حمود بن صدغان العصيمي
06-Feb-2008, 06:59 PM
مصافحه اولى هديه ارجو ان تحوز على رضاكم
ياطاعنيـن القلـب خـفـو طعـونـه=خفـو علـى قلبـي ويكفيـه ماجـاه
يكفيـه مـن حـر اللواهيـب لـونـه=اشهب اليا شفته وهـو ناشفـن مـاه
من هجركـم يازيـن جفـت غصونـه=ابطى شغفكم عنـه كـم يـوم مـازاه
مـدري علامـك قاسـيـه ياحنـونـه=ماترحميـن اللـي زمانـه تـورسـاه
ماترحـمـون الـحـال ماترحمـونـه=اللي غـدا مثـل القلـم وسـط مبـراه
من عقبكـم شبـت علـي السخونـه=ومن عقبهـا ماعـاد لـي اي مشهـاه
اساهـر الليـل الطـويـل وسكـونـه=ومـن الصـدر حـره وونــه وآه آه
مـدري يطـول الحـال والا تجـونـه=هـي كلمـه وحـده ومنكـم ترضـاه
عله يزيـن الحـال ساعـه غضونـه=ويصفى كـدر عـل القلـوب وتعـلاه
وان كان لي بيـن الضلـوع ومتونـه=حـب علـى كبـر البيـوت المبـنـاه
عجـل ولا تبخـل عليـه وصـونـه=كم من عهد في ماضي الوقـت صنـاه
بجيـك هايـم كالسحـاب ومـزونـه=اغـوص غبـات البحـر لانتثـر مـاه
وان كـان مالـك ابهـواي وفنـونـه=مشهـى ولا موجعـك حـره وفرقـاه
خلـه وقلـبـي فـيـه ربٍ يعـونـه=يلطف به اللـي سعـد منهـو ترجـاه
بدفـن جروحـن قاسايـات طعـونـه=عل الزمن يرحم ماهـوب انـت ويـاه
انـا الغريـب اللـي حدتبـه هجونـه=تقطـع ابـه الحـد البعيـد وتـعـداه
من نجد قفـت بـه وسيقـت ضعونـه=وفي دولـة البلجيـك حطـت مطايـاه
ولاهوب جالـي وقـف المـوت دونـه=الله كتـب لـه رزق ويقـول تسـعـاه
فارق حبيـب الـه وفـارق حضونـه=والبعد ما يرحم قلـــوب معنــــاه
حمود العصيمي \ بروكسل
ياطاعنيـن القلـب خـفـو طعـونـه=خفـو علـى قلبـي ويكفيـه ماجـاه
يكفيـه مـن حـر اللواهيـب لـونـه=اشهب اليا شفته وهـو ناشفـن مـاه
من هجركـم يازيـن جفـت غصونـه=ابطى شغفكم عنـه كـم يـوم مـازاه
مـدري علامـك قاسـيـه ياحنـونـه=ماترحميـن اللـي زمانـه تـورسـاه
ماترحـمـون الـحـال ماترحمـونـه=اللي غـدا مثـل القلـم وسـط مبـراه
من عقبكـم شبـت علـي السخونـه=ومن عقبهـا ماعـاد لـي اي مشهـاه
اساهـر الليـل الطـويـل وسكـونـه=ومـن الصـدر حـره وونــه وآه آه
مـدري يطـول الحـال والا تجـونـه=هـي كلمـه وحـده ومنكـم ترضـاه
عله يزيـن الحـال ساعـه غضونـه=ويصفى كـدر عـل القلـوب وتعـلاه
وان كان لي بيـن الضلـوع ومتونـه=حـب علـى كبـر البيـوت المبـنـاه
عجـل ولا تبخـل عليـه وصـونـه=كم من عهد في ماضي الوقـت صنـاه
بجيـك هايـم كالسحـاب ومـزونـه=اغـوص غبـات البحـر لانتثـر مـاه
وان كـان مالـك ابهـواي وفنـونـه=مشهـى ولا موجعـك حـره وفرقـاه
خلـه وقلـبـي فـيـه ربٍ يعـونـه=يلطف به اللـي سعـد منهـو ترجـاه
بدفـن جروحـن قاسايـات طعـونـه=عل الزمن يرحم ماهـوب انـت ويـاه
انـا الغريـب اللـي حدتبـه هجونـه=تقطـع ابـه الحـد البعيـد وتـعـداه
من نجد قفـت بـه وسيقـت ضعونـه=وفي دولـة البلجيـك حطـت مطايـاه
ولاهوب جالـي وقـف المـوت دونـه=الله كتـب لـه رزق ويقـول تسـعـاه
فارق حبيـب الـه وفـارق حضونـه=والبعد ما يرحم قلـــوب معنــــاه
حمود العصيمي \ بروكسل