سلام للشعااااار في مجلس الخير

[مالك لوى]

صباح الخير للجميع
واللي مهوب مشغول
يمسك المايك معي


سلام للشعار في مجلس الخير=في مجلس ن مافيه غيبه ونمه
ودي بشاعر ياعسى الآآآآمر تيسير=والدرب واضح للنظا دوم يمه
والسلام ايضا لغير الشعار :)

[مالك لوى]

يالربع ردوا على الاقل حسسونا انكم متابعين
(مافيكم شاعر ) !

[رفيع المنزل]

يامرحبا ياظامي ٍ جا على البير=والبير ياطوله ويابعد جمه
وصلك شاعر مايعرف المعاذير=واللي بيا التيسر يزبن على امه

[عبدالله حبيٌب الزراقي]

يامرحبا والعذر لو صار تأخير = لوٌ أكثير الشعار مافار دمه
عند الهلالي جيت ياسالم الزير = هات العلوم وكل حاجه مهمه

[عبدالله حبيٌب الزراقي]

رفيع المنزل

ههههههه اليوم للمره الثالثه تصير معاي

المعذره والله مانتبهت لردك الا بعد ارسلت

[رفيع المنزل]

عادي عادي اذا تبيها مسموح

[مالك لوى]

استلم

وعلى الله التيسير

(واللي بيا التيسر يزبن على امه) !


الك البقا والورد ترجع مصادير=أما روي بطون والا مغممه
العذر خله للبني الغنادير=واحذر تحقر الداب وتذوق سمه

[مالك لوى]

عبد الله بن حبيب صح لسانك مليون ويشرفني مجاراتك
وان كان تبونها ثلاثيه ماعندي مانع خخخخ

[رفيع المنزل]

ياطير مدري ويش اسميك من طير=انته تجيب الصيد والا تخمه
العذر من شرهة طوال الاشابير= عن واحد ٍ مانمدحه مانذمه

[محمد العتيبي]

صح لسانكم جميع ..
..
وااااااااصلوا ..

[خالد المقاطي]

الله الله




مبدعيــن ولاهنتو على الطرق المتناقض

:)


رفيــع المنزل

كما عاهدناك

والشهاده غدت مذبوحــه مهيب مجروحــه


:)

بس كثرانــه مغازيكـــ





واصلووووووووو

[رفيع المنزل]

الغزوة الجاية عليك ياخالد خلك متواجد هاليومين


انا الصراحة فضيت تقريبا من الاشغال هاليومين

وقلت استانس مع النشاما شرواكم ياعتيبة

[مالك لوى]

استلم



لاصرت ماتعرف تجيد التعابير=سم الذي يطري على البال سمه
نكست رمحك بأول الدرب (يامير)=لا تحسبن المشيخه بس (عمه)

[خالد المقاطي]

:)


الله يستر منكـــ


إلى اين ماتريد ...


اهم شي ( الوناســه ) :)


واصلووووووو واصلووووووو

[مالك لوى]

لاهنت ياخالد على المتابعه
ولك كل الشكر

[مالك لوى]

صح بدنك يبو مشعاب ولاهنت على المتابعه

[رفيع المنزل]

حصلت لي عصفور ضمن العصافير= ويهوم له حر ٍ على راس قمه
الله ياوقت البهذله والمخاسير= خليت بعض قصار الايدي مهمه

[مالك لوى]

استلم
ولاهنت
على المجاراه
والختام عندك



حصلت نفسك ياقصير المشاوير=والحر عنك يشوم لا جيت يمه
احشم كبار القوم واهل التقارير=والا أنت ماتصلح رفيق المهمه

[رفيع المنزل]

يالحر ياسداح خنت الصقاقير=هدوك واثرك جيتهم بالمطمه
انا رفيق ٍ للرجال المناعير=والا المخمه طول عمره مخمه

[رفيع المنزل]

تحياتي لك يامالك لوى وكل المتابعين وتصبحون على خير


والعذر على الزلات

[زيـاد الـسـمـيـري]

صح لسانك يا رفيع المنزل
وصح لسانك يا مالك لوى
بيض الله وجهكم