نـــــــــــــايــــــفـــــــــــــ الروقي

[علي فلاح العضياني]

علي يناديك يا نايف ورى ما تجيب=قرّب لي اذنك على شان الندا تسمعه
عيّنت صاحبك ابو خشمٍ كما خشم ذيب=اللي صدم قبل يا صل مفرق المجمعه

[@ـايل]

الله الله

صح لسانك يالفالح وبيض الله وجهك

ابــــــــــــــــدااااااااااااع متواصل قواك الله

ونحن في انتظار اخونا الروقي لتكتمل الحفله

واصلوووووووووووووووو

[_أبو هلا_]

صح لسانك يابو فلاح

ننتظر نايف الروقي

[عيد العازمي]

قرّب لي اذنك على شان الندا تسمعـه



صح لسانك يابو فلاح

ننتظر نايف الروقي وصح السانك ابو بدر مقدما

[نايف بن ملحق الثعلي]

انته تنادي وانا عندك تراني قريب=لكن ياصاحبي مزين هروج السعه

اليوم ياصاحبي مافيه شي ٍ غريب=مار احمد الله يارجال منته معه

[نايف بن ملحق الثعلي]

هايل العتيبي ابو هلا العازمي

صح بدنكم لاهنتو على المرور

[علي فلاح العضياني]

ابشر لك بصاحبٍ ما فيه مثله صحيب=يطمع بخوّتك و هوه خوّته مطمعه
وهذا وشكله نبا نضرب عليهم صليب=ذحّين وامثاله اللي ما بهم منفعه

[علي فلاح العضياني]

هايل العتيبي




ابو هلا





العازمي




مشكورين على المرور يالغالين

[الدعجاني 000]

ياروووووووحي انا والله يالفاالح والله اني كل ليله اتاابعك وكل ليله تذهلنا

وووووووووووواصل ابدعاتك وصح لساانك


ولا هنت يا نااايف وصح لسانك

[نايف بن ملحق الثعلي]

بعض العرب مالهم فالوقت حظ ونصيب=ياصاحبي كان ماطاعك زمانك طعه

انته صحيب الوفاء صحبتك سمن وحليب=ولاخير في صحبة اهل الغش والمعمعه

[أســ القاع ــد]

ابشر لك بصاحبٍ ما فيه مثله صحيب=يطمع بخوّتك و هوه خوّته مطمعه
وهذا وشكله نبا نضرب عليهم صليب=ذحّين وامثاله اللي ما بهم منفعه

علي العضياني(الفالح)صح اللسانك

نايف الروقي صح اللسانك

والليل الليل ياشعار

ويا علي ارفعها فوق فوق المحاورة

[@ـايل]

الله الله

ابدااااااااااع متواااصل

واصلووو يا شعارنا الابطال متابعييييييييين

[نايف بن ملحق الثعلي]

مرحبا يا أسد القاااع

مرورك يسعدنا

وازهل علي ولايهمك

[علي فلاح العضياني]

العام يوم اجتمعنا فالمكان الرهيب=اللي ما يرتاع شوف صحيبك يروّعه
يا راعي الطيب مالك عندنا غير طيب=حبل الصداقه مع الغالين ما نقطعه

[علي فلاح العضياني]

الدعجاني



شهادتك وسام على صدري يالغالي ومحل فخر واعتزاز طال عمرك

[علي فلاح العضياني]

اسد القاع




الطخّ سماوي الله يهداك انت علامك ههههههههههه

[علي فلاح العضياني]

هايل العتيبي




مشكور يالغالي وتسلم على مرورك طال عمرك

[@ـايل]

الله الله

عاشووووو الشعار بيض الله وجيهكم

واصلووووووووووو

[نايف بن ملحق الثعلي]

يا جعل شمس الحقيقه دايما(ن) ماتغيب=وصحيبي أخر زمان اموقع ٍ بصبعه

الوقت خلا الرجال تشيب قبل المشيب=مار العلم عندنا يالي تبا ترفعه

[محمد العتيبي]

علي العضياني ونايف الروقي
ابداع * ابداع * ابداع
..
صح لسانكم جميع ولابداعكم بقيه ..
..

[معجب العتيبي]

نايف وعلي

ابدااااااااااااااااااااااااع وطخ سماوي

وحمدالله على سلامة صحيبكم من حادث المجمعه ههههه

[ابو بندر]

انا اشهد انه قاف كايف وفيه متعه
الله لا يهين شعارنا المتالقين دائما
شكرا لشاعرين وقواهم الله

[سلطان بن ثعلي]

صح اللسانك ياعلي العضياني(الفالح)

صح اللسانك يا يانايف الروقي

على المحاورة الجزلة

بين الشاعرين الكبيرين العلمين من اعلام الشعر