المساعد الشخصي الرقمي

مشاهدة النسخة كاملة : &*يلبس النفنوف ويحط الجلال*&


ناصر الحافي
05-Feb-2008, 12:36 AM
السلام عليكم ورحمة الله وبركاته



بعد التحيه اهدي لكم هذه الغزليه اتمنى ان ترتقي لذائقتكم الشعرية



سالفه تطري علي ولاتزال = كل مافكرت ناويها نسيت
مالها وقتاً معين أو مجال = ترجع لفكري ليا مني سليت
المهم أني تناسيت المحال = واطمح لشياً يحقق مابغيت
من هواجيسي تكلفت الجدال = لاتولع خافقي كني هجيت
علمتني دنيتي حل السؤال = وأقطع الشاره ليا مني رميت
عزوتي لاقلتها بأخو العيال = استعد الها مثل وقفة كميت
نور شمسي ماتجاريه الظلال = من صغر سني ويوم اني حبيت
الضما بسقيه من ذرب الوصال = من حبيب القلب لامني ضميت
ارتوي من عده العذب الزلال = ناسياً معه التعب لوي عنيت
ياقديم الوقت وسنينه تعال = بذكر الماضي ليا جاني وجيت
كنت أنا معطيه في جيبه ريال = أستحى خجلان يومني عطيت
الغنج طبعه وفي نطقه دلال = كم وكم مره عدى معي وعديت
في مراحلنا على كل انتقال = ان شقا فالحب انا قبله شقيت
الشقا يطوى مثل طي الحبال = ومخلصين لبعضنا حتى بليت
حبه بقلبي كثر حب الرمال = لو انا ذيباً على مرقب عويت
المحبه تقطع قلوب الجمال = كيف أنا بتحمل وتوي بديت
أستحل القلب من دون اغتيال = يوم انا فاتح له ضلوعي دريت
وقتنا الماضي قبل لبس العقال = لو يبا في داخل عيوني يبيت
لين حال الوقت وسنيناً طوال = ثم كبر خلي وأنا لأجله وفيت
يلبس النفنوف ويحط الجلال = مايعرف الجنز لو اني هقيت
الله الخالق ومعطيه الجمال = إن جحدته من مخاليقه طغيت
القمر مايشبه لشكل الهلال = لو ألف الكون مامثله لقيت
عالياً قدره مثل روس الجبال = وشوفته تسوى لها مليون بيت
كان قيفاني على ذوقي جزال = ذوق خلي لوه بيشرى شريت
سالفتنا كلها فوق الخيال = يكفي اني من معانيها حديت



ناصر بن محمد الحافي

محب الهيلا
05-Feb-2008, 01:22 AM
قصيدة اكثر من رائعة

صح لسانك

مشكور وماقصرت

فيصل المسعودي
05-Feb-2008, 02:15 AM
ناصر الحافي

صح لسانك

جزلة من لسانك ياجزل

لا تحرمنا جديدك

تحياتي

الذيبان
05-Feb-2008, 03:53 AM
صح اللسانكــ ..

وجهك ابيض

وفااالكـ البيرق

ههههههه......


تحياااتي.....................

ناصر الحافي
05-Feb-2008, 02:35 PM
محب الهيلا - فيصل المسعودي - الذيبان

صحت ابدانكم وبيض الله وجيهكم


اسعدني مروركم واطلاعكم

@ـايل
05-Feb-2008, 02:37 PM
صح لسانك يبو محمد الحافي

اشكرك على القصيده الطيبه والتي تحمل معاني

تدل على شاعرية شاعرها

لاهنت والله يقويك والى الامام

عبدالرحمن الهيلوم
05-Feb-2008, 03:14 PM
لاهنت ياشاعر اعتيبه ونجمها الساطع في منتدي الهيلا 0سير يالحافي وقلوبنا معك وصح الله السانك يالذيب

أبو نجر النفيعي
05-Feb-2008, 08:15 PM
..

ناصر الحافي ..

.
قصيده جزله ورائعه جدا .. وبيض الله وجهك عليها ..

وصح لساانك يالغالي ..

:)

أخوك

هايل الهيلا
07-Feb-2008, 11:24 AM
ناصر الحافي صح السانك




والى الامام يالذيب

قف امامك عتيبي
07-Feb-2008, 02:44 PM
صح لسانك قصيده رائعه وانت اروع

ناصر الحافي
24-Jun-2011, 02:52 AM
الشكر كل الشكر لكم

والله يبيض وجيهك ويقدرني على تجاوز القصور




دمتم بخير وصحت ابدانكم كلكم......

(محمد الدلبحي)
24-Jun-2011, 03:35 AM
صح لسانك يا ناصر
قصيدة جزلة من شاعرً جزل
وبيض الله وجهك
تقبل مروري

ناصر الحافي
26-Jun-2011, 04:07 AM
ووجهك ابيض لاهنت يالدلبحي

مــعــدي الــعــتــيــبـي
26-Jun-2011, 05:56 AM
سالفتنا كلهـا فـوق الخيـال
يكفي اني من معانيها حديـت


صح السانك

يعطيك العافيه

ناصر الحافي
28-Jun-2011, 04:20 AM
الله يعافيك يامعدي

يامرحبا ومسهلا,,,,