الشاعر حجرف العصيمي

[ابوشهد2008]

قصيدة للشاعر حجرف العصيمي ((قصيدة القلوب))

على طول الحياة وكثر ما وسط الحياة أموات
أشوف قلوب بالمقلوب لا ابيضت ولا أسودت
وأنادي فالقلـوب الميتـه وتبلـم ألأصـوات
غريبة تسمـع ألأصـوات تدعيهـا ولا ردت
الا ياللي يهمك صوت حجرف لارتفع بالذات
عسى الله يجبرك بالصبر فالضيقات لاشتـدت
تفرك فالاصابع عايش في احلـك اللحظـات
تشوف الناس تقرب للهدف وعزومك انهـدت
تبي مني نصيحة تنشري لاشتـدت ألأزمـات
توجه للكريم اللي عيـون الخلـق لـه لـدت
ترى من راقب العالم من الحسرة بهمه مـات
ومثل ما جابت الدنيا بعد يـا صاحبـي ردت
تدور ألأرض والعالم وإذا راحت علوم وجات
يعدون الرجال الكفو والرديـان مـا انعـدت
وكريم ألأصل مداته على ساسه تجي جزلات
وأبو يمنا شحيحة لو بمد الوقـت مـا مـدت
وسلام الله على يمنا لها عند اللقـا صـولات
تحين سانح الفرصة وإذا أمتدت ترى أمتـدت
رح انشد صفحة التاريخ والصولات والجولات
ترى به ناس عدت فالزمان وناس مـا عـدت
تغيب المرجلة حزه ولكن تحضـر بحـزات
ولو صديت في لحظة دروب الجد ما صـدت
يقولون العلوم الغانمـة مثـل الهـوا هبـات
إذا شاعيتهـا زادت وإذا هديتـهـا هــدت
وترى من دور الزله لقوا فيه العـرب زلات
والا يا شينها النيـة إذا زانـت ثـم أرتـدت
وإذا كان الحضور سكات فالغيبة تجي بسكات
وأنا ما أبغى حضوري يشبه غايبي لو انسدت
دروب دونها الحاسد قصير البـاع والشمـات
سواليف العذول طـوال لا زادت ولا جـدت
وأنا ماهمني لو قيل شاعـر يسبـك ألأبيـات
أنـا همـي عـلام قلـوب العالـم اسـودت




وسلامتكم

[محب الهيلا]

صح لسانه

مشكور وماقصرت

[ابوشهد2008]

وهذه قصيدة لحجرف عندما كان بدولة قطر

يا بريئة وانتي ابعد ما يكون عن البراءه= برري سوء التصرف فـالنهايات المسيئة

ومنهو اللي حاول بدرء المفاسد باحتواءه = كـل غلطات الزمـان وغلطة الخل الجريئة

من بدايـات الميـانه لآخر حدود انزواءه =انتهيتي بـالادانـه بعد مـا كـنتي بريئه

يرحـم الله حال قلب ٍ اعـلن لقلبك ولاءه = بعدها صارت ليـالي وحدتك بيضا ً مضيئة


يا صباحه بالهموم ويا همومه في مساءه = لين صار القلب وهمومه مع ذكـراك بيئه

ان نزل صرتي له ارض ولن صعد صرتي سماءه = اللهم لا اعتراض انا اعرفه قدر ومشيئه

لا تكـوني داء قلبـه بعد ما كنتي دواءه = ما تشوفي حالته من بعد ما غبتي رديئة

يا ولاءه يا عـذابه يا طموحه وانتماءه =مابقى اصعب من ذهابه غير حلمك في مجيئه

الإسـاءه بالعمل جزاءها نفس الإساءه= للمصيب نقـول شكـراً والخطيئه بالخطيئه

واستمدي من غيابه لحظةٍ تكشف صفاءه = بعد هـذا وش تبيـن الفارغه ولا المليئه

كـن خطواتي اذا جيتك تسابق للاضاءه= بس لا مني رجعت تصير خطواتي بطيئه

ولو كتبت الشعر مدحه او تعديت لهجاءه = ما يكفي شعر ابو نواس وإهجاء الحطيئه

لا تحسبيها حساب اللي عطا يبغى جزاءه = ولا تحسبين الهوى مثل الربا فضل ونسيئه

كل عاشق يختلف تفكيره ووضعه واداءه = وانتي تفكيـرك رمابك فالنهايات المسيئه

--------------------------------------------------------------------------------

[محب الهيلا]

الله يعطيك العافيه

مشكور ومافصرت

[ابوشهد2008]

وهذه قصيدة لحجرف مسندة يم مرزوق العتيبي

مشتاق انا لملاعب القاف مشتاق=ودي اوسع ضيق صدري بطاروق

كن البيوت بكار فالصدر تنساق=وانا اتخير وانتقي لاهل الذوق

لا ضيق خناق المسا والفضا ضاق=وكني من التفكير والهم مخنوق

واحتارت الدمعة على طرف الاحداق=عيب ٍ تسيل وصعبه تعوّد لفوق

يسري بي الهاجوس لحد الاشراق=افوق منه احيان واحيان ما افوق

ولو انها فزعات في موقع خناق=ناديت يا برقا وناديت يا روق

وجو ربعي العتبان للفزعه سباق=يشرونها بالكاش مافيه مفهوق

ذباحت الحايل ولاوين الاعناق=واهل المثل في ( كل مطرود ملحوق )

لا جا نهاراً نشّفت فيها الارياق=ساق العتيبي نفسه لموقفه سوق

لكنها ما تحتمل هوش وشقاق=لا ضامني مبغض ولانيب مطقوق

المشكلة ما هي ترانيم عشاق=ولا حرّك غصون العتب زايد الشوق

وثارت براكين المعاتب ولا أطاق=وأخترت من بين الأصاحيب مرزوق

رجل ٍ عقد مع قمة الشعر ميثاق=غير الرجوله والوفا رجل موثوق

نبيه - واعي - جزل - فاهم- وتفاق=منطوقه يميز على كل منطوق

مرزوق يا مرزوق ضاقن الافاق=وأنا اتحرى حق من عدة حقوق

قفّى عليه الوقت والوقت ترياق=أنا اشهد إن الوقت سبب لي فتوق

كن الشقا أمريكا وخفاقي عراق=ليل ونهار من الصواريخ مصفوق

والشرهة اللي لونّت بيض الاوراق=خلت رجولي تمسك الدرب وتتوق

شرهة غلا راقت على خاطر ٍ فاق=من غفوة الي فزعته صار له عوق

واطيري اللي كل ما قلت لحاق=افطم قصير الساق واللون غرنوق

بعد غداله في فضا الجو برّاق=حصيل نقّاله منه صار مفلوق

وحاولت اخفي ما حصل وسط الاعماق=واثر الصبر كرت ٍ مع الوقت محروق

واليوم يا مرزوق ضاق الفضا ضاق=وودي اوسع ضيق صدري بطاروق

[محب الهيلا]

الله يعطيك العافيه

مشكور وماقصرت

[ابوشهد2008]

وهذه قصيدة لوالد حجرف الشاعر / نجربن فيصل العتيبي في وصف السيارة

نحمـد الله وارد الستيـن عانـه
.....واردٍ قبـل الحديـد يـوردونـه

ما يعبأ من شـراب القيزخانـه
...ولا وقف وسط الكراج يوضبونه

المكينة مطـرقٍ مـن خيزرانـه
.....كاملٍ بالوصف والشمعة عيونـه

والجما الكبوت والبوري لسانـه
......والمساعد يا ولد حربة سنونـه

والأديتر صرته مضـرب ابطانـه
.....ديتره يا أبو سهل مـا يلحمونـه

وان ركب راعيه ما مله مكانـه
.......وان طرش صوب البلد ما يجرونه

وان عطى جو الخلا زين هذبانه
........وان تعرض رملةٍ ما يسعفونـه

نمرته وسمه على خـده بيانـه
.......وان وطاله مركزٍ مـا يسألونـه

وارد الرحمن يا زيـن سهيانـه
.....يعجب اللي فوق وسقه يركبونـه

خالقـه ربـه وخالقنـا إوزانـه
.........ما يورد مـن بعيـدٍ يصنعونـه

مير شان الوقت وأقفى به زمانه
......وإنقطع شقران ياللي ترغبونـه

وتم قولي بذكر ربٍ عـز شانـه
.......ذكر ربٍ كـل الأمـة يشكرونـه

[ابوشهد2008]

الشاعر نجر بن فيصل العصيمي غني عن التعريف
وفي يوم من الايام كان في الكويت ومر ببنتين وسمع إحداهما تقول للاخرى ( انتبهي من ذا تراه بغى يصدم عجوز قبل اسبوع ) فرد بهذه القصيده: :

اسمعي ما قلت يابنت الرجالي = من هواجيس يصبحني قشرها
قالها نجر العتيبي بالكمالي = والبيوت المستقيمه ما كسرها
يا هني اللي من الهاجوس خالي = ما يصارع له امور ما قدرها
شيخة الزينات مدري من هبالي = مرت الشارع ونورنا قمرها
لبسها حشمه وممشاها اعتدالي = لو تمر الدبدبه يخضر شجرها
عين حر طالع والقاع خالي = كن زهر الورد في لبة نحرها
صبحتني مثل ابو زيد الهلالي = يوم عاند صبح القوم وكسرها
ان سكتنا جرنا تاج الجمالي = وان تكلمنا غرقنا في بحرها
صفقت قدحان غزلان السهالي = مثل راعي طبخةٍ قام ونثرها
واسمحوا لي يا كريمين السبالي = لين ابين عن شعوري من سكرها
تستحق بزينها كل المدالي = والصحافه عمرها ما اخذت صورها
من بنات البدو فرسان القتالي = لا نقربها ولا نبعد ديرها
يا عنود الصيد قولك سم حالي = يابعد قشراً تحودب من ظهرها
ما نويت ادعمك يا عنق الغزالي = لو تسدحني ويا طاني كفرها
والفرامل جاهزه والزين غالي = والبريك اما انفقع والا قهرها
وسرعتي وسطى وانا قايد مثالي = والمشاكل كلها عندي خبرها
وقسمة الله جاريه في كل حالي = واطلب المولى يعديني خطرها

[ابوشهد2008]

وهذه قصيدة للشاعر /نجر بن فيصل العتيبي

ياحنس موترك يوم اني شريتـه

مشتريه لطرقـة ٍماهـي قريبـه

ياولـد شبـاب طيبـك مانسيتـه

يوم قلت اخذه ولاعنـدك غليبـه

ويـوم روحناوكـل ٍصـك بيتـه

طلعتـه قدامهـم ماهـي غريبـه

يوم الازرق مع خويـه طارزيتـه

والسبيروبكرةالدايرحـطـيـبـه

ويوم حول عند خشمه مارجيتـه

يرفع الكبوت والنضـره عطيبـه

وفيه عذروب ٍعلى السايق كنيتـه

يشرب البنزين بفلـوس ٍمصيبـه

ولوجهزفقران من جيـب عطيتـه

ميرربـي عرضـه تاجرعتيـبـه

وموتري من فضل ربي قام صيته

لوطـرازه راح هوماتـه عجيبـه

وطيب الادهم من كويته في كويته

وان عطاالصحرامثل عنترزبيبـه

ينتهض مثل الشجـاع ليانخيتـه

في نهارالكـون ينطحلـه كتيبـه

وان عطااللفه وحاسبت وزويتـه

مثل صوت الذيب في راس الزريبه

وان دغفتـه مايهـرب قازقيتـه

والمكينـه قـود والقـوه رهيبـه

ولاغبني غيرشنضـوف ٍوطيتـه

فقع الثنتين فـي خشـم الجذيبـه

ويـوم ركبـت التوايرواعتليتـه

قام يعطيبـي طواريـق ٍصعيبـه

واسمه التالـي بسيـن لياقريتـه

وكشنه احمركل سايـق يعتنيبـه

وامدحه والمدح من طيب ٍلقيتـه

وكل واحد مايحـوش الانصيبـه

ومصنعه ظبط عضلاتـه وليتـه

والــذراع الرخومايقدريجيـبـه

ولوتـردا كـان بعتـه ماشريتـه

ميرانا السواق والفحص وطبيبـه

[ابوشهد2008]

وهذه لأبو حجرف
اسمعونـي يابعيديـن المدالـي
كلمة ٍمـن راس شاعرهانطقهـا
سلمنابجيوبناوالسـوق غـالـي
والدروب الطيبات لمن عشقهـا
قالها اللي عارف ٍسلم الرجالـي
والمثايل من زميلـه ماسرقهـا
يوم بعض الناس عايش بحتيالي
وان سمعله كلمة ٍقشـرا زرقهـا
يترك الصافي ويرجـع للحثالـي
والقدورالبايتـه يشـرب مرقهـا
عارفين سهيل والقطب الشمالـي
والنجـوم الباقيـه كـل ٍفرقهـا
والد هرممشاه ميلـه واعتدالـي
كم رجـال ٍعـن مواقفهافهقهـا
دورناخلا الثعـل صوتـه يلالـي
والسباع الضاريه يجلس شنقهـا
وان ركب حبل الرشافوق المحالي
دش في جحره وجنب عن غرقها
وان لقاهابـارده حدرالضـلالـي
له يدين ٍطايلـه ماحـد ٍسبقهـا
يامفرقت العـدال مـن الميالـي
مارزقتونـاس ربـي مارزقهـا
ومن يريدالطيبه عـدى العوالـي
والرديـه فـي ملفـه مارفقهـا
والـردي يتبـع رداه ولايبالـي
والنشامى طيبهايسبـق حمقهـا
وان زبنت ازبن طويلات الجبالي
استريح عن المشاكل في درقهـا
فـي ذراهالاجـواب ولاسوالـي
مــن بغايصعدعليهامالحقـهـا
وان مشيت مع الخلاوالقاع خالي
احذرالصبخاوجنب عـن زلقهـا
لا تغرك لمعـة القـاع الموالـي
لوملاها السيل ماينبـت ورقهـا

[ابوشهد2008]

وهذه مراسلة بين ابن عون وابوحجرف

قصيدة عبدالله بن عون


يا نجر انا حاولت اجنب هوا الغيـد
وعيت يدي لا تنطلق مـن شعفتـه
وعمرت له بالنفس يا نجـر تخليـد
لعلي اقضي ما بقـا مـن حسفتـه
أثر العرب معهم مـع العلـم تاكيـد
عـودٍ قسـى ماتنتـعـدل هدفـتـه
وبالصدفه اللي ما سبقهـا مواعيـد
وفالموقف اللي ليتنـي مـا وقفتـه
عرضت شناح الطول مسلو به الجيد
اللي بهـا مـن قايـد الريـم لفتـه
يانجر عـادت لـي ليـال التواديـد
واحيـت بقلبـي ذكريـات شعفتـه
ومن عقبها ذقـت العنـا والتناكـي
دوسهر الليال اللـي يطـرا عرفتـه
واليوم ابا ارفع لك من العلم تسنيـد
حيث ان رفع العلـم يبـرد حسفتـه
يالشاعر اللي مـا تـدوس المناقيـد
وصرح الكرامه معتلي فـي شرفتـه
ويوم اني اسند لـك وافنـدك تفنيـد
قـدام ذا جربـت غيـرك وعفـتـه
ماتنتـنـوخ للحـمـول المفـاريـد
وجنيف انا وش حاجتي في جنفتـه
يانـادر مـا فـي هـدادك تصاديـد
فعله ينومسنـي لـو انـي كتفتـه
مانته هذاك اللي ليا ازرا عن الصيـد
عود علـى راعيـه ينقـل علفتـه
انا ادري انـك يـا نزيـه المواريـد
فنجال عـذري الهـوا قـد رشفتـه
وعشقك هو عشق الفاضلين المحاميد
اللـي حصيلـه مـا يلاقـي كلفتـه
وانا ليا جـا مـن طرفـك المراديـد
امـا هجـرت العشـق والا ردفتـه
واقبل تحياتي مـع اطلالـة العيـدب
اللي عليـك مـن المكـارم عطفتـه
واغلا نقود سيـق مـا راح بزهيـد
لو البضاعـه غاليـه مـا صرفتـه



رد نجربن فيصل على عبدالله بن عون

حلو الهدايا من يديـن الاجاويـد
من الكريم اللي بسط لي صحفتـه
عبدالله اسند لي من الشعر تمهيد
لبس الشرف عيدت به والتحفتـه
واختصني من بد كـل القواصيـد
قصده يعبر عن ظـروف صدفتـه
وهجدتني فآخر صيامي مهاجيـد
واشتلت حملٍ فوق متني نسفتـه
وشكى على وزادني منـه تعقيـد
راي يناسبـنـي وراي حذفـتـه
راي الهدا يامجرد السيف تجريـد
كمل على مشوارك اللي نصفتـه
والحب قبلكك ساق عنتر وابا زيد
وانته بعدهم يابن عون استضفته
ورقيت فوق وفي سنامه مجاويـد
وبنيت له صرح رفيـع وسقفتـه
ذكرتني باللـي جرالـي تراديـد
عهد من الماضي وحلـفٍ حلفتـه
والله ما اخبر لك عن الحب تجليد
لو عنه يوجـد عـلاج وصفتـه
وليا حصل فيضة ربيـع وتجديـد
زان الطرب واللي تبا العين شفته
وانا ثلاث سنين لا انقص ولا ازيد
ارخيت في حبل الشداد وجعفتـه
قالوا علامك قلت يالربع ما اريـد
يوم الهوا دشوه نـاس عسفتـه
والا انت حبك معتلي فوق وبعيـد
في راس عيطا ثابته ما شطفتـه
واخفيت خافيها على زيد وعبيـد
والا ترى ما فيـه ذنـب اقترفتـه
ما انته بعارضها لرمـاي وقعيـد
وخبل على النمه تزايـد رجفتـه
والناس فيهـم طيبيـن ومقاريـد
اللي يدق الصيـخ اللـي يعفتـه
وانته وانا مشوارنا يقطـع البيـد
وشوفي بعيد ومركز الخوف طفته
جنبت عن عرعر وحزم الجلاميـد
وجنيف ما اعرف قوته من ضعفته
ويا وسع نجد ليا عطيت الجراهيد
والتمر يعرف طيبه مـن حشفتـه
ياللي علي تعمـد العلـم تعميـد
الراي جاك وسرهـا مـا كشفتـه

[ابوشهد2008]

تقبلوا مني هذه القصائد اخوني في منتدى الهيلا للشاعر حجرف العصيمي والده نجر بن فيصل

واتمناه من اعضاء المنتدى اثرأنا بالقصائد ...

[راعي مزبورة]

كفيت ووفيت يابن العم وصح لسان الشاعر الكبير نجر بن فيصل وأبنه الشاعر حجرف أو طلال وإلى الامام.

[همام الدهماني]

بيض الله وجهك على هذه القصايد ولاهي بغريبه على حجرف بن نجر العتيبي وعدم اختياره في شاعر المليون لايقلل من شاعريته

[روح جاي]

صح لسان الشاعر نجر العصيمي وصح لسان الشاعر حجرف العصيمي قصائد روعه

[البريماني]

الله يعطيك العافيه اخوي


سؤال يطرح نفسه ليش حجرف بن نجر انسحب من برنامج شاعر المليون
هل هو مرفوظ من البرنامج ولا لا

[برقاوي شقرا]

تسلم على هذه القصائد ..

[ابوشهد2008]

اشكركم اخواني على التفاعل

ودمتم سالمين