وش يصير أذا صار أنسحاب جماعي لشعار عتيبه

[صعوط المجانيين]

السلام عليكم

أنا أتوقع يثبت فشل البرنامج ويضعف

وممكن من أنسحاب الشعار

يتم أستبدال اللجنه في السنه القادمه ويعملون الف حساب لشعار

عتيبه

وأنا من هذى المنتدى الشامخ أطالب شعار عتيبه بالانسحاب

وأطالب منتديات عتيبه بمطالبة الشعار بالانسحاب؟

والله ماقلة الكلام هذى الا محبتن في قبيلتي والظلم المتعمد
على شعار القبيله

[محمد العتيبي]

اجابه على السؤال بدون قراءة الموضوع
سيصبح احباااااااط شديد لابوظبي كلها وتنحاس خطتهم
ولا يقدرون تظبيط خطه اخرى ..

[صعوط المجانيين]

بيض الله وجهك يابو مشعاب

هذى المطلوب

[أفك النشب]

اكيد مليون بالميه

بتصير غربله عند ادارة البرنامج

وراح تستبدل اللجنه

[صعوط المجانيين]

أفك النشب

هذى الي حنا نبيه

نبغى كل منتديات عتيبه في الصفحه الرئيسيه

تطالب الشعار بالانسحاب

[البريماني]

نبي وقفة رجال واحد وينسحبون الشعار وشف كيف تروح علوم الجنه

[ابو عطا]

هذا مستحيل ...................

[صعوط المجانيين]

مافيه شي أسمه مستحيل

كل المنتديات تطالب بالانسحاب

وراح ينسحبون لرغبة أبناء القبيله

[محمد العتيبي]

ياليت
وترى لجنة الابقار متخوفين من الشغله هذي
انها تصير ثم يذبحهم المزروعي وتذبح المزروعي عمته
نشوى الرويني ..

[صعوط المجانيين]

والله اذا انسحبو شعار عتيبه

لغيرون أسم البرنامج من شاعر المليون الى برنامج ماله داعي

[بليهان]

إخواني الكرام
أعتقد أن الانسحاب من هذا البرنامج لوجه الله نظير ما يراه الجميع من تجاوزات شرعية واستغلال, هو الانسحاب المطلوب والمبارك بإذن الله.

نتمنى أن يكون الانسحاب لوجه الله ورغبة فيما عنده وغيرة لمحارمه , والله الموفق .

[محب الهيلا]

والله لو ينسحبون شعار عتيبة انهم لينحاسون وياكلون هوى


لانها بتكون ضربه لهم


حنا قلنا هذا الكلام من يوم حطوا خالد للتصويت


لكن الله يهديهم مايسمعون

[الهيـ(صبي)ـلا]

يالربع يازينها الأسبوع القادم

آخر شعار الهيلا


وكم أتمنا بأنه حينما يتم إعلان النتائج النهائية للشعراء

بأن يقوم بإستداعاء شعار الهيلا المشاركين ويعلنون

الإنسحاب الجماعي من البرنامج

[ابو براك]

لو ينسحبون شعار عتيبه كلهم

راح يخسر البرنامج ويفشل

تدرون ليش !!!!!!!!!!!!!!!!!!!

لأن الشعر ساااااااسه عتيبه

وحنا أهل الشعر

وأتمنى من الشعار يعلنون الإنسحاب

الجماعي الحلقه القادمه

[صعوط المجانيين]

أتمنى وأطالب منتدى عتيبه الهيلا

بمطالبة شعار عتيبه بالانسحاب

من خلال الصفحه الرئيسيه بالمنتدى

[محب الهيلا]

والله لو نقول من هنا الى ان يصبح الصبح انهم ماريحين


ينسحبون بس نتعب انفسنا بكثر الكلام

[عبدالله العمى]

انتم تتكلمون من فراغ والله من الشروط اللي وقعوا

عليها ان اي واحد ينسحب يدفع كل ريال دفعوه عليه

يعني بالعربي سكنك بالفندق لمدة وقدرها عاد انت
احسب الليلة بكم وكم ليلة قعدوا وثانيا تدفع اكلك و
شربك اللي على حساب البرنامج واشياء كثير ولاتستبعد يدفعونهم ضريبة ظهورهم الاعلامي ولاحد
يقول الفلوس ماتهم ويهايط كل الشعار يقول ليش انسحب شهره وكسبت ولاخسرت شي ليش احط
علي فلوس من لاشي بعدين قبل هذا كله الدعوة

مهيب لعب ورعان انت داخل وعارف اللجنة عشان

مارشحوك تنسحب وتخرب عليهم الريجيل حاسبينها


وانا ادري ان اللجنة فاشله فاشله وهدفها الاول

كم بيجي البرنامج من التصويت.

[صعوط المجانيين]

ياجماعه لانضحك على نفسنا

حمد السعيد يقول لشبرمي أنا فيني حميه

والمريخي مع بني عمه

والدكتور ثور كلن يسوقه على كيفه

والعميمي مفروض على اللجنه لانه اماراتي

وصفوق عايش في جو ثاني ( جوه غير )


يعني النتائج معروفه وخالصين منها مثل ماصار في يوسف

يوم يحجبون الاصوات هذى الي راح يصير مع شعارنا

[محب الهيلا]

مانقول الا حسبي الله ونعم الوكيل

[محمد العتيبي]

مانقول الا حسبي الله ونعم الوكيل




حسبنا الله ونعم الوكيل ...

[صعوط المجانيين]

اذا ماانسحبو من البرنامج ننتضر وخلال شهرين

نسوي مقاطعه من خلال المنتديات من دعايه ضد البرنامج

ومقاطعة اي شاعر عتيبي سيدخل البرنامج واي شاعر عتيبي

يدخل البرنامج لن نصوتله ونمنع قصايده من المنتدى

وصدقوني جميع القبائل راح تسوي مثل ماسوينا

[صعوط المجانيين]

هذى البرنامج مادي

وأكثر ناس صوتو هم قبيلة عتيبه

وننضلم بعد

[سلطان عايض]

إذا طالبناهم بالإنسحاب سيعتبرون مستبعدين من المسابقة ويكملون المسابقة ولا كن شيء صار

[محب الهيلا]

لاتتعبون ماهم منسحبين تعبنا وحنا نقول هذا الكلام

ماحد سامعنا

[دغيمش]

صحيح يااخوان لابد من مقاطعة برنامج المليون مع المنتجات الدنماركيه

[صعوط المجانيين]

شاعر المليون

سبب حزازيات بين القبايل

وسبب كراهيه وولد الحقد

شاعر المليون

يجب أن نقلعه من جذوره

ولاراح يوقف البرنامج الا قبيلة عتيبه

بالمقاطعه

[مشاري]

كــان النـزيه في البرنامج المسعودي ولكن استبعدوه.!

[محب الهيلا]

مايبون بينهم واحد نزيه

[منيف]

المطالبة بعدم المشاركة كانت قبل بدأ البرنامج .. وان يكون للقبيلة كلمتها بعدم المشاركة
لكن الشعار اللي شاركوا هالسنة خالفوا رغبة الاغلبية

الانسحاب صعب .. لكن من السهولة اننا نوقف التصويت .. ويكون علنا على جميع المنتديات

يالله شدوا الهمة ياخوان

[منيف]

صعوط المجانيين .. كلنا معك
الله يكثر من امثالك ..

[عبدالله الجـــذع]

الســلام عليكم..

ياشباب بغض النظر عن اللجنه وعن سياسه البرنامج و..و..ياشباب كم واحد قبل 6 شهور يعرف بندر بن محيا ؟؟؟؟

كم واحد يعرف عبدالله السميري؟؟؟؟كم وكم وكم...؟؟؟؟

أذا مولازم نصوت ولانتعب أنفسنا ولكن خلو عيال عمنا يكسبون أٌل شيء شهـره والله انهم بيستفيدون وهذا يفيدنا حنا بعد لأنهم يمثلون قبيله عتيبـه وهم خمسه بالعكس كل ما زاد العدد كلما كان أفضل لأنهم يكثرون شعارنا المشهوريــن صح ولالا.....

الله يوفقهم لما يحبه ويرضاه..

[ابن سعّيد]

ياشباب بغض النظر عن اللجنه وعن سياسه البرنامج و..و..ياشباب كم واحد قبل 6 شهور يعرف بندر بن محيا ؟؟؟؟

كم واحد يعرف عبدالله السميري؟؟؟؟كم وكم وكم...؟؟؟؟

..

اشكرك يالجذع علي وجهة نظرك وانا اضم صوتي لصوتك واقول خلهم يشتهرون والله يكثر شعاركم ياعتيبة

واحب اقول لجميع من يقول ويدعو للمقاطعه اقول وينك عن شعار عتيبة روح وجمع قصايدهم واكتبة في المنتدي كان فيك شدة علي شهرتهم اكثر من شاعر المليون

[ابو عاطس]

ولا شيء من هذا بيحصل البرنامج بيستمر وبتقل حصة بنت الرويني من الهبره

[ابو مشعل العتيبي]

اقسم بالله انه لو ينسحب شعار عتيبه لتضيع علوم البرنامج ويروحون فيها اللجنة بس لا بد ان الانسحاب يكون فيه مبرر قوي مثل جعل الشاعر المبدع خالد العتيبي ضمن التصويت

[صعوط المجانيين]

أسعدني مروركم جميعا

ابو مشعل

هو فيه ظلم بعد ماانظلمو شعارنا

الاول خالد والحين السميري

والله يستر على الحويماني

لايظلمونه بعد