تسجيل الدخول

مشاهدة النسخة كاملة : فيصل الرياحي -- مطلق الثبيتي


عبدالرحمن الهيلوم
06-Feb-2008, 06:08 PM
محاورة بين شاعرين لايحتاجون لمقدمة أو تطبيل
فهم من قامات الشعر واعمدته
فيصل الرياحي -- مطلق الثبيتي
يامرحبا في حلتن في ذراها يامن الضيف=في دار ابو خالد عسى الله على عزه يديمه
الشاعر اللي ما يجينا مع المعنى على الكيف=نبا نسوي له قبر بين رابغ والقضيمه
فيصل[
دام البقى لك بالنيابه عن اهل الخيل والسيف=اهل الديار اللي بها الرجل له حشمه وقيمه
ياللي تقول السالفه مايعسرن التواصيف=وانا استعنت بمن يحبس الشياطين الرجيمه
مطلق
سبحان من خلاك تنزل مع الحربي على السيف =والصحبه اللي بينكم طاريه ماهي قديمه
ان كان واليا انك ولد شيخ وتعرف المعاريف=حرص على صياف واعطه ولو ربع الغنيمه
فيصل
انا وصياف استلمنا الحرم مع مسجد الخيف=وانته ورى معزاك صوب الشفا سكان خيمه
مادام فيصل حي مابه على فيصل تخااليف=ماعاد احسب حساب دمعتك يالبنت اليتيمه
مطلق
بكره شجاري حضن تنصاك وتلج الغطاريف=تحسبك صرت اليوم ولد الملك والا رحيمه
لو استرحت مع المعنى وقصرت السواليف=يحماكم الله ما يجيكم خلاف ولا ظليمه
فيصل
بكره نشب النار بين الحطب والعصف والليف =اما تطب النار والا تقفي بالهزيمه
لا تنكر اللي حرفك في زمان فات تحريف-خلاك تعذر في عتيبه يابو جبهه وسيمه
مطلق
الله حسبي فوق مفلح واورى فيه واعيف=خطيت يامفلح وحملتني ذنب البهيمه
كم واحدن فينا يورى وراح من امس ما شيف=كان ادعج العينين واليوم ابو عينن كريمه
فيصل
الظاهر انك لاتصرف ولا تملك تصاريف=لو كان رمشك هايمن بالقلوب المستهيمه
جتك الجيوش اللي تنزلك من روس المشاريف=تاخذ هروج سمان وترد بهروجن عقيمه
مطلق
لا واحسوفك يا قليل البصيره بالتحاسيف=يا شاعرن ترقف من الخصم وعظامك سليمه
العين عيت تبرح الدرب من كثر الخطاطيف=من ركب الجنحان والريش في طيورن غشيمه ؟
فيصل
غدا بك المركب بوسط البحر ماله مجاديف=حتى ايش لو تزعل على الموت وتعزي حليمه
ما عاد تصلح غير في خدمتي شغال تنظيف=لو شرهوا ربعك عليه وصحت من الهضيمه
مطلق
جاك المطر والريح تحداه ومزونه مراديف=منته بسالم لو خليت للذيب الخريمه
بعض السوالف خلها لا تكلفها تكاليف=البال طاب من التهامي وسمن في يديمه
فيصل
لو نكسر ضلوع الثبيتي مثل كسر الصفاصيف=ظلى الثبيتي ناسي الله ولا ينسى خصيمه
والله مالك من ورانا يابو زهره معاريف=ماغير تحدانا نسوي على خدك وسيمه
منقول

@ـايل
06-Feb-2008, 06:22 PM
الله يعطيك العافيه يالهيلوم على نقل المحاوره اشكرك

عبدالرحمن الهيلوم
06-Feb-2008, 06:23 PM
مشكووووووور علي المرور يالغالي

عمر الدغيلبي
08-Feb-2008, 12:27 AM
مطلق الثبيتي

الشاعر اللي ما يجينا مع المعنى على الكيف=نبا نسوي له قبر بين رابغ والقضيمه


انا اشهد انه شاعر معنى ولا يلعب الا مع شاعر معنى

ولا يهووون الرياحي شاعر ليس بالسهل

ولاهنت يا الهيلوووم

شكرا لك على جهودك المميزة والرائعه

إلى الامام

عبدالرحمن الهيلوم
08-Feb-2008, 02:21 PM
مشكووووووورين علي المرور يالغالين

زيـاد الـسـمـيـري
08-Feb-2008, 02:40 PM
بيض الله وجهك يا عبد الرحمن



مشكور على النقل الرائع

محمد العتيبي
08-Feb-2008, 03:06 PM
الله يعطيك العافيه ..