معجب سارح البال

[شبل المحاني]

مرحبا يالعتيبي عدوبل الخيال=في محل الرجال الي على دينها

سارح البال معجب علمته الليال=والليالي على كفة موازينها

[معجب العتيبي]

استلم وبروح اصلي وراجع ان شاء الله


البقا يالعتيبي يوم زان المجال=في محل الرجال وفي عناوينها
كل شاعر يجرب والتجارب خيال=لين تثبت يابن ثعلي قوانينها

[غازي غالب]

سارح البال معجب علمته الليال
والليالي على كفـة موازينهـا





ياسلام ياشبل المحاني


مبدا راااائع


كل شاعر يجرب والتجارب خيال
لين تثبت يابن ثعلـي قوانينهـا




الله الله يامعجب


رد في محله يالقرم




صحت الالسن والقلوب ياعتيبه



واصلوا متابعين

[شبل المحاني]

ياعريب الجدود وياعريب الخوال=فيه هرجه وبعض الناس موحينها

عارفين الحرام وعارفين الحلاال=والامانه تومنها موامينها

[شبل المحاني]

قبلان الدعجاني

شكرا على مرورك يالغالي

[معجب العتيبي]

التهم ياوسيع المعرفه لاتزال=لين تثبت بأدلتها تخامينها
انتبه لاتصدق كل شيٍ يقال=والعواذل ترا تكثر شياطينها

[شبل المحاني]

ماتشيل الحمول الاضهور الجمال=وكل هرجه تثبتها براهينها

انت ماسول والماسول في كل حال=تعرف الناس صاحيها ومجا نينها

[معجب العتيبي]

ماثبت للهبايب غير صم الجبال=والدعاوي كثيره عند راعينها
كل ماسول عنده حل لأصعب سؤال= هات هرجتك واشرحلي مضامينها

[شبل المحاني]

الليالي يامعجب بين ميل وعدال=لو تميل لليالي قلت ياشينها

فيه رجلن ترا ماله بنات وعيال =والعرب حطت الرجال في عينها

[معجب العتيبي]

من بنا ساس بيته فوق جرفٍ هيال=نفسه لزود همه ربه يعينها
ماكمل ياعميلي غير رب الكمال=والمعرفه ياراع العرف يازينها

[بندر المرشدي]

بيض الله وجيهكم مبدعين


وش نقول وش نخلي


صحت السنتكم