واهل الوفى والمعرفه فالمواقف نطلب اوصالها

[خالد العصيمي]

مسيكم بالخير

أقرب ذيب


سلام ردية تسري مساري الذيب في كل ليل = من فوق هذيك الرجوم العاليه ياناس منزالها

يحدني هاجسي واحداه واطلب كل بدعن جزيل = واهل الوفى والمعرفه فالمواقف نطلب اوصالها

[ناصر الجلاه]

..

خالد العصيــمي

..

سلااااام صح لسانكـ مبدأ رائع وجميل لله دركـ

ننتظر المقابل

واصلووووووووا متااااابعين

..

[بندر الهيلا]

خالد العصيمي / .... صح لسانكـــ ....

[خالد العصيمي]

وعليكم السلام

صح بدنك ياغالي الرائع حضورك


..............

بندر لاهنت على المرور وصح بدنك

[معجب العتيبي]

يامرحبا يالعصيمي من هجوسٍٍ ماتجي بالهزيل=مكانها عاليٍ ياصاحبي والناس ترقالها
هات السوالف يابن عاصم وشوف الدرب لا لاتميل=واهل الوفا والمعرفه ياعميل الخير يهنالها

[ناصر الجلاه]

..

سارح البال

..

ياسلااااام رد وافي دائمآ حضورك له طابع ثاني

تقبل مروري واعجااابي

..

[معجب العتيبي]

ناصر الجلاه
دائما حظورك ومرورك ينومس

وبيض الله وجهك

[خالد العصيمي]

دام البقا ياطويل العمر وانته لا رقيت الطويل = ارتاح وانضر سحابن لاتبجحلك بهمالها

ولا يهمك ليا منه زما بالحمل ياقف شعيل = ويشيل حمله وغيره يا طويل الباع ماشالها

[معجب العتيبي]

ياصاحبي لاتعلّيت الطويل وقلت ماله مثيل=كرر وهات اطيب الألحان فوقه جر موالها
بعض الجمال يترزم بالحمل والحمل فوقه ثقيل=وبعض الجمال التعب من فوقها ثقله برا حالها

[خالد العصيمي]

الله الله




ابشر بطرق اللحون الي تميّل جاعدات الجديل = والي تنومس رجالن فالمواقف شاب عيّالها

تبا تبين الاصايل لاتحامت فالطريق الطويل = الي تقص الفيافي فالهضاب الشم واجبالها

[معجب العتيبي]

الاوله روّحت ياصاحبي وابا اعتبرها سبيل=والثانيه لاتمر وتنتهي وتقول من قالها
ان ما نفع لاعب الكوره ياخالد يزهمون البديل=مير البلا ياعميلي كانها دامت على فالها

[خالد العصيمي]

الاوله ياعميلي مايسويها يكود الذليل = الي ليا حميت القيفان عود يطلب اهزالها

لا تحسبنك وضعت السم يارجال وسط الصميل = انته شملت الرسايل والرسايل شان مرسالها

[معجب العتيبي]

البادي اظلم وخلق الله ياخالد يعرفون الدليل=والا عميلك تراه يجنب الهزلات وجدالها
انا اشهد انك تجيب الطيبه دايم على اخر موديل=لكن من يحفر الحفره لغيره طاح في جالها

اخوي خالد العصيمي
اللعب معك لايمل
والاستفاده منك لاتنتهي

شكرا على اتاحة الفرصه واعتقد ورانا صلاة فجر وجمعه والنوم وصلني ههههه

بيض الله وجهك

[زحزيح]

لا هنتـوا

ومتابعيـن :)

[خالد العصيمي]

:)

اجل فمان الله ونلقي على خير


( سبحانك اللهم بحمدك اشهد ان لا اله الا انت استغفرك واتوب أليك )