الطارف سديد

[عبدالله حبيٌب الزراقي]

من ظمير الشاعر الي ماتغير في كلامه = حسب تصريف الحروف وحسب تصرف المعاني
مرحبا ترحيبة ٍ تمشي على درب السلامه = السلامه نعمة الي ماعرف طعم الاماني

[معجب العتيبي]

من ظمير الشاعر اللي ماتأخر في سلامه=حسب ردة فعله اللي ماتأخر فالثواني
البقا ياللي ترحب وانت ماحولك ملامه=وامنياتك لاتخليها لو يطول ابك الزماني

[حسن ابن شـامي]

من ضمير الشاعر اللي ما تغير في نظامه = يرتقي بالشعر لين الجدي وسهيل اليماني

البقا ياللي ترحب ماتبا درب الملامه = جاك مطلوبك ولاترجع من العشر لثماني

العذر منك يا سااارح الباال كنت الرد ما انتبه لك طاال عمرك

واصلووو وانا متابع للاخير

وبصف ساااح ولايهوون عبدالله

[عبدالله حبيٌب الزراقي]

ههههه هذي المره ماحد سبقك الظاهر ماغير انا وانت الي دايم نسبق فاللعب

استلم استلم


من يجيب الطيبه ماقٌل فالوقت احترامه = ماعلى الجاهل ملام ولا على العاقل ظماني
العتيبي علق المفتاح في جنب العمامه = بعد هدٌينا المباني منت لاقيلك بيباني

[عبدالله حبيٌب الزراقي]

هههههه
حسن ابن شامي

دايم تحصل معناا وقبل شوي صارت معاي وسارح يقول ياكثر ماصارت معاي معذور وانا اخوك .. لاهنت على مرورك يالذيب

[معجب العتيبي]

من يجيب الطيبه محدنٍ كره جملة كلامه=وكل رجال يتخير في فالقواصي والدواني
والله انه مالحقنا ياولد عمي رخامه=والتوالي نحتميها ياعميلي والمباني

[عبدالله حبيٌب الزراقي]

الوفا والطيب من طبع الرياجيل النشامه = والردي يعقد واذمٌه لو يكون من الخواني
نعم فيكم وانتم اهل المرجله واهل الزعامه = ربعنا الي فالملاقى ماتطيح من الحصاني

[معجب العتيبي]

الوفا والطيب للرجال ماجات بمنامه=والدروب صعيبه وموقف زمانك قلباني
ماعليكم زود يارجال مافيكم غشامه=والكلام اللي تقوله ماخفاك ولا خفاني

[سلمان الروقي]

عبدالله حبيب الزراقي صح الساااااااانك

سااااارح الباااااااال صح الساااااااانك



إبدعتو ياشعراء


تحيااااتي,,,,,

[عبدالله حبيٌب الزراقي]

العثيره خابرينه مايذكي له حمامه = لو يحوش من الهزال ولو يحوش من السماني
والشجيع الي على الوقفات مايذخر حزامه = من نصاب السيف ولا من رصاص الجبخاني

[عبدالله حبيٌب الزراقي]

سلمان الروقي

الابداع وجودك صح بدنك لاهنت

[معجب العتيبي]

اتركه يابو حبيب ماعلينا من نظامه=لو طلع ياصاحبي والا نزل جرف وطماني
الشجيع اللي تقوله يعجبك وقت احتزامه=عنده العشره ليامن قام ماترجع ثماني

[زيـاد الـسـمـيـري]

الله الله
واصل واصل

[عبدالله حبيٌب الزراقي]

المعذره توني انتبه لردك والله

صح لسانك على المحاوره الطيبه ياسارح القاف اخذ حقه وحبل الافكار انقطع المحاوره اذا ماهي مباشره تفقد طعمها ههههههه

[معجب العتيبي]

المعذره توني انتبه لردك والله

صح لسانك على المحاوره الطيبه ياسارح القاف اخذ حقه وحبل الافكار انقطع المحاوره اذا ماهي مباشره تفقد طعمها ههههههه

صح لسانك
وكلامك صح

وتشرفت والله يابو حبيّب انك من الناس اللي اسعد بمجاراتهم