لماذا لم يعترض اعضاء اللجنة على قصيدة الشبرمي؟

[أبوأنس العتيبي]

السلام عليكم ورحمه الله



في بداية النسخة الثانية


كان الشاعر اللي يثير النعرة القبلية او مايسمونه ................
يتم انتقاده



لكن اشوف قصيدة الشبرمي من اولها الى اخرها مدح في القبيلة
ولم يعترضة احد



تحياتي

[عبدالرحمن الهيلوم]

الغالي

الدعوي فيها جوالات وسبح عاج 1!! ناس تشتغل صح بعدين نسيب اشيوخ قطر!

[فهد رشيد الزلامي]

طاب البيرق ياخليل
دققوا في جملة مقدم البرنامج ما معناها

[محب الهيلا]

اقول انتم صدقتوا ان اللجنه منصفه

والله انهم يدورون على العتبان اي شي

اليامي طردوه علشان قال من بعد الاعشى والفرزدق تراه حان

والمشعان يقول انا البديل ويكررها ماحد قاله شي

وين الأنصاف

اللي يبونه يطنشون عنه واللي يبون يطلعونه يدورون عليه اي شي

حسبي الله ونعم الوكيل

[هامة مضر]

القصيدة جزلة بما تعنية الكلمة ....ويستاهل التاهل وبقوة
ومسالة مناسب ال ثاني هذا غير صحيح....والصراحة اعجبني السميري

واتمنى لة التوفيق...

[ابن خيطان]

الله يستر على خلق الله

[البريماني]

يأخوي أنا قايل مالها إلى أن الشاعر محمد الحويماني يمدح عتيبه الحلقه القادمه وتشوف المريخي يوم تضيع علومه

[جمال النفيعي]

لا تنسى ان الدعوه حميه


وحمد السعيد تميمي هو من يدير اللجنة كلها


شي معروف انه يتاهل



انتظروا المفاجئة المقبلة

[الـ ـ ـعـ ـ ـجـ ـ ـمـ ـي]

صح انا اعتب على اللجنه خص حمد السعيد يوم المري باول حلقه يذكر انه يامي ويفتخر انتقده حمد السعيد وقاله انت مو بس ليام او ليتك ماقلتها
وألحين التميمي يقوله التميميه تدهرياولدالعم!!!!!!!!!!!!!!!!!!!!!!!!

[منصور بن فهيد]

انا من اشد المعجبين بخليل الشبرمي للامانه ..
ولاكن القصيده التي شارك بها لم تكن عالية المستوى او التي تستحق ان يتأهل من خلالها مباشره ..

بل شاهدنا طلب حمد السعيد لكذا شيله على إعتبار ان الشبرمي يتميز بالشيلات والصوت العذب ..

فهل هذه الشيلات محاوله من اللجنه لترقيع مشاركة الشبرمي ؟؟

عموما يبقى الشاعر خليل الشبرمي شاعر كبير ومميز ولم يظهر بمستواه المعروف في الحلقه الماضيه ..

[معشي الحربة]

انا من اشد المعجبين بخليل الشبرمي للامانه ..
ولاكن القصيده التي شارك بها لم تكن عالية المستوى او التي تستحق ان يتأهل من خلالها مباشره ..

بل شاهدنا طلب حمد السعيد لكذا شيله على إعتبار ان الشبرمي يتميز بالشيلات والصوت العذب ..

فهل هذه الشيلات محاوله من اللجنه لترقيع مشاركة الشبرمي ؟؟

عموما يبقى الشاعر خليل الشبرمي شاعر كبير ومميز ولم يظهر بمستواه المعروف في الحلقه الماضيه ..


بالفعل لو تلاحظ قصيدة الشبرمي معظمها ركيك وفيها علل حشو كثيره واختلال في المعاني .. وايضاً هناك تجاوز ديني فاضح ..

حسنته الوحيدة معرفته بالطروق والأوزان المتداوله .. قد يكون تعمق في معرفتها لحبه للشيلات ... وهذا شيء يحسب له

بدليل ان اللجنة اختبصت مع بحر قصيدته لعدم معرفتها بالتراث
وهو من احد طروق العرضة في الحجاز والذي نادرا مايتم النظم به ..


عموماً الله يوفق الشبرمي ..
لانريد ان نتطرق لأحد من خارج القبيلة لحساسية الموضوع عند البعض سواء من قبيلة تميم العزيزة علينا او غيرها من القبائل


وعندما ننتقد قصيدة .. فنحن ننتقد النص لا الشخص
وفي اظهار سقطات النصوص المتأهله نثبت عدم اهلية لجنة التحكيم ,, انتصاراً للشعر لا اكثر ..

[عريدي المجمعه]

من عقلك تبي السعيد يتركه !!!

هذي سياسة اللجنه

اللي يبونه يطيرونه في السماء قدام الناس
عشان يبان إنه مافيه زيه

[محقني الخبر]

اي انصاف

السميري حقيقه المفروض يتاهل بدون تصويت


والحويماني المفروض يتاهل بدون تصويت


والحربي مظلوم بخروجه المفروض يخرج الاماراتي


والله الشبرمي اعجبني مواله ورغم انه هايط شوي لاكنه شاعر


وهذه الشيله لا احد يقول فيها شي لانها رائعه

معلق عليها انا



ليت فرخ الحمام عصير معاد يسجع
نقض جروح قلبي والعنا والمواجع

[الاحنف بن قيس التميمي]

انا من اشد المعجبين بخليل الشبرمي للامانه ..
ولاكن القصيده التي شارك بها لم تكن عالية المستوى او التي تستحق ان يتأهل من خلالها مباشره ..

بل شاهدنا طلب حمد السعيد لكذا شيله على إعتبار ان الشبرمي يتميز بالشيلات والصوت العذب ..

فهل هذه الشيلات محاوله من اللجنه لترقيع مشاركة الشبرمي ؟؟

عموما يبقى الشاعر خليل الشبرمي شاعر كبير ومميز ولم يظهر بمستواه المعروف في الحلقه الماضيه ..



رد من استاذ ، طال عمرك انا رايك نفس رأيك .. و لكن لاحظت و خصوصا من حمد السعيد انه طلب شيلات عدد من الاعضاء مثل القحطاني و لو هي على خليل فهو مشهووور بهالشئ و تعرفون هذا .
كذلك سؤال حمد السعيد للحويماني عن نبرة الصوت ليس سؤال معترض ، كان يريد منه ان يجيب تلك الاجابة الاخيرة اللي تعبر عن فكرته من تغيير نبرة الصوت . و كان بإمكانه انه يقول اتوقع كذا او يعبرها .. لكن بغاها من الشاعر و هذا امام الجمهور له وزنه .

عموما يا جماعة ، المراحل القادمة اتوقع انها تبي تظهر المنافسة اكثر و سنرى

[مرزوق حمدان العتيبي]

..
.

بعد خروج الهاب الحربي وتأهل الاماراتي بدون تصويت
وتأهل هلاله مع مجموعة التصويت ..ثبت القين الذي لاشك فيه .
ان اللجنه مسيره وليسة مخيره في التقييم .. وماخلف الكواليس
اعم واطم .

[نواف العصيمي]

.. ونعم بجميع القبائل وبالأشخاص

ونعم في العتيبي والتميمي والحربي

وهلاله :) هلاله

ونحن وهم :) أكبر من برنامج .. ولكم التقديرو الإحترام

[نواف العصيمي]

أسحموا لي بمداخله :) البي يقول لازم تقول

.. من بعد ماطلعوا المشاهد والتصرفات الصبيانيه
من اللجنه المنظمه وطرد شخص صغير السن لانه أهان المراءه
.. وهذا الغلام متشبع بالعادات والتقاليد الجنوبيه التي جعلتهم
يصيدون فرصهم وبهرجه مالها داعي .. !!
يعني تطلعها قدام الناس ليه !!
فضيحه ياهوه !!
يامليون !!
عيب والله عيب !!

وإهانات للشعراء والمقامات .. !!
ومن ثم خمسة كراسي وتعال هون .. قولي على عيني وراسي ..

قوة الدعايه هي المحك لهذا البرنامج ولازال الشيخ يضبط الإقاع
بتواجده والقنوات الرسميه تدعم .. لو محطه عاديه مات ومات الهم
والغم وسحابة وتعدي للقبائل ..

لكن الكل هام وجاب .. وقال مالا يقال .. الحميه لدى القبائل
مستغله .. والشاعر يبغى الظهور والسمعه ..وغصبن عليه يبي يروح
لهم ..

لكن الي أشوفه أن اللجنه هي الي تسوي وتقدم وتؤخر من عندها
خمس نفر نفر ولايستطيعون السيطره فالبرنامج كبير ..
والتقييم من عندهم ..
لكن مصيبه ترى..
فلكل واحد لديه ذوق وتصرف وعقليه ..وتخلف نسال لمن تخلف الهدايه


ومالهم ومال الفلوس .. أنا أقول أنها من اللجنه مع جنبها أو
يبغون يجذبون القبائل طق طق في بعض .. والمتابع يزيد
لو كان هادي بيكون عادي لابد تتصافق الروس ..حتى تدوخ

:)

القبيله التي تقول أن شاعرها داخل هالبرنامج من أجل سمعتها
وأنا أي تعرض للشاعر تعرض للقبيله
..
فهي في مهب الريح
..
له التقدير والقبيله أكبر من برنامج ومن هالكلام ..أصحوا ياعالم


:)

وأولها عتيبه وكذلك حرب وكذلك تميم والخ وقيس ..
لو وضعنا أسم القبيله على ميزانهم رحنا فيها راحت الأمجاد
لاننا ننتظر أمجاد بفلوس ..;)


:) أعذب تحيه للجميع

والموضوع والشبرمي !! ترى الرجال شاعر
ومن قبيله ومن حقه .. مافيه هياط إلا نقول يوسف هايط !!
خلوا الناس في حالهم .. :) ..

ياحبي لكم ياعتيبه والشرح الي في الخطا خطا مالها داعي :)

[Man من العتبان]

يوم مدح قبيلتة محد قاله شي لو عتيبي مادح كان قالوا ممنوع مدح القبيله وهذا برنامج الجميع ولا يقتصر على قبيله بل على الجميع

من تابع حلقة السميري يعرف اللجنة وسلوبهاا تعسفي

الجمهور صفق بحراره وطول وهو يصفق لسميري وسكتهم بدر الصفوق بس ما شنفاك سكت الجمهور يا بدر يوم طولوا بتصفيق لناصر الفراعنه !!! تناقظ عجيب .

[بصراحه]

السلام عليكم ورحمه الله



في بداية النسخة الثانية


كان الشاعر اللي يثير النعرة القبلية او مايسمونه ................يتم انتقاده



لكن اشوف قصيدة الشبرمي من اولها الى اخرها مدح في القبيلة
ولم يعترضة احد



تحياتي


ليه انت تشوف بعين وحده والا بعيونك كلهم ... ليش يااخي حنا كلنا نسمع ونشوف ونقيم على شان تجي انت وتقول كلامك هذا ... حبيبي اغلب الشعراء ان لم يكن كلهم مدحو قبائلهم سواء في هذه النسخه او النسخه السابقه مدحو لابتهم وقبائلهم ... يذكر ان الشبرمي مدح حاكم وقال ان هذه فرصه تاريخيه يعني شلون تبيه يمدحه ويقول انه من امطير والا من عتيبه والا شمر والا غامد والا زهران ... يعني لو كان احد القبائل الاخرى لمدحه ونسبه للقبيله التي ينتمي اليها ... اخي لا تجعل الحقد يملى قلبك فوالله ان القصيده جزله بما تعنيه الكلمه سواء شعرا او القاء او حتى مظهر الشاعر الذي يدل على الثقل والرزانه ..