محاورة طلال الثعلي وبن جدعان ... بدون ردود ... للقراء’

[وصل العطياني؟؟؟]

سوف تقام المحاورة يوم الثلاثاء 11 _8 _|1424هــ


الساعة التاسعة مساءاً بتوقيت مدركة!!! (( جرينتش _ 3 ))

وسوف تكونون على موعد مع شعراءنا الكرام


الشاعر: بن جدعان

الشاعر : طلال الثعلي

نرجوا الحضور

ونتمنى التوفيق للجميع


.................................................. .........................................





كما أعتذر للإخوة الذين راسلتهم ولم يردني منهم خبر نظراً لضيق الوقت

ولكسب أكبر عدد ممكن من الجمهور


.................................................. .....................................

[ابن جدعــان]

سلام ياهل الطيب واهل المواجيب=واهل الكرم واهل العلوم الجميله

من شاف لي ترثة سلايل هلا الطيب= طلال بن ثعلي ونعم القبيله

[طلال الثعلي]

عداد ماتبديلك الشمس وتغيب=حييت ياللي فالقسا ينعنيله
ابشر ترانا في علو المراقيب=وراع الطويله مايكب الطويله

[ابن جدعــان]

اسعد خبر يا فتلين الأشانيب=لصار بدع القاف يالقاء مثيله

لكن انا بنشدك قصة تراحيب=الليله الها فالليالي بديله

[طلال الثعلي]

لن طالت الشدة تجيك المناديب=حنا ترانا نعمل المستحيلة
هذا زمن يطمع على النمر والذيب=اليوم حتى الثعلب يرز ذيله

[ابن جدعــان]

تقرب من الواقع وتقرب من الريب=الشجره اللي في وطنها ظليله

وانته كفو وتحل عقد الاصاعيب=مير اليثب حذرا ينوش الفتيله

[طلال الثعلي]

ياصاحبي تراك ما تعلم الغيب=البرق لاح وجاك سيل المخيلة

أنته فتى وإلا غزا رأسك الشيب=ليا غزاك الشيب ما فيك حيلة

[ابن جدعــان]

تبي تعدي فوق روس المراقيب=لكن ما فيديك معها وسيله

وانا ولد من يتقن الرمي ويصيب=لا من رمي الضد جا فيه ميله

[طلال الثعلي]

حنا شربنا من زلال المشاريب=وانا العميل اللي يسري عميله
يالربع وش بشعيل زين الهناديب=يبرك لحملا مير عيا يشيله

[ابن جدعــان]

انته كفو ، لكن ضرب المشاعيب=غير السيوف اللي حدادن صقيله

وان كبرت القاله زهمناك وتجيب=جيدك وجيد اللي ينمي حصيله

[طلال الثعلي]

سيفك ياولد العم تقليد تركيب=خله عصا شاوي يرقع شليله
حنا القضاه اللي نسد المطاليب=وكاد ماهو بالف ليله وليله

[ابن جدعــان]

يومن راس القوم ذاق اللواهيب=قل من زبن فالداخله والدخيله

وان كان جاء فالوقت ربكه وترتيب=با قول ذا وقتك وقل يا حليله

[طلال الثعلي]

والله مافكك لين اودبك توديب=حتى تجنب عن خطام الاصيله
يومن شمر جت بحرش العراقيب=جاك الحصان اللي ينشمي صهيله