والله مهزله .......................وقمة المهزل

[محب الهيلا]

ياأخوان انا انصدمت من اللي صار

السميري ينتظر التصويت

حسبي الله عليهم ونعم الوكيل

لاتحذفون الموضوع ابا ابرد كبدي

[أفك النشب]

ههههههههههههههههههه

ضحك علينا

يقولون باقي عندهم كم بطاقة تصويت خلونا نسحبها

ولا في احد جالس لشعراء عتيبه في البرنامج

[السميــــــري]

المشكله اللي خلووه يصير قبله ..
جابر المطيري .. لو أنه واحد ثاني يمكن ..
لجنة فلووووس !!

بصراحة ..

تقييم فاشل ..
من أجل أستجلاب أموال عتيبية .. !!

[محمد العتيبي]

الله ينتقم منهم الاشرار
انا معلمكم هذولا لجنة زور وبهتان ...
...

[ابو عطا]

يارجال والله العنصرية واضحة من السعيد والمريخي .

[هواوي نجد]

وسعو صدوركم كل واحد يرفع بولد عمه
المريخي حمران النواظر والثاني طلع تميمي
والحميه في دمي هذا كلام وتصريح واضح من السعيد

[محب الهيلا]

ياناس انا ابا اموت من القهر المطيري يطلع والسميري ينتظر اسبوع

[سلطان عايض]

ضحك ولعب ومهزلة ياريجيل غير أنهم حطوه على التصويت شوفوا النسبة اللي أعطته لجنة الفلس 38% عجيب والظفيري 45% حسبنا الله عليهم لكن عناد الوقفة يالربع تكفون

[البريماني]

السعيد ...

وبعدين المريخي تدرون وش يقهره طاري عتيبه بس

والشبرمي والله أنه من جنبها.....

[فهد سعد العتيبي]

ياناس ياعالم ياعتبان اتركو البرنامج الفاشل
اجل السميري يخلونه تصويت اتركوهم لاتصوتون
وكم اتمنى وياليت كل العتبان الي في البرنامج ينسحبون
مرة وحده عشان يكسرون خشومهم

[العود حبيب]

المشكلة انك حبيب انت واللي مصدقين حكاية التصويت..

[محب الهيلا]

قصيدة الشبرمي الا شي امام السميري

[محب الهيلا]

تكفون لا تخلون السميري صوتوا قد ماتقدرون من اليوم

بس كم الرقم حق التصويت انا انعمست يوم صار اللي صار

[مشاري]

من زمان قلنا ها البرنامج فاشل واعتقد السميري هو الي حط نفسه في ها الموقف؟!!

[ابو عطا]

والمشكلة المذيع يطق على راس السميري

والسميري مرتبك

[محب الهيلا]

تكفون ماهو وقت لوم وقت تصويت وبس

[محب الهيلا]

بندول ابا بندول

[أفك النشب]

ابشر بالسعد

ويبشر ولد العم

اكيد اني بصوت

[فيصل بن دحيم]

يالربع لا تضلمون الرياجيل وتضلمون حضكم الشبرمي يستاهل لكن المطيري كفو ونعم وشاعر وما نقول فيه شي لكن قصيدة السماري أفضل وكان يستحق التأهل ولكن الموسم هذا عتيبه مستقصدهـ

[جمال النفيعي]

صدقت يالسميري

تقييم فاشل ..

من أجل أستجلاب أموال عتيبية

كلام واقعي


ام عن جابر المطيري الله يخليك المريخي

[محب الهيلا]

هو بس الموسم هذا عتيبه مستقصدة عتيبة اليوم ودوم الناس


مستقصدينهم ماأدري ليه

[أفك النشب]

لن ينالو من عتيبه الهيلا

[العود حبيب]

محب الهيلا.. من جدك تبي تصوت..؟؟!

اسمح لي اقول انك اكبر مغفل مع احترامي لك..
اتمنى انك تتقبل هذه الكلمات الجارحة.. ولكن اعتبرها عتاب محب..

والله ما طرى علي اصوت.. يا رجل انا بالكاد اشوف البرنامج من الاسلوب الارعن اللي ينتهجونه.. والمتابعة فقط لمشاهدة ابناء القبيلة.. والا البرنامج حادر له وادي.. زد عليه اللجنة ونقدها اللي يرفع الضغط.. ويدل على سطحية التفكير.. وركاكة الاسلوب والكفاءة..

اتمنى ان تتقبل كلامي برحابة صدر..

[محب الهيلا]

طيب ماتصوت وتخلي السميري كيف يتأهل

[ابو عبد الله العتيبي]

غش واضح جدا

المطيري صراحه لايستحق التاهل

لجنه فاااااااااااااااشــــله

تحياتي

[محب الهيلا]

كل مانقول اللجنة تبا تتعدل وتمشي صح المادة تطغى عليها

[ساري النهار]

يا الربع للامانه انا لم اسمع قصائد المتاهلين ولكني سمعت قصيدت اخونا السميري وهي للامانه قصيده عاديه مباشره تحسب من اللون التقليدي العادي الخالي من التجديد اضافه الى انه يوجد كسر واضح في احد ابيات القصيده فنرجوا منكم سماعها مره اخرى والحكم عليها بتجرد ودمتم

[محب الهيلا]

ياناس اللي تقولون مانتم مصوتين

ترى من العام وحنا دارين انه برنامج مادي لكن وش نسوي بعيال عمنا


اللي حطونا في هذا الوضع لانقدر نخليهم وبلشنا مع هالبرنامج

الله لايوفقهم

[راع العوجا]

كلمات سوقيه .. نترفع عنها .. فأبتعد عنها

إنذار

المشرف

[بليهان]

إخواني الكرام.. الكل منكم يعترف بأن البرنامج مهزلة !!
والمهزلة الحقيقة أن ترسل مالك لأهل المهزلة !!
,
ضع _يامسلم_ مالك في ماتجده عند الله في أخرتك, ودع عنك المهزلة ودعم المهزلة حتى لاتكون شريكا في المهزلة.
مع تمنياتي للجميع بأن يوفقهم الله لما يحب ويرضى

[محمد العتيبي]

الله يستر علاك ياساري النهار ..
..
وش رايك تصير من ضمن اللجنه..:)
تقليدي .. وكسر فالبيوت هههههههههه

[ابو عطا]

والله ماحد يستاااهل التصويت الا شااعر الامة الله يذكرة بالخير .

اما شعاار عتيبة السنة هذي مايستااهلووووووون التصويت مع احترامي لهم جميعا

[محب الهيلا]

افا افا اف يارجال نسيت خالد وشعره

وبندر

والله انك تظلم نفسك ان كان هذا كلامك

[وزن وقافيه]

ياشباب هدوا اللعب اللي صار صار خلاص نبغا وقفتكم مع عبدالله شدوا حيلكم

[محب الهيلا]

بالله اسمع اللي يقولون ماهم مصوتين


شي يفقع المراره

[بـنـدر]

أقول شدو حيلكم يا شعار عتيبه ونبي قصائد في اللجنة



وياليت شعار عتيبة يقاطعون البرنامج



المؤمن لا يلدغ من جحره مرتين

[محب الهيلا]

خلاص طاح الفاس بالرأس

ماعد ينفع

[محب الهيلا]

ياناس ياعالم كم رقم التصويت

[محمد العتيبي]

لااااااااااااااااااااااااااااازم
رقم التصويت..

[مقاطـي]

العتبان فقط لزيادة الارباح والمسجات

[نـايف العصيمي]

ظلمووووووه حسبي الله عليهم حنا من زمان ندري ماهم كفوا مجلسينهم على كراسي يعني لجنه لجنة بقر مب لجنة شعر ومنجحين البزر الي مغير يرجف اتركوهم هم وبرنامجهم؟؟؟؟؟؟؟؟؟؟؟؟؟؟؟؟؟؟؟؟

[محب الهيلا]

ماعلينا مرتزقه ويشحذون مانتصدق عليهم

[الدقيق]

ماشاء الله عليكم يا ابناء العمومه ..!!!

تسبون وتشتمون وتظحكون وتقطون فلوسكم.. على شاعر المليون واللجنه والجمهور والتصويت

وفوق هذا ما يعجبكم العجب ؟؟

اقول مدام عندكم دراهم قطو حق ولد عمكم عجب بن مترك .. ترى مالكم الا اجر عند رب العالمين

واتركو عنكم برنامج المليون اللي ظحك عليكم واخذ فلوسكم


اصحو يا غافليين

[مستشار القبيلة]

صح لسان السميري ،، اشعل شاطئ الراحه بشعره

و حسبنا الله و نعم الوكيل على المرتزقه

[فيصل بن دحيم]

....................................
حاله

والله الموقف المحرج

لكن التكله على الله والمرقى سنوووووووووووووود

المشرف

[محب الهيلا]

يالدقيق


وش الحل نخلي عيال عمنا

[الميموني 2]

للامانه اسميري ابدع وهو الجدير بالتاهل وبدون منازع
لكن شالحكمه الله اعلم

[محب الهيلا]

يالميموني ماتدري وش الحكمة انا اقولك الحكمة


سحب الفلوس من عتيبة لكن عساها ماتهناهم

[بـــرقـــاوي^^هــــواوي]

هههههههههههههههههههههههههه

توك والله هذا شي من لاشي ...

ياريجيل قصيده جابر المطيري مااااااااااهيب له ماااااااااااهيب ماااااااااااهيب له

وابصم بالعشره لا بالمليون بعد... انا اقراله قصايد عااااااااديه ... الا والله سلمني علي اللي كاتبها له مسوين له امداااااااااااااد...


بعدين ياخي شلون يطلعونه علي السميري والله ماني متعنصر للسميري

لكن ياخي بالعقل جابر لاالقااااء عنده ولاحضور ومرتبك وضيع القصيده

والله وهو يقول القصيده يكسر الخاطر ..


ماااقول الا امـــــــــــحــــــــــــــــــق لجنه!!!!!


اخوكم: برقاوي هواوي.

[الميموني 2]

بس راح ينجح ان شاء الله

وراح اصوتله

[محب الهيلا]

شوف هم اكيد انه معجبهم لكن لو أهلوه

اليوم من وين لهم فلوس ياكلون هذا الاسبوع

[محب الهيلا]

طيب ياأخوان تتوقعون اذا صوتنا وتعبنا

مايسونها فينا

ويخرجون السميري الاسبوع الجاي

مثل ماسوا مع سعود

[عبدالله الجـــذع]

الله لايوفق من به شــر على العتبان ..

[المهاجر المجهول]

الاخوان يقولون لماذا جابر المطيري يتاهل ؟؟؟
يجب يتاهل جابر لمطيري لاسباب منها
1- انه اول متأهل من الكويت واعتقد ربما يكون الوحيد لان هذه الحلقة ماقبل الاخيرة ال 48 وبذا الكويت راح تكون كلها معه وايضا قبيلته في الخليج .
2- الحلقة القادمة سوف يتاهل هلال المطيري وهو شاعر قدير ومعروف .والمعنى انه في الحلقات القادمة التي سوف تركز على التصويت وكل قبيلة لها اكثر من شاعر سوف يكسب البرنامج ملايين ويضعف فرصة فوز القبيلة . والمستفيد الشبرمي فقط قبيلة كبيرة منتشرة دعم غير محدود من قطر ومن قبيلة تميم . اعتقد خروج جابر المطيري كان افضل لقبيلةلمطير لتركيز التصويت لشاعر واحد فقط هو هلال المطيري لكن لانه كويتي وأعضاء اللجنة اثنان منهم من الكويت تم تاهلة .
المنافسة محصورة بنظري المتواضع جدا بين ( الشبرمي - ناصر الفراعنه - خالد العتيبي - هلال المطيري ((خروج جابر المطيري في الجولة القادمة لان اغلب التصويت لتركي الميزاني جاء من الكويت )) صالح ال مانعة المري شاعر ممتاز التصويت سوف يكون من القبيلة - خلف المشعان العنزي ) مشاركة ابن فطيس غير موكدة للدفاع عن البيرق في الجولة النهائية

ملاحظة على اللجنة أمس :
يمتدح بعض اعضاء اللجنة الشعراء الذين افتخروا بقبائلهم وذكروها وقالوا تستاهل هذه قبيلتك ومن حقك ان تفتخر بها ، وصالح ال مانعة قالوا كلنا اخوان وهذه منافسة شعر ونرجوا منك عدم اقحام القبيلة وليتك لم تذكر الابيات التي تفتخر بها بالقبيلة . كالعادة تناقض .

عبدالرحمن الشمري ربما يكون في اللجنة العام القادم .
(تميم - الظفير - عنزة - سبيع - بني خالد ) قبائل شاعر المليون الجديدة حماس قوي في التصويت هذه المرة

[Man من العتبان]

ياربع انتم وش فيكم اندري البرنامج تلاعب وضحك على الذقون بس وش نسوي ربعنا موجودين يعني بنصووت

[عتيبـــــ ولد ــــــــة]

أما اللجنة ما عندك إلا الدكتور ..

والباقي الله يخلف ..

أولهم المطاري وخويه تميمية في دمي ..!!!

أما بدر صفوق قلبه طيب وما أظن إنه يظلم ..

بالعربي امدح ابن راشد وتميم وسو حركات نذالة تكسب ود اللجنة وبالتالي تكسب البيرق ..

واحد يقول : "ماهي عنصرية غبلية مع إن التميمية في قلبي "

يعني تراني تميمي ..

ياخي الشبرمي مع احترامي له ولقصيدته وش الفايدة منها غير مدح الأمير ومدح قبيلته تميم وتميم ..

عاد دور تميم أنت ..

إلا على طاري تميم يعلمني الوالد الله يمده بالصحة والعافية وطولة العمر وجميع المسلمين :

" كنت عند جزار أبالي لحم .. ( وظنتي إنه قالي الجزار هذا في البطحة أو منفوحة ) المهم يقول واضح إن أصله ماهو سعودي نشدته أنت وش أنت ..؟

قال ............................. تميمي ..!!!!!!!!!!!!!!!!!!!!!!!!!!!!!

[عبدالعزيز البرقاوي]

ياعتيبة حنا لخالـــــــــــــــــــــــــــــــــــــــــد

[محب الهيلا]

حنا للعتبان جميعاً

[سلطان الفرنتي]

يا الربع والله مدري وش اقول لكن ما أقول غير لله دركم ودر أبائكم
بس بغيت أسألكم ليش العالم كلها حاقدين على العتبان ويتصيدون لهم في الماء العكر .
والله أن في خاطري كلام واجد بس أأأأأأأأأأأأهــــ يا الربع .
يا الربع جدي وجدانكم كان ألهم صولات وجولات في الميدان وغير الميدان وكلن يذكرهم بالخير.
بس في الأونه الأخيرة الناس كلها حاقده علينا أبغالي جواب شافي وكافي .
هالحين حنا وش سوينالهم يوم يدورون علينا شيء .
الأفكار تحوم في راسي والظنون كل ما لها تزيد .
وأسمحولي على القصور .
بس والله مدري نصوت ولا نقاطه البنامج:-

[محب الهيلا]

والله ماصار الحقد الا بعد البرنامج المنحوس اللي سوى حزازات بين

القبايل

ولا منذ زمن القبايل مع بعضهم خاصة بعد توحيد المملكة واستقرار الأمن

صار بينهم نسب وعلوم رجال

اما الان بدأت الأحقاد وايضاً النت له اكبر الأثر في الحقد

[محمد البام]

الله يوفق الجميع


وانا اللي أشوفه إن جابر يستاهل والله كلمة حق


وأنا مـع عبدالله وشعار عتيبه كلهم

إلى نهاية البرنامح


والليل الليل ياعتيبه

[محب الهيلا]

هذا اللي نقوله خلوكم مع عيال عمكم حتى النهايه

[صقارنجد]

والله البرنامج مهزلة الشعر
اجل خالد العتيبي يجلس اسبوع للتصويت
والبارح السميري يجلس اسبوع للتصويت
وهماافضل الشعراء
والله ان افضل حل بعد هذا الضلم لشعار عتيبة الهيلأ
هو الأنسحاب من البرنامج وتكون فضيحه للبرنامج
وشهره لهم افضل من ان يكملو البرنامج والرزق على الله
وهم اثبتو للجميع في قصائدهم
انهم افضل المشاركين
!!!!!!!!!!!!!!!!!!!!!!!!!!!!!!!!!!!!!!!!!

[محب الهيلا]

قلنا هذا الكلام

انسحبوا

مايسمعون والله لو ينسحبون ان البرنامج ليفلس

[يكفي اخر اسمي]

هههههههههههههههههههههههههههههههه

يامحب الهيلا

الله يكثر من أمثالك والحميا اللي فيك لابناء القبيلة

بس لاتصوت ولاتخاف على السميري باذن الله متأهل
انت لايكون للحين على بالك انهم يناظرون للتصويت

وربي واحد من اهل تبوك يحلف لي وهو بلوي ويقول ان التصويت كان ناقص عن البلوي بقيمة 15000 ريال
وانه تبرع فيها واحد بلوي ودفعها للبرنامج كاش وطلعوه متأهل
يعني تبي تصوت ويبي يشاورون قبل النتيجة فيه احد يدفع كاش ولا لا

ههههههههههههههههههههههههههههههههه

وخالد محمد جتهم مكالمه من الشيخ وقال هذا يتأهل وبس
يعني اللي صوتوا ما ابي اجرح فيهم واقول مالهم دخل بتأهل خالد ولكن هذا اللي وصل عنه

[محب الهيلا]

والله اذا ماجاهم تصويت تصير شغلة عناد ومايأهلونهم