتن عتيبه..

ننتظر سارح البال..

متابعين لكم..

[معجب العتيبي]

مساكم الله بالخير..


سلام ردّيه وراها علوم قصار وطوال=ياربعنا اللي تعرفون الطويله والقصيره!!
من شاف الي يالربع مرزوق ولاّ سارح البال=واحد من الاثنين تحت الرحاه المستديره!!

اسف على التأخير والله انتهى اشتراك النت

استلم والله يعين على مجاراتك يابحر



يامرحبا ترحيبةٍ تنشد الغايب عن الحال=الغايب الحاظر نبا ننشده وشهو مصيره
مرزوق جاك وسارح البال جا ياطيب الفال=واحد من الاثنين ياصاحبي جا للمسيره

[السميــــــري]

يامرحبا ترحيبةٍ تنشد الغايب عن الحـال
الغايب الحاظر نبا ننشده وشهو مصيـره


الله الله
ياسارح بيت رائع ..
صح لسانك

[كبتن عتيبه]

طيب طيب


ترى جبل سنجار باقي على الدنيا ولا زال=اكبر جبل لا زال معروف في شبه الجزيره!!
شفنا المخايل فالسماء مير سيل الضلع ماسال=وأن كان ماتنحي سيوله عسى فالامر خيره!!

[معجب العتيبي]

ترا الجزيره ياوسيع المعرفه كلها جبال=واضنها بالنسبه لضلعكم صارت كبيره
السيل لامن سال ينزل على الوديان بالحال=ابعد قبل تصبح ضروفك من اسبابه خطيره

[كبتن عتيبه]

طيب طيب


انا اللي اعطيتك جمل لين صرت اليوم جمّال=لكن خلّك من وراء بعيرنا واهدر هديره!!
الله يبارك فالمكاسب تغطي روس الأموال=ياربعنا اللي فالمواقف تصدون المغيره!!

[معجب العتيبي]

انته كفو تعطي لكنّ الحكي واجد وينقال=لكنّ كيف موظف المدرسه ينكر مديره
لو زادة الاموال ياصاحبي تسعين مثقال=مازادت نفوس البشر في قناعتها شعيره

[حمد بن جوباح]

بصيره

الله الله

< يكمل من عنده :D


عز الله انكم جزلين

والشهاده فيكم مجروحه

صحت ألسنتكم

ومتابع

:)

.
.
.



















تحياتي لكمـ ،،

[معجب العتيبي]

حمد بن جوباح

شرفتنا بمرورك طال عمرك

الكلمه الاخيره شعيره بس والله مدري وشلون طاحت مانتبهت الا الحين

شعيره

[عبدالله بن دبيس العتيبي]

صح السنتكم جميعا


ابيات جميلة نشكركم عليها وفي انتظار المزيد



نحن متابعين


وتقبلوا تحياتي

[كبتن عتيبه]

الله الله


الذكريات الأوله لا طرت ياريّف الحال=واللي عطاك بعير من فضلك ترجع بعيره!!
ياما صبرنا والليالي تعاقب والصبر طال=واللي على لسان البنادم يهوجسبه ضميره!!

[عبدالله الجـــذع]

الله..

ابداع

ألف شكر لكم ..

واصلوا يالغاليــن..

[ابو راكان]

يااااااساااااااتر تحت الرحى المستديرة مرة وحدة ...

[محمد العتيبي]

الله الله الله
كبتن عتيبه و سارح البال ..
واااااصلوااا ..
....

[معجب العتيبي]

الذكريات الاوله مانسيناها يارجال=يومني اعطيكم ولا ابخل ولا ادوّر بريره
ياصاحبي قالوا ترا من صبر للمرتجا نال=وان كان ماتقوا الصبر شد حيلك بالذخيره