عبدالرحمن الهيلوم
21-Jan-2008, 10:09 PM
راكــان بن حثليــــن مع صــــورة ومجمــــوعة قصــــائد
بسم الله الرحمن الرحيم:
http://www.t7mel.com/Files/b45ceee241.jpg
سلالة الأمير راكان بن فلاح بن مانع بن حثلين
v
v
v
الأمير فلاح بن راكان
v
v
v
الشيخ سلطان بن فلاح:
1-الشيخ فلاح بن سلطان بن فلاح بن راكان :
اولاده:
-راكان
- سلطان
- فهد
2 - الشيخ سلمان بن سلطان بن فلاح بن راكان :
أ- الشيخ سلطان بن سلمان أمير قبيلة العجمان في دولة الكويت
اولاده ( خالد - فلاح - فيصل - محمد - راكان - نايف - سعود )
ب- الشيخ راكان بن سلمان:
اولاده ( خالد - فلاح - فيصل - فهد )
3- الشيخ فيصل بن سلطان بن فلاح بن راكان :
اولاده : ( فلاح )
(قصيــــــــدة كنــــــــزان)
هذه القصيده للشاعر : سالم بن جخير العرجاني
مهداه للشيخ راكان بن خالد بن حثلين
أمير محافظة مليجه بوادي العجمان بالمنطقة الشرقيه
لاغنيت ياأبن جخير يامروّض القيفان
تحزّم بربعك وأرفع الصوت بالعاني
تحن الرعود ويلتعج بارق الهتّان
وتمطر مزون الشعر وتفيض قيفاني
أعرف القصايد قاف معنى بحر وأوزان
وإيلا جبتها من بدع راسي ووجداني
أغني وأنا شفقان واكتب وأنا شفقان
وراسي لصلفات الطواريق يحداني
إيلا جيت أبركد وتعوّذ من الشيطان
تعزوا بي الجن المسمى وناداني
أسمي وأرتل ماتيسر من القرآن
وبلاي أن معي جنون وتزود بجناني
سلامي على العجمان في وادي العجمان
سلامٍ ينومس كل عجمي وعرجاني
هل الوقفه اللي في العيينه وفي كنزان
يسولف بها القاصي ويفخر بها الداني
على ذكرهم ركّبت صوتي على الألحان
وإيلا من سمعني طيّب الراس لاحاني
ياراكان بن سحمان وين أنت ياراكان
عليك القصايد تعتزي بي وتنخاني
جذبني نباك وجيت وأنا وسيع بطان
وذكر الرجال أهل المواجيب يشعاني
سلامي عليكم للقريات إلى نجران
سلام الغلا من صدري لصدرك ألحاني
ياشوق الهنوف أخت الستر عزوة الشجعان
أخيها لحاله ينطح القوم وحداني
علشانها كنك تسفّح بلا جنحان
إيلا صيّحت بإسمك وقالت على شاني
مزاياك واجد يارفيع القدر والشان
إيلا جيت أعدد في مزاياك ماأمداني
زعيم الكرم منصى العرب مُقدم الشيخان
وسيع البنايد مكرم الضيف والعاني
بعيد النظر تاج الفخر مرهب العدوان
صعوط المجنن مزبن الجيش والجاني
يادافع البلا ماكنك إلا خشير الجان
تكرّع بدم أعداك وتقول ماأرواني
علشانك أسرجت القصيده وأنا طربان
عنيت وعنى شعري من أجلك وعنّاني
لو إني أجيد أية لغه غير هذي كان
كتبت ومدحتك بالفرنسي والأسباني
مدحتك لحالك من محبه ومن سفطان
ولا أبغي سوى ترديد ياحي ماجاني
وصية شنب ماقالها فلان بن علان
ترا ذي وصية شايبي يوم وصاني
عساني فدا اللي عزني لين صرت حصان
وعلى العز وعلوم الرجاجيل رباني
ترا حن حزام العز لاشانت الأزمان
لاقلنا ترا حنا لها والعمر فاني
وقفنا نهار الكون في الصُلب والصمان
على الموت نارد مثل ماتارد الساني
نبجّ النحور ونقطع الروس من الأمتان
وإيلا من غزينا كلنا أعبر من الثاني
لو إنا لحقنا عصر عثمان بن عفان
بطشنا وجبنا العيد في كل نصراني
يوقف شعر راسي على طاري الجدّان
وأحس إن دمي يطّبخ وسط شرياني
تراني طبيعي لامحشش ولاسكران
ولكن صميدع راس ولساني حصاني
إيلا من خاويت أشفق على دلة الرسلان
وإيلا من نهجت أنهج على نهج جدّاني
أمثل قبايل يام إيلا جيت في الميدان
وعساني على القوه وصح الله لساني
أعد الحقايق وأكره الزور والبهتان
وببقى على ماقلته إن الله أحياني
وهذي عوايد صادق القلب والإيمان
وعسى الله يثبتني على قوة إيماني
وإذا مامدحتك وأنت راكان بن سحمان
فلا خير في شعري ولاخير في ألحاني
وإذا كان هتلر شاع ذكره مع الألمان
تراك أنت هتلر غير ماجابك ألماني
(ســــــــــــــــــــلام ياعجمـــــــــــــان)
هذه القصيدة للشاعر : ماضي العظيمان العجمي
سلام ياعجمان ياسلطنة يام
ياعز يانوماس يااعظم قبيله
يامارثة مذكر وياترثة هشام
ياأهل السيوف المرهفات الصقيله
يانوم عيني شوفكم طول الأيام
الذكر طيّب والمواقف جميله
أمجادكم ماهي سواليف وأحلام
يحكيكم التاريخ ماينحكي له
من الصّلب قبله للحساء لين الأوجام
لكاظمه ودروبكم مستحيله
مضاربٍ تشهد لها ماض الأعوام
عدوكم ماداج فيها بخيله
البل غدا للرمح في نحورها إعدام
وكم راس شيخٍ تحت حافر الأصيله
شرسين عسرين وكريمين وحشام
ويامكثر كبودٍ عليكم غليله
كبيركم تركع لهيبته الأصنام
كنه طويق وله مهابه جليله
وأوسطكم لربعه كما درع وحزام
من طيب ذكره يجذبك ريح هيله
وصغيركم في المرجله شق له خام
قلاعته طرفه وقلبه دليله
عجمان والعجمان سبعٍ وضرغام
وفهود وعوال الظفر والكحيله
وباقي القبايل بالفخر تحمل وسام
وأصل الحصان حصان يسمع صهيله
واليوم صرنا بأمن وأرزاق وأنعام
وكلٍ يبي بيت ويبي له حليله
ويبغي وظيفه ويحسب للشهر تام
ويشوف له موتر جديدٍ موديله
الدار محكومه على شرع الإسلام
والرب واحد كلنا ننحني له
وكل القبايل صارت بحكم حكام
وحنا مع الحكام يمنى طويله
محبه وعهدٍ لشيبانا دام
نعم ولا زلنا بأمانه نشيله
وفي زحمة العلم ومتاهات الأقلام
والمخ يغسل بين يومٍ وليله
شفنا ماشفتوا مثل تصوير الأفلام
وأثره حقيقه من عدو وعميله
شنوا علينا حربهم بعض الأزلام
وأهل الكفر شبوا براس الفتيله
وأهل الفتن صالو وجالوا فالاعلام
صرنا نواجه صدق حمله ثقيله
شبابنا غرر به وقيد بخطام
وحطوه عمله يوم نفسه ذليله
وايلا انحرف لو له أخوال وأعمام
إما قطع راسه نقطع رجيله
ياشرذمه عدونا عقبكم قام
ولاكسبتوا غير عار وفشيله
كان الوعد قدام بنروح قدام
ونبيع الأنفس في حياض الفضيله
حنا خلقنا الله على روس الأعلام
بالصف الأول مارضينا بديله
ومن دون حكام البلد خنجرٍ سام
في صدر من يمشي دروب الرذيله
ودون البلد فولاذ مضروب بلحام
اليد وحده والدوافع نبيله
هذه القصيده للشاعر : ضيدان بن منصور بن قضعان العرجاني
مهداه للشيخ ضيدان بن راكان بن حثلين رحمه الله
(أمير قبيلة العجمان في السعوديه حتى وفاته)
سلام الله من ضيدان بن منصور بن قضعان
على ضيدان بن راكان بن ضيدان بن حثلين
سلام الله سلامٍ مايساق إلا على ضيدان
يليق بهيبته وجدوده الأقصين والأدنين
سلامٍ مايساق إلا لبيت امارة العجمان
لبيتٍ ثابتٍ ساسه وسوره مثل سور الصين
سلامٍ عطره الكادي وريح المسك والريحان
تسوقه من هبايب خاطري يمنى وقلب وعين
سلام أحلى من الماء لاتدفّق في ظمى الظميان
وأغر من الخزامى لاأنثنت عقب اليسار يمين
وأرق من النسايم في عتيم الليل للسهران
وألذ من المواصل واللقاء مع هجعة السالين
على ذاك الأمير الشامخ اللي للزعامه بان
سلام الله مابانت نجوم الليل للسارين
سلامٍ ذعذعت به للولاء والشكر والعرفان
ذعاذيع القصيد اللي تذعذع بين حين وحين
وأنا شاعر اليا جات الحقايق وأصخر القيفان
على صفحات أبو الطيّب بروس أقلام طه حسين
وبذكر في قصيدي للفخر ضيدان بن راكان
وبكتب له حروف من ذهب تبقى ليوم الدين
أبو خالد ذرانا لاقسى وجه الزمان وشان
لنا ذخر وذرى فالنايفات وفالقسى واللين
ذرى كل القبيله في ذرى الله ثم ذرى سلمان
ولد عبدالعزيز اللي ذراه يذرّي القاصين
ذرى نجد وذرى الشعب وذرى الدين وذرى ضيدان
عسى عمره طويل أبو فهد ياالسامعين آمين
تحت ظله وسيفه قالها ضيدان بن قضعان
سلام الله على ضيدان بن راكان بن حثلين
هذه القصيده للشاعر : سالم بن جخير العرجاني
مهداه للشيخ سلطان بن سلمان بن حثلين
(أمير قبيلة العجمان في دولة الكويت)
على الله بدينا وأتكلنا خضوع ودين
وكلٍ رفع يمناه وأشر بسبابه
على الله رجانا دايمٍ في العسر واللين
ولاخاب طلابه ولاخاب طلابه
وأنا مؤمن بالله وأخافه ليوم الدين
ومثلي على درب السنع يشعب ركابه
أعرف الحرار ولا عليّ من غراب البين
وراع الوفاء عرفه على راسي عصابه
يقولون علم الغيث للطيبين يبين
كلامٍ موثّق والعرب تحسب حسابه
على راعي الوقفات سلطان بن حثلين
سلامي سلامٍ سلّم المجد يرقابه
سلامٍ سليمٍ مسلمٍ بين قلب وعين
من القلب ينطق به لساني ويبدابه
ترا المدح لأهل المدح مافيه شور اثنين
وإيلا شفت فعل السيف تدري من نصابه
ابيك العريب ابن العريب أعرب الجدين
له النعم غضب وطيب لاعدوا أنسابه
عريبٍ صعيبٍ في المهمات وأحمر عين
إيلا كبرت القاله وكلٍ تعزوا به
إيلا قلت ياسلمان كل العرب دارين
له البيض ترفع في حضوره وفي غيابه
ياغالين لو ماقلت تدرون ياغالين
وتراكم تعرفون الغلا وش هي أسبابه
ياعجمان ياكسّابة النعم ياوافين
لامن شيدوا بيت الكرم فأنتوا أطنابه
لكم هيبةٍ من عصر راكان لهالحين
نماري بها من عصر راكان وأصحابه
على عصر سل السيف والرمح والسكين
ألين أصبحت ذا الحين مدفع ودبابه
أقوله وأنا من لابةٍ في اللقاء صلفين
هل الموقف اللي كل قومٍ تحاكابه
أهل مرحبا بالموت والموت وينه وين
صبيّنا على صوت الزهم يفقد أعصابه
إيلا صيّحوا في هشام ماعندنا بعدين
رجالٍ على ماقيل للروح جلاّبه
نشكّل معاكم في وجيه العداء صفين
ذيابه وإيلا منا فزعنا مع ذيابه
بني عمكم لاعوّد العلم بين وبين
نهد الحرار وكل حرٍ ومخلابه
كلامٍ يعرفه قاصي الناس والأدنين
وشيبانك أدرى به وشيباني أدرى به
بقى حاجةٍ وحده لسلطان بن حثلين
أبقولها له نطق بلسان وكتابه
كتبت المفيد ومابقى لي سوى بيتين
تهقويت في اللي سعد منهو تهقوابه
عريبٍ صعيبٍ وافيٍ جامع الثنتين
شجاعٍ يحب الموت ومشرّعٍ بابه
عليّ الحرام إنك كما السيف أبو حدّين
ورجلٍ سواتك لاحضر يعتبر لابه
بسم الله الرحمن الرحيم:
http://www.t7mel.com/Files/b45ceee241.jpg
سلالة الأمير راكان بن فلاح بن مانع بن حثلين
v
v
v
الأمير فلاح بن راكان
v
v
v
الشيخ سلطان بن فلاح:
1-الشيخ فلاح بن سلطان بن فلاح بن راكان :
اولاده:
-راكان
- سلطان
- فهد
2 - الشيخ سلمان بن سلطان بن فلاح بن راكان :
أ- الشيخ سلطان بن سلمان أمير قبيلة العجمان في دولة الكويت
اولاده ( خالد - فلاح - فيصل - محمد - راكان - نايف - سعود )
ب- الشيخ راكان بن سلمان:
اولاده ( خالد - فلاح - فيصل - فهد )
3- الشيخ فيصل بن سلطان بن فلاح بن راكان :
اولاده : ( فلاح )
(قصيــــــــدة كنــــــــزان)
هذه القصيده للشاعر : سالم بن جخير العرجاني
مهداه للشيخ راكان بن خالد بن حثلين
أمير محافظة مليجه بوادي العجمان بالمنطقة الشرقيه
لاغنيت ياأبن جخير يامروّض القيفان
تحزّم بربعك وأرفع الصوت بالعاني
تحن الرعود ويلتعج بارق الهتّان
وتمطر مزون الشعر وتفيض قيفاني
أعرف القصايد قاف معنى بحر وأوزان
وإيلا جبتها من بدع راسي ووجداني
أغني وأنا شفقان واكتب وأنا شفقان
وراسي لصلفات الطواريق يحداني
إيلا جيت أبركد وتعوّذ من الشيطان
تعزوا بي الجن المسمى وناداني
أسمي وأرتل ماتيسر من القرآن
وبلاي أن معي جنون وتزود بجناني
سلامي على العجمان في وادي العجمان
سلامٍ ينومس كل عجمي وعرجاني
هل الوقفه اللي في العيينه وفي كنزان
يسولف بها القاصي ويفخر بها الداني
على ذكرهم ركّبت صوتي على الألحان
وإيلا من سمعني طيّب الراس لاحاني
ياراكان بن سحمان وين أنت ياراكان
عليك القصايد تعتزي بي وتنخاني
جذبني نباك وجيت وأنا وسيع بطان
وذكر الرجال أهل المواجيب يشعاني
سلامي عليكم للقريات إلى نجران
سلام الغلا من صدري لصدرك ألحاني
ياشوق الهنوف أخت الستر عزوة الشجعان
أخيها لحاله ينطح القوم وحداني
علشانها كنك تسفّح بلا جنحان
إيلا صيّحت بإسمك وقالت على شاني
مزاياك واجد يارفيع القدر والشان
إيلا جيت أعدد في مزاياك ماأمداني
زعيم الكرم منصى العرب مُقدم الشيخان
وسيع البنايد مكرم الضيف والعاني
بعيد النظر تاج الفخر مرهب العدوان
صعوط المجنن مزبن الجيش والجاني
يادافع البلا ماكنك إلا خشير الجان
تكرّع بدم أعداك وتقول ماأرواني
علشانك أسرجت القصيده وأنا طربان
عنيت وعنى شعري من أجلك وعنّاني
لو إني أجيد أية لغه غير هذي كان
كتبت ومدحتك بالفرنسي والأسباني
مدحتك لحالك من محبه ومن سفطان
ولا أبغي سوى ترديد ياحي ماجاني
وصية شنب ماقالها فلان بن علان
ترا ذي وصية شايبي يوم وصاني
عساني فدا اللي عزني لين صرت حصان
وعلى العز وعلوم الرجاجيل رباني
ترا حن حزام العز لاشانت الأزمان
لاقلنا ترا حنا لها والعمر فاني
وقفنا نهار الكون في الصُلب والصمان
على الموت نارد مثل ماتارد الساني
نبجّ النحور ونقطع الروس من الأمتان
وإيلا من غزينا كلنا أعبر من الثاني
لو إنا لحقنا عصر عثمان بن عفان
بطشنا وجبنا العيد في كل نصراني
يوقف شعر راسي على طاري الجدّان
وأحس إن دمي يطّبخ وسط شرياني
تراني طبيعي لامحشش ولاسكران
ولكن صميدع راس ولساني حصاني
إيلا من خاويت أشفق على دلة الرسلان
وإيلا من نهجت أنهج على نهج جدّاني
أمثل قبايل يام إيلا جيت في الميدان
وعساني على القوه وصح الله لساني
أعد الحقايق وأكره الزور والبهتان
وببقى على ماقلته إن الله أحياني
وهذي عوايد صادق القلب والإيمان
وعسى الله يثبتني على قوة إيماني
وإذا مامدحتك وأنت راكان بن سحمان
فلا خير في شعري ولاخير في ألحاني
وإذا كان هتلر شاع ذكره مع الألمان
تراك أنت هتلر غير ماجابك ألماني
(ســــــــــــــــــــلام ياعجمـــــــــــــان)
هذه القصيدة للشاعر : ماضي العظيمان العجمي
سلام ياعجمان ياسلطنة يام
ياعز يانوماس يااعظم قبيله
يامارثة مذكر وياترثة هشام
ياأهل السيوف المرهفات الصقيله
يانوم عيني شوفكم طول الأيام
الذكر طيّب والمواقف جميله
أمجادكم ماهي سواليف وأحلام
يحكيكم التاريخ ماينحكي له
من الصّلب قبله للحساء لين الأوجام
لكاظمه ودروبكم مستحيله
مضاربٍ تشهد لها ماض الأعوام
عدوكم ماداج فيها بخيله
البل غدا للرمح في نحورها إعدام
وكم راس شيخٍ تحت حافر الأصيله
شرسين عسرين وكريمين وحشام
ويامكثر كبودٍ عليكم غليله
كبيركم تركع لهيبته الأصنام
كنه طويق وله مهابه جليله
وأوسطكم لربعه كما درع وحزام
من طيب ذكره يجذبك ريح هيله
وصغيركم في المرجله شق له خام
قلاعته طرفه وقلبه دليله
عجمان والعجمان سبعٍ وضرغام
وفهود وعوال الظفر والكحيله
وباقي القبايل بالفخر تحمل وسام
وأصل الحصان حصان يسمع صهيله
واليوم صرنا بأمن وأرزاق وأنعام
وكلٍ يبي بيت ويبي له حليله
ويبغي وظيفه ويحسب للشهر تام
ويشوف له موتر جديدٍ موديله
الدار محكومه على شرع الإسلام
والرب واحد كلنا ننحني له
وكل القبايل صارت بحكم حكام
وحنا مع الحكام يمنى طويله
محبه وعهدٍ لشيبانا دام
نعم ولا زلنا بأمانه نشيله
وفي زحمة العلم ومتاهات الأقلام
والمخ يغسل بين يومٍ وليله
شفنا ماشفتوا مثل تصوير الأفلام
وأثره حقيقه من عدو وعميله
شنوا علينا حربهم بعض الأزلام
وأهل الكفر شبوا براس الفتيله
وأهل الفتن صالو وجالوا فالاعلام
صرنا نواجه صدق حمله ثقيله
شبابنا غرر به وقيد بخطام
وحطوه عمله يوم نفسه ذليله
وايلا انحرف لو له أخوال وأعمام
إما قطع راسه نقطع رجيله
ياشرذمه عدونا عقبكم قام
ولاكسبتوا غير عار وفشيله
كان الوعد قدام بنروح قدام
ونبيع الأنفس في حياض الفضيله
حنا خلقنا الله على روس الأعلام
بالصف الأول مارضينا بديله
ومن دون حكام البلد خنجرٍ سام
في صدر من يمشي دروب الرذيله
ودون البلد فولاذ مضروب بلحام
اليد وحده والدوافع نبيله
هذه القصيده للشاعر : ضيدان بن منصور بن قضعان العرجاني
مهداه للشيخ ضيدان بن راكان بن حثلين رحمه الله
(أمير قبيلة العجمان في السعوديه حتى وفاته)
سلام الله من ضيدان بن منصور بن قضعان
على ضيدان بن راكان بن ضيدان بن حثلين
سلام الله سلامٍ مايساق إلا على ضيدان
يليق بهيبته وجدوده الأقصين والأدنين
سلامٍ مايساق إلا لبيت امارة العجمان
لبيتٍ ثابتٍ ساسه وسوره مثل سور الصين
سلامٍ عطره الكادي وريح المسك والريحان
تسوقه من هبايب خاطري يمنى وقلب وعين
سلام أحلى من الماء لاتدفّق في ظمى الظميان
وأغر من الخزامى لاأنثنت عقب اليسار يمين
وأرق من النسايم في عتيم الليل للسهران
وألذ من المواصل واللقاء مع هجعة السالين
على ذاك الأمير الشامخ اللي للزعامه بان
سلام الله مابانت نجوم الليل للسارين
سلامٍ ذعذعت به للولاء والشكر والعرفان
ذعاذيع القصيد اللي تذعذع بين حين وحين
وأنا شاعر اليا جات الحقايق وأصخر القيفان
على صفحات أبو الطيّب بروس أقلام طه حسين
وبذكر في قصيدي للفخر ضيدان بن راكان
وبكتب له حروف من ذهب تبقى ليوم الدين
أبو خالد ذرانا لاقسى وجه الزمان وشان
لنا ذخر وذرى فالنايفات وفالقسى واللين
ذرى كل القبيله في ذرى الله ثم ذرى سلمان
ولد عبدالعزيز اللي ذراه يذرّي القاصين
ذرى نجد وذرى الشعب وذرى الدين وذرى ضيدان
عسى عمره طويل أبو فهد ياالسامعين آمين
تحت ظله وسيفه قالها ضيدان بن قضعان
سلام الله على ضيدان بن راكان بن حثلين
هذه القصيده للشاعر : سالم بن جخير العرجاني
مهداه للشيخ سلطان بن سلمان بن حثلين
(أمير قبيلة العجمان في دولة الكويت)
على الله بدينا وأتكلنا خضوع ودين
وكلٍ رفع يمناه وأشر بسبابه
على الله رجانا دايمٍ في العسر واللين
ولاخاب طلابه ولاخاب طلابه
وأنا مؤمن بالله وأخافه ليوم الدين
ومثلي على درب السنع يشعب ركابه
أعرف الحرار ولا عليّ من غراب البين
وراع الوفاء عرفه على راسي عصابه
يقولون علم الغيث للطيبين يبين
كلامٍ موثّق والعرب تحسب حسابه
على راعي الوقفات سلطان بن حثلين
سلامي سلامٍ سلّم المجد يرقابه
سلامٍ سليمٍ مسلمٍ بين قلب وعين
من القلب ينطق به لساني ويبدابه
ترا المدح لأهل المدح مافيه شور اثنين
وإيلا شفت فعل السيف تدري من نصابه
ابيك العريب ابن العريب أعرب الجدين
له النعم غضب وطيب لاعدوا أنسابه
عريبٍ صعيبٍ في المهمات وأحمر عين
إيلا كبرت القاله وكلٍ تعزوا به
إيلا قلت ياسلمان كل العرب دارين
له البيض ترفع في حضوره وفي غيابه
ياغالين لو ماقلت تدرون ياغالين
وتراكم تعرفون الغلا وش هي أسبابه
ياعجمان ياكسّابة النعم ياوافين
لامن شيدوا بيت الكرم فأنتوا أطنابه
لكم هيبةٍ من عصر راكان لهالحين
نماري بها من عصر راكان وأصحابه
على عصر سل السيف والرمح والسكين
ألين أصبحت ذا الحين مدفع ودبابه
أقوله وأنا من لابةٍ في اللقاء صلفين
هل الموقف اللي كل قومٍ تحاكابه
أهل مرحبا بالموت والموت وينه وين
صبيّنا على صوت الزهم يفقد أعصابه
إيلا صيّحوا في هشام ماعندنا بعدين
رجالٍ على ماقيل للروح جلاّبه
نشكّل معاكم في وجيه العداء صفين
ذيابه وإيلا منا فزعنا مع ذيابه
بني عمكم لاعوّد العلم بين وبين
نهد الحرار وكل حرٍ ومخلابه
كلامٍ يعرفه قاصي الناس والأدنين
وشيبانك أدرى به وشيباني أدرى به
بقى حاجةٍ وحده لسلطان بن حثلين
أبقولها له نطق بلسان وكتابه
كتبت المفيد ومابقى لي سوى بيتين
تهقويت في اللي سعد منهو تهقوابه
عريبٍ صعيبٍ وافيٍ جامع الثنتين
شجاعٍ يحب الموت ومشرّعٍ بابه
عليّ الحرام إنك كما السيف أبو حدّين
ورجلٍ سواتك لاحضر يعتبر لابه