ياعتيبه يااحبتي تفكون الهمام

[نايف عريب الجد]

بدون مقدمات يااحبتي ياعتيبه ..
\
:
-
د
ج
ه
؟





والله ان التصويت مثل الميسر مابين ان تغنم او تغرم ..
مثلا ً الرساله بخمسة او ستة ريالات
وكم بيرسل الواحد من رساله يعني
كل الخساير اللي بالملايين ماراح ترجع
لو مافاز الشاعر العتيبي ..
ونشوى رجل على رجل وحنا نبغى زياده
اكثر من خمسه بالميه وتخفيظ اسعار السلع
لا مفروض ماتحقق هالمطالب الا بعد مانترك
هالخزعبلات جانبااا ً والزياده ماراح تجي وتخفيظ
الاسعار ماراح يتم الا ان كل واحد حافظ على فلوسه
وعرف قيمتها وذبحه الفقر وراح ترتفع الاسعار وتغلى
المعيشه الى ان نتوقف عن مثل هذا الميسر والقبيله
يشهد لها تاريخها العريق وانكتب وانتهى مااحد راح
يزيد شي ابدا ً من خلال شاعر المليون ...
نسيت شيئ :
فيه اسماء تكتب على انها مثلا المطيري او العتيبي
وهذولا تراهم مجنسين الامارات ومخلفاتها الايرانيين
والباكستانيين وابو يمن والزيود وهاتك يارفع وكبس
وحنا عتيبه والبيرق لنا وحنا مطير والبيرق لنا وحرب
وقحطان وهلما جرا وهم مرتزقه كل واحد معطينه
خمسين اريال وتكويك فينا ياعيال القبايل ..
يالربع النعمه زوْاله والله زوْاله وفلوسنا عيالنا ومستقبلهم
اولا بها ماهو نشوى وخلف المزروعي ومجنسين الامارات ..
اتمنى اني ماجرحت احد ابدا ً ..
بس باقي حاجه اخيره :
لو تلاحظون يجي واحد مثلا ً اسمه العتيبي يقول مانبغى نصوت
وفجأه يجي واحد ثاني واسمه العتيبي ويقول ماعليكم من هذا
ترى هذا من القبيله الفلانيه وشاعرهم متنافس مع شاعرنا
بالتصويت ويقول هالكلام علشان مانصوت لشاعرنا ويفوز شاعرهم
اتوقع فهمتوا هالحركه وهذي تراها ماهي بعيده عن المجنسين اللي
سبق ان ذكرتهم قبل شوي وكل هذا من اجل لاجا واحد ينصح بني
عمه عن الاسراف بالرسائل والخسائر التي تتحول مكاسب لنشوى
وفريق النصب اللي معها فجأه يضن الجميع انه مدزوز من تلك القبيله
على شان نترك مرشحنا ويفوز مرشحهم وهذا مدروس من قبل
تلك الانفس البشعه التي تجمع ثروتها منا يالربع ..
ولاتنسون الاسعار كل مالها بارتفاع وان ماتركنا هالذوب اللي اسمها
تصويت ( ميسر , قمار ) فوالله ان الخوف العقوبه من الله بالفقر
اللي مايرحم ...
يقولون البدوا اول اذا جاهم واحد من الشمال يتهوْل وخصوصا ً من
سوريا يقول يالربع شفتهم يعطون البل خبز وهم يقومون ربعه
يتهولون معه وكانت سوريا بهاكالوقت طايفتنا وحنا بقمة الفقر
شوفوا الحين حنا وشلون صار وضعنا وسوريا كيف وضعها وهذا
يؤكد مقولة النعمه زواله ......
اعتقد
طولت مع السلامه ..

[عبدالله الجـــذع]

صح لسانك اي والله..

الفتانين ياكثرهم كثراهـ..

[عمر الدغيلبي]

لاحول ولا قوة الا بالله

كله بسبب شاعر المليون

سبب الفتنه بين القبايل وحتى بيننا في هالمنتدى

حسبنا الله ونعم الوكيل

[محمد فيحان العصيمي]

كلامك في الصميم بس وين الي يسمعك

[نايف عريب الجد]

اخوي عبد اله الجذع صح بدنك
وصدقت الله يبيض وجهك

[مندوب قوقل]

صوت وانا اخوك والفلوس تروح وتجي

وبعدين وش نسوي هذا شي يجري في دمنا الحمياااااااااااااا

وماضن ان فيه عتيبي مافي عرقه حميا

[عتيبـــــ ولد ــــــــة]

صوت وانا اخوك والفلوس تروح وتجي

وبعدين وش نسوي هذا شي يجري في دمنا الحمياااااااااااااا

وماضن ان فيه عتيبي مافي عرقه حميا

مشكلة إذا ما دريت وين تصرف حميتك ..!!!

[نايف عريب الجد]

مشكلة إذا ما دريت وين تصرف حميتك ..!!!

صح لسانك وانشهد انك ولد عتيبه صحيح
الحميه لها ابواب كثيره ومن ضمنها الوقوف
بجانب من له كربه من ابناء القبيله وليس
الوقوف بجانب نشوى وتجار الامارات لكي
نزيد من ثروتهم ...

[فواز العتب]

رايك ونحترمه طال عمرك لكن انا ماارتاح الا لما اشوف البيرق مرتفع بيد خالد محمد العتيبي ولا السميري ولا بندر :) وتقبل مروري وشكرا

[مندوب قوقل]

رايك ونحترمه طال عمرك لكن انا ماارتاح الا لما اشوف البيرق مرتفع بيد خالد محمد العتيبي ولا السميري ولا بندر :) وتقبل مروري وشكرا

أفضل رد على المندسين :d

ومراح كلامكم يأثر فيني ابد..ولا يأثر في حميا بني عمي

وبصوت الا اخر قطرة من جوالي

مالي وانا حر فيه ياخي

[فارس الجعده]

اخوي فلوسنا وحرين فيها اصرفها زي ما ابي وراح نصوت لخالد حتى ياخذ البيرق

[أبن الجزيره]

هههههههه شر البلية مايضحك أخوي نايف من يريد الخير يتهم في نسبه ويقال انه لايريد الخير ومندس بينما الذي يقول أهدر أموالك هو من يملك الحمياء ,, بالاول ماهي الحمياء بوجهة نضرك مندوب قوقل؟ هل الحمياء ترك أبناء عمك يموتون من الجوع أو تركهم بغياهب السجون لسنوات لنهم متعففون ولا يطلبون من احد صدقه وسجنهم من اجل القليل من المال الذي يضيع في رسائل النفاق ؟ ام التصويت لشاعر يركب اخر موديل من السيارات ويصرف امواله بفندق خمسة نجوم ؟
أعتقد ان النفاق لازال يسري في صدور الكثير لو كان الفقير وصاحب الحاجه من يطلب المال لم تجد من يعطيه ولكن يتسابقون على أصحاب الاموال ليدعموهم بدعوى الحميه وهي والله كذب انما نفاق
أخيرااا شكراا اخي نايف على كلامك الصادق ولكن زمن تقلبت فيه الحقائق واصبحة الامور تؤكل لغير اهلها واصبح الحق باطل والباطل حق ودمتم