سجل حالتـــــــك بهاللحظــــــــة ..

[السبيــــعي]

http://up.7cc.com/get-2-2008-lvkgrild.gif (http://up.7cc.com)



قريت بأحد المنتديات هالموضوع وعجبنــــي تفاعلهم ..
وهو عبارة عن .. كل عضـــو ..
يدخل ويقول حالتــــه في اللحظة

فرحان
زعلان
معصب<<< الله يكفينا شره http://up.7cc.com/get-2-2008-p09zdwrm.gif (http://up.7cc.com)
صاكه فيه الدنيا..

او اي وضع هو يحس فيه..
مثلااا..
توه صاحي من النـــوم
طالب مطعم وقاعد ينطر الطلب.. .. .. .. .. على هالنمط

http://up.7cc.com/get-2-2008-ota43yzo.gif (http://up.7cc.com) http://up.7cc.com/get-2-2008-ota43yzo.gif (http://up.7cc.com) http://up.7cc.com/get-2-2008-ota43yzo.gif (http://up.7cc.com)

[@ـايل]

مشكوور اخوي السامر على الموضوع الطيب

والله وانا اخوك انا الحين قاعد اتصفح النت واتجول عبر العالم

[القادم بقوة]

معصب ويمكن انبسط بعد شوي بس مهو اكيد

[السبيــــعي]

هايل ومقرن اشكركم عالمروور..
مقرن افردهاااا

[محب الهيلا]

معصب من البارح الى الأن ماهديت من القهر اللي صار للشاعر الحويماني

لكن يمكن انبسط بعد شوي لأن بيجيني ضيف عزيز على من الرياض

[السبيــــعي]

محب هههههههههاااي عايدي يااا رجال
وانا كنت منرفزز من اللجنه .. ماعطو بدر بن خرفاش حقه

[محب الهيلا]

لجنة فلس يارجال

[ابوجود 511]

الحمد لله مبسوط شوي بنزل جدة اتمشى فيها خميس وجمعة

[السبيــــعي]

ابو جود اشكرك على المروور .. وانشالله دايم مبسوووط

[فهد النفيعي]

توني متعشي ومعينن من الله خير

[السبيــــعي]

النفيعي.. بالعافيــــــــــــة

[عبدالله بن دبيس العتيبي]

حياك الله ياخوي السامر ومشكور على موضوعك

انا مثل اخوي محب الهيلا زعلان من استبعاد محمد الحويماني من البارح

( انا الان اتثاوب وعلى وشك النوم لكي اسرح بدري نشيط كالعادة ههههه واقوم بنزهه بريه في ضواحي الرياض بعد اسبوع عمل متعب )
هذي قصة حياتي ياخوي السامر ههههههههههههه



وتقبل تحياتي

[الشامخ.العتيبي]

أبد ... الوضع عندي طيب
وقاعد أكتب قصيدة عشان اشارك في مسابقة منتديات الهيلا
في نفس الوقت قاعد أضبط علاقاتي مع اعضاء المنتدى عشان لو فيه تصويت من الاعضاء يصوتون لي <<< عيضه السفياني



وناويها الليلة مواصله


تحياتي لك

[ياسر الذيابي]

انا نعسان وبعد ما اكتب الرد هذا بسحبها نومه
تصبحون على خير

[القادم بقوة]

للحين معصب
وشكلي بطول
والله من شوي رايح اودي اهلي مشوار وانا معصب وطلعت الرصيف بغيت اجيب العيد
لكن بلعت ريقي وهم ساكتين ما قالوا شي يخافون اعصب زود

[عتيبـــــ ولد ــــــــة]

والله أنا شايل هم حاجتين ادعوا الله سبحانه وتعالى لي يا أخوان إنه ييسرها لي ..

[@ـايل]

اللهم اكشف هم اخونا ولد عتيبه ويسر اموره والحاضرين

[السبيــــعي]

النفعيعي هههههه بالعافيه يالغالي ..

[عتيبـــــ ولد ــــــــة]

اللهم اكشف هم اخونا ولد عتيبه ويسر اموره والحاضرين

وإياك يا ابن العم ..

جزاك الله خير ..

والله لا يحرمك الأجر ..

[السبيــــعي]

حياك الله ياخوي السامر ومشكور على موضوعك

انا مثل اخوي محب الهيلا زعلان من استبعاد محمد الحويماني من البارح

( انا الان اتثاوب وعلى وشك النوم لكي اسرح بدري نشيط كالعادة ههههه واقوم بنزهه بريه في ضواحي الرياض بعد اسبوع عمل متعب )
هذي قصة حياتي ياخوي السامر ههههههههههههه



وتقبل تحياتي






هههههههههههه حلوه اسرح .. ولا تزعل يالغالي.. الحويماني شااعر راقي اللجنه جعلها (..) ماعرفت تقدره.. على الأقل مايخلونه للأخير مع شاعره !! مالومك والله شي يرفع الضغط

[السبيــــعي]

أبد ... الوضع عندي طيب
وقاعد أكتب قصيدة عشان اشارك في مسابقة منتديات الهيلا
في نفس الوقت قاعد أضبط علاقاتي مع اعضاء المنتدى عشان لو فيه تصويت من الاعضاء يصوتون لي <<< عيضه السفياني



وناويها الليلة مواصله


تحياتي لك


الشاامخ اشكرك على المروور .. وانشالله الوضع عندك طيب دووم
اضمن لي ترد على كل موضوع اطرحه عالساحة وانا اضمن لك صوتي واصوات السبعان في المنتدى !! http://up.7cc.com/get-2-2008-sx9wo8ax.gif (http://up.7cc.com) هههههههههههههههههههههههههههه

[السبيــــعي]

انا نعسان وبعد ما اكتب الرد هذا بسحبها نومه
تصبحون على خير

الذيابي ياخوك جبت لنا النعااس http://up.7cc.com/get-2-2008-sazvo394.gif (http://up.7cc.com)
نوووم العوافي على ألبك يالغالي واشكرك عالمروور

[السبيــــعي]

للحين معصب
وشكلي بطول
والله من شوي رايح اودي اهلي مشوار وانا معصب وطلعت الرصيف بغيت اجيب العيد
لكن بلعت ريقي وهم ساكتين ما قالوا شي يخافون اعصب زود

مقرن لا تعصب محد ماخذ منها شي http://up.7cc.com/get-2-2008-hmp6ryig.gif (http://up.7cc.com)
وش مستفيد لونك جايب العيد ؟ هع هع هع هع هع هع هع
واشكرك يالغالي عالمشاركة الحلوة

[السبيــــعي]

والله أنا شايل هم حاجتين ادعوا الله سبحانه وتعالى لي يا أخوان إنه ييسرها لي ..



اللهم انــي أسالك بأنك اللــه لا اله الا انت الاحد الصمد الذي لم يلد ولم يولد ولم يكن له كفول احــــد ان تفرج هم اخينـــا ولد عتيبـــة برحمتك يا ارحم الراحميــــــــــــــــن


ادعوا معي يا اخوان لأخونا ولد عتيبه وانصحكم وانصح نفسي بكثرة الاستغفـــــــــــار

[السبيــــعي]

هناك غلطة مطبعيـة كفول = كفوا
جل من لا يسهو

[رمح برقاا]

انا جالس هلحين وشوي بروح امشي

هههههههههههههههههههههههه

[السبيــــعي]

انا جالس هلحين وشوي بروح امشي

هههههههههههههههههههههههه

ياسبحان الله تصدق انك جبت شي محد جابه ههههههههه
تحياتي يا ولد برقاااا

[محب الهيلا]

ياولد عتيبة

قلنا وشنهي الحاجتين اللي شايل همها

علشان ندعيلك زين

هههههههه

[محب الهيلا]

ابا اقولكم على حالتي اليوم

بعد الساعة عشرة مضطر اطلع واتركم

فيه عيال العم طالعين عشاء قطة

اللي بيطلع معنا الله يحيه

[السبيــــعي]

ابا اقولكم على حالتي اليوم

بعد الساعة عشرة مضطر اطلع واتركم

فيه عيال العم طالعين عشاء قطة

اللي بيطلع معنا الله يحيه


افا معك مليون وتقط قطه؟؟http://up.7cc.com/get-2-2008-ekqg7qxh.gif (http://up.7cc.com) عشهم يارجاال

[محب الهيلا]

الشيك يقولون بدون رصيد

معطيني شيك بدون رصيد

طيب بتشوفون وش اسوي فيكم

[السبيــــعي]

الشيك يقولون بدون رصيد

معطيني شيك بدون رصيد

طيب بتشوفون وش اسوي فيكم



امسحها بوجهي هالمره ..ماعاد انلحق عالبزارين كلونا http://up.7cc.com/get-2-2008-rdlx0uao.gif (http://up.7cc.com)

[رمح برقاا]

الله ييسرر امروك يا ولد عتيبه وامور جميع اخوانا المسلمين

[Man من العتبان]

حالتي في هاللحظه

اول يوم دوام :) يعني رائق جدا"

[القادم بقوة]

والله حالتي مهموم لأبعد درجة
ولا اذكر يوم صرت كذا

والله اني ادخل النت واكتب اضيع وقت واحاول انسى لكن
الله يفرجها

[السبيــــعي]

والله حالتي مهموم لأبعد درجة
ولا اذكر يوم صرت كذا

والله اني ادخل النت واكتب اضيع وقت واحاول انسى لكن
الله يفرجها

أخوي مقرن قل وراي ..

لا اله الا الله العظيم الحليم لا اله الا الله رب العرش العظيم لا اله الا اللهرب السموات ورب الارض ورب العرش العرش الكريم

[السبيــــعي]

حالتي في هاللحظه

اول يوم دوام :) يعني رائق جدا"

مان من العتبان تسلم على المروور يالغالي ...
أنا عكسك ما أروق الا في اخر يوم دوام.. ههههههههه