::: وانا كل ما اطري عتيبه غدى البارود ::: بصوتي يثور وكن حنجرتي زناده :: الحـــويماني

[عقاب الحويماني]

اعزائي اعضاء ورواد المجالس



اضع بين ايديكم قصيده شامخه معطره بإسم القبيله من اجمل روائع

الشاعر محمد الحويماني ...

اتمنـــى ان نقف مع صقر الهيلا وقفه تنم عن تكاتف وترابط ابناء القبيله

لااطيل عليكم واضع القصيده بين يديكم .






تصفحت ذاكرة الزمن فاح ريحة عود = نشدت المكان وردد العز فأبعاده

من اول هجاد السيف والرمح والعبرود = الى آتلى صباح النور والعلم وامجاده

وحنا بفضل الخالق الواهب المعبود = سلاطين مجد" يزري الوقت ماباده

نحتناه بالسيف الحدب والليالي سود = على ضمر" للماء وللموت وراده

وجود " يند السيل لاعودت للجود = مسيله من ايام الفقر والغنا زادره

وانا كل ما أطري عتيبه غدى البارود = بصوتي يثور وكن حنجرتي زناده .




واوجهه لكم رساله لكل إبن بار بإسم قبيلته واذكره بالبيت المعروف


ومن مايدوس الراي من قبل ماديس = عليه داسوه العيال القرومي .

[عبدالله بن دبيس العتيبي]

بسم الله الرحمن الرحيم


السلام عليكم ورحمة الله وبركاتة



الله يعطيك العافية ياخوي عقاب الحويماني


وصح السان الشاعر محمد


وتقبل تحياتي

[عمر الدغيلبي]

صح لسان الشاعر الرائع الجميل محمد الحويماني

وبالتوفيق له ان شاء الله

رغم أني أظن أنه لن يتأهل ليس بقصور مننا

بل لأن اللجنه تريد تأهيل شاعر آخر بدلا منه

لسياستها المعهوده

[مندوب قوقل]

صح لسان محمد

ومعاد باقي شي يالربع كلها ساعات وتطلع النتيجه

نبيها صواريخ ارض جو تدك شاطىء الراحه عشان هالدرر

[مندوب قوقل]

ابن حويفر فكنا من المواضيع الي تجيب احباط الله يرحم والدينك

[@ـايل]

صح لسان الشاعر محمد الحويماني وبيض الله وجهه

واسال الله ان يوفقه هذه الليله في المسابقه

اشكرك اخوي عقاب الحويماني على نقل القصيده وبيض الله وجهك

[مرزوق حمدان العتيبي]

..
.
مفرده رائعه وحس مرهف .. شاعر مبدع بكل المقاييس ...
في هالموقف كلنا محمد الحويماني ..
..
لاهنت ياعقاب ...
..

[ابو عبد الله العتيبي]

مشـكور

يعطيك العافيه

[عبدالرحمن الهيلوم]

صح السان صقر الهيلا
ومشكووووووووووووووور يالذيب

[/عبد العزيز الجذع/]

صح لسان الحويماني..

ومشكور اخوي عقاب..

[السبيــــعي]

صح لسان شاعرنا
ونعم والله يا عتيبة الهيلا لطامة العايل