اطلب من المصممين طلب وارجو انكم ماتردوني.....

[@ـايل]

السلام عليكم ورحمة الله وبركاته

اطلب من اخواني المصممين برنامج فلاش بسيط وسهل الاستعمال يدعم اللغه العربيه مع الشرح او بدون شرح المهم سهل وبسيط

ولكم خالص التقدير والاحترام

[@ـايل]

معقوله كل هذي التصماميم ولاعندكم برنامج مايصير

[@ـايل]

وين نواف العصيمي

وين المقااطي

وين eMoTiOn

وين ابو عبدالله العتيبي

وين عتيبي وافتخر بربعي511

وين عبدالرحمن الهيلوم

وين نواف الهيلا

وين مازن الدلبحي

وين الرويس

وين ابن نميان

[Man من العتبان]

هايل العتيبي

هلابك يا الغالي

في موضوع اللي منزله الاخ مرزوق حمدان العتيبي

موضوع عجيب فيه كل شي ومن ضمنها برنامج فلاش يعلمك بصوت صوره وباللغه العربيه بعد .

انصحك بدخوله ما يتطووف

[رايـق الروقـي]

هايل العتيبي

مع إجحترامي لكل الأسماء الموجوده وأدري لو موجودين ماقصرو معك

أما بالنسبه لي أقولك

أبدأ بالصعب عشان يبقى كل شيء سهل عندك

وعلى العموم إذا حاب تتعلم

في برنامج حلو وأنا شخصياً شغال عليه

الي هو سويش ماكس وأتوقع الكل يعرفه

بس للأسف ما يدعم اللغه العربيه

وإذا تبي شرح من عيوني

[eMoTiOn]

الاخ هايل العتيبي


السلام عليكم

أسعد الله صباحك

أسف على التاخير فأنا مادخلت الا أن من أمس


نرجع للموضوع أنت في حديثك ذكرت برنامج سهل جداَ ونتأئجه أحترافيه

وهو برنامج السويتش للمعلوميه برنامج السويتش ماكس جميع أصداراته

الكتابه باللغه العربيه ويوجد في المنتدى كذا عمل قمت بأخراجها بهذا

البرنامج ويوجد في هذا البرنامج خاصيه لا توجد في اي برنامج فلاشي

أخر وهو عملية ضغط الصوت ينتج من خلالها تقليل حجم الفلم الفلاشي

الاصداره الاخير من هذا البرنامج وأعتقد اصدار شهر ديسمبر يدعم العربي

ولكن توجد فيه مشكله وهي عدم كتابة لفظ الجلاله لوجود شده في

لفظ الجلاله ولكن اعتقد اوجدو لها حل الاخوان وساجلبها لك عن قريب

علمن ان الاصداره الجديده تتميز بفلاتر عن النسخه السابقه.

انصحك بالاستمرار على تعلم هذا البرنامج في نظري لا يفوقه

اي برنامج فلاشي .

والموضوع الذي وضعه الاخ مرزوق اكثر من جيد في تعلم هذا البرنامج.


اخي لا تتردد في اي سؤال ولنا لقاء باذن الله عن قريب.


لك كل الاحترام والتقدير

[ابو عبد الله العتيبي]

ماقريت موضوعك الا قبل شوي

شف انا مالي بالفلاش الا قليل

لاكن سويتش ماكس سهل

لان ماعندي خبره فيه ماعرف اشرحه لك

وان شاء الله تصير محترف فلاش

[@ـايل]

اخوي من العتبان اشكرك على الرد

وعلى الاطراء وان شاء الله سوف اذهب الى موضوع الاخ مرزوق حمدان

اشكرك مره اخرى على الرد

[@ـايل]

تسلم عيونك اخوي رايق الروقي

انا ان شاء الله ابدخل موصوع مرزوق حمدان

واي شي صعب ابعلمكم

ماقصرت واشكرك على الرد

[@ـايل]

eMoTiOn معذور اخوي

اشكرك على النصيحه وسوف اخذ بنصيحتك

وياليت تجلبها لنا طال عمرك

وان شاء الله ابدخل موضوع الاخ مرزوق

اشكرك كل الشكر على الرد لاهنت والله يقويك

[@ـايل]

اشكرك اخوي ابو عبدالله

لاهنت والله يقويك واشكرك على النصيحه

وان شاء الله اجرب البرنامج

[محب الهيلا]

ياهايل روح اقرأ موضوع الاقتراح اللي يبون فتح قسم للعب

تراني قلت بتصيرون مثل هايل بس كهكهكهكهكهكه

وابغاك تقراه علشان لاتصير غيبه فيك وسامحني

[عتيبي وافتخربربعي511]

والله لو اعرف له كااااااااااااان ابشر من عيوني بس والله ما اعرف له

وان شاء الله الاعضاء يفيدونك


بس في الفوتوشوب اذ تبي شي ابشر من عيوني

[@ـايل]

اخوي محب الهيلا ابشررررر بس عسا ما طبيت فيني تراني خابرك

كهكهكهكه

[@ـايل]

معذووور اخوي عتيبي وافتخر بربعي

لاهنت والله يقويك وان شاء اذا احتجت شي علمتك

قواك الله وبيض الله وجهك

[حمـد المقاطي]

هايل العتيبي

المعذره يا ابن العم

والله ما دخلت ألا هالحين

وابشر بلي طلبته

بعطيك روابط للسويتش والفلاش

وبتلقى فيها كل شيء تبيه أن شاء الله

الرابط الاول :
http://www.3rbe.com/vb/forumdisplay.php?f=10

الرابط الثاني:

http://www.traidnt.net/vb/showthread.php?t=232181

والمعذره على القصور

[@ـايل]

اخوي المقاطي بيض الله

والله يجزاك خير ابد طال عمرك مامن قصوور

انا ان شاء الله ابدخل للروابط واشوفها

الله يعطيك الصحه والعافيه واسف على الازعاج طال عمرك

[حمـد المقاطي]

هايل العتيبي

ووجهك يا ابن العم

واستقبل هالكتب لتعليم

السويتش والفلاش

كتب السويتش

1- http://up201.arabsh.com/my.php?go=bcb30c.rar

2- http://up201.arabsh.com/my.php?go=ad2458.rar

كتب الفلاش

1- http://up201.arabsh.com/my.php?go=dd4307.rar

2- http://up201.arabsh.com/my.php?go=558d20.zip

3- http://up201.arabsh.com/my.php?go=458fed.zip

[@ـايل]

ماشاء الله

ياخووي والله مدري وش اقولك

وشلون ارد الجميل طال عمرك

الله يسعدك ان شاء الله في الدنيا والاخره

اسال الله ان لايحرمك الاجر

ابشرررررر ابحمل الكتب للتعلم

[حمـد المقاطي]

هايل العتيبي

ما سويت ألا الواجب

عاد شف خلال اسبوع

لازم اشوف لك تصميم فلاش :D

[@ـايل]

على خير ان شاء الله

بس اسبوع واجد خلها خلال يومين ههههههه الرجال واثق من نفسه

اشكرك كل الشكر يالمقااطي

[حمـد المقاطي]

عساك على القوة

هههههههه

[@ـايل]

الله يقويك ويطول عمرك يالمقااطي