أتحــــداكم يا عتيبــــــه ؟؟؟

[مؤرخ محايد]

مع غروب الشمس والمسرى طويل = والنجوم يخيب منهو يعدها
ما أجيب العلم من تحت الشليل = وكورتي بالقول محدن صدها




ملاحظه> اتمنى ان تكون المحاوره مباشره وتتنتهي في وقتها دون تأخير


وشكرا

[د/غسان]

مع غروب الشمس يعني وقت ليل =هد روحك هد روحك هدها

منت يامورخ محقق مستحيل=لاتحدى ناس ماانت بقدها

[عبدالله الجـــذع]

الله اكبر..


رد ساحق..

الف شكر للشعراء..

سجلوني متابع..

صحت السنتكم..

[د/غسان]

عبد الله الجذع حياك الله

مشكور لمرورك ومتابعتك تسعدنا

[مؤرخ محايد]

انتبه وافهم وعلمني الدليل = ومد يدك يالسنافي مدها
من يحب الزيف يرجع بالهزيل = ولو يمد اليد يلقى ردها

[د/غسان]

ايه اعلمك الدليل ولاتميل= واليد الطولى تصلك شدها

انت من وين انت يالقرم الاصيل=كل قومن ودي اعرف جدها

[مؤرخ محايد]

ارتفع جوء التحدي والصهيل = منت صاير يالسنافي ندها
وش تبي خل المزارع والحصيل = والبشر لا شك تحصد كدها

[د/غسان]

قبل سمعك يفجره رعد المخيل=الاذاني بالاصابع سدها

دام ربعك مالهم ذكر جميل=مانلومك لو تخفي عدها

[مؤرخ محايد]

انت طبعك مثل أطباع العميل = خان ربعه يوم ضيع مجدها
يالعتيبي ذكرنا دايم ثقيل = ولجل عينك راح أبيح سدها

[د/غسان]

ابك انا لربعي كما السيف الصقيل =تفتخر في الحجاز ونجدها

ذكركم مجهول مانتم بااهل خيل=وبيح سدك وانتظر وش بعدها

[مؤرخ محايد]

ابك انا لربعي كما السيف الصقيل
تفتخـر فـي الحجـاز ونجدهـا



.....

الشطر الثاني مكسور يالغالي ،، راجع البيت

واستلم

[د/غسان]

أخوي اقرها صح

في > تعنيني انا اتحدث عن نفسي

وليس كما قرأتها انت في > كحرف جر يتحدث عن الحجاز ونجد

يعني بصوره اوضح اليا عليه شده يعتبر عن حرقين

[مؤرخ محايد]

اظبط الابيات وافهم يا زميل = لا تعكس الريح وتصبح ضدها
ربعي مثل الغيم يالغالي تسيل = لا غدى خيل المعادي تحدها

[مؤرخ محايد]

طيب ليه ما توضح ذالك بالشده والسكون؟


علشان ما اتوهم مثل ما وهمتني الحين بانه مكسور؟



شكرا

[د/غسان]

غشيم يامورخ في الكمبيوتر ماعرف لشده
ههههههههههه

[د/غسان]

احسبنك تبني البيت الجزيل = واثرك الي لابناها هدها

منزلك خلف العرب واسمك خليل=وشغلتك مرسول جبها ودها

[مؤرخ محايد]

يا وسيع البال ابشرب لي سبيل = لا تغرك ناس تضحك عندها
انت واحد لا تحط ولا تشيل = وانت مثل الريم نلحس خدها

[د/غسان]

كل بنك يطالب برقم العميل =ياغشيمن في البنوك ونقدها

ويش تلحس جعل يلحسك الغليل=دونك الصملان والحس زبدها

[د/غسان]

مؤرخ تشرفنا بمقابلة مبدع بحجمك

وسامحنا على بعض الهفوات ولك مني ازكى التحايا

[مؤرخ محايد]

اسئل القيفان والشيج الجليل =والقصايد كل أبوها ردها
.................................................. .............................

[مؤرخ محايد]

وين يالذيب


تو الناس


واصل واصل