المساعد الشخصي الرقمي

مشاهدة النسخة كاملة : ياوصل يا بن عاصم المشرفين

مرزوق المغيري العطاوي
16-Oct-2003, 11:55 PM
مع التحيه
اللمشرفين على منتدى المحاوره
الكرام

ياوصل يابن عاصم المشرفين =جزل المعاني دقت اجراسها
ما بينكم ياثنين واحد يبين =ويحسب لها بخماس واسداسها
طلال الثعلي
21-Oct-2003, 04:23 AM
عزيزي :مرزوق العطاوي


استأذن من الاخوه المشرفين للرد عليك .


لعلمي بأن الاخ وصل العطياني مشغول ها اليومين لاختباراته الجامعيه

وعلى هذا الاساس قام بإيقاف المحاورة المباشرة


وعلى أمل عودته لنا سالماً ناجحاً:D


وإستلم:




جزل المعاني بيننا ياثنين=والمشرفين تكمل أدراسها
ميعادنا قدام والله يعين=إعرف عزم نفسك ومقياسها
مرزوق المغيري العطاوي
21-Oct-2003, 11:00 PM
مرحبا يابن ثعلي
وكم من صدفةٍ خير من ميعاد
كيف الاحوال وشلون( المحاني )واهلها

استلم لاهنت

يامرحبا واهلين ابك واهلين


--------------------------وانته عقيد القوم عسا سها

ميعادنا قدام زين وزين


------------------------احسب لها ياصاح بقياسها
طلال الثعلي
22-Oct-2003, 02:18 AM
هلا وغلا يامرزوق.

والساعه المباركه اللي جمعتنا


والمحاني بخير ولاناقصها الا شوفتك ( ترى هذي عزيمه)

واستلم يا غالي:


دام البقا وانته من الغانمين

......................................... اللي بفعل الطيب نوماسها

فتح عيونك والطريق اليمين

......................................... ترى المعاني محتمي باسها
مرزوق المغيري العطاوي
23-Oct-2003, 01:29 AM
يامرحبا وهلا ياخوي طلال00
والاهي غريبه الطيبه عليكم والعزيمه وانتم اهلها وعساكم فى المراد0 000
وبالصراحه قلي ان كانك الان من ساكان ا لمحاني 0عندي موضوع هناك اباخذ رايك فيه0

استلم لاهنت



وانته يبن ثعـــلي من الطيــبين

--------------------------قومٍ لنا0 والــطيب 0نبراســها

اشوف واسمع ياحمر العينين

-------------------------واعرف ذهبها زين وانحاسها
طلال الثعلي
23-Oct-2003, 08:20 AM
الله يبقيك ياخوي مرزوق

ولاعليكم زود ياعيال العم والله يبقيكم

نعم من سكان المحاني .وانت تأمر واي شي تطلبه انا مستعد

واستلم:
ياجعلكم ياربعنا سالمين

.............................. اللي مقر الجود من ساسها

ابا انشدك ياصاحبي هالحين
................................... ديرتك ماعينت عساسها
مرزوق المغيري العطاوي
23-Oct-2003, 11:27 PM
استلم ياطلال لاهنت وبعدين بارسلك على الخاص واكلمك

الله يعز اهل الوفاء والدين
------------في حاضر الدنيا ودراسها
واليا نشدت اجدادنا الاولين
-------------بواد المحاني تغرس اغراسها
طلال الثعلي
25-Oct-2003, 12:29 AM
وصلت يا مرزوق وابشر:

الله يرفع كلمة المسلمين
................................. ويعز دولتنا بحراسها

ديرتك لو خليتها يافطين

............................. الذيب يارجال قد حاسها
مرزوق المغيري العطاوي
26-Oct-2003, 12:00 AM
ياطلال
مباركٍ عليكم وعلى جميع
المسلمين شهر رمضان المبارك
استلم0لاهنت



امين ياطـــــلال0 قول امين =وعدوانها تحمس بمحماسها



غبنا وصارو ربعنا طامعين=للبـــطل0 ناسٍ تلبس لباسها
طلال الثعلي
26-Oct-2003, 12:08 PM
الله يبارك فيك

وتقبل الله منا ومنكم صالح الاعمال

واستلم:

مافيه غير الصبر للصابرين=والصبر يطرد عنك وسواسها

والذيب مايأكل عشا ابا الحصين= ماوده انه يجرح احساسها
مرزوق المغيري العطاوي
26-Oct-2003, 11:53 PM
استلم يبن ثعلي

الصبر لاعداء حدوده شين = والذيب كيف يعيش بدناسها

على الدنس به عالمٍ ظارين =نرجي من الله يقطع اجناسها
طلال الثعلي
28-Oct-2003, 02:24 AM
استلم ياعطاوي:

الصبر يامرزوق للصابرين ** وخزينتك يامسرع افلا سها
جد ك تركله عندنا نخلتين ** وكل يوم القرد في راسها
مرزوق المغيري العطاوي
28-Oct-2003, 02:44 AM
ارجو الاطلاع على
صندوق البنك العالمي

زدتو على ماقيل بله بطين =ولاتسمن الفيران بلحا سها
جدي وثق لكنكم خاينين =ومن خان يشرب من مرق فاسها
طلال الثعلي
28-Oct-2003, 03:33 AM
استلم :






حنا ندور كل معنىً سمين= وانته تروح اتدور اخساسها
جدك هرب مع جملة الهاربين= منا عيونه طيًر انعاسها
وصل العطياني؟؟؟
03-Nov-2003, 11:42 PM
يُغلق