غارة الشيخ سعدون العواجي والشيخ مجول ابن شعلان على حرب [الأرشيف] - الهيـــــــــــــلا *** منتدى قبيلة عتيبة

مشاهدة النسخة كاملة : غارة الشيخ سعدون العواجي والشيخ مجول ابن شعلان على حرب

فهرس التاريخ

29-Jan-2008, 11:11 AM

السلام عليكم ورحمة الله

سعدون العواجي والشيخ مجول ابن شعلان
في بعض السنين نزل على سعدون العواجي وابنائه
الشيخ مجول ابن شعلان ومعه قسم من قبائل الروله ايام الربيع وقد اتفق مجول بن شعلان وسعدون العواجي أن يغيرا على قبائل حرب الموجودين بأراضي(( رخا)) الماء المعروف وفعلاً غزوا حرب واغاروا عليهم بالمكان المذكور واخذوا منهم مواشي كثيره من بينها ابل مشهوره تسمى ((بشملا)) وكان زعيم حرب ابن فرهود كان غائبا عندما اغاورا عليهم
وبعد أن رجعوا إلى ديارهم غانمين رحلوا جميعا الى الشمال بديار سورية لانها بارده ايام الصيف وعندما علم ابن فرهود شيخ قبائل حرب برحيل سعدون العواجي وعربانه مع الشيخ مجول بن شعلان أرسل لهم هذه القصيدة يتهددهم مبين ندمه انه لم يحضر عندما أخذت الإبل المشهورة ((شملا)) وهذه قصيدته :::::::::::::::::::::::::::::::::::::

يامجول الغيبات يقضا بها دين
غيبة جنبها يوم جاها الزوالي
لا واخسارة لبسنا للتوامين
يوم ان ((شملا)) غربت للشمالي
يا عقاب لاتقفي بثار الشعالين
إنكس لدارك ياكريم السبالي
نجي على قب سواة الشياهين
سوٍّ على اللي ينزلون الجبالي
نبي نطارد شاربين الغلاوين
وناخذ عوض شملا بكارٍ جلالي
إما جدعنا عقاب ليث الغلامين
والا جدعنا حجاب ريف الهزالي

:::::::::::::::::::::::::::::::::::::::::
وعندما وصلت هذه القصيدة سعدون اجابة بهذه القصيدة :::::::::::::::::::::::::::::::::::::::::::::::::

اثاري كذبك يابن فرهود بالحيل
تقول من خوفك نحرنا الشمالي
لولا علومك ما نكسنا عن الكيل
من الديرة اللي شفها شف بالي
ياناشدنا عنا ترانا مقابيــــــــــل
ننزل لكم (رخا) ونأخذ ليـــــــالي
نبي نطاردكم على شرد الخيل
ونشوف منهو للسبايــــا يـــــــــوالي
واللي يطارد خيلكم صفوة الخيل
بايمانهم مثل المحوص المـــــــــدالي
وعقاب فوق مشمر تكسر الذيل
شلايعه من خيلكم كــل غـــــــــــــالي
إليا عدا فيكم عدا فيكم الويــــل
ويروي حدود مصقلات الســــــلالي
نطاح قاسين الرجال المشاكيل
وبالفعل تشهد له جميع الرجـــــــــالي
ياويلكم من زايــــدات الغرابيل
إن طار عن قحص المهار الجــــلالي
إنشد وتلقانا على قـــرح الخيل
بايماننا ريش الغلب له ظــــــــــــلالي
عدونا نسقيه ويل بثر ويــــــل
وصديــــقنا يشرب قـــــــــراح زلالي

:::::::::::::::::::::::::::::::::::::::::::::::::: :::::::
ورجع سعدون متحديا ابن فرهود ونزل منهل حرب (رخا) وأغار قبيلة حرب واخذ أموالا كثيرة بعد أن
توارى عنه ابن فرهود وهرب طالباً لنفسه النجاة ,,, ثم قال سعدون هذه القصيدة مفاخراً ومشيداً ابنه عقاب وقومه ,’,’ وقال ان حرب نفرت منهم مثل ماتنفر الاغنام من الذئاب وقال سعدون هذه القصيدة """""""""""""""""""""""""""""""""""""""

إن كان ابن فرهود يطلب لقانا
جينا على الزرفات خيل الصحابه
جينا وربعه قوطرة في نحانا
مثل القطيع اللي نــــــحته الذيــابه
(وشملا) تزايد نيّها في حمانا
ويا ما خذينا غيرها من جــــــلابه
وجبنا البكار المكرمات السمانا
وطرشٍ كثيراٍ ولا عرفنا حســــابه
حنا ليا صلنا طوالٍ خطانـــــا
وهذي عوايد نا نهار الحـــــــــرابه
نجيك فوق مكاظمات العنانا
صفرٍ عليهن لابسين العصـــــــابه
عاداتنا وإن كان شفنا إقبلانا
من دمهم ( رخا ) نـــــــروي ترابه
وعقاب فوق مشمر بمعدانا
الخيل في يوم الملاقا تهـــــــــــابه
منكم يروي حربته والسنانا
وفرسانكم قفت ذعـــــــرها عقابه
جاكم سريع بالعجل ماتوانا
ومن يوم حل بخيلكم جا ذهـــــابه
منكم خذينا يالحريبي قرانا
كل أبلج حنا قصرنا شبـــــــــــابه
نرقد بأمان الله وتسهر عدانا
ومن فعلنا يسهر كبير المهـــــــابه
حريبانا يقضي ويلقي عيانا
مثل الخشوم الطايله من هضـــابه

××××××××××××××××××××××××××××××××××××××××××××××

عبدالرحمن الهيلوم

29-Jan-2008, 11:19 AM

الغالي

جعل شيابك الجنه يافهرس التاريخ وبعد الجغرافيا

جاهليه انتهت والله لايردها

حنا اليوم اخوان في دين الاسلام 0

تقبل مروري يالغالي 0والله يرحم لمة محمد

الشلياني

31-Jan-2008, 11:09 AM

يافهرس التاريخ
.........
هذي القصه غير صحيحه مزيفه وانت ناقلها من ديوان محمد السديري
ومحمد السديري حرفها علي كيفه
لاكن اخذ جزاه من الشاعر سبيل بن سند
اولا
ابن فرهود ليس بشيخ علي حرب بل انه فارس ومعه افراد من جماعته
وشملا اغتنمها منكم وفي غيابه تجمعت جموع عنزه علي راسهم الشيخ سعدون العواجي والشيخ مجول ابن شعلان وربعهم علي جماعه ابن فرهود وهم اقله من الضواهره من بني سالم من حرب ورجعم حلالهم اللي غنمه ابن فرهود منهم
وشكرا والمقبل ادهي

كساب الجميل

15-Feb-2008, 10:35 PM

تعوذو ا بالله من الشيطان ومن الجهل وضعف العقل

ليست هذي مفاخر كل القبايل حصل لها ماحصل من سلب ونهب

ولا يعد شجاعة يوم لك ويوم عليك

ولكن الحمد لله على نعمة الامن والاسلام

ومثل هذه القصص تثير الغل والحقد بين أبناء القبايل العربية

راعي الصفراء2008

15-Feb-2008, 11:36 PM

السلام عليكم جميعا

رحم الله اموات المسلمين واصلح لنا الحيين

ونعم بحرب وونعم بعنزه

وتقبلو مروري

هاجس الشعر

30-Jul-2008, 06:47 PM

والنعم بعنزه وبحرب
لكن كتاب السديري سئ الذكر انا قراءته وكان فيه تحيز كبير جدا من السديري لعنزه وتهميش لغيرها من القبائل
يكفي تجاهل قبائل كثيره
حتى عتيبه لم ياتي لها الا بقصه واحده وقصه واحده لقحطان
الكتاب فيه اخطاء كثيره وكان اشبه مايكون بسوالف المجالس حيث لم يشير الا اي مصدر
ويبدو انه اعتمد اعتماد كامل على رواة عنزه فقط الذين كانو اغلب جلساءه
عموما رحم الله السديري وعفا عنه
لكن كتابه هذا كتاب ضعيف من ناحية المنهجيه العلميه ولا يعتد به

عبادي المقاطي

30-Jul-2008, 10:37 PM

الله يرحم السديري لم يوفق في كتابه

لانه في تحيز وااضح للعنزه وعنزه ماعليها قصور لكن والله ظلم حرب اللي هم حرابه الدول

واللي هم حامين حلال السديري كما قال سبيل بن سند والله انه طلع فضايح الله يرحمهم اجمعين

بدرالهبيري

31-Jul-2008, 03:46 PM

الله واكبر ..

ابومحمد السديري وجده كانوا يدفعون الاخاوه لحرب علشان يحمونهم من عنزه
ولااحد تجرى على السدارا يوم حرب تحماهم ..

وكل حرب تعرف الشيئ هذا وحتى المنصفين من عنزه وغيرهم ..
هذا بيت سبيل بن سند يوضح :

ابوك معطينا الاخاوه بيمــــــــناه .. لولا الاخاوه راح ماله نــــــــهايب

ثم يصف ماحصل عندما افتكوا حرب ابو السديري وجده ..

وأبوك يالهربـاد مـن فـك بحمـاه=يوم الرصاص بنـوع وبـل السحايـب
برّم عصب رجليـه وإنّـا احتمينـاه=دونـه فعلـنـا معـجـزاتٍ غـرايـب
واليوم عنـدك لـه محبـه وملجـاه=غـوال ابـوك وحايـبٍ بـك حوايـب
والا ما تنسى وطيتـه فـوق علبـاه=وميقافنـا لا دفلجـن بــك ركـايـب
جينـاه وأربـاع المبانـي مـمـلاه=فـي كـل بيـت مكتفـيـنٍ قضـايـب
واللي نزل عنـده ثلاثيـن جمهـاه=بيـن الـذرا والنـار ضـم الحضايـب
من عرض من ربص هكاليوم بدماه=راع النقـا والفـوز يـوم الغصـايـب
راسه سبق كفه على عـرش مطـاه=من كف (اخو جوزاء) وابوك السبايـب
فعلٍ على وضح النقـا مأخترعنـاه=ماهـي سواليـف الوجـيـه القـلايـب

والدليل عندما قال :

واليوم لك عنده محبه وملجاه .. غوّال ابو ك ولايب ٍ بك لوايب

واعتقد معروف من يقصد ..

ويقول سبيل بن سند ايضا ً في نفس القصيده :

واضحى جزا ميقافنا اللي وقفناه .. شبهتــــــــنا ضين ٍ رثع فيه لايب

واليكم القصيده كامله :

1يأمير يا شيـن الخطـأ منـك شينـا=هياخوفتـي عقلـك هكالـيـوم غـايـب
2 يومٍ مثلـك تزعـل النـاس عوجـاه=رجّال عـرف ومـن حمولـه وشايـب
3 لاجاهل غـي الجهـل فيـه وأغـواه=ولامسردٍ مـن كـل الاطـراف خايـب
4 أنتـه تقـول القيـل وتجيـد معنـاه=شالك هوى نفسك علـى غيـر صايـب
5 لاكـان حنّـا مـن تحـدى أنتحـداه=مـن دون واجبنـا نجيـد الصـوايـب
6 ياشايبٍ غـي الجهـل تـوّ مـا جـاه=يبـى يعيـب النـاس والعـود عايـب
7 يا ضريغط اللي شـال همـه بدنيـاه=ياذيـب بيـن معكـرشـات الـذوايـب
8 إن كـان عنـدك للفعايـل امجـازاه=حـربٍ عمامـك يـوم مـسّ الجنايـب
9 غصبٍ عليك وصامـل العلـم تلقـاه=ان طاب لـك وإلا علـى غيـر طايـب
10 أبـوك معطينـا الأخـاوه بيمـنـاه=لـولا الأخـاوه راح مـالـه نهـايـب
11 يامـن سواليفـه توسّـخ شفـايـاه=ذيـب العلـوم ولا ذكـر لـك حرايـب
12 طوبى مقرّ اللي ولى الحكم وأرسـاه=يامـآ رسـى واليـوم حـدر النصايـب
13 ورّث حبيب الشعـب عقـب تـولاه=فيصل علـى كبـد العـدو سـمٍ ذايـب
14 بظلال أخو نوره مشى الذيب والشاه=خلّى الغنـم والذيـب تمشـي صحايـب
15 وخلاّك يالنمـرود تمشـي بحسنـاه=وتحـط بالشعـب السعـودي عصايـب
16 والله يالو يدري عن العلـم وأقصـاه=مالـك شفاعـة لـو تشفّعـت تـايـب
17 مغترّ فيك الله علـى الخيـر يقـداه=وش عرّفه لـك عنـد مطلـق حلايـب
18 ماشاف نـزلٍ لـك يـدق الخونـداه=بمعيلـه مـثـل الـخـزز واللعـايـب
19 نـزلٍ نشوفـه والمخاليـق تدهـاه=نـزل البـلاوي كلـهـا والمصـايـب
20 عن روس خلق الله وأنـا أبـراي لله=عن ناس ترعى فـي طرفكـم حبايـب
21 لو فيك خير ووجهك الشيـن ينكـاه=ماتعـتـرض لمكمّلـيـن الـنـوايـب
22 وأولاد وايل عـن سوالفـك مغنـاه=ماهـم بـعـوزك يـامـدوّه زرايــب
23 قطعانهم عشب الخضر غصب ترعاه=ترعـاه أباعرهـم لـو الـدم رايــب
24 وحربٍ قواطيعٍ على الخيل وأرمـاه=عـوق الزعيـم مـورّدة كـل هايـب
25 وشريدة الفرسـان وشلـون تنسـاه=وشلـون تنسـى يـا طويـل الخبايـب
26 اللي على شيل الجماهـي مضـرّاه=يمنـاه والفسقـان سـيـف العطـايـب
27 و(ابن نحيت) اللي نهـار المثـاراه=كـم كبـد حـيٍّ شـب فيهـا لهـايـب
28 على أبلج خلّـى الظـواري تعشـاه=وبطـوع اخـو نـوره تعشـى كتايـب
29 و(ابن جزاء) يوم النضا جاه ينخـاه=وشلـون تنسـى يالعيـن الصـلايـب
30 يومٍ يشيب الراس من حـس طريـاه=بيـن الحناكـيـه وذيــك الجـذايـب
31 و(فيحان) أخو نوره تحت حد شلفـاه=كـم فـارسٍ خـلاّ عظامـه حطايـب
32 اللي بجـاه يـوم زاره هـل الجـاه=رد الذويبي مال رايـح ******ايـب
33 ماخوذ غصب وضمّر الخيل تشعـاه=وشلـون تنسـى ياعجيـب العجـايـب
34 ونسيت(ابن ناحل) مع الضيف وقراه=هيف السمين اللـي بهـا النـيّ سايـب
35 اللي يدسّم شـارب الضيـف لاجـاه=الخيل يعطيهـا وعطـا البـل وهايـب
36 ونسيت(منور) ذيب جمـعٍ سرايـاه=مثـل الدبـا الكتفـان ريـف القرايـب
37 حرز الذليـل اللـي يفـك المخـلاّه=نسيت(اخـو حسنا)عطيـب الضرايـب
38 و(ذويخ) بالعربـان تكثـر رزايـاه=إليـا شـان نطـق ميليـن العصايـب
39 كم هيّـةٍ زيزومهـا جـاب حسنـاه=و(سعـود) مـن بعـده يفـك النشايـب
40 و(ابن جديع) اللـي بهيّـه ضحايـاه=فرسـان قـومٍ فـوق قــبٍ ربـايـب
41 يبـون وضـحٍ بالأباهـر محـنّـاه=افتكهـا ووّهــل جبـرهـم نكـايـب
42 ونسيت (مانع) حوض موت منايـاه=ماتـأخـذ ألا محتمـيـن الـدبـايـب
43 كم فارس قرّب لـه أجلـه وغفّـاه=عـلـيـه خلاّللـحـوايـم لـوايــب
44 من كف (اخو فزه) نواعيـه تنعـاه=عليـه هــلات العبـايـر سكـايـب
45 و(نويشي) اللي بالخوي كلٍ أوحـاه=بثـرأ خويـه عـن عوانـيـه نـايـب
46 قص أربعه وأثنين والسابـع أنجـاه=انهى المـلام وخاطـره ماهـو طايـب
47 وأبوك يالهربـاد مـن فـك بحمـاه=يوم الرصاص بنـوع وبـل السحايـب
48 برّم عصب رجليـه وإنّـا احتمينـاه=دونـه فعلـنـا معـجـزاتٍ غـرايـب
49 واليوم عنـدك لـه محبـه وملجـاه=غـوال ابـوك وحايـبٍ بـك حوايـب
50 والا ما تنسى وطيتـه فـوق علبـاه=وميقافنـا لا دفلجـن بــك ركـايـب
51 جينـاه وأربـاع المبانـي مـمـلاه=فـي كـل بيـت مكتفـيـنٍ قضـايـب
52 واللي نزل عنـده ثلاثيـن جمهـاه=بيـن الـذرا والنـار ضـم الحضايـب
53 من عرض من ربص هكاليوم بدماه=راع النقـا والفـوز يـوم الغصـايـب
54 راسه سبق كفه على عـرش مطـاه=من كف (اخو جوزاء) وابوك السبايـب
55 فعلٍ على وضح النقـا مأخترعنـاه=ماهـي سواليـف الوجـيـه القـلايـب
56 وأضحى جزاء ميقافنا اللـي وقفنـاه=شبهتنـا ضيـنٍ رثـع فـيـه لايــب
57 ذيبٍ يرد مـن أول الضيـن لتـلاه=الشـكـوى لله ياكبـيـر القـطـايـب
58 والله والله واحـدٍ مــا أتمـهـزاه=بالـكـذب..والله يالقـلـوب اللبـايـب
59 لولا القمر وسهيل والجـدي لـولاه=لأقـول قــولٍ ماتعقـبـه طـلايـب
60 مار بذرا العنبـر تركـت العلنّـداه=ياللـي تبـي بالكـذب تأخـذ غلايـب
61 يالطايش اللي طيشـه كبـر مركـاه=هـلا هـلا ياحـوش بيـض الترايـب
62 هذا جداك وغيـب قلبـك عرفنـاه=مار الغلط مرجـوع وانـس الحزايـب
63 أمـا تعـذّر عـن مقالـك ومنشـاه=عبـر الأثيـر ولانبـي لـك نجـايـب
64 يـوم المجلـد كـل حـيٍّ تـمـلاه=تـراك مأنـت مـن الأذاعـه نعايـب
65 دفترك ما خصيت بـه يـوم نقـراه=قاريـه انـا ومسطـراتـه عـرايـب
66 حتـى تعـذّر لـك لنـاس مسمـاه=كرّ النظر واحسـب جميـع الحسايـب
67 كرّ النظر وأضرب علـى ماتـوراه=وعنـدك طريـق العافيـه والعقـايـب
68 أمّا حفرت البير وأقطن علـى مـاه=وألا تـدمـه دام مـيّــه سـرايــب
69 مـادام كـلٍ ماسـك مـاه بـلـزاه=والاتعرّضـت المـحـن والصعـايـب
70 يمـك ملاييـن المـدافـع معـبـاه=واقفـالـهـا قـيـادهـا بالـكـرايـب
71 والطيش لايحرمـك لـذ المسـاواه=اعرف ترى للطيـش غيـب وغبايـب
72 ألا عنـدك للخـزى ميـل مشهـاه=معجبـك مالـك مـن فعولـنٍ رهايـب
73 فالله خلق للداء دواء وأنت مـن داه=ودواك للـجـراح فـيـه الطـرايـب
74 يامـا لعينـك مـن مغثـه ومـاذاه=ياللـي بحركـم ياملـيـن الذهـايـب
75 بـه حصـةٍ بيضـا تـلالا مغطـاه=غيّـم سماهـا بيـن خضـر رطايـب
76 مأدري ركبها غبار شيول ومسحـاه=وألا بهـا زتــم اعــداد الجـلايـب
77 لاواقفيـن ولا بالأعـيـان شفـنـاه=حظـي بــري لله عليـنـا رقـايـب
78 حظي بري ماقالـوا النـاس قلنـاه=وبحظ من جـاب الخبـر لـي جايـب
79 ياطير ابن برمان مـأدري حلايـاه=ياللـي تبـي فينـا تـحـط النقـايـب
80 ماهو هلا يالمنتسـب عقـب عفنـاه=حنّـا جبرنـا مـا يحـوش القشـايـب
81 ولا عندنـا لـك يامحمـد مناجـاه=خبـلٍ تومـي فـي شنبـك الهبـايـب
82 تبي تمثـل عنتـر الخيـل جهجـاه=تمثيـل وألا مسـردٍ مـأنـت ثـايـب

واعتقد ان هذا ابلغ رد ..

أما السديري رحمه الله اعتقد انه نقل بدون تحري على لسان رواة عنزه

بدون تدقيق ولاتمحيص ..

والدليل انه متحامل على حرب واضح ..
الكتاب اسمه ابطال من الصحراء ونصف الفرسان المذكورين اسمائهم من عنزه
ولم يذكر اسم واحد من فريس حرب وشيوخهم المعروفين مثل الفرم والذويبي
وابن نحيت وابن مريخان .. ولو لم يأتي الا بإسم حجرف الذويبي لكفى ...
وماقصر ابو سلمان ذكربعضهم بالقصيده ...

وسلامتكم ..

فهد الزهراني

31-Jul-2008, 06:12 PM

جاهلية وانتهت
وياليت الاخوة يكونون على قدر عالي من المسؤولية ولاينقلون الا الاخبار التي فيها يفاخر الجميع اما قصص القتل
والسلب والنهب فياليت الجميع يتجاوزها لأنها تثير الفتن وتوغل الصدور ولكن في ردود الاخوة ابلغ رد
تحياتي لكم

البحر0هادى

01-Aug-2008, 12:33 AM

ونعم بحرب وبالسديرى هذا كاتب ويظل راية فقط

قال رسول الله ‏ ‏صلى الله عليه وسلم: "‏إن من الناس مفاتيح للخير مغاليق للشر وإن من الناس مفاتيح للشر مغاليق للخير ‏فطوبى ‏‏لمن جعل الله مفاتيح الخير على يديه وويل لمن جعل الله مفاتيح الشر على يديه" [سنن ابن ماجة وحسنه الألباني في السلسلة الصحيحة].

مدرهم ابو كتيفه

01-Aug-2008, 02:54 AM

كتاب السديري ماقريته

بس ماعمري قابلت واحد الا وذم الكتااب مدري ليه

يقولوون ماعد من عتيبه وشمر احد

خيال العشوى مطرفي

01-Aug-2008, 06:24 PM

ونعم بعنزه ** ونعم بحرب

.......
بالنبه للي يقولون السديري والسديري

نفس القصه مذكوره بكتاب المجالس الذي يقوم به مؤرخين العرب

..تقديري...

عزيزقوم

17-Aug-2008, 11:00 PM

Quote=الشلياني;541893]يافهرس التاريخ

هذي القصه غير صحيحه مزيفه وانت ناقلها من ديوان محمد السديري
ومحمد السديري حرفها علي كيفه
لاكن اخذ جزاه من الشاعر سبيل بن سند
اولا
ابن فرهود ليس بشيخ علي حرب بل انه فارس ومعه افراد من جماعته
وشملا اغتنمها منكم وفي غيابه تجمعت جموع عنزه علي راسهم الشيخ سعدون العواجي والشيخ مجول ابن شعلان وربعهم علي جماعه ابن فرهود وهم اقله من الضواهره من بني سالم من حرب ورجعم حلالهم اللي غنمه ابن فرهود منهم
وشكرا والمقبل ادهي[/quote]

الأخ العزيز الشلياني تحية طيبة 0امل إن يتسع صدرك علينا شوي

أولا- وانعم بحرب وبقبايل الجزيرة العربية كلها كل ديره فيها حقها من رجالها ولا ينتقص من فعول الرجاجيل
إلا واحد ردي وانشأ الله ماهوا منا
ثانياً- أنت تقول إن قصة السد يري مزيفة والسد يري رجل فاضل وإلا قال ألا الحقيقة ولا تنسى
انه خال الملك فهد رحمة الله عليهما جميعاً وإخوانه سلطان وسلمان ونايف أعزهم الله ولا ينقال عنه
بعض اللافاض التي لاتليق بشخصه0 عفاء الله عنه :
والدليل على صدق قوله قصايد سعدون العواجي يوم يقول

جينا وربعة قوطرو في نحانا

---------------------- مثل القطيع اللي نحته الذيابة

والرجاجيل الأولين مايكذبون ويقولون الحقيقة كماهي والكذب والتزوير طلع في الأوقات الأخيرة يدافع البلاء

إما انك تقول إن ابن فرهود اغتنم شملا من عنزة هذا غير صحيح إطلاقا وهذا افتراء على الحقيقة 0

إنما الحقيقة إن ابن فرهود توعد عقاب بهاذي القصيدة

يامجول الغيبات يقضا بها دين
---------------------- غيبة جنبها يوم جاها ألزوالي
لاوخسارة لبسنا للتوأمين
--------------------يوم إن شملا غربت للشمالي
ياعقاب لاتقفي بثارالشعالين
------------------أنكس لدارك ياكريم السبالي
نجي على قب سوات الشياهين
----------------- سوً على اللي ينزلون ألجبالي
نبي نطارد شاربين الغلاوين
------------------ ونأخذ عوض شملا إبكارا جلالي
اماجدعنا عقاب ليث الغلامين
------------------- والاجدعنا حجاب ريف الهزالي

وهذا اعتراف من ابن فرهود إن سعدون اخذ ( شملا) ولا قال مثل قولك أنها كانت لعنزة
ولا سب عقاب حجاب
إنما مدحهم لن الأولين مايكذبون حسب ماذكرت لك سابقاً لن الرجاجيل غوالب يوماً لك ويوم عليك
ثم رجع سعدون العواجي إلى ديار حرب ونزل ( رخا) وجلس عشرة أيام حسب ماسمعت ولأكن فريس حرب
لم يظهروا له ثم قال سعدون هذه القصيدة

قال سعدون العواجي

اثأري كذبك يابن فرهود بالحيل
------------------------ تقول من خوفك نحرنا الشمالي
لولا علومك مانكسنا عن الكيل
-------------------- من الديرة اللي شوفها شف بالي
يناشد عنا ترانا مقابيل
----------------- ننزل لكم رخا ونأخذ ليالي
نبي نطاردكم على شرد الخيل
------------------- ونشوف منهوللسبايا يوالي
واللي يطارد خيلكم صفوة الخيل
------------------- بأيمانهم مثل المحوص المدالي
وعقاب فوق مشمراً تكسر الذيل
---------------- -شلا يعه من خيلكم كل غالي
آليا عدا فيكم عدا فيكم الويل
----------------- ويرؤي حدود مصقلات ألسلالي
نطاح قاسين الرجال المشاليل
---------------وبالفعل تشهد له جميع الرجالي
يا ويلكم من زايدات الغرابيل
-------------- أن طار عن قحص المهارالجلالي
انشد وتلقانا على قرح الخيل
--------------- بإيماننا ريش الغلب له ظلالي
عدونا نسقيه ويلً بثر ويل
-------------وصديقنا يشرب قراحً زلالي

وقال أيضا

أن كان بن فرهود يطلب لقانا
--------------------- جينا على الزرفات خيل الصحابة
جينا وربعة قوطرو في نحانا
---------------------- مثل القطيع اللي نحته الذيابة
وشملا تزايد نيها في حمانا
-------------------- وياما خذينا غيرها من جلابة
حنا ليا صلنا طوال ً خطانا
------------------- وهذي عوايدنا نهار الحربة
نجيك فوق مكاظمات العنانا
------------------ صفرٍ عليهن لابسين العصابة
عاداتنا وإن كان شفنا اقبلانا
------------------ من دمهم ( رخا ) نروي ترابه
وعقاب فوق مشمرً مبعدانا
---------------- الخيل في يوم الملاقى تهابه
منكم يروي حربته والسنانا
---------------- وفرسانكم قفة ذعرها عقابه
جاكم سريعاَ بالعجل ماتوانا
--------------- ومن يوم حل بخيلكم جاذهابه
منكم خذينا يالحريبي قرانا
-------------- وكل أبلج حنا قصرنا شبابه
نرقد بأمان الله وتسهر عدانا
------------- ومن فعلنا يسهر كبير المهابة
حريبنا يقضي ويلقى عيانا
-------------مثل الخشوم الطايله من هضابه

إما كلامك إن السد يري اخذ جزاه من ابن سبيل هولا واجهو ربهم ولا تنسى إن كلاً يسأل يوم ألقيامه عن ماكتبت يداه

ما كلام عبادي المقاطي يوم يقول أن السد يري ظلم حرب( حرابة الدول) هذا غيرحصيح إطلاقا لقب حريب
الدول الشيخ محمد بن سمير وقصته معروفة ضد الدولة التركية وهو من حاربها بالفعل والقصص مثبتة ومعروفة
ولأكن حرب ارادو أن ياخذواهاذي القصة من عرض القصص الذي أخذوها . وايذا المقاطي يريد أن يتأكد عن هذه
القصة ينشد الحصان رئيس منتدى قبيلة عتيبة هو رجل فاضل وعنده من المعلومات مايكفي المقاطي عن غيره 0

ما كلام بدرالهبيري أن حرب يأخذون الاخاوة على السدارء على شان يفكونهم من عنزة هذا كلام كبير جداً ويبغاء
إثبات وانأ ليسئ مدافعاً عن السد يرى ولأكن لمصداقية الكلام ويكون الكلام واقعي لقناع القاري
وقصيدة سبيل ابن سند الحربي ليسئ دليل كافي

تحياتي واحترامي للجميع

عبادي المقاطي

18-Aug-2008, 08:29 AM

عزيز قوم اشكرك على المعلومه الجديده

ولو تلاحظ من كلامك انك اثبت ان السديري ظلم حرب كان لقب حرابه الدول لها ولا لغيرها

طيب اخوي الحصان مين وليش انشده وانت موجود

اتمنى ان يصير فيك ذمه وضمير وتعطينا سوالفك ولا تقول انشد فلان ولا فلان

يكفينا هنا ابن مشيب وابن فهيد والحصان للاسف ماعرفه ويعذرني

عزيز قوم انتظر سرد القصه بالكامل بدون اي عصبيه

وعنزه والله ونعم وحرب حرابه الدول ونعم

وحياكم الله في مجلس مايحلابه

عزيزقوم

18-Aug-2008, 03:11 PM

الشيخ الفارس محمد بن سمير ( حريب الدول)

اسمه ونسبه

هو محمد بن دوخي بن سمير من العواض من المشطة من ضنا ذري من قبيلة ولدعلي من عنزة

القابه

اخو عذرا حريب الدول

من قصصه وأشعاره

قصص الشيخ والفارس محمد بن دوخي بن سمير كثيرة وله مواقف نبيلة في الكرم والشهامة وصبر الرجال ولكن سنذكر هنا له قصة حمايته دخلائه من الدولة العثمانية والتي

بسببها سمي حريب الدول حين يعجز الاخرون عن ذلك خوفا من بطش الدولة العثمانية

ففي أحد الايام لجأ عدد من أفراد أسرة الخديوي الي الشيخ محمد بن سمير هربا من الدولة العثمانية وعلم بذلك الاتراك العثمانيون فارسلوا في طلبهم من الشيخ محمد بن سمير لكي يسلمهم ولكن أجابهم بالرفض وانه لن يسلم دخيله مهما كلف الامر ومن هنا غضب الاتراك فارسلوا حملة كبيرة لاجبار الشيخ ابن سمير وقبيلته على تسليم ممن لجأوا اليهم والتقى الفريقان في معركة كبيرة أبيدت فيها القوات التركية الغازية

وبهذا يقول الشيخ الفارس الشاعرمحمد بن سمير

قولوا لريف الجار ماني مخاشيه
,,,,,,,,,,,,,,,,,أنا الذرنوح اللي بعينه يذوبي
دخيلنا هيهات يالقرم نعطيه
،،،،،،،،،،،،،،،،،يلقى الامان ولايعود مغصوبي
أخوان عذرا مطوبرين حواليه
,,,,,,,,,,,,,,,,,وعدونا يرجع كسير مغلوبي
عاداتنا نقدي المعادي عن التيه
,,,,,,,,,,,,,,,,,ومن لايبرهن عن كلامه كذوبي

ثم لجأ اليه الشيخ شلاش العر أحد مشايخ العمور حيث قتل احدى ظباط الاتراك دفاع عن معوره ( النساء ) فلم يجد غي الشيخ ابن سمير الذي وقف دونه وسيرت القوات التركية العثمانية حملة للقبض عليه ولكن حين علمت أن شلاش العر هو بحماية الشيخ محمد بن سمير الا أنها تراجعت وأخذت تتفاوض مع قبيلة ولد علي بزعامة الشيخ ابن سمير وافتدوه بمئات من الابل والاغنام وهنا يقول ابن سمير

ياشلاش مانعطي دخيلا نصانا
,,,,,,,,,,,,,,,,,لو جمعوا كل العساكر والاروام
نبي الحرايب والحرايب منانا
,,,,,,,,,,,,,,,,وش عاد لو جابولنا عسكرالشام
عيت على الشيمة سواعد لحانا
,,,,,,,,,,,,,,,, قصيرنا هيهات يظلم وينظام
[حنا ليا سرنا بعيدا معدانا
,,,,,,,,,,,,,,,,حنا الذي من نطلبه حق مانام
يابعد عن ضيم الرجال قصرانا
,,,,,,,,,,,,,,,,ماننثني لو يطلب الجار حكام
أولاد وايل مرهبين عدانا
,,,,,,,,,,,,,,,,نعفي الضعيف وللخصيمين ظلام

ذلك هو الشيخ الفارس محمد بن دوخي بن سمير وكان ابيه فارسا شجاعا وقد أجار ابيه والي دمشق يوسف باشا حين هرب من دمشق وقد ذكر ذلك المستشرق بيركهارت في كتبه

اخوي عبادي المقاطي انا لا انتقص من حرب بل اقول ونعم بهم حتى تقوم الساعة لاكن يالحبيب الغريب والغريب جداً المساس بـ شخص الامير الشاعر محمد السديري والقول ان كتابه ابطال من الصحراء فقد المصداقية وهو اكثر كتب التراث الشعبي مبيعة في الجزيزة العربية اذا لم تصدق بذالك أسأل دور النشر
اما القول ان عتيبة لم يسجل من فريسها احد في كتاب السديري اقول لك ولأخواننا ابناء قبيلة عتيبة الهيلا ان الامير السديري كان يعد العدة لأصدار ابطال من الصحراء الجزء الثاني وحسب المعلومة التي عندي انا شخصياً انه لـ قبيلة عتيبة نصيب الاسد من ذالك الكتاب .
لكن الضجة والشكاوي التي صاحبة صدور الجزء الاول حالة دون اصدار الجزء الثاني

عبادي المقاطي

18-Aug-2008, 04:09 PM

والله ونعم به وبعنزه

اما بالنسبه لكتاب السدري

اتوقع انه فيه خلل بالمصداقيه وليس الامر مقتصر في قبيلتي

بل الامر تطاول على قبيله حرب وشمر اللي هم من اعز قبائل الجزيره

وانا والله العالم اذكر ذاك الكتاب انه في مبالغه جدا في فرسان اعنزه وماعليهم اقصور وايضا فرسان اقحطان

وكل الفرسان ماعليهم اقصور

لكن ضلم فرسان القبائل الثاني في مقدمتهم اعتيبه

على العموم اعتيبه مهي منتظر المدح من احد ولله الحمد

كذلك القبائل الاخر لكن الكتاب مضمونه كان في ظلم كبير لبعض القبائل

ولك خالص الشكر على المعلومات القيمه عن الشيخ ابن سمير ونعم ابه وبه عنزه مره اخرى

راعي البلهـا

18-Aug-2008, 06:23 PM

الله يسامح جهال المسلمين كان احدهم

يذبح الرجال عصر.......... ومغرب يصلي ويفطر صايم.

<؛؛ولله في خلقه شؤون,,>>

نايف عريب الجد

19-Aug-2008, 09:47 AM

وهل من المعقول رجل لوحده يحارب الدول .

واذا ماكان لوحده اجل يعطى اللقب لربعه اللي معه من الفخذ

حدث العاقل بما يعقل ياعزيز قوم وحرب لقبهم اخذوه من محاربتهم
للدوله التركيه وكلنا نعرف ان الدوله التركيه متمركزه بالحجاز وقبيلة
حرب ايضا ً السواد الاعضم منهم بالحجاز يعني تجي بالعقل انهم يحاربون
الدول وبالاخص انهم قبيله كامله اما رجل واحد يحارب الدول فهذا اللي
مايدش العقل يمكن اغار مره مرتين على سريه للدوله التركيه وبعدها
اعطوه جماعته اللقب والدوله التركيه ارسلت له لكن المعلوم ان ابن مبيريك
هو شيخ من حرب داهم سجن الدوله التركيه واخرج سجناء حرب من
سجن الاتراك في قعر دارهم وغيرها من المعارك والحروب على مر العصور

ومن اطلق على حرب حرابة الدول هو الشريف على وقته بعد هزيمته من حرب
وترى لقب حرب حرابة الدول مافيه احد يجهل انه لحرب والسديري
اخطا عليهم خطا فادح وهم رجال كرام وفرسان شجعان مفروض مايقلل
قيمتهم بهالشكل اللي واضح للجيمع حتى غير المنصفين مايقبلونه

اما عتيبه ماتحتاج مدح ولو تسأل الهندي اللي بالشارع قال امور يمكن
انت ماتعرفها نعم عتيبه في غنى عن كتاب السديري اللي تجاهل
الامير الفارس تركي ابن حميد اللي مافيه احد مايعرفه سلطان نجد واميرها

وفرسان عتيبه المغاوير ماذكر منهم احد واللي مفروض ماهو بالجزء
الثاني يذكرهم مفروض بالجزء الاول لأن فرسان مثل فرسان وشيوخ
عتيبه مااحد يجهلهم واعتقد انه ذكر فرسان من قبائل الشمال ربما
لايمتلكون شهره مثل شهرة فرسان وشيوخ عتيبه اللي اربعين كون
لاابن رشيد عليهم ماقدر ياخذهم
ماعليه ياعزيز قوم بعض الامور ودك اذا جيت ترقعها ترقعها زين
وترى السديري ماانت وكيلن عنه

هاجس الشعر

19-Aug-2008, 11:49 AM

ياخوان كتاب السديري ابطال من الصحراء كان المفترض يكون اسمه ابطال من عنزه
لان تسعين بالمئه من الكتاب هي تمجيد بعنزه ومبالغه في مدحهم على حساب القبائل الاخرى
وعنزه تستحق المدح ولا فيها قصور لكن اي واحد يقراء الكتاب يرى فيه انحياز كبير لعنزه
السديري تجاهل قبائل كبيره في الجزيرهمثل العجمان وسبيعواتى بقصه واحده لعتيبه وقصه واحده لقحطان
واتى بقصه على شمر لصالح عنزه وقصه على حرب لصالح عنزه
وثلاثة ارباع الكتاب لعنزه
واعتقد ان السبب واضح لمن يعرفون السديرفعلاقته بعنزه علاقه قويه فهو مصاهرهم وكان عايش بينهم وكل خاصته وجلسائه منهم وكان يميل لهم ميل قوي لدرجة انه كان يقلدهم حتى بلبسهم
والكتاب لم يكن فيه اعتماد على مصادر ولم يكن فيه حياديه وموضوعيه
لان السديري لم يكن متخصص في التاريخ وليس له الا هذا الكتاب الذي اثار مشاكل كثيره واعتراضات من حرب وشمر
الكتاب كان يميل للسرد القصصي ولم يكن موثق ومدعم بمصادر
واكثر الباحثين التاريخيين يرونه ضعيف جدا من الناحيه الموضوعيه والعلميه

عزيزقوم

19-Aug-2008, 12:22 PM

اخوي نايف عريب الجد
ابن سمير لايحارب وحده بل هناك قبيلته ولد علي من عنزة والذين استوطنوا بلاد الشام هم عضده الايمن في معاركه ضد الاتراك وغيرهم
والمثل ينطبق على ابن رشيد الشمري نحن نقول ان ابن رشيد غزاء العرب الفلانيين واخذهم
وكذالك ابن حميد يقال غزاء واخذ العرب الفلانيين
اخي الفاضل انا جبت لك دليل قاطع من القصيد القديم اللذي يثبت ان ابن سمير يلقب ( حريب الدول ) واذا لم تصدق بذالك ساحة التراث الشعبي لاتتوقف عليَه انا وانت هناك رجال افاضل حتى من قبيلتك عتيبه اذا كنت انت عتيبي يعرفون ان ابن سمير يلقب ( حريب الدول )

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,

وهذه رواية الراوي الكبير فواز الغسلان من قبيلة شمر العزيزة

فواز الغسلان
راوي الجبل

رقم العضوية: 3315
تاريخ التسجيل: 14 / 5 / 07
المشاركات: 135
معدل تقييم المستوى: 2

من مواضيعي

((مجير على الدوله)) ابن سمير اللي بقرن الشمالي

--------------------------------------------------------------------------------
بسم الله الرحمن الرحيم

محمد بن سمير شيخ ولد علي من عنزه ( مجير على الدوله ) والذي ذكره عدوان الهربيد في قصيدته
الشيخه التي تضم اربعين رجلا جمعوا الشعر مع مكارم الاخلاق وذلك بقوله ماوضعته انا عنونا للموضوع
وقد استحق لقب مجير على الدوله بسبب قصه هي كالتالي:
كان هنا احد فرسان وكبار قبيلة العمور يدعى / شلاش العر نزل على رجل يقال له نصرالله من المشطة من ولد علي بعد أن قتل ضابط من قادة الاتراك رجال الدولة آنذاك وقيل أنه بسبب الدفاع عن كرامة إمرأة أراد هذا الضابط النيل من شرفها فصاحت تطلب النجدة فقتله شلاش العير وأصبح مطلوب للدولة فما كان منه الا التوجه الى الشيخ سطام بن شعلان واخبره القصه وكان سطام رحمه الله يعلم قوة جيش الاتراك
خاصة ان السلطان اخرج البيه وهو مايوازي الان وزير الداخليه فقال سطام الدوله مامنها مدخل لكن ابي
اروح معك اذا خذوك واكيد ان السلطان راح يقبل شفاعتي فقال المطلوب اذا مسكوني ماراح آصل تركيا
وراح يقتلوني قبل وعندها قرر الرحيل الى
محمد بن دوخي بن سمير وقد حل ضيفا عند أحد رجال المشطة وهو عقيل بن سليم بن نصرالله وأوصله الى ابن سمير وبعد أن وصل الى الشيخ محمد بن سمير أبلغه بقصته وطلب منه أن يجيره فقال الشيخ محمد بن سمير :
ما يلحقك يلحق ولد علي وقال هذه القصيدة يطمئن مجيره شلاش العير بعد أن بلغه أن هناك وفد من الدولة جاء ليفاوض الشيخ محمد بن سمير على تسليم شلاش فقال الشيخ محمد :

يا شلاش قلبك لايصيبه وشاويش
,,,,,,,,,,,,,حنا هـل العـادات كـان ابتلينـا
يا شلاش ما نعطيك حمر الطرابيش
,,,,,,,,,,,,,,لو جمعـوا كـل العساكـر علينـا
وش عذرنا من أم الثنايا المباهيش
,,,,,,,,,,,,,,غروٍ يزين مـرود الكحـل عينـا
دونك نسوق المال والخيل والجيش
,,,,,,,,,,,,,,وأن لزموا يا شلاش نرهن حدينـا
إخوان عذرا ما بنا سيس وكديـش
,,,,,,,,,,,,,,يرجع معيف وخاسـر مـن يبينـا
حنا الي سرنـا بعـاد المطاريـش
,,,,,,,,,,,,,,حامين من النقره الى حـد سينـا
مركاضنا يشبع به نافض الريـش
,,,,,,,,,,,,,,نرهب اعدانا كان صوبـه مشينـا
وان طار ستر منقضات العكاريش
,,,,,,,,,,,,,,,,عدونـا لـو كـان قاسـي يلينـا
وحنا عذاب اللي يـدور التباليـش
,,,,,,,,,,,,,,,,يامـا تسلطنـا ويامـا عفيـنـا

وعندما اتى البيه بقوته وكبريائه وعدته وعتاده خرج فرسان ابن سمير على خيولهم يستديرون على بيت
الشيخ اللي فيه المطلوب على شكل هوسه وكذلك النساء خرجن ووضعن غدافهن على اطناب البيت
يلولشن لتشجيع الرجال وبث الحماس فيهم امام هذا الموت القادم00
عندها ارسل البيه ليتحدث مع ابن سمير فخرج له على فرسه فقال البيه تسلموننا المطلوب فقال ابن
سمير اذا ذبحتونا تركب حريمنا على الخيل واذا ذبحتوهن معنا تاخذونه واما اذا اخذتوه بغير ذلك فليس
للحياة طعم بعدها لانه لاحياة مع الذل0
قال البيه يابن سمير شف جنودنا فقال ادري انكم جراد فقال البيه لاتبلانا بدمكم يابن سمير فقال حنا اللي
مبليين ماهم انتم فقال البيه ايكم اكثر جنود انت ام سطام بن شعلان فقال ابن سمير سطام اكثر لانه يكف
الروله كله فقال البيه لكن سطام خاف عواقبه عليه وعلى جماعته فقال ابن سمير:

يابيـه مانعطـي دخيـل نصانـا
,,,,,,,,,,,,,,,,لو جمعوا كـل العساكـر والاروام
مكفول عن ظيم الرجال اقصرانـا
,,,,,,,,,,,,,,,,ودخيلنا بالكـون يابيـه مايضـام
دخيلنـا عـن نصرتـه ماتوانـا
,,,,,,,,,,,,,,,,,نحميه لو يطلـب بثـارات حكـام
تابى علـى ذلـك كرايـم لحانـا
,,,,,,,,,,,,,,,,,ودخيلنـا ماهـو دخيـل لـ سطـام
نكوي المعادي كيـة(ن) لاكوانـا
,,,,,,,,,,,,,,,كي(ن) يجي من بسرة القلب قـدام
وحنا عذاب اللـي توطـا رشانـا
,,,,,,,,,,,,,,,ماقف نكد طول الليالـي والايـام
وحنا نهار الكون نرهـب اعدانـا
,,,,,,,,,,,,,,,,,وحنا على من دور الظلـم ظـلام
وحنـا اليـا سرنـا بعيـد مدانـا
,,,,,,,,,,,,,,,,,وحنا الذي من نطلبه حـق مانـام
نبي الحرايـب والحرايـب منانـا
,,,,,,,,,,,,,,,,وش عاد لو جابوا لنا عسكر الشام

وعندما سمع البيه هذا الكلام التفت الى العسكر وصاح بهم بالتركيه فرجعوا مدبرين وعندما اراد البيه ان
يلحق بهم سأله ابن سمير عن النتيجه وكان البيه شجاع طيب يحب اهل الشجاعه والطيب فقال سوف
اشهد عند السلطان ان هذا المطلوب وقفت انا على قبره ميتا وانصرف فأراد الله سبحانه وتعالى انقاذ
ابن سمير وقبيلته مقابل وقوفهم الشهم الكريم وفاز بها ابن سمير رحمه الله0

اني اعلم ان هناك من سيخالفني من الاخوه من قبيلة عنزه لكوني سمعتها من البعض انهم تقاتلوا مع
جيش الاتراك وابادوهم اباده حتى قبلوا بالديه وهنا من قال انهما قصتين وحده صار فيها قتال ووحده مثل
اللي ذكرت 0 ويشهد الله لااقول الا الذي سمعت من الثقات من ضمنهم راضي ابن غريب الشلاقي وخواله
الروله كماهو معلوم بهذه الروايه التي لاتبخس ابن سمير وجماعته شي من طيبهم ومن اصر على انه حدث
قتال نقول ربما تكون ثانيه كما ذكر البعض وان كان من المستبعد

هاجس الشعر

19-Aug-2008, 12:52 PM

عزيزقوم

19-Aug-2008, 01:12 PM

وكل خاصته وجلسائه منهم وكان يميل لهم ميل قوي لدرجة انه كان يقلدهم حتى بلبسهم

اخوي الفاضل هاجس الشعر
بالنسبة جلساء السديري وخوياه الخاصين اغلبهم من قبيلة عتيبة والدليل ان اكثر قصايد السديري رحمه الله كان يسند بها على عتبان

هذا بجاد العتيبي يسند عليه السديري

يابجاد شب النار وادن الدلالي = واحمس لنا يابجاد ما يقعد الراس

وهذا نمر بن صنت العتيبي يسند عليه السديري

كبدي من الغالي بها تسعة اطعـون = والعاشرة يا نمـر بالقلـب زرقـاء
محد عشق مثلي من الحضر وضعون = شعـر وعـنـاز وروق وبـرقـاء

وهذا عمير البراق العتيبي يسند عليه السديري والذي قل ماتخلوا قصيدة للسديري الا ويشكوا بها على زبن ووالده عمير

يا عمير مش الدمع يـا عميـر مشـه = عن خد ملهوف الحشا يا بن الأجواد
ليـتـه عـلـى خــدي هميـلـه وطـشــه = واشـرب غريفـه كانهـو بالهلـل جـاد
الله مــــن قــلــب هـمـومــه تـحـشــه = حشة أدقاق العشب من كـف حصـاد

اخوي هاجس الشعر هذه نبذه عن علاقة السديري في ابناء قبيلة عتيبة العزيزة والذي قد تكون علاقته في شعراء عتيبة اقوى من علاقته في قبيلة عنزة
ولو رجعت لــ كتاب السديري الخاص في شعره لوجدت انه في اغلب قصايدة يسند بعا على ابناء قبيلة عتيبة

وهذا دليل ان المقربين للسديري هم من قبيلة عتيبة

عزيزقوم

19-Aug-2008, 01:48 PM

مشكور ياعزيز قوم على القصه
ولكن هل فيه مصدر غير الروايه العاميه لهذه القصه
انت اتيت بروايه عاميه لراوي معاصر
ومثل هذه الروايات تحتاج لتمحيص وتدقيق ولاتؤخذ على عواهنها
قد تكون صحيحه وقد تكون غير صحيحه
واعتقد ان حدث مثل هذا لابد ان يكون مدون في مصادر الاتراك او في مصادر مؤرخين الحجاز الذين عاصروه
وقبيلة عنزه قبيله تاريخها مجيد وماثرها عظيمه

اخوي هاجس الشعر للمعلومية يوجد في الارشيف العثماني مليون ونصف وثيقة كلها تخص قبيلة عنزة وهناك دكتور باحث في الشئون البدوية من قبيلة عنزة ويجيد اللغة العثمانية يعمل على اظهار على الاقل المهم منها

ثم ياخي الفاضل هل معركة الحفاة مع ابن رشيد فيها وثيقة ؟؟

رمينا العمايم واعتزينا بـ حافي = وقعد لهم كل ابلجاً منعور

وانا اقول لك ان وثيقتها سعود اليابس في قصيدته المذكوره

مثل اخو عذراء محمد ابن سمير فــ وثائقه هي القصايد المذكورة في القصة السابقة

هاجس الشعر

19-Aug-2008, 10:33 PM

اخوي الفاضل هاجس الشعر
بالنسبة جلساء السديري وخوياه الخاصين اغلبهم من قبيلة عتيبة والدليل ان اكثر قصايد السديري رحمه الله كان يسند بها على عتبان

هذا بجاد العتيبي يسند عليه السديري

يابجاد شب النار وادن الدلالي = واحمس لنا يابجاد ما يقعد الراس

وهذا نمر بن صنت العتيبي يسند عليه السديري

كبدي من الغالي بها تسعة اطعـون = والعاشرة يا نمـر بالقلـب زرقـاء
محد عشق مثلي من الحضر وضعون = شعـر وعـنـاز وروق وبـرقـاء

وهذا عمير البراق العتيبي يسند عليه السديري والذي قل ماتخلوا قصيدة للسديري الا ويشكوا بها على زبن ووالده عمير

يا عمير مش الدمع يـا عميـر مشـه = عن خد ملهوف الحشا يا بن الأجواد
ليـتـه عـلـى خــدي هميـلـه وطـشــه = واشـرب غريفـه كانهـو بالهلـل جـاد
الله مــــن قــلــب هـمـومــه تـحـشــه = حشة أدقاق العشب من كـف حصـاد

اخوي هاجس الشعر هذه نبذه عن علاقة السديري في ابناء قبيلة عتيبة العزيزة والذي قد تكون علاقته في شعراء عتيبة اقوى من علاقته في قبيلة عنزة
ولو رجعت لــ كتاب السديري الخاص في شعره لوجدت انه في اغلب قصايدة يسند بعا على ابناء قبيلة عتيبة

وهذا دليل ان المقربين للسديري هم من قبيلة عتيبة
اخوي عزيز قوم السديري كان امير المنطقه الشماليه لسنين طويله واهل الشما ل عنزه وهو متزوج منهم امراتين وخوال عياله من عنزه ومن العواجي تحديدا لذلك بالغ كثيرا في مدحهم على حساب غيرهم رغم انهم قوم يستاهلون المدح ولا فيهم قصور وليسو بحاجه لمدح السديري ولا غيره
وهذا لا يلغي ان له علاقات مع القبائل الاخرى وحدثله مساجلات مع شعراء عتيبه لكنه لم يعيش في اراضي عتيبه وبين اهلها مثل ما عاش بين عنزه وصاهرها

عزيزقوم

19-Aug-2008, 11:03 PM

اخوي عزيز قوم السديري كان امير المنطقه الشماليه لسنين طويله واهل الشما ل عنزه وهو متزوج منهم امراتين وخوال عياله من عنزه ومن العواجي تحديدا

اخوي هاجس الشعر
انا احدى اقرباء العواجي واقول لك ان السديري لم يتزوج من اسرة العواجي واتحداك تثبت ذالك واكرر اتحداك مليون مره ان تثبت ذالك
السديري تزوج من اسرة الطيار امراءة واحدة هذا اللي انا اعرفه
ثم ياخي انا اقول لك ان خويا السديري والمقربين منه هم من قبيلة عتيبة 90 % من قصايد السديري يسند ويشكوا بها على ابناء قبيلة عتيبة وهذه حقيقة لايمكن انكارها والقصيد موجود

ثم ياخي الفاضل يتضح لي من تخبطك وبحثك ومحاولتك ان السديري منحاز لــ عنزة بقولك انه تزوج من اسرة العواجي يتضح لي انك لن تقتنع في اي اثبات او دليل احضره لك

ياخي السديري دوسري من الــ زايد من قحطان ابن يعرب لايجمعه في عنزة نسب ابداً فكيف ينحاز لـ عنزة

رحمه الله فقد قال في مقدمة كتابه

باللي جرى وضحت وأبلغت وأفضيـت
،،،،،،،،،،،،،،،،،،،،،،،،،،،،بالمقدمين أهل النضا والسلايـــــــل
عز الله إني للحقيقة تحريـــــــــــــت
،،،،،،،،،،،،،،،،،،،،،،،،،،،،عن قول بعض الناس عدلٍ ومايـــــل
على فعايل من ذكرته تقصيـــــــــت
،،،،،،،،،،،،،،،،،،،،،،،،،،،،ويشهد على ما قلت زين المثايــــل
قولٍ بل فعلٍ صدى عقب تصويــــــت
،،،،،،،،،،،،،،،،،،،،،،،،،،،،وقولٍ بفعلٍ هو خيار الدلايــــــــــــــل

اذا كان وجودي بين ابناء قبيلة عتيبة يضايقك او يضايق احد من اخواني العتبان اقول لك انا اسف على ذالك ويعتبر تسجيلي في هذا المنتدى غلطة

هاجس الشعر

20-Aug-2008, 04:23 AM

عزيزقوم

20-Aug-2008, 10:22 AM

وش دعوى يا عزيز قوم الامور ما وصلت للزعل
انت اخو وعزيز ومن قبيله عزيزه
واختلاف الراي لا يفسد للود قضيه
الكلام اخذ وعطا والموضوع ما يستاهل الزعل
ويا هلا فيك بين اخوان وربعك لكن لا تحسس من الاختلاف في وجهات النظر
ووجودك يشرفنا

تسلم اخوي هاجس الشعر ليس غريب حسن الضيافة من ابناء قبيلة عتيبة الهيلا ولــ علمك انني لم اسجل في هذا المنتدى الا لــ حبي لهذه القبيلة ومعزتها عندي ولي من الاصحاب والزملاء اكثر من اي قبيلة اخرى
ماجعلني اتحسس من ردودك الا لأنك عتيبي وحسب معلوماتي الموثوق بها ان الامير محمد السديري رحمه الله كان لديه معزة لــ قبيلة عتيبة قد تفوق اي قبيلة اخرى بعد قبيلة الدواسر

قال السديري يسند على عمير البراق العتيبي قصيدة منها

هات القلم واكتب على الطرس ياعمير = براس اليراع اكتب بصفح السجلة

ويقول

تقول لي ياعمير بدر يتمنا = وانا بعد ياعمير قبله تمنيت

ويقول

ياعمير نون العين مايقبل النوم = عاف الرقاد وكل غفواته احلام
ياعمير قلبي بالهواء رايمه روم = روم الولوه لطفلها قبل الافطام
ياعمير انا من زايد الحب مضيوم = شف دوك جسمي صابه الذبل وهيام

ويسند على زبن بن عمير البراق بــ قوله

يازبن ذقت الود حلوه ومره = وفي غفلة الحساد سندت واديه
مصادفً يازبن خيره وشره = ومجهول دربه بأظلم الليل ماشيه

ويقول لــ عمير البراق

ياعمير كانك نايمً فانهض الراس = وان كنت قاعد يابن الاجواد قملي
ياعمير انا اخترتك على جملة الناس = ابيك في بعض الامور تحشملي
اللي شربت بكاس حبه بلاقياس = ياعمير جذ البعد شمله وشملي
وان قلت لي ياعمير لاباس لاباس = اقول انا ياعمير يثقل حملي
ياعمير قلبي والمعاليق يباس = قل للشريعة بالقصاص تحكملي

ويقول

ياعمير سلملي على مطرق البان = سلم وقل حالي شكت حب حاله
عليه جاوبت القميري بالاحان = والى عوى سرحان قلبي عواله

ويقول

ياعمير شفت من المخاليق مخلوق = ونقض جروحًًًًًً بالضمايراعتاقي
واصبحت قلبي بين الاضلاع مسروق = سباهـ طفلً من طوال العناقي
تله بعسروناعم العودمطفوق = ومن سبتة ياعمير صعبً اعتاقي

ويشكو على زبن ويقول

تذكرت يازبن العتيبي وشاقاني = خليلً وخلاَ دمعت العين ذارفه
يازبن عجات الهوا تجرح الحشا = دخلت باشراكه وانا قبل عارفه

ويقول

يا عمير شب النار والسمر صفه =يوم النعايم بارزات تكاشف
واحمس من البن اليماني وصفه =هذا هواي وكل نفس لها شف
والبن زد به هيل والهيل وفه =وخلك حذر بالعين ياعمير والكف
عن السريب وبعض الاحراق عفه =وحذراك لاتعجل عليها وتختف
الياقلب بالهيل يالقرم كفه = وليا ركد خله على الصين يذرف
ويلزمك في يمناك يمي تزفه = عطنيه يوم اني عليه اتلهف

ويقول

ياعميرجرحي بالمعاليق يخفاك = ومما جرى ياعمير ربي يجيرك
من واحدًبحماهـ طبيت الادراك = كانه سفك دمي فانا باستشيرك
تفزع لمفجوع على البعد ناداك = كنه دخيل البيت والاقصيرك

ويقول

ياعمير شفت مخفر يذكرونه = وقفت في خلق الكريم اتحلاّ
قلت السلام قال مالك مهونه = ورديت له ثاني سلامي وهلاّ
ياعمير صابت بالضمايراطعونه = طفل على مكنون عقلي تولاّ
وان قلت لي ياعميروشلون لونه = زينه على زين العذرا تعلاّ

ويقول

يازبن مشين بين حمر الرمال = وخضر الرياض اللي غذا نبتها السيل
في جو مرجوع من الطرش خالي = ساقاه من نوالثريا مخاييل

اخوي الفاضل السديري علم من اعلام الجزيرة العربية ومن الحق والانصاف ان لايسمح بالتطاول عليه وان لاتسمحوا انتم يابناء عتيبة ان يسيء احد له وهو الان تحت الثراء وبين يدي رحمة ربه

الجعفررررري

بدرالهبيري

21-Aug-2008, 11:19 AM

عزيز قوم وسع سدرك وانا اخوك ..

سبيل مات وماقفه حيْ مامات ..

الله يرحم الامير محمد السديري ويغفر له .. ويهديك عن اثارت الفتن
اللي بغت تقضي على الاخضر واليابس حين صدور الكتاب ..

فقد قام الامير محمد السديري بااثارة فتنه كانت نائمه علما ً ان
الملك عبدالعزيز طيْب الله ثراه كان هدفه جمع القبائل على قلب
رجل واحد ..

بعكس مااثاره كتاب السديري من خطوه لإعادتهم لعهد جهل
وتناحر فيوم ُ ُ قاتل وغدا ً مقتول ..

أكل الدهر وشرب على التفاخر بالاجرام .. فالمجرم في وقتنا الحالي
ينتضره سواد وجه ونبذ من القبيله .. والسروق ماله الا تسعين خيبه ..

ترانا بنعمه احمد الله عليها وانا اخوك ولو عاد العهد الســــــابق لكان
الله اعلم بحالك وحال غيرك اللي يكتبون بالمنتديات بأسماء مستعاره ..

الله المستعان ..

تحياتي وتقديري .. بدرعيد ..

تبغى الشعر

هذا الشاعر اللي عليه العلم
7
7

سطام العفار المزحمي

23-Aug-2008, 04:07 AM

السديري كيف بيذكر عتيبة في كتابة يا اخوان وجدة وعمة ذبحهم مسلط بن ربيعان رحمه الله في معركة طلال

وزير الفدعان

24-Aug-2008, 02:04 AM

لاحد يجيب طاري عنزة اب اي شيء

ولا الفدعان كافي نعرات قبلية ملينااااااااا

زبن الجعفري العنزي

24-Aug-2008, 05:37 AM

عبادي المقاطي

24-Aug-2008, 09:24 AM

عزيز قوم

بيض الله وجهك ما اتكلم يالبناخي وانت موجود

مبطي يقولون ( كلمه تبي شاهد وكلمه شاهدها منها)

والقصيد هو ديوان العرب والدليل المحتذى به

اما كتاب السديري فيما يخص حديثه عن عنزه اولا يرحم الله السديري ويغفره

اما القصص التي في كتابه فيما يتعلق بعقاب العواجي فهي قصص معروفة ولا تحتاج الى كثرة الجدل فجميع

مافعله عقاب موجود على ارض الواقع من ناحية سيطرته على بعض المناطق فانه الى اليوم والديار لعنزه

اما انكم تسيؤن لعنزه لان السديري ما ذكر قبايلكم في كتابه فهذا يرجع له

اما انكم تكذبون الكتاب فهذا تكذيب لتاريخ عنزه وهذا شي نستغربه من قبيلة عتيبه

اما من ناحية لقب حرب بحرابة الدول هذا لا يتناقض مع لقب ابن سمير بحريب الدول

ابن سمير في بادية سوريا وحرب في الحجاز وكلها كانت مستمعرة من الدوله العثمانية يعني الكل يحارب الاتراك

وعنزه تاريخها من ايام الجاهليه ويكفيها بس معركة ذي قار الشهيره حيث ادخلوا بنت النعمان بن منذر

عن الفرس وحدث تلك المعركة المشهورة بنتصارهم على الفرس ودحرهم

ليعلم الجميع ان قبيلة قريش لم تكن تتزوج في الجاهلية الا من قبيلتين وهم = تميم , بني ربيعه ( عنزه الان)

نحن لا نغير تاريخ القبايل الاخرى ولو على حساب انفسنا لاننا نومن ان النار ما تاكل الا من يواليها

ونحن كنا لا نهاب النار

وهذا لا يعني انتقاص القبايل الاخرى فارجو عدم التعرض لقبيلة عنزه هنا من باب التعدي فقط

والا كما قال الاخ عزيز قوم ان لم نكن مرغوبين فنحن لن نفرض انفسنا عليكم

دمتم بخير

هلابك وحياك الله

اخوي اسير الدرب

حنا لم نشكك باي فعل لسعدون العواجي او لعقاب ابنه

انا اقول في الكتاب مبالغه جدا لقبيله عنزه على حساب حرب وشمر

واعيد واكرر لم نتظر مدح من السديري الله يرحمه والسدارى لم يكن لهم ثقل في نجد ونحن اخبر بنجد واهلها

والسديري مناسب العنوز نعم النسب

اما من ناحيه قريش ماتزوج الا تميم وربيعه انا اقول جيب الدليل لاني لا اعلم هالمعلومه الا منك

وحرب حرابة الدول معروف بين القبايل لكم ابن سمير له لقب خاصه بين اعنزه

مثل عتيبه لطامه العايل هناك فخذ من حرب يلقب بلطامه العايل

كذالك مطير حمران النواظر هناك فخذ من اعنزه اللي هم الفدعان يلقبون بحمران النواظر

اما تاريخ اعنزه محفوظ ياعزيزي واذا انت تعتقد ان تاريخ اعنزه بكتاب السديري رح اقراه وتمعن فيه واحفظه عن ظهر غيب

وكل قبيله افعاله تنومس من بهي ذره رجوله

واهل وسهلا بك وباللي متحدث عنه عزيز قوم

:)

عزيزقوم

24-Aug-2008, 09:52 AM

عبادي المقاطي

مشكورين اخوي على حسن الضيافة ويعلم الله انني لم اقراء اي رد منكم انتم يابناء قبيلة عتيبة يسيء لــ قبيلة عنزة .
كل ردودكم تصب في عدم ذكر فريس عتيبة في كتاب السديري
ويعلم الله انكم تستاهلون ان يدون عنكم كتب وليس كتاب وسبق ان ذكرت انا لكم ان السديري في صدد اصدار الجزء الثاني وحسب معلومة لدي ان في هذا الكتاب تركي ابن حميد ومسلط ابن ربيعان وغيرهم من فريس وشيوخ عتيبة لكن الشوشرة والضجة التي صاحبة الجزء الاول حالة دون نشره
نأمل منكم سعة الصدر على اخينا اسير الدرب مشكورين جميعاً

عبادي المقاطي

24-Aug-2008, 10:01 AM

عزيز قوم

ماعليك زود يالغالي

ومرحبا وحياكم الله وعنزه كرماء في ضيافه الكرماء ربعي عتيبه

عزيزقوم

24-Aug-2008, 11:24 AM

ان المتأمل لتاريخ وسير بني تميم سيجد ان لها دوراً فاعلاً
وذلك في كل زمان ومكان
و الآن سنورد لكم

1 – زاد نفوذ الجعافره من ولد سليمان من عنزه بفضل الفارسين عقاب وحجاب
فتم لهم طرد التمياط وقومه والإستيلاء على مواقعهم
فاكتسحوا مراعي سنجاره (من شمر) وتوغلوا في مراعي الدغيرات (من شمر)
ثم جاء الدور على مراعي أسلم (من شمر) واستمر العراك
وكان يساند الأسلم بعض فلول المنهزمين من الفروع الأخرى
واستمرت المناخات بينهم عدة أيام في موقع يسمى ظفره
سميت المعركه بعدئذٍ بإسم الموقع
ولم تستطع الجموع الشمريه صد التوغل الوائلي .
كان هذا الموقع يقع بين قفار والسبعان وتلك البلدتين لبني تميم
المعركه بطبيعة الحال بين طرفين كلاهما من البادية
وفي العادة الحاضرة لايتدخلون في حروب البادية
وهذا الأمر يسري حتى على قبيلة شمر نفسها
إلاّ إنّ بني تميم في قفار شعروا بالضيق
لأن أنعامهم لم تسرح إلى المراعي التي حولهم من عدة أيام
لأنها أصبحت مسرحاً وميداناً للمعركه .
عندما طال أمد المعركه اتجه مفتاح الغيثي إلى قفار طالباً النجده
وكان أول حيّ في الواجهه الحيّ الأقدم وهو حيّ آل حماد
فصاح بهم وانطلق (150) شاباً تميمياً
وعلى رأسهم ســالم ابن راشد الغنام من آل حميد من آل حماد
وكان أكبرهم سناً ومقاماً
وتزامنت هذه النجدة مع تواجد عبدالله وعبيد أبناء علي الرشيد في قفار
وكان سنّ الأول (20) عاماً والثاني (18) عاماً
وذلك كما يذكر ضاري الفهيد العبيد الرشيد في كتاب نبذه من تاريخ نجد .
سار الجموع راجلين يحملون السيوف والبنادق صف واحد
كأنه بنيان مرصوص متجانبٌ وليس متتابع يتوسطهم سالم
ولما اقتربوا من الموقع وهم يحثون السير في ممر محصور بين جبلين
إلا ان الصف يستطيع العبور وهو متجانب
اعترض للقائد غصن شجرة طلح متدلي
فقال عبدالله الرشيد مخاطباً سالم : (دنق)
بمعنى الانحناء خشية ان تخدشه أغصان الطلحة
التي اعترضت مساره ولايستطيع ان يغير مساره يمنة اويسرة
فعندئذٍ استل سيفه وقطع الغضن مواصلاً سيره
قائلاً (ما أتينا هاهنا إلاّ لأننا نرفض الانحناء والذي يريد الانحناء يستقر في بيته ولا يلزمه مرافقتنا)
فلقب سالم بعد هذه الحادثة (أبا سيف)
ويوجد بئرٌ في شرقي قفار قرب مسجد الحميد تحمل لقبه إلى الآن .
وهو المعني بقول الشاعر :

ونعمك بالعصلان و أولاد (أبا سيف) :: وعيال علي كـان هـي بالتحامـي
أنا أشهد ان قلوبهم صمـع ياخليـف :: يردون حوض الموت ورد الضوامي

وكانت الطريقة المتبعة عند التميميين البدء في اطلاق النار من البنادق التي يحملونها
وكانت البنادق المستخدمه وقتئذٍ لاتستطيع اطلاق اكثر من طلقة واحدة
بعدها تحتاج لبعض الوقت لتجهيزها
وكانوا بعد اطلاق النار يستلون السيوف ويهجمون على خصومهم
ومن المعلوم انهم يجيدون الرمايه ولاتضيع طلقة هدرا
أدرك الوائليون مشاركة تميم لأن الرمي غير الرمي المعتاد
فما كان منهم إلا الانسحاب بعيداً تاركين حدود بلدان تميم
وقد أكد على هذا المستشرق جورج اوجست حيث ذكر
(ان البدو لاينظرون لبني تميم مثل ماينظرون لبقية الحضر لأنهم يفوقون البدو في الشجاعه وفي فن استخدام السلاح)
يذكر ضاري انهم ما ان وصلوا ارض المعركه إلا وانكشفت الهزيمه على عنزه
ولم تقم لهم قائمه على أهل الجبل .
وديع البستاني اعتبر ان هذه المعركه هي السبب في بداية امر الرشيد .

منقول من منتديات بني تميم

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,

وهذا منقول من شبكة المرابع لحمود عودة الشمري

حدثت معركة ظفره بين من بقي من شمر بعد رحيل الجرباء ضد ( العواجيه ) في حدود عام 1238 هـ
وقد صمدت شمر امامهم لكن عنزه قتلت الكثير من شمر وزادت سلطتها واقتربت كثيرا من حائل.
واصبحت رعايا عنزه ترعى في طوارف (الظلع( وتطىء مزارع شمر ونخيلهم لمدة اربع سنوات حيث وقعت في هذا الوقت معركة ظفره الثانيه المسماه ( قمعه) في حدود عام 1242للهجره حيث وصل العواجيه الى اقل من عشرة كم من حايل وهو المكان اللي فيه بلدة ( الخطه ) المعروفه وذلك عندما ربعت الارض الواقعه حول حايل فقط فتقدمت عنزه جميعها بحلالها وقالوا لـ (مفتاح الغيثي ) نبي نتعاهد بالله وامان الله ونكون جميع علشان نرعى هالخطه (يقصد اللي فيها الربيع) وهذ سبب تسميتها الخطه..

فقال مفتاح موافقين لكن مالنا حكم باللي يجي من شمر بالشمال ( قالها لان عنده علم ان التمياط والطواله مقبلين بالطريق ) فقال عقاب التمياط يكيل من حنطة العراق ماطريت عليه وماهو جاي .. وفعلا ارسلت شمر لهم تخبرهم بوجود عنزه قريبا منهم فهاجموهم على حين غره وانتصرت شمر فعلا بهذه المعركه التي سمتها شمر ( قمعه)لانها قمعت اطماع عنزه في ارض الجبل وانتزحت عنزه بعيدا الى اراضيها التي اخذتها
من التمياط والدغيرات وهي (بيضاء نثيل).
خلال هذه الفتره كان عبدالله بن رشيد اللي شارك في ظفره مع عبيد كان قد هرب عن العلي للشمال .. واما اخوه عبيد فقد اختفى عند الغيثه تسعة اشهر ثم عند الاسلم ، وفي رواية غير مؤكده انه ذهب الى العواجيه واقام عندهم ثلاث سنوات الى عام 1250للهجره .
اللي جاء عبدالله بن رشيد اميرا للجبل من قبل الامام فيصل بن تركي وهنا خرج عبيد من هروبه وقتل العلي كما هو معلوم.. وخروج عبدالله هذا هو اللي قال فيه قصيدته الشهيره المذكوره اعلاه

اخوي المقاطي لايمكن لاي رجل يقراء ويطلع على قصص القبايل ان يجهل افعال عقاب العواجي وربعه الجعافرة
وهذا من اعتراف ابناء قبيلة شمر وابناء قبيلة بني تميم بما فعله عقاب رغم ان هناك تحفظ على روايتهم وهناك احداث لا ارغب التحدث عنها حيث ان ذالك الزمن ذهب وان شاء الله انه لايعود وقد تمنيت ان هذا الموضوع لم ينزل اصلاً

قال السديري

عز الله اني للحقيقة تحريت = عن قول بعض الناس عدلاً ومايل
على فعايل من ذكرته تقصيت = ويشهد على ماقلت زين المثايل

عندي روايات وقصص وقصيد عن هأولاْ الفرسان والله ثم والله انني لا ارغب التحدث عنه وردودكم في قولكم ان السديري بالغ في مدحهم .
اخي الفاضل اطلب منك ان تبحث عن قصص عقاب العواجي غير الذي مدون في كتاب السديري حينها تجد ان السديري تجنب ذكر بعض الامور القاسية احترام لمشاعر الاخرين

وقوله

على فعايل من ذكرته تقصيت

يثبت ذالك

الادهم ابن وايل النجدي

24-Aug-2008, 11:51 AM

«®°·.¸.•°°·.¸¸.•°°·.¸.•°®»سبحان الله العظيم ...فعلا ....حنا صيد سهل للتعصب القبلي....؟؟؟؟

اقسم بالله اني من عنزة ومن بيوت عنزة التي لها شأن حاضرا وماضيا ولكن والله ان الخوض في هاالامور...انه نقاصة عقل وخبال وجاهلية ........

والي كتب في موضوع حرب وعنزة الله يسامحة ويهدية....وكذلك الي رد...

قال احد النواب الاميركين الاعضاء في مجلس الشيوخ الامريكي ابان احتلال العراق.....

ان تقسيم العودية على اساس طائفي صعب جدا كون ان ابطال الجهادفي السعودية غالبيتهم من ابناء القبائل العريقة جدا
وهم يتنافسون على خدمة الدين بالمال والنفس وبدمائهم ايضا...وهم متحدون في الدين كرجل واحد...ولكن..ولكن..

ان تفريقهم لن يكون الا بتأجيج النعرات ..الطائفية .....والتعصب واحياء الحروب القديمة بين القبائل والاستهزاء بماضي كل قبيلة.....هنا سيضعف الولا للدولة وستكون السعودية صيدا سهلا......انتهى..

وتعلمون يا اخوان ان عملاء السي اي ايه المندسون في السعودية وهم بعضهم للأسف من الدول العربية التي عاشو في السعودية ويعرفون جيدا تاريخ القبائل بدؤ يتغلغون في منتديات القبائل ويثيرون الفوضى والتعصب بين ضعاف العقول من ابناء القبائل للأسف .......

فيا اخوان لانهدم مجدا بنيناه نحن القبائل في الدعوة الى سبيل الله والجهاد ولنكن فرسان مثل ابائنا واجدادنا الذين لم يكن بسمحون بمثل هذه المهاترات الغبية...

كلمة حق في قبيلة حرب...:::

نحن جاورناكم في منطقة الشمال والقصيم ..رينا منكم مايلي:::

1- الكرم الحاتمي.
2- المرجلة والشهامة.
3-الشجاعة في سبيل الحق والفزعة..
4-طاعة الله ورسولة وحب الدين ...
5-الامان والوفاء .
6- احترام الجار..واوكد احترام الجار....

7- الاخوة والود تجاه الاخر.

وبيض الله وجيه النشاما من حرب الاصايل ولن انسى وقوفهم مع ابي رحمة الله علية..في كذا موقف ..

ولن انسى مواقفكم الرجولية..ايام مرض ابي حتى وفاته رحمة الله علية...

وسامحونا ياحرب على التقصير وماقاله اخي العنزي امسحوها في وجهي

اخوكم الادهم بن وايل النجدي«®°·.¸.•°°·.¸¸.•°°·.¸.•°®»

سنجـار

24-Aug-2008, 07:21 PM

فقال مفتاح موافقين لكن مالنا حكم باللي يجي من شمر بالشمال ( قالها لان عنده علم ان التمياط والطواله مقبلين بالطريق ) فقال عقاب التمياط يكيل من حنطة العراق ماطريت عليه وماهو جاي .. وفعلا ارسلت شمر لهم تخبرهم بوجود عنزه قريبا منهم فهاجموهم على حين غره وانتصرت شمر فعلا بهذه المعركه التي سمتها شمر ( قمعه)لانها قمعت اطماع عنزه في ارض الجبل وانتزحت عنزه بعيدا الى اراضيها التي اخذتها
من التمياط والدغيرات وهي (بيضاء نثيل)

هل هذا هو الأعتراف ياعزيز قوم في هذه المعركه انتصرت شمر وهزمة عنزه ...!!

وياليت يكون كلامنك بعيد عن شمر ...!!

وهذا من اعتراف ابناء قبيلة شمر وابناء قبيلة بني تميم بما فعله
انا الى الآن مدريب وين الأعتراف ,,,!!

لما راحو شمر للعراق وبقى مفتاح الغيثي وربعه لحالهم قويت شوكة عنزه لكن بعيده عنهم ياخذون حايل وقف لهم مفتاح ورد شيوخكم .وهزمت عنزه في هذه المعركه,,,!!

رغم ان هناك تحفظ على روايتهم وهناك احداث لا ارغب التحدث عنها حيث ان ذالك الزمن ذهب وان شاء الله انه لايعود وقد تمنيت ان هذا الموضوع لم ينزل اصلاً
وايضاً نحن لدينا العديد من السوالف والأمور والتحفظ الشديد فيما قلته ولكن لانرغب التحدث بها احتراماً لعنزه وخوتهم اللى تنشرى ...!

وياليتك ياخوي عزيز قوم تتحدث بعيداً عن اقحام قبيلة شمر في الموضوع فنحن شمر نعرف ان محمد السديري ظالم وجامل قبيلة عنزه على حساب العديد من الوقائع وكتابه فيه الكثير من المغالطات على قبيلة شمر ...!!
..

عزيزقوم

24-Aug-2008, 07:48 PM

اخوي سنجار

انا جبت روايت شمر وبني تميم وتركت رواية الجعافرة وماقيل بها من قصيد

كل ذالك يخص معركة ظفرة اللتي يدعون شمر وبني تميم النصر بها على الجعافرة رغم انها معركة متكافئة وكذالك تركت المعارك التي انتصرت بها الجعافرة حتى بـ اعتراف شمر

كل ذالك احترام لـ قبيلة شمر حتى لا افتح مجال لك ولـ غيرك

سنجـار

24-Aug-2008, 08:04 PM

اخي عزيز قوم...معركة ظفره ليست متكافئه فشمر قله الموجودون في ارض الجبل ...لم يبقى الا مفتاح الغيثي وجماعته بعد رحيل اغلب شمر الى العراق ...ومع ذلك انتصرت شمر في هذه المعركه ...
وكذالك تركت المعارك التي انتصرت بها الجعافرة حتى بـ اعتراف شمر

اخي العزيز الأيام مداوله بين الناس ونحن نعترف بالنصر وبالهزيمه ...ومثل ماللجعافره لهم انتصار ...ايضاً لشمر لهم انتصارات...

عموماً كل الشكر لك يالعنزي وانا مودي اخوض فيها الا لما اقحم اسم شمر ...شكرا لك

عزيزقوم

24-Aug-2008, 08:18 PM

قال شهوان العواجي في معركة ظفرة

انشدك بالله يامبيريك وش صار = اياتنـا مـودع خويـه دمـارا
اي الذي صيده قراقيـر وجفـار = والا الذي صيده عيـالاً سكـارا
جتنا جموعك يامبيريـك سيـار = مثل الهضـاب معزلينـه تبـارا
احسبك ثقيل الجمع واثريك فشار = اسرع من رفة جنـاح الحبـارا
ان ماعديت الصدق ابوك للنـار = والا تطيح بـوجهنـا بالمثـارا

وقد رد مبيريك التبيناوي

ياعل عجوزاً جابتك لـاوسط النار = ياللي تدور من خصيمـك قـرارا
كان انت ذابح راعياً بالف صنقار = ايه ويومـاً اغتنـت بـه فقـارا

اليس هذا اعتراف من مبيريك الشمري

ثم ياخي الفاضل انا الى الان اقول لك لا ارغب ان ادخل في مثل هذه المواضيع وعندي الكثير الذي يكفي فقط من علوم ربعي الجعافرة
امل ان لاتدخلنا في حزازيات لا نرغب بها وقبيلة شمر عزيزة عليّ انا شخصياً وانت تعرف انني تجنبت كل ماهو مثير

سنجـار

25-Aug-2008, 01:34 AM

اخي الأبيات التي اوردتها فقط تثبت شجاعة العواجي ...ولاتنسى ان للعواجي قصائد كثيره في مدح شمر....

الشيء لاخر ايضاً لاتنكر ان شمر انتصرت في ظفره هذه القصيده لمبيريك:

ياراكب من عندنـا فـوق نسـاس=عفون اليامـا زل حمـوا القوايـل
ولد ذلول يلهجـه سبعـه أجـلاس=ورى تمام غـذاه عاميـن حايـل
ياماغداء ماتصطغ الخيل لـه راس=وراعيه لو ياطاء الخطر مايسايـل
كنه ظليم جافـل شـاف الاونـاس=متذيـرن مـن ناقليـن الفتـايـل
فوقه صدوق الهرج قطاع الامراس=يـدي لسعـدون علـوم الصمايـل
بالكذب ياسعدون دهويت لك نـاس=طمـع بديـرة كاسبيـن النفـايـل
خمك عشيرك زبن وندات الافراس=زبن الحصان ليا جـذى بالدبايـل
نزه الشوارب مايقـرب للأدنـاس=ألوى على زمله من البطن صايـل
لياما صبخ راسك براس من الناس=وتقاحصت صم الأمهار الاصايـل
ياما عزلكم مسلط قاسـي الـراس=عن الطرش والمظهور عزل العدايل
فجاء غرات العداء عقـب الايـاس=على النقاء عزله قـراح الشمايـل

وايضاً:

وقال مبيريك ويرد على سعدون :

عقـاب ماسبـه ولاسـب حليـاه=الياجت على ركب المهار الاصايل
مار نجس من الهامه الياحد ماطاه=نجاستـه ماهـي بكـل القبايـل
شره على اللي نازل مـن تـوالاه=له منكب في رفـه الجـار مايـل

الى ان قال:

وابا الوقي يالبيض خضب(ن) يمناه=أنشهد أنـه مـن رفـاع الحمايـل
السيف من يمنـا عقـاب خذينـاه=والخيل بـدل كدشهـن بالأصايـل
من فعلنا بعت أطيب الخيل بـرداه=واحلوا بيع المنسمح يابـن وايـل
والجروع اللي يوم ذوره خصينـاه=خصاه من ربعي مشيـل الثقايـل

والجروع وهو أحد فرسان الجعافره

ويقول العواجي في مدح شمر ...

والله لوماتزبن الضلع وتكيس
نسري عليكم بليله خرمسيه
حنا قبلانا من ورانا السناعيس
ولا انت بوم الضلع تسمع وحيه

ومشكوووووووووووووووووور يالجعفري لكن الى الىن لم اصل الى نتيجه ماهو سبب اقحامك لشمر في الموضوع ؟؟؟

وزير الفدعان

25-Aug-2008, 08:03 AM

[quote=عبادي المقاطي;720704]

كذالك مطير حمران النواظر هناك من اعنزه اللي هم الفدعان يلقبون بحمران النواظر

/quote]

وزير الفدعان

25-Aug-2008, 08:04 AM

لكن المطران مثل اليهود ينكرون ولا يؤمنون باللقب حسبالهم اللقب حق ام الي جابتهم

عزيزقوم

25-Aug-2008, 08:55 AM

هذا رد عقاب على التبيناوي

عشبة طويه يالتبينـي رعينـاه = غصبً على دولة قفار وحايل
وبيضاء نثايل بالمعارك خذيناه = بالسيف ماهي للجدود الاوايـل
يحرم عليكم يالسناعيس مفـلاه = وان جيتها يالشمري فانت عايل
ومفتاح الغيثي وراكم حدرناه = روحو وراكم يارفاع الحمايـل
ومظهور بن شامان ربي رما قضاه = والقروعي منكم وقع له بدايل
وجريساً التمياط حنا قتلناه = راجن عليه مشمرات السلايل
عليه قدت جيبها من ترجاه = مني وقع بالقاع وانا ابن وايل
وهذلول وعمير الحدب كيف تنساه = حامن عليه من الحوايم جلايل
هاذي عوايدنا نهار الملاقاه = من دمكم نروي حدود الصقايل

وعقاب لم يقتصر رعي حلاله على العشب بل رعى حتى المزارع

اخوي سنجار هذه قصيدة سعدون العواجي بعد معركة بيضاء نثيل والتي انتهت بــ نصر العواجي وربعه وبشهادة شمر قبل عنزة وهي مدونه في كتاب السديري ومحفوظه في صدور الرواة حتى من غير عنزة اما الابيات التي انت ذكرت بعض ابياتها من ابيات قصيدة سعدون العواجي

ياراكب من عندنا فوق نساس = يشدى ظليماً جافلاً مع خمايل
زين القفاء ناب القراء مقعد الراس = معربً من ساس هجنً اصايل
لامد رويً ولاراح عساس = عرواً الى ما فات حمو القوايل
الى جيتهم في ربعة الشيخ جلاس = ينشدك منهو عن صديق مسايل
قل صبحتنا جرودهم مالها قياس = سكن الجبل جانا مع الصبح صايل
وانا احمد اللي عاضهم كسرة الباس = [كسيرةً وصلت قفارً وحايل
في روضة التنهاة قرطن الاباس = والذبح فيهم لين بيضاء نثايل
وكم جثتً مجدوعةً مابها راس = من شمرً ماهي من اولاد وايل
وكم سابقً ركابها طاح منحاس = من المعرقة يجيك للقاع مايل
والصبح جانا مسلطً دايخ الراس = وجاه العقاب الصيرمي فوق حايل
واعذر بنقل السيف واعذر بالالباس = وراحت تقمز به زبار المسايل
وجريس خلي في زواقيب حراس = ياويل مسلط عقب واف الخصايل
واليا قعد بالبيت يزهى بالاباس = عمره صغير وماضياً له فعايل

يعلم الله انني لا ارغب ان اخوض في مثل ذالك اما ذكري لــ شمر وبني تميم في باديء الامر هو ايضاح ان السديري لم يظلم شمر وقد احضرت رواية شمر وبني تميم فقط وتجنبت رواية ربعي الجعافرة والتي قد تكون مؤلمه ولازلت متجنبها ولن بيح بها
اما مدح عقاب لـ شمر ليس غريب فــ عقاب دائماً يمدح شمر وهم يستاهلون
واليك هذه القصيدة التي يمدح عقاب بها شمر

انا جنبهـا يـم نحـوا السناعيــــــس = واجنب لها عن الحـدب والفـواري
على جـواد.ن. ماغياهـا هلابيــــس = من ساس خيل مدوسيـن المحـاري
تهوي اهواي مشوهـات القرانيـس = ان طالعت عن بعد جـول الحبـــاري
عابينها لعـدوان وفهيـد وجريــــس = فريس يرمـون العشـاء للضـواري
نبـي نطـارد كاسبيـن النواميــــــس = خيالهـم ماهـو عـن المـــوت داري
اهل الفعـول ومتعبيـن المحاميـس = والكل منهـم فـي فعولـه يمـــاري
من دمهم نـروي حـدود العبابيــــس = وبايماننا حدب السيـوف الهـواري
ان جاء نهار.ن. فيه جدع الملابيـس = والمنع ماله فـي هاكليـوم طــــاري
في معتلجهن حاضر.ن. حضرة ابليس = صاح الصياح وحن وقـت المثـــــاري
من بيننا ضرب النمش له تضاريس = والعمر يرخص بين بايـع وشـــــاري
ليه علـى جـدع المـدرع ملاميــــــس = ومني سروج الخيل تنهـج عــواري

مساوط نجد

25-Aug-2008, 11:14 AM

مشكور يابو فهرس

زبن الجعفري العنزي

25-Aug-2008, 07:29 PM

اخوي عزيز قوم

اقول لك كما قال التبيناوي

ياللي تدور من خصيمك قرارا

الاخوان كانهم في كلامهم متكابرين القصص التي ذكرها السديري وكلهم في قرارت انفسهم لايريدون قول الحقيقة

انا اقول قصص عقاب لم يمض لها عهد طويل ولا اريد منكم الاستناد على كتاب السديري يكفي انكم لو تسالوا

كبار السن يعلمونكم :, مع ان الحقايق موجود ة على ارض الواقع من ناحية السيطرة على بيضاء نثيل واكبر دليل وجود

قصر الشيخ صالح العواجي حاليا بها ومعه صك بالديرة عالما انها اول لقبيلة شمر.........

وسوف اكلفكم بواجب عساكم تحلونه

بلدة الخطة كم تبعد عن حايل ولماذا سميت بهذا الاسم؟؟؟؟

__________________________________________________ _

اما سالفة حرب ماتحتاج طول هرج

ولا نبي كلام السديري ولا كلام غيره

يكفي بيت سعدون العواجي

جينا وربعه قوطرة في نحانا== مثل القطيع اللي نحته الذيابه

فاللي زعلان على السديري اقول السديري ما جاب شي من عنده هذي قصيدة سعدون ومثبته

الله يرحمك ياسعدون عاد مالقيت الا الوصف هذا !!!

انا لن ارد بعد الان لاني اتكلم واثبت وانتم تتكلمون من غضب في الصدور مرجعه الغيره وانا لا اسب القبايل بل هي على

راسي لكن اذا لم تفعل مثل القبايل لا تنكر تاريخها

دمتم

سنجـار

26-Aug-2008, 01:05 AM

وهذا رد التبيناوي على عقاب:

بيضانثيـل منـزل الشمريـاه=وأن جيتها يالجعفري فأنت عايل
العقله الفوقـا لنـا يالدغيـراه=حامينهـا بموشمـات الفتايـل
والعقلـه الحـدرى للزوبعيـاه=وساع العيون منقضات الجدايل

بيضاء نثيل كانت لشمر ومن ثم اخذوه عنزه من شمر بعد هزيمتهم لمسلط ومن ثم استردوها شمر الى نهاية حكم الرشيد عندها اعطاء امير حائل الأمير مساعد الفواره للحرب وبيضاء نثيل لعنزه ,,,

ويقوول التبيناوي رداً على قصيدة سعدون العواجي في روضة التنهات :

ياراكب من عندنـا فـوق نسـاس=عفون اليامـا زل حمـوا القوايـل
ولد ذلول يلهجـه سبعـه أجـلاس=ورى تمام غـذاه عاميـن حايـل
ياماغداء ماتصطغ الخيل لـه راس=وراعيه لو ياطاء الخطر مايسايـل
كنه ظليم جافـل شـاف الاونـاس=متذيـرن مـن ناقليـن الفتـايـل
فوقه صدوق الهرج قطاع الامراس=يـدي لسعـدون علـوم الصمايـل
بالكذب ياسعدون دهويت لك نـاس=طمـع بديـرة كاسبيـن النفـايـل
خمك عشيرك زبن وندات الافراس=زبن الحصان ليا جـذى بالدبايـل
نزه الشوارب مايقـرب للأدنـاس=ألوى على زمله من البطن صايـل
لياما صبخ راسك براس من الناس=وتقاحصت صم الأمهار الاصايـل
ياما عزلكم مسلط قاسـي الـراس=عن الطرش والمظهور عزل العدايل
فجاء غرات العداء عقـب الايـاس=على النقاء عزله قـراح الشمايـل

يعلم الله انني لا ارغب ان اخوض في مثل ذالك اما ذكري لــ شمر وبني تميم في باديء الامر هو ايضاح ان السديري لم يظلم شمر وقد احضرت رواية شمر وبني تميم فقط وتجنبت رواية ربعي الجعافرة والتي قد تكون مؤلمه ولازلت متجنبها ولن بيح بها

السديري ظلم شمر ظلم كبير وكثير من القبائل في كتابه وانا شمري واعرف وش اقول

بالنسبه لأخونا أسير الدرب :

مع ان الحقايق موجود ة على ارض الواقع من ناحية السيطرة على بيضاء نثيل واكبر دليل وجود

قصر الشيخ صالح العواجي حاليا بها ومعه صك بالديرة عالما انها اول لقبيلة شمر.........

صحيح هي بسالبق لشمر ومن ثم انتصر العواجي على التمياط ولم يمضي وقت طويل واستردتها شمر لكن الأمير (امير حائل ابن مساعد) وزع الأراضي الشمريه ممثل الفواره واعطاه حرب وبيضاء نثيل واعطاها العواجي,,

بلدة الخطة كم تبعد عن حايل ولماذا سميت بهذا الاسم؟؟؟؟

ااولاً حائل بعيده عنكم وقف من دونكم الشجعان مفتاح الغيثي والدغيرات وشمر ومدامك جيتوا عند الخطه ليش ماخذيتوا حايل ...!!

اكتفي بقول الجهيلي عندما وقفوا شمر على عنزه من دون حائل:

ياعيال يركاب مثـل الشواحيـف=متوجهينن صوب ديره عمامـي
ونعم من العصلان واولاد أباسيف=كسايه العيـدان ريـش النعامـي
وكرارة يم الرمـالات وخليـف=خذابهـا كـن النهـار الظلامـي
زمل الطواليات جنـك هفاهيـف=من واقصه ماهولسوا بالمقامـي

عبادي المقاطي

26-Aug-2008, 01:29 AM

لكن المطران مثل اليهود ينكرون ولا يؤمنون باللقب حسبالهم اللقب حق ام الي جابتهم

الله يهديك يا حميد مهي كذا الامور

انا مومن ان الفدعان له نصيب ولو احلف ان امطير مومنها ان الفدعان لها نصيب بها هاللقب

لكن مايجوز وانا اخوك تقول يهود حتى لو انهم اخطو خطا جامد

هولاء شرذمه لايمثلون امطير ابد

حتى لو قال انا مطيري

فرجاء لاتعم وانا اخوك

تحياتي لك

عزيزقوم

26-Aug-2008, 06:32 AM

[QUOTE=سنجـار;722118]

بيضاء نثيل كانت لشمر ومن ثم اخذوه عنزه من شمر بعد هزيمتهم لمسلط ومن ثم استردوها شمر الى نهاية حكم الرشيد عندها اعطاء امير حائل الأمير مساعد الفواره للحرب وبيضاء نثيل لعنزه ,,,

لاتظلم نفسك وتظلم ابن مساعد معك وهو في قبره هذا معروف عند الناس كلهم وانصحك تسأل اي شمري مطلع على القصص سوف يقول لك امسك راسك هو عليك والا لا
وعبد العزيز بن مساعد حاكم عادل لم يحكم حايل مثل حكمه احد من حيث العداله وعدم محابات احد حيث استلم حايل وقت فتن وتبادل النهب والسلب بين القبايل وقد طوع كل طاغي وباغي حتى استتب الامن في جميع المناطق التابعة لــ حايل

السديري ظلم شمر ظلم كبير وكثير من القبائل في كتابه وانا شمري واعرف وش اقول

اخوي هناك اخاوة وخذت على بعض القبايل من قبل عقاب وقد قال السديري رحمه الله والله انني تركت ذكر الاخاوة احترام لمشاعر تلك القبيلة واكتفيت في قليل من كثير
والدليل من القصيد موجود

وهذا ماقالته صحيفه بريطانية نقل عن مستشرقة انجليزية قابلت عقاب في تلك الزمن الذي نطلب من الله ان لايعيده

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,

منذ سنتين تقوم السعودية بمنع المنتجين من إنتاج أو تمثيل قصة البطلان الأخوان عقاب وحجاب العواجي اللذان أشتهرى بالفروسية والشعر والشجاعة

وهم شيوخ فخذ ولد سليمان من قبيلة العنوز التي تشمل السهلي والخمشي والسايق

وهذه القبيلة تتواجد حالياً بأكثرية بشمال المملكة وبعض منهم في الأحساء وبعض منهم في القصيم وبعض منهم في الرياض ولكن مركزهم شمال المملكة

وهم أكثر قبيلة العنوز عدداً وكل فرسان قبيلة عنزة منهم لذلك لهم معاملة خاصة لدى حكام الدولة السعودية وهم مازالو متمسكين بالعادات البدوية

كذلك يشتهرون بعدم زواج بناتهم من خارج عوائلهم لأنهم ينظرون بأن لايوجد أفضل منهم ليتشرف بنسبهم

ولكن كان عقاب أكثر شهرة وقوة من أخية حجاب

وتمنع السعودية من تمثيل قصتهم حتى لا تقوم بتأجيج نار الثأر القبيلي وخصوصاً أن عقاب العواجي أشتهر بعداوته لقبيلة شمر وسلبه لأراضيهم وقتله للكثيرين منهم

ففي تمثيل قصة البطل عقاب خطورة كبيرة على المجتمع السعودي

كذلك اشتهر البطل عقاب لعداوته للقوافل البريطانية إذ كان يطاردها ويعثي فيهم لوحده

حتى أن له صورة وحيدة وهي رسمة رسمتها مشتشرقة بريطانية من القوافل التي ضربها عقاب وعند عودتها لبلادها كتبت عن عقاب وفروسيته ومواقفه النبيلة مع النساء

وهذه صورتة المرسومة من قبل البريطانية

اضغط على الرابط لرؤية صورتة المرعبة

http://www.geocities.com/alkhmshi/alawaji.gif

اخوي سنجار لعلمك الان بعد رفض السعودية سوف يعرض الفلم في رمضان القادم اي بعد خمسة ايام في الامارات وعلى قناة ابو ظبي وحسب المعلومة عندي احمد الله ان معاركه وطرده للقبايل الاخرى غير مدخله ضمن الفلم حفاظ على مشاعر الاخرين وعدم تأجيج الفتنه والبغضاء بين القبايل

سنجـار

26-Aug-2008, 06:58 AM

عزيزقوم

26-Aug-2008, 07:35 AM

اخوي العزيز عزيز قوم...

المشكله في الفتن وثق ثقه تامه انهم لن يعدون الصحيح ابداً سواءاً من طرف عنزه او شمر...

لكن هل سيأتون بوقائع العواجي اللى له وعليه...ام فقط يظهرون اللى انتصر فيها...

الشيء الثاني هل سيأتون بمرثية سعدون على ابناءه...

ام ستكون محاباه كبيره !!

نامل ان لاتثار الفتن بين هتين القبيلتين واعلم انهم سيلقون ذلك عند ربهم ....

اشكرك اخي العزيز والله انني اظم صوتي لك وكنت اتمنى عدم عرض مثل هذا الفلم والحمد لله نحن نعيش عيشة هنيئه كريمه في ظل حكومتنا وعلى رأسهم خادم الحرمين وولي عهده

وحسب المعلومة عندي انه لايتطرق للغزوات والنهب والسلب
اما مراثي سعدون العواجي لأبنائه لا اعلم هل هي ظمن الفلم ام لا
بالنسبة لنا فـ رثاء سعدون لأبنائه لايوجد عندنا من ذالك حساسية امور راحت في وقتها وقد اخذ ابن عقاب في ثأر ابيه وانتهت الامور
ونتمنى من الله العزيز القدير ان لايعيد مثل تلك الازمنة الغابرة التي يسلب بها القوي الضعيف وان يجزاء الملك عبد العزيز خير الجزاء في اطفاء تلك الفتن
ويعلم الله ياخي العزيز ان قبيلة شمر العزيزة لها منزلة خاصة بين ربيعي الجعافرة وعند قبيلة عنزة كافة وانت اكيد تعلم ذالك

وللمعلومية المخرج من قبيلة شمر العزيزة

سنجـار

26-Aug-2008, 08:25 AM

حياك يالغالي

يشهد الله ان عنزه من اغلى القبائل عند كل شمري وعندي بالذات ....ولي ربع من الجعافره عزالله انه مافيه مثلهم ...والحين انا اكتب لك من المكتب وبجنبي عنزي لكن مو جعفري:)

وبالعكس انا مؤيد لتصوير شخصية سعدون العواجي فهو فارس لايشق له غبار لكن اذا تجنبوا ذكر الوقائع بالتفصيل وتجنبوا التزوير .....والا ستكون فتنه احياها محمد السياري والمخرج فهاد الشمري...

الف شكر لك يالجعفري

زبن الجعفري العنزي

28-Aug-2008, 02:26 AM

خيال الصفرا

28-Aug-2008, 11:33 AM

[

بالنسبه لأخونا أسير الدرب :

صحيح هي بسالبق لشمر ومن ثم انتصر العواجي على التمياط ولم يمضي وقت طويل واستردتها شمر لكن الأمير (امير حائل ابن مساعد) وزع الأراضي الشمريه ممثل الفواره واعطاه حرب وبيضاء نثيل واعطاها العواجي,,

ااولاً حائل بعيده عنكم وقف من دونكم الشجعان مفتاح الغيثي والدغيرات وشمر ومدامك جيتوا عند الخطه ليش ماخذيتوا حايل ...!!

اكتفي بقول الجهيلي عندما وقفوا شمر على عنزه من دون حائل:

ياعيال يركاب مثـل الشواحيـف=متوجهينن صوب ديره عمامـي
ونعم من العصلان واولاد أباسيف=كسايه العيـدان ريـش النعامـي
وكرارة يم الرمـالات وخليـف=خذابهـا كـن النهـار الظلامـي
زمل الطواليات جنـك هفاهيـف=من واقصه ماهولسوا بالمقامـي

الخطة سميت بذلك لانه خط فيها خط كحد بين القبيلتيتن بحيث تدفع شمر الاخاوة لعقاب

عموما من حقك الدافع عن قبيلتك لكن المسلمات لايمكن تغييرها وتسميت الخطة بذلك اكبر دليل[/quote]

الله يهديك يااسير الدرب

كيف تظلم الرجال بقبره

ابن مساعد متى صار بحائل حاكم

وعقاب متى اخذ بيضا نثيل
؟؟

بالله متى اخذت شمر البيضا ومنهو اللي استردتها اذا كنت صادق

عطني دليل وكلام يجمد على الشارب مهو بس كلام

اما سالفة ان ابن مساعد عطا عنزة هذا كلام عاري من الصحه عنزة اخذوها بسواعد ايديهم

اما وقوف شمر لدفاع عن ديارها فهو ونعم شمر في موقف دفاع وعنزة في موقف استيلاء

ومع ذلك لم تفقد عنزة شي رغم ان محاربها سكن الجبل حضرها وبدوها حتى تميم جت معكم

والدليل قول سعدون العواجي

قل صبحونا اجرودهم مالها قياس ........سكن الجبل جانا مع الصبح عايل
وانا احمد اللي عاضهم كسرة الباس ........كسيرة ٍ وصلت قفار وحايل

مالها اقياس

سكن الجبل

عزيزقوم

28-Aug-2008, 12:08 PM

خيال الصفراء
اسير الدرب عنزي وهو ناقل لكلام سنجار الشمري وانت فهمت الموضوع خطاء لأن اسير الدرب لم يوضح ويضع فرق بين رده ورد الشمري
ثم ياخي اطلب منكم ترك الموضوع وعدم الرد طالما الامور انتهت والشمري توقف عن الرد والله ان شمر عزيزة على قبيلة عنزة وانتم تعرفون ذالك ولا نرغب للاثار مع اي قبيلة الحمد لله نحن في نعمة نحسد عليها

وزير الفدعان

01-Sep-2008, 01:52 AM

السلام عليكم ورحمة الله وبركاتة

وللمعلومية المخرج من قبيلة شمر

مادام ان المخرج شمري راح يكون فيه تشويه لشخصية سعدون العواجي

نتمنى عكس ذلك ونريد الحقيقة .

هاجس الشعر

01-Sep-2008, 08:49 PM

نتمنى عدم عرض هذا المسلسل لانه سيجلب مشاكل كثيره وسيسبب فتن
وبالنسبه للقائمين عليه فاهم شي عندهم هو الحصول على المال
ولا يدركون حساسية مثل هذه المسلسلات
وبيض الله وجه العواجيه كانهم طالبو بايقاف هذا المسلسل