المساعد الشخصي الرقمي

مشاهدة النسخة كاملة : ‏{‏{_ برق،،،الحيا _}}

القسامي511
28-Jan-2008, 07:32 AM
{_بسم الله الرحمن الرحيم_}
السلام عليكم ورحمة الله وبركاته
هذه القصيده موجهه إلى الشاعر القدير / بدر بن عواد الحويفي الحربي
وقد تم نشرها في جريدة الجزيره السنه الماضيه في شهر شوال بتاريخ
‏1428/10/14 يوم الخميس،،،
أتمنا انها تنال على استحسان ذائقتكم الشعريه ،،،
_________؟
الا يالحويفي وقت صيد الحباري جاز=وترى الحر قد جرب مع الجو يحرزها@
وصوب الشمال إنقز برق الحيا نواز=تناوز انواره في دجى الليل مبرزها@
تراجف إرعوده كن في داخله هزاز=ومن شدة إرعوده تزايد تهزهزها@
تركز إمزونه صوب دار القنص مركاز=وتمطر مقاديمه والاعقاب يركزها@
إثعوله ترخت صب منها المطر بنجاز=إمن الما الخباري قام يفجر حواجزها@
مواري سيوله فعلها بالوطى حزاز=وكل الشعاب اللي وطاها محزحزها@
عقب منجلى إخياله يشوق على المعناز=وشمس،ن يشع النور منها يميزها@
منابت إدياره بالزهر والخضار إعزاز=عقب وقتها ريضانها الزهر يطرزها@
وبيني وبينه من ضروف الزمن برواز=وراع الولع لجله إركابه معنزها@
الا ياوجودي وجد منهو جزى وانحاز=تحيز به هموم،ن عن الناس يكنزها@
على مشيته من عقب ماصرت إله قزاز=عيوني برميي للهدف مايجاوزها@
وجودي على شوفه على الموتر الممتاز=ليامن عرض له حرة،ن قام يجرزها@
وإله سايق،ن في خوته للقنص معتاز=إله عزبة،ن للقنص دايم مجهزها@
تنحر إدروب،ن يابن الاجواد ماتنهاز= إدروب النشاما والرديين تعجزها@
قنب ذيبها بالصوت من عالي الاقواز=ويطربك صوته من على راس نايزها@
وحوش،ن بها ماكل من مرها يجتاز=إليا اضلم علينا الليل نسمع تنفرزها@
واليامن عقبناها انتحرز لها تحراز=ومن عقبها شف المولع مراوزها@
خشوف الخلا بديارها القفر له محواز=وصيده اليا ذير تحيز محاوزها@
ومرباعهن ياخوك فيه الجفيل إغزاز=ومن مرتعه بعصير ننقى غزايزها@
واليامن نقينا القايد الناخس المرتاز=من بين البدن لاقام يزها ترزرزها@
رماه العطيب اللي بكل المرامي فاز=إعياره على القلب وعروقه مجزجزها@
وابه بشر الرامي على الصيده اللي حاز=يطيح العشا والمعركه بان فايزها@
واليامن شعلنا النار من غير قز وقاز=نحط الدلال اللي على الكيف ننجزها@
وسط فيضة،ن عقب المطر عشبها مناز=علاج الذي دنياه حظه ملعوزها@
الياشاف بالليل القمر بالسما مراز=تساطع انواره والصفاوه تعززها@
على شان قلب،ن يابدر للقنص فزاز=تهيض من هموم بزمانه يكايزها@
___<<
الشاعر/محمد بن خالد القسامي
عبدالرحمن الهيلوم
28-Jan-2008, 08:13 AM
مشكوووووووور يالغالي
ناصر العصيمي
28-Jan-2008, 09:50 AM
اخي الكريم القسامي

بعد التحيه


يعطيك العافيه يالغالي

تقبل مروري
معلا إبراهيم الأسعدي
28-Jan-2008, 01:57 PM
محمد بن خالد القسامي




بارك الله بك , شكراً أخي الكريم



وصح السانك
القسامي511
28-Jan-2008, 08:36 PM
عبدالرحمن الهيلوم
مشكور بعد انت على طلتك اللطيفه
@ـايل
28-Jan-2008, 08:39 PM
قواك الله اخوي القسامي على النقل المميز

تمنى لك التوفيق والصحه والعافيه

والى الامام
القسامي511
29-Jan-2008, 06:55 AM
ناصر العصيمي
الله يسلمك يالغالي ولاهنت على مرورك الطيب وأكيد مرورك نبي نقبله لإنه يزيد موضعي إشراقه،
القسامي511
29-Jan-2008, 12:29 PM
الشاعر شامان الأسعدي
صح بدنك يالغالي ولاهنت وشرفني مرورك الراقي ،،،
محب الهيلا
29-Jan-2008, 02:02 PM
مشكور وماقصرت
يوسف عتيبة
29-Jan-2008, 06:44 PM
مشكور وماقصرت
القسامي511
31-Jan-2008, 11:07 AM
هايل العتيبي
يامرحبا فيك اخوي وشرفنتنا والتميز في مرورك الراقي،،،
القسامي511
31-Jan-2008, 06:43 PM
محب الهيلا
شرفني مرورك يالغالي
الذيبان
04-Feb-2008, 12:22 AM
لا هنتــ.........
القسامي511
13-Feb-2008, 01:32 PM
يوسف عتيبه
شرفنا مرورك
هايل الهيلا
13-Feb-2008, 08:58 PM
صح السانك ويعطيك الله العافيه



على القصيده الجزله


وصح السانك


وتقبل اعجابي
القسامي511
24-Feb-2008, 11:38 PM
الذيبان
شرفنا مرورك
خالد بن ضمين
27-Feb-2008, 12:38 AM
صح لسانك ولا هنت يالغالي
القسامي511
07-Mar-2008, 05:43 AM
هايل الهيلا
صح بدنك يالغالي ولاهنت على مرورك الراقي ومشكور على حسن الإطراء وشرفنا ردك الرفيع ،،،