سلام للعموم

[عبدالله الاصعر]

سلام ردّيةٍ تنصى عتيبه عموم=العزوه اللي يشوش الراس لافعالها
الشاعر اللي يجيب علوم يا خذ علوم=يختار بين العلوم و ياخذ جزالها

[رفيع المنزل]

حييت ياصاحبي وانته من ايات قوم= حتى تقهو من دلالي بفنجالها
الناس قسمين ذا معطى وذاك محروم=وان كانها ماتهيت لاتهيالها

[زيـــــ الهيلا ـــــزوم]

ياهلا بالاصعر وبدايه قويه لكن راجع الشطر
الثاني من البيت الاول والخطا مطبعي مليون فالميه



ولك تحياتي

[نايف بن ملحق الثعلي]

الله الله الاصعر صح لسانك

رفيع المنزل صح لسانك

على القوه يا شعار واصلوووو

[عبدالله الاصعر]

انا من اهل المقام اللي لعله يدوم=عتيبه اللي هذا المنزال منزالها
الحمدلله قسمي من خيار القسوم=والله يخارج من الجيران وانذالها

[رفيع المنزل]

الاصعر من تختار في الميدان

[معجب العتيبي]

انت اللي سبقت يارفيع المنزل


صحة السنتكم

[عبدالله الاصعر]

انت يارفيع المنزل الاول

[ابو بندر]

بدايه قويه صح لسانك يا الاصعر
وبنفس القوه ردور رفيع المنزل وصح لسانه
شعراء متمكنين
واجب متابعتهم
للاستفاده والاستمتاع

[رفيع المنزل]

والنعم ياللابه اللي كل ابوهم قروم=هذاك عم الامور وصاحبه خالها
ماني بجارك لعلك من رجال اللزوم=جيرانك القشر فال الله ولافالها
اعذرني طالع وراجع لاتروح

[عبدالله بن دبيس العتيبي]

بسم الله الرحمن الرحيم


السلام عليكم ورحمة الله وبركاتة


صح السنتكم جيمعا


وتقبلوا تحياتي

[عبدالله الاصعر]

يا مطير حنّا لكم من عام الاول خصوم=حمّلتك الحمله اللي رحت مشتالها
اللي يفسّخ هدومه وين يلقى هدوم=اهدومكم يا مطير نعرف تفصالها

[رفيع المنزل]

كانك من مطير متكدر وعندك هموم=رح يمهم والطيور تواقع اشكالها
انا ابن وايل وابن وايل عزيز محشوم=اعرف مخاريج دعواكم ومدخالها

[حمد بن جوباح]

الله

الله

الله

محاوره قووويه

وشعـّـار كبار والله أكبـر

صحت ألسنتكم

وسجلوني من المتابعين

اااااااالليل ااااااااالليل

:)

.
.
.






















تحياتي لكمـ ،،

[عبدالله الاصعر]

يالله يالله عسى حظ الردي ما يقوم=الكلمه إليا استوت على فمه قالها
محشوم عنك انت وامثالك وكل الرخوم=هذي هي اللي من الليله تحرّا لها

[رفيع المنزل]

مااقول غير الكلام اللي بحسب السلوم=والشينه اصد عنها مااتوحى لها
لو انزل لمستواك القى رجال ٍ تلوم= بعض العرب لو تكلم تسكت اشوى لها

[معانق سهيل]

الله الله ياشعار ... شعار في قمة الابداع



صح الله السانكم يارفيع المنزل والاصعر

[عبدالله الاصعر]

اطلع من المسجد انته في فمك ريح ثوم=انته من اللي ما يقبل ربّي اعمالها
حنّا طلعنا على سطح القمر والنجوم=يوم انّ يصعب على شرواك ميصالها

[رفيع المنزل]

مسجدكم الله لايبلانا تراه مهدوم=ولقيت به ناس شينه عزي لحالها
ربعك من ادنى الحصاة ليا الحويه تحوم=ومريحه تحت شجرتنا وبظلالها

[السميــــــري]

صحة السنتكم ..


ولكن أرخوواا الرمي يالرررربع ..

أنا اشوووفهاااا

مدخنه !!

[رفيع المنزل]

السميري حياك ربي

ووصيتك زينه مار علم بناخيك يهدي اللعب

ومشكور عالمرور

[عبدالله الاصعر]

هذا ما غير انت واطلع منه ثمّ مخدوم=يسراك تمسح بها لحيتك وسبالها
ياللي تقرّب من الحكّام وانت محكوم=ربعك ترى المهد موطنها ومدهالها

[علي فلاح العضياني]

الاصعر


صح لسانك وانت مكسب للمنتدى طال عمرك


ولا هان قبيلك

[رفيع المنزل]

اليا طردونا شيوخ القوم حنا نشوم=والا انت محسوب من مجموع جهالها
بلادنا من طرف صبيا لحد الجموم =وان كان مع عزوتك حيلات تحتالها

[عبدالله الاصعر]

لوحتك سودا ولا فيها حروف و رقوم= وأهل الصنادق ليا جاها الهوى شالها
ربعك ليا جاهم الطرقي تقول معزوم=اتقلّط الضيف لو انّه مع عيالها

[نايف بن ملحق الثعلي]

الله الله

الليل يالاصعر صح لسانك مليون



رفيع المنزل صح لسانك


واصلووووو

[رفيع المنزل]

تبغى تجيب الغنيمه وانت رحت مغنوم=مار اترك قصارها مار اترك طوالها
كلمتك ماهي صحيحة ياردي العزوم=تبي من الكذب نفسك تبرد اغلالها