ابو بندر (( وش علوم كيابل الإنترنت ؟؟؟))

[نقا شباب]

ابو بندر تواعدنا والوعد قدام

ابتل الله لا يهينك

استلم ....


يقولون الكيابل فالبحر فيها خلل وبتور=واقول ان العلاقه بيننا ماهي بمبتوره
يابو بندر نبا نقرا سطور كتبك المنشور=نبا ناخذ معك ساعه مدام انفس مسروره

[عبدالرحمن الهيلوم]

صح السانك 0والكيبل ميه ميه

[مرزوق حمدان العتيبي]

يابو بندر نبا نقرا سطور كتابك المنشور
نبا ناخذ معك ساعه مدام انفس مسروره


..
ابداع يابو شباب ... وننتظر ابو بندر
....

[نقا شباب]

عبدالرحمن الهيلوم ... صح بدنك

والكيبل (( حسبي الله على الكيبل ))

[نقا شباب]

مرزوق حمدان .....هذا من ذوقك

...... وكلنا منتظرين أبو بندر.........

[معجب العتيبي]

صح لسانك يامبدع

جظور مميز وابيات رائعه

وصح لسان ابو بندر مقدما


ولك رساله عالخاص

[عيد العازمي]

صح السانك يابو شباب

ولسان ابو بندر مقدما

[ابو بندر]

تعشاها السمك واثر السمك فاتح لها الحنجور=عساها يوم اكلها يانقا نشبت بحنجوره
تفضل والكتاب تسرك اعلومه بدون قصور=بدون قصور فأهل العرف والأعلام مخبوره

[نقا شباب]

خلووووووووووووها

استلم


قرينا في كتابك عن رفيق ٍ لك طلع له نور=ولاكنه بعد يومين جوه وغيبوا نوره
ونا بنشدك لو انك تجود حنوة الباكور=تبا تلعب على صطح القمر ياصحبي كوره

[ابو بندر]

اشوفك يا نقا على العرب تبغى تنط الصور=وكل شاف فعلك يا فتى با الصوت والصوره
ليا منا مسكنا حنوة الباكور نلعب دور=وهاذي لعبة الشطار دوره من ورى دوره

[الحفراوي !!]

الله الله


ابداعXابداع



نقض وفتل من الدرجه الممتازه


صحت السنتكم ..


وااااصلوا والصفوف دبل ورا بعض



اخوكم

[ابو بندر]

عبد الرحمن الهيلوم

مرزوق حمدان العتيبي

سارح البال

الحفراوي

صحة ابدانكم

مروركم اسعدني

[نقا شباب]

سارح البال .... العازمي

صحت ابدانكم

والف شكر على المتابعة

[نقا شباب]

الحفراوي

الله يسلّمك وصح بدنك

والف شكر على المتابعة

[نقا شباب]

خلوووووووووووها


نبا ندْخل مع البيبان والعلّه تبي دكتور=ونا دكتورها يالغازي اللّي مانعرف دوره
ومن لا يعرف ادروب اللكاعه ياكل الخابور=ونا خابرك رجّال(ن) تحب الفوز بالفوره

[ابو بندر]

نبا ندخل مع البيبان لامنا عقدنا الشور= وللعله دوى من غير دكتور ودكتوره
ونا عارف شهود الحق وعرف شاهدين الزور=ومن لا زارني وقت الشدايد كيف ابا ازوره

[نقا شباب]

خلوووووووووها

استلم الله لا يهينك


انا مدري وش اللي مجبرك تنزل ديار البور=نصيحه شد لديار(ن)من الخيرات معموره
تعوذ من بليس ولا تعوّد فاخر الطابور=ترا بعظ الكلام يطلّع الرجّال من طوره

[فهيد مقعد الرويس]

نقا شباب\\ابوبندر

صحة السنتكم ياعتابه

ولابزال للابداع بقيه

تحيتي للجميع

[نقا شباب]

نقا شباب\\ابوبندر

صحة السنتكم ياعتابه

ولابزال للابداع بقيه

تحيتي للجميع

صح بدنك و مشكور على المتابعة

[ابو بندر]

ليامنا نزلنا في الدير تنبت عشب وزهور=وبطيب حال تصبح زاهيه بالخير مغموره
عسى الله يخزي ابليس اللعين ويانقا مشكور= عساك تطبق اللي قلتلي يارعي الشوره

[ابو بندر]

الاخ العزيز/فهيد الرويس
صح بدنك والابداع تواجدك يا الغالي

[نقا شباب]

وصلنا لآخر المحراف والبيرق لكم منشور=يابو بندر شهادة حق شعرك قايد الثوره

ولا نسى صرحنا الشامخ قضينا به فرح وسرور=صحيح ان القصيد افنون لا كنه بجمهوره

ابو بندر انت شاعر متمكن سعدة باللعب معك ....

واستفدة منك الكثير و الكثير....

الى كل من تابع الف شكر من القلب...

العذر و السموحة اذا اخطيت على احد..

تقبلوا تحياتي ....

[ابو بندر]

وصلنا لأخر المشوار في محرم وفي عاشور=ولك مني تحيه يا نقا للناس مشهوره
صحيح السوق به تجار لاكن فيه جا هامور=ادور راس مالي والعرب ماهي بمعذوره


اخي العزيز نقا شباب كم انا سعيد بلقأك واتمناء ان لايكون أخر لقاء
تقبل تحيات اخوك /ابو بندر

[رفيع المنزل]

ابداع هالمحاورة اشكر الشاعرين شكر عميق

وتر ى التعوذ من ابليس بكل مكان مطلوب ماله ديرة محددة

خافو من وسواسه يالربع



تحياتي

[د/غسان]

صحت الالسن والابدان