ابو بندر تقدم

[نايف بن ملحق الثعلي]

يامرحبا في منتدى العتبان ماضين الفعول=تاريخهم معروف في بيض الليال وسودها
وقت السنسن الماضيه وشدادهم فوق الذلول=هاذي حقيقه واضحه كل الرجال اشهودها

[ليل الحافي]

الك البقى يالي ترحب عد ماشال الزمول=وعداد مايوحي من البارق حساس ارعودها
يانايف الايام مابين الهشاشه والقبول= ماعاد يعرف ياصحيبي ناسها وقرودها

[نايف بن ملحق الثعلي]

يالحافي انته تعترض في الدرب منته بمهبول=لكن شب النار واحرص لا يدخن عودها
شفت المخايل خيلت لكن ما شفت السيول=والناس تدري بالعلوم ونقصها من زودها

[ليل الحافي]

النار تبغى من الحطب يالي تدقون الطبول= الكم فوارغها وغيرك يبشر ابعبرودها
السيل سال من العلا يشتال في متنه حمول= والبحور الكايدة يسقي منابع جودها

[نايف بن ملحق الثعلي]

ماشفت نارك ولعت لكن قول اللي تقول=النار يارجال تالع من شرار ازنودها
بعض العرب ماهوبداري بالطلوع وبالنزول=كل المرض في روسها حتى الجرب بجلودها

[سلمان الروقي]

نايف الروقي صح الساانك يااامبدع

ليل الحافي صح الساااانك يامبدع


تحياتي,,,

[ليل الحافي]

الي يشب النار لابده من الاهب يطول=يونس المخطر ويونس لاضيات اوقودها
كل ماقلنا يزين العلم عود في جهول=يالله انك تصلح الرفلان في مجهودها

[@ـايل]

الله الله

صح لسانكم ياشعاارنا

نايف الروقي

ليل الحافي

يامبدعيين وااصلوووو

الليل الليل

[بندر المرشدي]

صحت السنتكم




واصلوا متابعين

[ابو بندر]

الاخ الشاعر نايف الروقي
صح لسانك وصح لسان ليل الحافي وفيه الكفايه
والمعذره والله توني واصل من مشوار
وتراني متابع بقوووه

واصلوا واصلوا

[نايف بن ملحق الثعلي]

يالحافي انته لا تحسب انك نبي ولا رسول=لكن ميز في العلوم اصدورها وورودها
بعض العرب يا صاحبي ماهو بداري بالاصول=وانته تعقدها وياليتك تحل اعقودها

[ليل الحافي]

ماني امنزل ولاكني على الطايل اطول= والسفينه يبن عمي عاين الي يقودها
العماوي عينه القشرى عن الطرقه تزول=واليالي مايفرق صفرها من سودها

[نايف بن ملحق الثعلي]

صح السانك يعطيك العافيه

[ليل الحافي]

صصصصصصصصصصصصصح بدنك