سارح البال سرى الليل

[نايف بن ملحق الثعلي]

سارح البال سر الليل والله يعين=بنت ابو زيد مارضيت بخطابها
واخذ حاضر بحاضر لا تقول ابعدين=الفرس ماركبها غير ركابها

[معجب العتيبي]

انشغلت مع التلفزيون ودوبني اشوف بدعتك
استلم لاهنت


يسري الليل والدعوا يانايف تزين=وبنت ابو زيد لاتاقف على بابها
هات علمك يانايف لاتصير المدين=والجزيله جزييله وانت طلابها

[نايف بن ملحق الثعلي]

انت وين انت عنها من قديم السنين=اخر الوقت ريح لا تهقوابها
ابلع العافيه والعن بليس اللعين=واترك النار تالع عند شابابها

[ليل الحافي]

متابعين صحة السنتكم تحيياتي

[سلطان الجـذع]

...
..

نايف الروقي . . صح لسانكـ ملايين

دائماً مبدع . . والصف صفكـ

..
..
سارح البال صح لسانك رد وافي من وافي

ولو أني لاقي لك جره مايتعب القصاص اثرها

وستتم محاكمتك في أقرب وقت:)

[نايف بن ملحق الثعلي]

ليل الحافي

سلطان الجذع

نورتو الصفحه مروركم يسعدنا

[معجب العتيبي]

لازلنا نتابع شاعر المليون والقلب معك يانايف ههه



بأول الوقت كنا وانت وين انت وين=واخر الوقت انا الغالي من احبابها
ياوسيع المعرفه مطمعي فالثمين=والثمينه يانايف نطلب اسبابها

[معجب العتيبي]

ليل الحافي صح بدنك


سلطان الجذع صح بدنك والله يعين على محاكماتك وان شاء الله يكون الحكم عادل ههه

[حسن ابن شـامي]

ابلع العافيه والعن بليـس اللعيـن
واترك النار تالـع عنـد شابابهـا


الله الله

متابعين

[نايف بن ملحق الثعلي]

ادري انك على مذهب ومله ودين=مار غيرك رجالن تفتل اشنابها
انت لا تحسب انه كل قاسي يلين=لا تعرضلها منته من اصحابها

[نايف بن ملحق الثعلي]

حسن بن شامي

مرورك يسعدنا

[معجب العتيبي]

والنعم بالرجال اهل الفعل واليقين=ومن بغاها طلبها واتعب ركابها
كل قاسي يلين لكل جنبٍ متين=مير لاتقرب الجمره ومشهابها

[نايف بن ملحق الثعلي]

مايفيد التمني خل قلبك فطين=المهمات تبغى ناس تشقا بها
الفلك يستدير وكل خافي يبين=نعرف الناس صادقها وكذابها

[معجب العتيبي]

الحياه امنيات ان كنت رجلٍ حزين=بعدها يثبت اللي يمسك نصابها
اجتهد وابذل الاسباب خلك ذهين=لين شمس الضحى تطلع بمغرابها

[نايف بن ملحق الثعلي]

ابشر اني بخير وعز في كل حين=واعرف الطيبه من حظ من جابها
يابن الاجواد حنا قبلك الاولين=لو تباها ترانا قبل فزنابها

[معجب العتيبي]

يفرح القلب لاصار العرب طيبين=بس اخاف العرب طاحت من اتعابها
اطلب الله ودورلك شوير وعوين=فزت بالحلم والا الصدق ماجابها

[سلمان الروقي]

الله واكبر شعراء مبدعين

نايف الروقي صح السانك

سارح البال صح السانك

إبداع×إبداع


فتكم بخير,,,,,,,,,,

تحياتي,,

[نايف بن ملحق الثعلي]

السوالف تراها من يسار ويمين=والبعارين تنسى عوجة ارقابها
انت ماجيتنا في بدر ولا حنين=ليت بعض الدعاوي تحسب احسابها
ابو سلطان صح السانك والختام من عندك

[معجب العتيبي]

السوالف بها غثه وفيها سمين=والخيام بعمدها وقوة اطنابها
وانت مالك فعل في يوم قطع الوتين=يوم حد السيوف يقطع رقابها


صح بدنك
استفدت منك وسعدت باللعب معك

شكرا على اتاحة الفرصه

[زيـــــ الهيلا ـــــزوم]

نايف الروقي

سارح البال

مبدعين كعادتكم والله يوفقكم





ولكم تحِياتي