برنامج شاعر الليمون قصدي المليون !!

[Man من العتبان]

اخواني كلن شاهد اليوم حلقة الحويماني طبعا" !!

ظلم واضح ومستقصد لعتبيه بالذات :

شوف انت الفيلم الهندي اللي سووه حطو محمد مع هلاله وشاتوا القحطاني .

والله لو القحطاني مع محمد وفاز القحطاني ماعليه تهوون

بس هلاله <<< انا بين فتره وفتره اشوف المسجات وارسل وشاهد يمكن اللي ارسلو مايتعدون خمسة اشخاص لهاا !!

كنهم يوصلون رساله يا عتيبه ترى ماتقدرون حتى لو ترسلون بدينكم ورجلينكم نحن نفوز اللي نبي وهذه العمانيه فازت عليكم

البرنامج كثرت فيه حموضة الليمون وصار ملره اكثر من حلاه

وربي ظلممممممم

الله يستر على شعارنا بندر بن محيا وعبدالله السميري وخالد الدعجاني

ولظلم بقيه . . . .

الله المستعان

[محب الهيلا]

حسبي الله ونعم الوكيل

[ابو عطا]

انا مستغرب منكم ياعيااااااال العم

كلكم عااارفين ان البرنامج كله كذب في كذب وتصوتون ليش ؟

[سعود الشايوش]

اجل صارت بسطه بشارع الليمون ..:p


والدلاله نشوى .. :)


طمهم في موجك يابحر ..


..

[عبدالله بن دبيس العتيبي]

محمد الحويماني كسب الناس بشعره وتواضعه


تدري ياخوي مان من العتبان وش اتمنى

اتمنى شعار عتيبه مايتاهلون لمرحلة الاثنى عشر شاعر علشان نريح روسنا من اللجنة ومن الظلم اللي حصل ونصير نشاهد البرنامج كمتفرجين عاديين و ليس داعمين حقيقين للبرنامج واخر شي يرتفع ضغطنا من شارع الليمون


وللي يقهر اكثر المذيع احرق دمنا يوم قدم هلاله ومحمد وكان قصدهم حرق قلوب الناس ليش مايعلنون بصورة مباشرة وخلاص



وتقبلوا تحياتي

[أبن الجزيره]

هلالة تردد كثيراا اسم هلاله حتى أصبحة الحديث__ برنامج شاعر المليون أخذ منحى أخر لم يبحث الليله عن الجذب المالي بل بحث عن الجذب الجسدي بواسطة الشيخه هلاله ومن خلال جمال المساحيق المركبه بطريقه تجعلك تتسال هل تلك فتاة ام عدة مكياج
زميلي الذي كان يصرخ بجواري حرام حرام وين الحميه ومن كثر ازعاجه لي قلت في نفسي الحميه ذهبت أموال دع الحمية تنفعك

عجبت عندما كان قراار خادم الحرمين زيادة الرواتب 5 % ولكن ذهب العجب بعد أن شاهدت أبناء الباديه يصرفون تلك الأموال في دعم شاعرهم المفضل وقلت في نفسي حكيم أبا متعب ليتك لم تعطهم زياده شعب مايستاهل ضيع أمواله على شاطي مسرح الازعاج

الغريب يبكون ليل نهار لانجد ماناكل وقاطعو الحليب زاد ريال ؟ ورسالة شبكة الاتصالات التي تدعم شاعركم المفضل تزيد ثلاثة ريالات ونصف الريال وشوية هلل

مبروك منتجي شاعر المليون الحصول على أمولنا وخروج أبنانا

شاعر المليون اصبح شاعر الهنود فقد تأثر عامل زميلي واخذ يرشح الشاعر الذي يرشحه كفيله وكان يردد شوف كفيل انا فيه رشح ولد عم انت لازم فيه زيادة راتب قلة الكل يسخر منا حتى الهنود وليس شاعر المليون وحده

زميلي صاحب الحمية أتصل على شركة الاتصلات ووجد الفاتوره اكهلت عاتقه ولكن في سبيل الحمية سوف ابيع سيارتي لكي ارشح ابن الحميه الثاني !

شكراا ابا متعب قراار حكيم بعدم منح الموضفين قروض لكثر من 15 راتب لكي لا يقترض زميلي ليرشح ابن عمه

واخيرااا مع حميه جديده وهدر جديد وشتاء سعيد ونزف اموال جديد

[إبن ثمر]

السلام عليكم ورحمة الله وبركاته ،،،، وبعد

اخواني ابناء واعيان قبيلة عتيبه الهيلا
لكم اكن من متابعي برنامج شاعر المليون في نسخته الثانيه
ولكن في هذا اليوم بالتحديد وبدون قصد شاهدة حلقة شاعر المليون
وقدر رأيت شيأ بصراحه ازعلني كثيرا
حيث ان هذا الشي يمس شخصية وكرامة قبيلة عتيبه الهيلا
لقد شاهد الكل معي هذا الشي الذي حدث وبالتحديد في
فقرة عرض نتائج تصويت الجمهور للمشاركين في حلقة الإسبوع
الماضي ، وذلك عندما تم جمع الخمسة الشعار لإعلان نتائج التصويت
وقد كان البدايه في الأمر شيئا عاديا ولكن في نهاية اعلان النتائج
حدث شي جعل شعر راسي يقف من مكانه
شي يمس كرامة وشخصية قبيلتي

كما اتمنى من ابناء القبيلة عدم السكوت على هذه المهزله التي حدثت
بحق القبيلة العريقه وخصوصا ان القبيلة يتعرض ابناءها اللذين يمثلونها
في مسابقة شاعر المليون للظلم بدءاً من النسخه الأولى ومرورا من النسخه الثانيه
ولكن كان الظلم في النسخه الأولى اولا من لجنة شاعر المليون وثانيا من شركة
اتصالاتنا التي حجبت اكثر من 22 مليون رساله وجهها ابناء القبيلة تصويتا للشاعر
يوسف عبد الرزاق العتيبي ، وفي النسخه الثاني تكرر مشهد الظلم من اللجنة ومن
شركة الإتصالات مره اخرى وزاد على ذلك المهزله التي حصلت في حلقة اليوم اثناء
فقرة عرض نتائج التصويت .


متى تأخذ القبيلة حقها وترد اعتبارها .


والسلام عليكم ورحمة الله وبركاته .

[Man من العتبان]

محب الهيلا

مشكور على مرورك الكريم

[Man من العتبان]

ابو عطا

وش نسوي دام عتيبي فالبرنامج ياخوك ماعنه صدود

مشكور على مرورك الكريم

[Man من العتبان]

عبدالله بن دبيس العتيبي

وجهة نظر صحيحه منك نرتاح ونريح اعصابنا من حموضة الليمون .

مشكور على مرورك الكريم

[Man من العتبان]

ابن الجزيره

الخساره فالعمر وانا اخووك

مشكور على مرورك الكريم

[Man من العتبان]

سعود الشاويش

ليمون بس مو اي ليمون ليمون يطلع ملاييين :)

مشكور على مرورك الكريم

[Man من العتبان]

ابن ثمر

يالتي توضح شنو اللي صار فتوصيت !! لأني ما لاحظت شي منلي ذكرته !

مشكور على مرورك الكريم

[محمد العتيبي]

الغش كان باين من زمااااااااااااااااا ن..
حسبنا الله عليهم ..

[الشامخ.العتيبي]

متى تأخذ القبيلة حقها وترد اعتبارها .


أي أعتبار ياعم إبن ثمر

وين تتكلم أنت

ترا الدعوة برنامج مثل عدمه
كله لعب بلعب
ولا له دخل بالقبيلة

ماوصلت إلى هالدرجة

وش يعني إذا هم متكين لشعراء عتيبة
خلهم يتكون لهم عساهم مايؤهلون منهم ولا واحد


وش دخل القبيلة بالموضوع ورد الاعتبار اللي تقوله وسوالفك اللي تقولها

لا حول ولا قوة إلاّ بالله

[Man من العتبان]

ابو مشعاب

صادق مبين من زماان حسبي الله ونعم الوكيل

مشكور على رمورك الكريم

[مستشار القبيلة]

حركه هلاله و محمد العتيبي ،،، حركه ما لها داعي

و محمد ابدع و عسى الله يوفقه

[Man من العتبان]

الشامخ. العتيبي

كلامك عين العقل القبيله اكبر واسمى من هالبرنامج المتلاعب ولا احد في البرنامج يحرك شعره من شعر راس القبيله .

مشكور على مرورك الكريم

[Man من العتبان]

مستشار القبيله

اكيد مالها داعي والله يوفق شاعرنا ويعطيه على قد نيته الطيبه

مشكور على مرورك الكريم